कोशी प्रदेश
सुन्दरहरैंचा, बेलबारी र केराबारीका सामुदायिक वन पुरस्कृत
विराटचोकः मोरङका ३ ओटा सामुदायिक वनलाई डिभिजन वन कार्यालय मोरङले पुरस्कृत गरेको छ । कार्यालयका अनुसार आर्थिक वर्ष २०७६÷०७७ मा जिल्लाभरिका सामुदायिक वनको व्यवस्थापन, नयाँ बिरुवाको पुनःउत्पादन संरक्षण र वृद्धिको व्यवस्थापन, वन पैदावारको उपयोग र वितरण, कोषको सदुपयोग, निर्णय प्रक्रियामा पारदर्शिता र समूहको सुशासनको मापनको आधारमा ती वन पुरस्कृत भएका हुन् ।
डिभिजन वन कार्यालयमा कार्यक्रम आयोजना गरी बेलबारीको रमिते सामुदायिक वनलाई प्रथम, केराबारी गाउँपालिका स्थित हिमचुली सामुदायिक वनलाई दोस्रो र सुन्दरहरैचा नगरपालिकास्थित जनजागरण सामुदायिक वनलाई तेस्रो पुरस्कार दिइएको हो । पहिलो, दोस्रो र तेस्रो हुने समूहलाई.१० हजार, ८ हजार र ६ हजार नगद र प्रमाणपत्र प्रदान गरिएको हो । जिल्लाका १ सय ३४ सामुदायिक वनहरुमध्ये तोकिएको मापदण्डहरुका आधारमा पहिले पुरस्कृत नभएका वन समूहहरु मध्येबाट यी समूहहरुलाइ उत्कृष्ट तीनको रुपमा छनोट गरिएको थियो ।
ती समूहहरुले वन ऐन, नियम र कार्ययोजनाबमोजिम नै वन व्यवस्थापन गरिरहेको यो पुरस्कार र सम्मानले अन्य समूहहरुलाई पनि अब्बल रूपमा कार्य गर्न हौसला प्राप्त होस भन्ने उद्देश्यले प्रत्येक वर्ष पुरस्कृत गरिँदै आएको डिभिजन वन कार्यालयका सूचना अधिकारी रामलखन ठाकुरले बताए ।
सो कार्यक्रममा प्रदेश नम्बर १ का उद्योग, पर्यटन वन तथा वातावरण मन्त्रालयका सचिवको प्रमुख आतिथ्यता रहेको थियो ।
Facebook Comment
Banner
एमाले अध्यक्ष ओलीमाथि धनकुटाको लेगुवामा मुक्का प्रहारको प्रयास
धनकुटाः मध्यपहाडी लोकमार्गमार्फत् महाकालीदेखि मेचीको यात्रामा निस्किएको एमालेको सङ्कल्प यात्राको टोलीमाथि धनकुटाको लेगुवामा मुक्का प्रहारको प्रयास भएको छ ।
सङ्कल्प यात्रा टोली भोजपुरबाट धनकुटा प्रवेश गर्ने क्रममा महालक्ष्मी ५ लेगुवामा ओलीलाई स्वागत गर्ने क्रममा लाइनमा बसेका व्यक्तिको बीचबाट प्रवेश गरेर ओलीमाथि मुक्का प्रहारको प्रयास भएको थियो । मुक्का हान्न प्रयास गर्ने लेगुवाका महेश राईलाई प्रहरीले नियन्त्रणमा लिएको छ ।
उनले मादक पदार्थ सेवन गरेको प्रहरीले जनाएको छ ।
Banner
जन्मदिनको अवसर पारेर निवर्तमान मेयर ढकालकी छोरीले आश्रममा बाँडिन् न्यानो कपडा
विराटचोकः सुन्दरहरैंचा नगरपालिकाका निवर्तमान नगरप्रमुख शिवप्रसाद ढकालकी छोरी सायनाले आफ्नो जन्मदिनमा न्यानो कपडा वितरण गरेकी छिन् ।
सायनाको १३ औ जन्मदिनको अवसर पारेर सुन्दरहरैंचा – ९ मा रहेको श्रीकृष्ण प्रणामी मन्दिरमा आश्रित बालबालिकाहरुलाई न्यानो कपडा वितरण गरिएको हो । पाथीभरा स्वतन्त्र महिला समाजको ब्यानरमा आयोजित कार्यक्रममा उनले न्यानो कपडा वितरण गरेको समाजकी अध्यक्ष सुनिता पोखरेलले बताइन् ।
कार्यक्रममा पाथीभरा स्वतन्त्र महिला समाजकी पूर्व अध्यक्ष, निवर्तमान अध्यक्ष लगायतका पदाधिकारीहरु उपस्थित थिए ।
Banner
बुद्धोदय साकाेसको अध्यक्ष र लेखा संयोजकमा पुनः क्रमशः खनाल र निधी
विराटनगरः विराटनगर –३ बुद्धचोकमा रहेको बुद्धोदय बचत तथा ऋण सहकारी संस्थाको नयाँ कार्यसमिति सर्वसम्मत चयन भएको छ । संस्थाको सञ्चालक समिति अध्यक्षमा पुनः राजेन्द्रप्रसाद खनाललाई चयन गरेको हो । खनालको अध्यक्षतामा ९ सदस्यीय नयाँ कार्यसमिति र पुनः अविनाशकुमार निधिको संयोजकत्वमा तीन सदस्यीय लेखा समिति समेत सर्वसम्मत चयन भएको हो ।
कार्यसमितिको उपाध्यक्षमा प्रेमबहादुर खड्का , सचिवमा सन्तोष वराल, कोषाध्यक्षमा यज्ञप्रसाद खतिवडा चयन भएको निर्वाचन समितिले जनाएको छ । त्यसैगरी समितिको सदस्यहरुमा उद्धव घिमिरे, भोजराज निरौला, दिपेश चौधरी, यादवप्रसाद पोखरेल र सीतादेवी खड्का सर्वसम्मत चयन भएका निर्वाचन समितिका संयोजक गोविन्दप्रसाद दाहालले जानकारी दिए ।
लेखा समितिको सदस्यमा टीकाप्रसाद कोइराला र झनकुमारी निरौला चयन भएका छन् ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login