राजनीति
मिसन ग्रासरुट अभियानः आफू मात्रै राम्रो भन्ने घमण्डले एमालेले स्थानीय तहको जनमत संघ र प्रदेशमा जोगाउन सकेन
विराटचोकः आफू मात्रै राम्रो भन्ने सोच राख्ने गरेकै कारण नेकपा एमालेले स्थानीय तहमा जस्तो जनमत संघ र प्रदेशमा बटुल्न नसकेको पार्टीका माथिल्लो तहका नेताले बताएका छन् ।
अभियानअन्तर्गत मोरङको सुन्दरहरैंचा नगरपालिकाको वडा नम्बर ७ को शाखा कमिटीको अधिवेशनमा बोल्ने वक्ताहरुले यस्तो बताएका हुन् । जिल्ला कमिटी सदस्य राजकुमार श्रेष्ठ, कोशी प्रदेश कमिटी सचिवालय सदस्य लक्ष्मी फुयाल तथा कोशी प्रदेश कमिटी सचिवालय सदस्य तथा कार्यक्रमका प्रमुख अतिथि बेलबारी नगरपालिकाका प्रमुख डीपी राईले यस्तो बताएका हुन् । विगतका कमी कमजोरी सच्याउँदै अघि बढ्न उनीहरुले कार्यकर्तालाई अनुरोध गरे ।
पार्टीको नेतृत्व तहमात्र बिग्रियो भन्ने भ्रम मतदातामा परेको तर आम कार्यकर्ता र मतदाता तहमै एमालेको जनमत बिग्रिएको पार्टीले ठहर गरेको हुनाले मिसन ग्रासरुट अभियान चलाइएको वक्ताहरुले बताए ।
दक्षिणपन्थी अवसरवाद र सङ्गठनात्मक अराजकतालाई परास्त गर्न आवश्यक छ । जबजको मार्गदर्शनमा समाजवाद स्थापना गरौँ भन्ने नाराका साथ पार्टी कार्यकर्तामाझ आएको छ’, कार्यक्रमका प्रमुख अतिथि तथा बेलबारी नगरपालिकाका प्रमुख डीपी राईले भने, ‘स्थानीय तह आफूले नजित्दाको अवस्था कस्तो हुन्छ भन्ने अहिले हामीले थाहा पाइराखेका छौँ । वडाध्यक्ष नजित्दा हामीले कस्तो महसुस गरिरहेका छौँ ?’
नेता, कार्यकर्ता, सङ्गठन सबै अनुशासनविहीन भएको वक्ताहरुको भनाइ थियो ।
पार्टीमा वर्गसङ्घर्ष नभएको तथा पार्टीका कार्यकर्तालाई पार्टीले नै भुत्ते बनाएको छ भनी पार्टीले महसुस गरिसकेको उनीहरुको भनाइ थियो । पार्टीमा व्यक्ति प्रमुख हुने प्रवृत्तिको अन्त्य गर्नुपर्नेमा उनीहरुको जोड थियो । अब निरन्तर माक्र्सवादको स्कुलिङ गराइने र पार्टीलाई पहिलेकै जस्तो शक्तिशाली अवस्थामा पुर्याउन मिसन ग्रासरुट अभियान चलाइएको वक्ताहरुले बताए ।
‘आउने स्थानीय निर्वाचनमा स्पष्ट बहुमत ल्याउने गरी हामी अघि बढ्नेछौँ । मिसन ग्रासरुटको एउटा उद्देश्य यो पनि हो’, अधिवेशनलाई सम्बोधन गर्दै कोशी प्रदेश कमिटी सचिवालय सदस्य फुयालले भने, ‘हाम्रा अहङ्कार, हाम्रा घमण्ड र हाम्रा ज्यादती त्याग्न जरुरी छ । अब अहङ्कार, घमण्ड, चेतनाविहीन, विचारविहीन सोच र चिन्तनबाट पार्टी चल्दैन ।’
अहिलेको पुस्ताको सोच र चाहनाअनुसार पार्टी अघि बढाउन सके मात्रै पार्टी सफल हुनेमा उनले जोड दिए ।
४ दर्जन व्यक्तिलाई सम्मान
अधिवेशनमा पार्टीमा लामो समयदेखि योगदान दिने व्यक्ति, हालसम्म निर्वाचित एमाले समर्थित वडाका जनप्रतिनिधि तथा वडावासी सञ्चारकर्मीलगायत ४ दर्जनभन्दा बढीलाई कार्यक्रममा सम्मान गरिएको थियो ।
बमबहादुर राउतको नेतृत्वमा वडा कमिटी
अधिवेशनले सुन्दरहरैंचाको वडा नम्बर ७ को नयाँ कमिटी गठन गरेको छ । नवगठित समितिको अध्यक्षमा बमबहादुर राउत, उपाध्यक्षमा कल्पना राई र सचिवमा मातृका दाहाल चयन भएका छन् ।
शाखा कमिटी अध्यक्ष खड्गबहादुर श्रेष्ठको अध्यक्षतामा भएको कार्यक्रमको सञ्चालन सचिव मनोज दाहालले गरेका थिए ।
एमालेको मिसन ग्रासरुट अभियानः सुन्दरहरैंचामा पार्टी सुदृढीकरण तथा विस्तार
बेलबारी र केराबारीमा नेकपा एमालेको ग्रासरुट अभियान शुरु
एमालेका पार्टी सदस्यले कम्तीमा एउटा फलफूलको बिरुवा रोप्नुपर्ने, मिसन ग्रासरुट अभियान शुरु
Facebook Comment
नेकपा एमालेमा उम्मेदवारी दर्ताका लागि शुल्क निर्धारण गरिएको छ, जसमा अध्यक्षका लागि १५ हजार, अरु पदाधिकारीका लागि १० हजार र केन्द्रीय सदस्यका लागि ५ हजार रुपैयाँ उम्मेदवारी दर्ता शुल्क तोकिएको छ ।
सबै पदको फारमका लागि १ सय रुपैयाँ तोकिएको छ । आजै उम्मेदवारी दर्ताको समय तोकिएको छ । भोलि बिहान ११ बजेबाट नेतृत्व चयनका लागि मतदान हुँदै छ ।
साफ महिला क्लब च्याम्पियनशिपको उपाधिका लागि नेपालको लिग विजेता एपीएफ क्लब र भारतको लिग विजेता इस्ट बङ्गाल एफसी खेल्ने भएका छन् । लिग चरणका दुई खेल बाँकी छँदै एपीएफ र इस्ट बङ्गाल उपाधिका लागि खेल्ने भएका हुन् ।
काठमाण्डौको त्रिपुरेश्वरमा रहेको दशरथ रङ्गशालामा हिजो भएको पहिलो खेलमा एपीएफले पाकिस्तानको कराँची सिटी एफसीलाई १–० गोलले हरायो । यस्तै हिजै बेलुका भएको दोश्रो खेलमा इस्ट बङ्गालले बङ्गलादेशको नसरिन स्पोर्टस एकेडेमीलाई ७–० गोलले हरायो ।
लगातार ३ खेलमा अपराजित इस्ट बङ्गाल ९ अङ्कसहित तालिकाको शीर्ष स्थानमा छ । समान खेलमा २ जीत र १ बराबरीसहित एपीएफ ७ अङ्क जोड्दै दोश्रो स्थानमा छ । एपीएफले पहिलो खेलमा बङ्गलादेशको नसरिन स्पोट्र्स एकेडेमीलाई ४–० गोलले हराएको थियो भने दोस्रो खेलमा भूटानको ट्रान्सपोर्ट युनाइटेडसँग गोलरहित बराबरीमा रोकिएको थियो ।
एपीएफले लिग चरणको अन्तिम खेलमा इस्ट बङ्गाल एफसीसँग पर्सि बुधवार खेल्नेछ । दक्षिण एशियाली फुटबल महासङ्घ (साफ) ले पहिलो पटक आयोजना गरेको च्याम्पियनशिपमा ५ सदस्य राष्ट्रको लिग विजेता सहभागी छन् । सिङ्गल राउन्ड रोबिनपछि शीर्ष २ टोलीेले फाइनल खेल्नेछन् ।
जाडोको चिसो बढ्दै गएका बेला मोरङको गछिया आधारभूत विद्यालयमा अध्ययनरत ९८ जना विद्यार्थीलाई ‘सहयोगी मनहरु सामाजिक संस्थाले न्यानो स्विटर वितरण गरेको छ।
आइतबार आयोजित कार्यक्रममा संस्थाका अध्यक्ष भीम अधिकारीले विद्यार्थीहरूलाई स्विटर हस्तान्तरण गर्दै शिक्षासँगै बालबालिकाको स्वास्थ्य र सुरक्षामा पनि ध्यान दिनुपर्ने आवश्यकता औंल्याउनुभयो। उहाँले यस्ता सामाजिक अभियानले समुदायमा सकारात्मक सन्देश प्रवाह गर्ने विश्वास व्यक्त गर्नुभयो।
विद्यालय प्रशासनले संस्थाको सहयोगप्रति आभार व्यक्त गर्दै यस्ता कार्यक्रमले विद्यार्थीहरूको नियमित उपस्थिती र मनोबल बढ्ने जनाएको छ। स्थानीय अभिभावकहरू पनि संस्थाको पहलप्रति खुशी देखिएका छन्।
सहयोगी मनहरु’ संस्थाले आगामी दिनमा पनि शिक्षा, स्वास्थ्य र सामाजिक सेवाका क्षेत्रमा सहयोग निरन्तर गर्ने जनाएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login