प्रदेश सभा निर्वाचन २०७९
प्रदेश १ का मन्त्री तथा मोरङ ३ मा नेपाली कांग्रेसबाट प्रदेश सभा उम्मेद्वार शेखरचन्द्र थापाको निधन
विराटनगरः प्रदेश नम्बर १ का वन, वातावरण तथा भूसंरक्षणमन्त्री शेखरचन्द्र थापाको उपचारका क्रममा आज बिहान पौने ११ बजे विराटनगरस्थित नोबेल मेडिकल कलेजमा निधन भएको छ । उनी मोरङको क्षेत्र नम्बर ३ को प्रदेश सभा (क) बाट प्रत्यक्षतर्फका उम्मेद्वार रहेका थिए ।
थापा निमोनियाको समस्याका कारण गत असोज २४ गते विराटनगरको नोबेल मेडिकल कलेजमा भर्ना भएका थिए । स्वास्थ्य अवस्था जटिल बन्दै गएपछि उनको असोज २७ गते हेलिकप्टरमार्फत् काठमाडौंको ह्याम्स अस्पतालमा उपचार भएको थियो । सो अस्पतालमा २२ दिनको उपचारपछि उनलाई विराटनगरमै फर्काइएको थियो ।
नोबेल अस्पतालको न्यूरो डिलक्स क्याबिनको बेड नम्बर ११ मा उपचार गराइरहेका थापा अक्सिजन बिना सास फेर्न नसक्ने अवस्थामा थिए । २०७४ को निर्वाचनमा उनी कांग्रेसको तर्फबाट समानुपातिक सांसद भएसँगै हाल बहालवाला मन्त्री रहेका थिए ।
उनले २०५७ सालदेखि लगातार ८ वर्षसम्म गिरिजाप्रसाद कोइरालाको पर्सनल असिस्टेन्ट भएर काम गरेका थिए । सादगी र आदर्शवान नेताको रुपमा परिचित उनी २०७० सालको संविधानसभा निर्वाचनमा एमाले नेता चण्डीप्रसाद राईसँग पराजित भएका थिए ।
मोरङको पथरीशनिश्चरे नगरपालिका वडा नम्बर ८ का स्थायी बासिन्दा थापाको निधनका कारण मोरङको क्षेत्र नम्बर ३ को निर्वाचन प्रक्रियाको बारेमा निर्वाचन आयोगले कुनै निर्णय भने गरिसकेको छैन ।
थापाका श्रीमती, एक छोरी र एक छोरा छन्।
Facebook Comment
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
Banner
नोवेल मेडिकल कलेज टिचिङ्ग हस्पिल बिरटनगरको प्राबिधिक सहयोग र सुनसरी जिल्लाको बराहाक्षेत्र नगरपालिकाको आयोजनामा महेन्द्र मा. बि., भरौल, वार्ड –३ मा एक दिवसिय निःशुल्क स्वास्थ्य सिविरको आयोजना गरियो ।
Banner
नोबेलको निःशुल्क आँखा शिविरमा आँखा पाकेका बिरामीको भीड
आँखा पाक्ने समस्या बढिरहेका बेला विराटनगरस्थित नोबेल शिक्षण अस्पतालले बुधबार मोरङको पथरीशनिश्चरे–४ सिरिसेडाँडामा निःशुल्क आँखा शिविर सञ्चालन गरेको छ ।
पथरीशनिश्चरे ४ नं. वडा कार्यालयसँग सहकार्य गरेर एक दिने शिविर आयोजना गरिएको हो । शिविरमा २ सय ६० जना बिरामीको निःशुल्क आँखा जाँच गरी औषधि प्रदान गरिएको नोबेल शिक्षण अस्पतालका मार्केटिङ अफिसर नविन दाहालले जानकारी दिए ।
शिविरमा आएका बिरामीहरूलाई नोबेल अस्पतालको आँखा विभागका डाक्टरहरूको टोलीले परीक्षण गरेको थियो ।
सिरिसेडाँडास्थित आधारभूत स्वास्थ्य केन्द्रमा आयोजना गरिएको शिविरमा आँखा पाकेका बिरामीहरू गाउँ–गाउँबाट आएका थिए ।
गाउँमा आँखा पाक्ने रोग फैलिँदै गएकाले रोकथामका लागि शिविर सञ्चालन गरिएको नोबेल शिक्षण अस्पतालले जनाएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login