फाइल तस्बिर 

काठमाडौंः हालै सम्पन्न १३ औं दक्षिण एशियाली खेलकुद (साग) मा पदक जित्ने खेलाडीलाई आज काठमाडौं उपत्यकाका ३ ओटा जिल्लाका विभिन्न नगरको परिक्रमा गराइने भएको छ ।

बिहान ११ बजे राष्ट्रिय खेलकुद परिषद्मा जम्मा भई त्यहीँबाट नगर परिक्रमा शुरु गरिने राष्ट्रिय खेलकुद परिषदले जनाएको छ । काठमाडौंको त्रिपुरेश्वरबाट नगर परिक्रमा र्याली शुरु भई न्यु रोड, इन्द्रचोक, मखन, भोटाहिटी, रत्नपार्क, भृकुटीमण्डप, भद्रकाली, सिंहदरबार, थापाथली हुँदै ललितपुर जिल्ला प्रवेश गर्ने छ ।

ललितपुरको पुल्चोक, जावलाखेल, लगनखेल, सातदोबाटो हुँदै काठमाडौंको कोटेश्वर, जडिबुटी हुँदै र्याली भक्तपुर प्रवेश गर्नेछ । भक्तपुरको नयाँ ठिमी, राधे राधे, सल्लाघारी, सूर्यविनायक चोकको परिक्रमा गर्दै पुनः सोही रुटबाट कोटेश्वर आउने छ । कोटेश्वरबाट तीनकुने, नयाँ बानेश्वर, थापाथली हुँदै राष्ट्रिय खेलकुद परिषद्मा आएर खेलाडीको नगर परिक्रमा कार्यक्रम समापन हुने भएको छ ।