काठमाडौंः ललितपुर जिल्ला किक बक्सिङ सङ्घको आयोजनामा वीर गणेशमान सिंह स्मृति तेस्रो राष्ट्रिय खुला किक बक्सिङ प्रतियोगिता माघ २ गतेदेखि हुने भएको छ ।

प्रतियोगितामा विभिन्न १२ टिमका लगभग २ सय खेलाडीको सहभागिता रहने आयोजक सङ्घका अध्यक्ष विनोद महर्जनले बताए । कराते, उसु, बक्सिङ, तेक्वान्दो, आईटीएफ तेक्वान्दो, फुल कन्ट्याक्ट कराते, मुवाँथाई, किक बक्सिङ र तीन विभागीय टोली (आर्मी÷प्रहरी÷एपीएफ) को सहभागिता रहने बताइएको छ ।

पुरुषमा ६ र महिलामा ५ गरी ११ स्पर्धा हुने र प्रत्येक स्पर्धामा पहिलो हुनेले ३० हजार, दोस्रोले १५ हजार र तेस्रो हुने दुई खेलाडीले समान ८–८ हजार नगद पुरस्कार पाउने बताइएको छ । उत्कृष्ट पुरुष÷महिला खेलाडीलाई जनही २५ हजार नगदबाट पुरस्कृत गरिने तथा टिममा शीर्ष स्थान हात पार्नेलाई १ लाख र दोस्रोलाई ५० हजार नगद पुरस्कार दिइने जनाइएको छ ।