खेलकुद
यसरी सार्वजनिक गर्याे एन्फाले मोफसलको खेल तालिका
काठमाडौंः फागुन र चैतमा हुने प्रतियोगिताका लागि अखिल नेपाल फुटबल सङ्घ (एन्फा)ले खेलतालिका सार्वजनिक गरेको हो ।
खेलतालिकाअनुसार सबैभन्दा बढी सुनसरीमा ४, झापामा ३ तथा कास्की, मकवानपुर, चितवन र कैलालीमा २÷२ प्रतियोगिता सञ्चालन हुनेछन् । यस्तै बुटवल, इलाम, बागलुङ, सर्लाही, वीरगञ्ज, नेपालगञ्ज, सिमरा, सिन्धुपाल्चोक, काभ्रेपलाञ्चोक र काठमाडौँमा १÷१ प्रतियोगिता हुने एन्फाले जनाएको छ ।
फागुन १ देखि १० गतेसम्म पोखरामा मनकामना गोल्डकप, झापामा सताक्षी गोल्डकप र मकवानपुरमा वागमती गोल्डकप आयोजना हुने भएको छ । फागुन ५ देखि १५ गतेसम्म चितवनमा राइनो गोल्डकप र फागुन ११ देखि २२ गतेसम्म धनगढीमा खप्तड गोल्डकप हुने भएको छ ।
फागुन ८ देखि १७ गतेसम्म बुटवलमा तिलोत्तमा गोल्डकप र धरानमा बुढासुब्बा गोल्डकप हुने भएको छ । फागुन १५ देखि २४ गतेसम्म झापामा झापा गोल्डकप, इलाममा माइभ्याली गोल्डकप र बागलुङमा मेयर कप आयोजना गरिनेछ । यस्तै फागुन २२ देखि चैत १ गतेसम्म पोखरामा आहा रारा गोल्डकप, सर्लाहीमा राजर्षी गोल्डकप र वीरगञ्जमा विशाल मेमोरियल गोल्डकप प्रतियोगिता हुने भएको छ ।
फागुन २४ देखि चैत ३ गतेसम्ममा नेपालगञ्ज गोल्डकप र भरतपुर गोल्डकप हुने भएका छन् । फागुन २९ देखि चैत ८ गतेसम्म मकवानपुरमा मकवानपुर गोल्डकप, सुनसरीमा दुहबी गोल्डकप, धनगढीमा तेस्रो सुदूरपश्चिम गौरीगङ्गा गोल्डकप, चैत १३ देखि २२ गतेसम्म सिन्धुपाल्चोकमा सिन्धु गोल्डकप, काभ्रे गोल्डकप र सुनसरीमा भरत गोल्डकप आयोजना गरिने भएको छ ।
यस्तै, चैत ६ देखि १५ गतेसम्म सिमरा गोल्डकप र सुनसरीमा मदन भण्डारी गोल्डकप तथा चैत २० देखि २९ गतेसम्म एन्फा नकआउट प्रतियोगिता र चैत १७ देखि वैशाख ६ गतेसम्म झापामा मेचीनगर गोल्डकप सञ्चालन गर्ने गरी कार्यतालिका सार्वजनिक भएको छ ।
Facebook Comment
हङकङमा जारी चार देशीय टी-२०आई क्रिकेट प्रतियोगिताको फाइनलमा नेपाल र कुवेत खेल्ने भएका छन् । शनिबार नेपाल र हङकङबीचको समूहको अन्तिम खेल वर्षाले रद्द भएपछि दुवै टोलीले अंक बाँडे ।
३ खेलमा २ जित र १ खेल नतिजाविहीन भएपछि नेपालको ५ अंक भयो । एक खेल मात्र जितेको हङकङको ३ अंक मात्र भयो । नेपाल समूहमा पहिलो हुँदै फाइनल खेल्ने पक्का भएको हो । यसअघि कुवेतले कतारलाई हराएर ४ अंक जोड्दै नेटरनरेट पनि बढाएपछि यो खेल निर्णायक बनेको थियो ।
खेलमा टस हारेर पहिले ब्याटिङ थालेको हङकङले ९ ओभरमा ३ विकेट गुमाएर ६८ रन बनाउँदा पानी पर्न थालेपछि खेल रोकिएको थियो ।
त्यसको केहीबेरमा वर्षा रोकिएर कभरहरू हटाएपछि प्रकाश कम रहेकाले खेल सुरु हुन ढिलाइ भएको थियो र फेरि पानी पर्न थालेपछि खेल सुरु भएन ।
नेपालले पहिलो खेलमा कतारलाई हराएको थियो भने दोस्रो खेलमा कुवेतलाई हराएको थियो ।
दोस्रो एमेच्योर टेनिस प्रतियोगिताको सिंगल्स र डबल्स दुवैतर्फको उपाधि कमल थापाले जितेका छन् । मण्डिखाटारस्थित टेनिस कोर्टमा शनिबार बिहान भएको खेलमा ६५ वर्ष उमेर समूहको सिंगल्स र डबल्स दुवै तर्फको उपाधि थापाले जितेका हुन् । उपाधि विजेता थापा राप्रपा नेपालका अध्यक्ष हुन् । सिंगल्सतर्फको फाइनल भिडन्तमा थापाले कर्मा घलेलाई पहिलो सेट ६-० र दोस्रो सेट पनि ६-० ले पराजित गरेका हुन् । यसैगरी, डबल्सतर्फको फाइनलमा थापा र छाम्बा ढुन्डुपको जोडीले मनोज राणा र प्रकाशसिंह बोगटीको जोडीलाई पराजित गरेको हो ।
पहिलो सेट ६-२ ले आफ्नो पक्षमा पारेको थापाको जोडीले दोस्रो सेटमा ६-३ को जित निकालेको हो । थापा टेनिसको भेट्रानतर्फ लामो समयदेखि आफ्नो उमेर समूहको शीर्ष स्थानमा छन् ।
यूईएफए च्याम्पियन्स लिगमा आर्सनलले रियल मड्रिडलाई पराजित गरेको छ । गए राति भएको क्याटारफाइनलको पहिलो लेगमा आर्सनल ३-० ले विजयी भयो ।
यो जितसँगै आर्सनलले सेमिफाइनलमा पुग्ने सम्भावनालाई बलियो बनाएको छ ।
पहिलो हाफ गोलरहित बराबरीमा सकिए पनि दोस्रो हाफमा आर्सनलले ३ गोल गरेको हो । खेलको ५८औँ र मिनेटमा गोल गर्दै आर्सनलका डेक्लान रइसले टिमलाई अग्रता दिलाएका थिए ।
उनले नै ७०औँ मिनेटमा गोल गर्दै टिमलाई २-० को अग्रता दिलाए । ७५औँ मिनेटमा मिकेल मेरिनोले गोल गरेसँगै आर्सनल ३-० ले विजयी भयो ।
-
अर्थ5 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद5 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login