खेलकुद
इटहरी गोल्डकपमा सहभागी हुने सुन्दरहरैंचाका खेलाडीलाई शुभकामनासहित बिदाइ
विराटचोकः शनिबार शुरु हुने १२ औँ अन्तर्राष्ट्रिय आमन्त्रण इटहरी गोल्डकपमा सहभागी मोरङ एघारलाई प्रतिनिधित्व गर्ने सगरमाथा युथ क्लब सुन्दरहरैंचाका खेलाडीलाई शुभकामनासहित बिदाइ गरिएको छ ।
शुक्रबार सुन्दरहरैंचा नगरपालिकाको सभाहलमा विभिन्न संघ संस्थाको प्रतिनिधिमूलक सहभागितामा खेलाडीलाई बिदाइ गरिएको हो । क्लबका प्रशिक्षक युवेन्द्र गुरुङले क्लबलाई चलाउन खेलैपिच्छे आर्थिक सहयोग मागेर जान नसक्ने बताए । उनले भने, ‘खेलाडी उत्पादन गरेर राष्ट्रिय अन्तराष्ट्रिय क्षेत्रमा सुन्दरहरैंचालाई चिनाउने माध्यम सगरमाथा युथ क्लब भएकाले यसको विकासका लागि सबै लाग्नुपर्छ ।’
अहिले राष्ट्रिय टिममा थ्री स्टार क्लबका क्याप्टेन सगरमाथा क्लबकै उत्पादन अशोक खवास रहेका छन् । यस्तै, ए डिभिजन खेल्ने पूर्ण चेम्जोङ, भुवन बस्नेत लगायतका धेरै खेलाडी उत्पादन गरेको कोच गुरुङले बताए । इटहरीमा हुने खेलको लागि ३ जना अफ्रिकन, १ जना भारतीय खेलाडीको सहभागिता रहने क्लबले जनाएको छ ।
कार्यक्रममा बोल्ने अधिकांश वक्ताहरुले नगर खेलकुद समिति गठन गरेर खेल क्षेत्रमा आउने समस्याको निराकरण र खेलकुदको विकासमा जोड्नुपर्ने धारणा राखेका थिए ।
कार्यक्रममा बोल्दै नगरप्रमुख शिवप्रसाद ढकालले खेलकुदको विकास सँगै खेलको हल तथा मैदान व्यवस्थापनमा नगरपालिका लागिरहेको बताए । जुनसुकै खेल खेल्दा पनि आवश्यक सहयोग नगरपालिकाले गरिरहेको उनको भनाइ थियो । खेलमा विजेयी हुने खेलाडीलाई थप रकम समेतको व्यवस्था गर्दै आएको मेयर ढकालले बताए ।
खेल क्षेत्रलाई व्यवस्थित गर्ने गरी खेलकुद विकास समिति बनाउनुपर्नेमा बनाउन नसकिएको उनले स्वीकारे । दलीय प्रणालीमा सबै दलबीच सहमति भएपछि मात्रै यस्ता समिति बनाउनुपर्ने भएको र सहमति नजुटेकाले समिति बन्न नसकेको उनले औँल्याए । दलीय सहमति भएर आए एक घण्टाभित्रै नगर विकास समति बन्ने उनको भनाइ थियो । विदेशी खेलमा सहभागी खेलाडीलाई २५ हजार रुपैयाँ नगरपालिकाले सहयोग गर्दै आएको समेत उनले स्मरण गरे । फुटबल, भलिबल, नेट जालीलगायतका आवश्यक खेल सामग्री खरिद गरी नगरपालिकाले सहयोग गर्दै आएको उनको भनाइ थियो । मेयर ढकालले इटहरी गोल्डकपमा सहभागी खेलाडीलाई शुभकामना व्यक्त गरेका थिए ।
सुन्दरहरैंचा उद्योग वाणिज्य संघका पूर्व अध्यक्ष नवराज चापागाईले संस्थालाई संस्थागत बनाएर लानुपर्ने बताए । स्थानीय सरकारले विकास के हो त्यो नबुझेकाले खेल क्षेत्रमा समस्या आएको बताए । खेलकुद विकास समिति बनाएर सबै युवालाई एकसाथ खेलमा सहभागी गराएर अनुशासित र सामाजिक व्यक्ति निर्माण गर्नुपर्ने उनको भनाइ थियो ।
यसैगरी, इन्द्रपुर साना शहरी खानेपानी आयोजनाका अध्यक्ष केदारप्रसाद गुरागाईँले पाँच वर्ष बितिसक्दा पनि खेलकुद विकास समिति नबनाएकाले तुलनात्मक रुपमा खेल क्षेत्रको विकास नभएको बताए । क्लब भनेको समाजको सम्पत्ति भएकाले यसलाई बचाएर लानुपर्ने धारणा उनले राखेका थिए । यसका लागि अक्षयकोष स्थापना गरेर ब्याजबाट क्लबलाई चलाउन सकिने समेत उनले सुझाए ।
यसैगरी, नेपाली कांग्रेस मोरङ जिल्ला सचिव ललितबहादुर श्रेष्ठले खेलकुद क्षेत्रको विकास गर्नुपर्ने बताए । नगरमा खेलप्रेमीबीच समझदारी र सहमति नभएकाले समिति बनाउन नसकिएको समेत बताए । उनले खेलक्ष् ोत्रमा लाग्नेलाई सहयोग गर्नुपर्ने बताए ।
नेपाली कांग्रेस नगर सभापति भक्तिप्रसाद सिटौलाले खेलाडीले अनुशासित भएर खेलेर विजयी हासिल गर्दै यस क्षेत्रको नाम राख्नुपर्ने बताए ।
कार्यक्रममा समाजसेवी सुरेन्द्रबहादुर थापा, सुन्दरहरैंचा उद्योग वाणिज्य संघका महासचिव नारायण कार्की, सगमाथा युथ क्लवका संस्थापक अध्यक्ष प्रकाश श्रेष्ठ लगायतले आफ्नो धारणा राखेका थिए । कार्यक्रमको सञ्चालन खेलप्रेमी समीर बस्नेतले गरेका थिए ।
Facebook Comment
पोखरा महानगरका पूर्व मेयर कृष्ण थापाको ६५ वर्षको उमेरमा बिहीबार निधन भएको छ। उनको हृदयघातका कारण निधन भएको एमाले कास्कीका अध्यक्ष बैनबहादुर अधिकारीले जानकारी दिए। प्रतिनिधिसभा निर्वाचनको कास्की क्षेत्र नम्बर १ को समीक्षा बैठक सकिएपछि कुर्सीमा बस्दाबस्दै थापालाई हृदयाघात भएको हो। हृदयाघात भएको केही मिनेटमै पोखराकै मणिपाल शिक्षण अस्पताल लगिए पनि चिकित्सकले उनलाई मृत घोषणा गरेका थिए। उनी नेकपा एमालेका कास्की इन्चार्ज तथा केन्द्रीय सदस्य थिए। २०५४ सालमा भएको स्थानीय निर्वाचनमा पोखराको मेयर निर्वाचित थापा २०७४ सालमा गण्डकी प्रदेश सभा सदस्य निर्वाचित भएका थिए भने २०७८ को निर्वाचनमा पनि उनी पोखरा महानगरको मेयरका उम्मेदवार थिए। यसपटक प्रतिनिधि सभा निर्वाचनमा कास्की २ बाट थापाले टिकट पाए पनि टिकट खोसेर अर्का केन्द्रीय सदस्य रश्मी आचार्यलाई दिएपछि उनी पार्टी नेतृत्वसँग रूष्ट थिए।
साताको अन्तिम कारोबार दिन नेप्से परिसूचक बढेर बन्द भएको छ। अघिल्ला दुई कारोबार दिन घटेर बन्द भएको नेप्से, यस दिन भने बढेर बन्द भएको हो।
बिहीबार नेप्से परिसूचक २३.८७ अंक बढेर २८२०.४४ विन्दुमा पुगेको छ। त्यस्तै, यस दिन सेन्सेटिभ इण्डेक्स ५.०१ अंक बढेको छ भने फ्लोट इण्डेक्स १.९२ अंक र सेन्सेटिभ फ्लोट इण्डेक्स १.७२ अंक बढेको छ।
यस दिन दुई स्टकको शेयर सकारात्मक सर्किट लेभलमा कारोबार भएको छ। यस दिन सालपा विकास बैंक र रिलायन्स स्पिनिङ्ग मिल्सको शेयर सकारात्मक सर्किट लेभलमा कारोबार भएको हो। त्यस्तै, यस दिन नेशनल हाइड्रोपावर कम्पनी र होटल फरेष्ट इनको शेयरमूल्य करिब १० प्रतिशत बढेको छ भने दरमखोला हाइड्रो इनर्जीको शेयरमूल्य करिब साढे ९ प्रतिशत बढेको छ। यस दिन घटेका स्टकहरुको मूल्य गिरावटदर ४ प्रतिशतभन्दा कम रहेको छ।
कारोबार रकमका आधारमा यस दिन नेशनल हाइड्रोपावर कम्पनी शीर्ष स्थानमा रहेको छ। सो कम्पनीको यस दिन ६७ करोड ७९ लाख रुपैयाँबराबरको शेयर कारोबार भएको छ। त्यस्तै, यस दिन हाइड्रोइलेक्ट्रिसिटी इन्भेटष्मेन्ट एण्ड डेभलपमेन्ट कम्पनीको करिब ५७ करोड रुपैयाँको शेयर किनबेच भएको छ भने कुमारी बैंकको कारोबार रकम साढे ४४ करोड रुपैयाँ नाघेको छ।
१३ उपसमूहमध्ये यस दिन १० उपसमूहको परिसूचक बढेको छ भने ३ उपसमूहको परिसूचक घटेको छ। यस दिन बैंकिङ्ग उपसमूहको परिसूचक सर्वाधिक २.०२ प्रतिशत बढेको छ। त्यस्तै, यस दिन विकास बैंक, वित्त, जलविद्युत र लगानी उपसमूहको परिसूचक बढेको छ। यस दिन होटल तथा पर्यटन, निर्जीवन बीमा र अन्य उपसमूहको परिसूचक सामान्य घटेको हो।
निर्वाचन आयोगले धनुषा-१ मा नेकपाका मातृका यादवलाई विजयी भएको घोषणा गरेको छ ।
रउम्मेदवारी खारेज भएका रास्वपाका उम्मेदवार किशोरी साह कमलको पक्षमा अत्यधिक मत आएपछि विवाद भएको उक्त क्षेत्रमा आयोगले दोस्रो स्थानमा रहेका यादवलाई निर्वाचित भएको घोषणा गरेको हो ।यसअघि निर्वाचन अधिकृतको कार्यालयले यादवलाई निर्वाचित भएको प्रमाणपत्र प्रदान गरिसकेको छ । सुरुमा भने उनलाई प्रमाणपत्र उपलब्ध गराइएको थिएन । निर्वाचित भएको घोषणा नगरेपछि नेकपाले विरोध जनाएको थियो । निर्वाचन आयोगले उम्मेदवारी खारेज भइसकेकोले किशोरी साहको मत नै वेबसाइटमा अद्यावधिक गरेको छैन । उनको मत अद्यावधिक नभएपछि यादव नै पहिलो स्थानमा आएकोले उनलाई घोषणा गरेको हो । कालो सूचीमा रहेको भेटिएपछि निर्वाचन आयोगले रास्वपाका साहको उम्मेदवार खारेज गरेको थियो । तर, उनी लगत्तै अदालत गएका थिए । उनीबारे अदालतले शुक्रबार निर्णय गर्दैछ ।
यससँगै आयोगले १६५ क्षेत्रकै मतपरिणामसहित विजेता घोषणा गरिसकेको छ । समानुपातिकको मतपरिणाम पनि गणना सकिएको छ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login