स्थानीय तह
यस्तो छ मोरङका स्थानीय तहमा उम्मेद्वार सङ्ख्या
विराटनगरः प्रदेश निर्वाचन कार्यालयले मोरङका अनुसार जिल्लाको प्रारम्भिक उम्मेद्वारी विवरण प्राप्त भएको छ । विराटनगरमा सबैभन्दा धेरै ७२४ जनाले उम्मेद्वारी दिएका छन् । विराटनगरमा १६ जनाले प्रमुख र १७ जनाले उपप्रमुख पदमा उम्मेदवारी दर्ता गराएका छन् । वडाध्यक्षमा १ सय ७२ जना, महिला वडा सदस्यमा १ सय ४३ जना, खुला सदस्यमा २ सय ९१ जना र दलित महिला सदस्यमा १ सय १५ जनाले उम्मेदवारी दर्ता गराएका छन् ।
सुन्दरहरैँचा नगरपालिकामा ३ सय १२ जनाले उम्मेद्वारी दिएका छन् । जसमा ११ मेयर, ८ उपमेयर र ७१ जना वडाध्यक्षको उम्मेदवारी दर्ता भएको छ । उर्लाबारी नगरपालिकामा २ सय ९३ जनाले उम्मेद्वारी दिँदा ९ मेयर, ९ उपमेयर र ६६ जनाले वडा अध्यक्षमा उम्मेद्वारी दिएका छन् ।
कटहरी गाउँपालिकामा २१३ जनाको उम्मेदवारी परेको छ । जसमा ९ अध्यक्ष, ६ उपाध्यक्ष, ४४ वडा अध्यक्ष छन् । कानेपोखरी गाउँपालिकामा १ सय ८९ जनाको उम्मेदवारी दर्ता भएको छ । जसमा ७ जना अध्यक्ष, ६ जना उपाध्यक्ष र ४७ जना वडा अध्यक्ष रहेका छन् । केराबारी गाउँपालिकामा १ सय ९० जनाको उम्मेदवारी दर्ता हुँदा ७ अध्यक्ष, ५ उपाध्यक्ष र ४० वडा अध्यक्षका उम्मेदवार छन् ।
उता, ग्रामथान गाउँपालिकामा १ सय ९५ जनाको उम्मेदवारी दर्ता हुँदा ७ अध्यक्ष ५ उपाध्यक्ष र ४२ वडा अध्यक्षका उम्मेदवार छन् । जहदा गाउँपालिकामा २ सय ५६ जनाको उम्मेदवारी दर्ता हुँदा अध्यक्षमा ७, उपाध्यक्षमा ९ र वडाध्यक्षमा ५९ जना छन् । धनपालथान गाउँपालिकामा १ सय ८२ जना उम्मेदवारमध्ये ८ अध्यक्ष, ७ उपाध्यक्ष र ३६ वडा अध्यक्ष रहेका छन् ।
पथरीशनिश्चरे नगरपालिकामा २ सय ८० जनाको उम्मेदवारी दर्ता भएको छ । मेयरमा ८, उपमेयरमा ७ र वडा अध्यक्षमा ५९ जना छन् बुढीगंगा गाउँपालिकामा २ सय ६ जनाको उम्मेदवारी पर्दा १० जना अध्यक्ष, ७ जना उपाध्यक्ष र ४९ जना वडा अध्यक्षका उम्मेदवार रहेका छन् ।
बेलबारी नगरपालिकामा २ सय ९० जनाको उम्मेदवारी दर्ता हुँदा ११ जना मेयर, ९ उपमेयर र ६५ जना वडाध्यक्ष छन् । मिक्लाजुङमा २ सय ४७ जना उम्मेदवारले मनोनयन दर्ता गराउँदा अध्यक्षमा ८, उपाध्यक्षमा ७ र वडाध्यक्षमा ५९ जनाले उम्मेद्वारी दर्ता गराएका छन् । रंगेली नगरपालिकाको मेयरमा ९, उपमेयरमा १० र वडाध्यक्षमा ५६ जना सहित २ सय ४९ जनाको उम्मेदवारी परेको छ ।
जिल्ला निर्वाचन कार्यालयका अनुसार रतुवामाई नगरपालिकामा ५ मेयर, ५ उपमेयर र ५८ जना वडाध्यक्षसहित २ सय ४९ जनाको उम्मेदवारी दर्ता भएको छ । लेटाङ नगरपालिकामा १ सय ६१ जनाको मनोनयन दर्ता हुँदा मेयरमा ९, उपमेयरमा ५ र वडा अध्यक्षमा ४० जना छन् । सुनवर्षी नगरपालिकामा १० मेयर, ९ उपमेयर र ६४ वडाध्यक्ष सहित २ सय ७६ जनाले उम्मेद्वारी दिएका छन् ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login