खेलकुद
२० औं गोधुली रनिङ कपको उद्घाटन खेलमा वडा नम्बर ३ विजयी
![](https://nispakshyakhabar.com/wp-content/uploads/2019/11/football.jpg)
धरानः २० औं अन्तर वडास्तरीय टुबोर्ग गोधुली फुटबल रनिङ कपको शनिबार भएको उद्घाटन खेलमा वडा नम्बर ३ ले विजयी शुरुवात गरेको छ ।
धरान–१६ स्थित धरान रंगशालामा भएको खेलको निर्धारित समयमा दुवै टिमले समान १–१ गोल गरेको थिए । दोस्रो हाफको ७ औं मिनेटमा वडा नं ५ का खेलाडी दिलमान राईले गोल गर्दै टिमलाई अग्रता दिलाएका थिए । त्यसको ७ मिनेटमा वडा नं ३ का विसन श्रेष्ठले जवाफी गोल फर्काएका थिए ।
त्यसपछि कुनै पनि टिमले गोल गर्न नसकेपछि खेलको निर्णय टाइब्रेकरबाट गरिएको थियो । टाइब्रेकरमा वडा नं ३ ले वडा ५ लाई ३–० गोलअन्तरले हरायो । वडा नं ३ का विसन श्रेष्ठ, सञ्जित लिम्बू र अमित लिम्बूले गोल गरेका थिए । आइतबार वडा नं १० र वडा नं १२ बीच खेल हुने आयोजक गोधुली क्लबले जानकारी दिएको छ ।
माघ ४ गतेसम्म सञ्चालन हुने प्रतियोगिताको विजेताले रनिङ कपसहित १ लाख ११ हजार १ सय ११ रुपैयाँ हात पार्नेछ भने उपविजेताले ५५ हजार ५ सय ५५ रुपैयाँ पाउनेछ । त्यस्तै, व्यक्तिगत पुरस्कारतर्फ पनि विभिन्न विधामा पुरस्कार दिइने आयोजकले जनाएको छ ।
Facebook Comment
Banner
दक्षिण अफ्रिकालाई हराउँदै भारतले जित्याे विश्वकपकाे उपाधि
![](https://nispakshyakhabar.com/wp-content/uploads/2024/06/384057_yHwCDw5d3A_57dMTsDYUV.jpg)
आइसीसी टी-२० विश्वकपकाे उपाधि भारतले जितेकाे छ। फाइनलमा दक्षिण अफ्रिकालाई ७ रनले हराउँदै भारतले १७ वर्षपछि उपाधि जितेकाे हाे।
भारतले दिएकाे १७७ रनकाे लक्ष्य पछ्याएकाे दक्षिण अफ्रिकाले निर्धारित ओभरमा ८ विकेटकाे क्षतिमा १६९ रनमात्र बनाउन सक्याे।
दक्षिण अफ्रिकाका लागि हेइनरिक क्लासेनले सर्वाधिक ५२ रन बनाए। त्यस्तै क्विन्टन डीककले ३९ रन, ट्रिस्टन स्टबले ३१ र डेबिड मिल्लरले २१ रन बनाए।
भारतका लागि हार्दिक पाण्डेले ३ विकेट लिए। त्यस्तै अर्शदीप र जसप्रित बुमराहले २-२ विकेट र अक्सर पटेलले एक विकेट लिए।
यसअघि बारबाडोजको ब्रिजटाउनस्थित रंगशालामा टस जितेर ब्याटिङ गरेको भारतले ७ विकेटको क्षतिमा १७६ रन बनाएको थियाे।
भारतका लागि विराट कोहलीले सर्वाधिक ७६ रन बनाए। ५९ बल खेलेका कोहलीले ६ चौका र २ छक्का प्रहार गरेका थिए।
त्यस्तै अक्सर पटेलले ४७ रन, शिभम दुबेले २५ रन, रोहित शर्माले ९ रन, सूर्यकुमार यादव ३ र रविन्द्र जडेजाले २ रन बनाएर आउट भएका थिए। रिसभ पन्त भने शून्य रनमै आउट भएका थिए। त्यस्तै हार्दिक पाण्डे ५ रनमा अविजित रहे।
Banner
युरोकप फुटबलमा स्पेनसँग इटाली पराजित, इङ्ल्यान्ड र डेनमार्कको खेल बराबरी
![](https://nispakshyakhabar.com/wp-content/uploads/2024/06/spain_final_iTXLxlOHIA.jpg)
युरोकप फुटबलमा स्पेनले इटालीलाई हराएको छ। गएराति भएको समूह ‘बी’ को खेलमा स्पेनले इटालीलाई १–० गोलले हराएको हो । योसँगै स्पेनको २ खेलमा ६ अङ्क भएको छ भने इटालीको २ खेलमा ३ अङ्क मात्र भएको छ ।
यस्तै युरो कप २०२४ को आफ्नो दोस्रो खेलमा इङ्ल्यान्डले डेनमार्कसँग अङ्क बाँडेको छ । फ्रांकफर्ट एरिनामा गएराति भएको खेलमा इङ्ल्यान्डले डेनमार्कसँग १–१ को बराबरी खेल्दै अङ्क बाँडेको हो । पहिलो खेलमा सर्बियालाई १–० ले हराएको इङ्ल्यान्डले डेनमार्कसँग भने बराबरी खेलेको हो ।
योसँगै इङ्ल्यान्डको २ खेलमा ४ अङ्क भएको छ । डेनमार्क र स्लोभेनियाको समान २ खेलमा समान २ अङ्क नै छ भने सर्बियाको १ अङ्क छ । यसअघि हिजै भएको खेलमा सर्बिया र स्लोभेनियाले १–१ को बराबरी खेलेका थिए ।
Banner
आइसिसी टी–२० विश्वकप, भारतको सानदार जित
![](https://nispakshyakhabar.com/wp-content/uploads/2024/06/india2024-06-21-06-57-12.jpeg)
आइसिसी टी–२० विश्वकप, भारतको सानदार जित
पूर्वविजेता भारतले आइसिसी टी–२० विश्वकपअन्तर्गत सुपर एटको समूह १ मा अफगानिस्तानमाथि ४७ रनको सानदार जित निकालेको छ । ब्रिजटाउनमा बिहीबार राति पहिलो ब्याटिङ गरेको भारतले आठ विकेट गुमाएर १८१ रनको योगफल खडा गरेको थियो ।
प्रत्युत्तरमा अफगानिस्तानले २० ओभरमा सबै विकेट गुमाएर १३४ रन मात्र बनायो । भारतको जितमा जसप्रीत बुमराहले चार ओभरमा एक मेडन राखी ७ रन खर्चेर तीन विकेट लिए ।
अश्रदीप सिंहले चार ओभरमा तीन विकेट लिन ३६ रन खर्चेका थिए । अफगानिस्तानको इनिङ्समा अजमतुल्लाह अमाजीले २० बलमा २६ रनको योगदान दिएका थिए । भारतले १९ अतिरिक्त रन दिएको थियो ।
यसअघि पहिलो ब्याटिङ गरेको भारतका लागि मध्यक्रमका खेलाडीले उत्कृष्ट ब्याटिङ गरेका थिए । कप्तान रोहित शर्मालाई ८ रनमा गुमाएको भारत त्यसपछिका ब्याट्सम्यानबीच राम्रो साझेदारीका कारण सम्हालिएको थियो । विराट कोहली र ऋषभ पन्तबीच दोस्रो विकेटका लागि २५ बलमा ४३ रनको साझदोरी भएको थियो । दुवैले भारतलाई ११–१ बाट ५४–२ को स्थितिमा राखे । कोहलीले २४ बलमा २४ रन बनाए ।
त्यसपछि सूर्यकुमार यादव र शिवम दुबेबीच चौथो विकेटका लागि १४ बलमा २८ रनको साझेदारी भयो । सूर्यकुमार र हार्दिक पाण्ड्याबीच पाँचौँ विकेटका लागि ३७ बलमा ६० रनको साझेदारी भएको थियो । यी आक्रामक साझेदारीका कारण नै भारतले अफगानिस्तानलाई बलियो लक्ष्य दिएको हो । सूर्यकुमारले २८ बलमा तीन छक्का र पाँच चौका प्रहार गरी ५३ रन बनाए । पाण्ड्याले २४ बलमा तीन चौका र दुई छक्काको सहयोगमा ३२ रन जोडे ।
यसैगरी, समूह २ मा वेस्ट इन्डिजमाथि साबिक विजेता इंग्ल्यान्डले आठ विकेटको जित निकालेको थियो । पहिलो ब्याटिङ गरेको वेस्ट इन्डिजले २० ओभरमा चार विकेट गुमाएर १८० रन बनायो । इंग्ल्यान्डले १७.३ ओभरमा दुई विकेटको नोक्सानीमा १८१ रन जोड्यो । इंग्ल्यान्डको सानदार जितमा फिल साल्टले ४७ बलमा सात चौका र पाँच छक्का प्रहार गरी सर्वाधिक ८७ रन बनाए । जोनी वेरिस्टोले २६ बलमा पाँच चौका र दुई छक्का प्रहार गरी ४८ रन जोडे ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद5 years ago
रंगशालाको अवलोकन
-
मुख्य5 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login