Connect with us
Advertisement
Advertisement

शेयर बजारका जनावरहरु

Published

on

विश्व शेयरबजारमा विभिन्न जनावरका नामहरु प्रचलित छन् । केही नामहरुले बजारको ट्रेण्डलाई बुझाउछ भने केहीले लगानीकर्ताहरुको प्रकारलाई बुझाउँछ। नेपाली शेयर बजारमा बियर र बुल शब्दको अधिक प्रयोग गरिन्छ। यी दुबै जनावरका नामहरु हुन्। यस्तै, चिकेन, पिग्स, वुल्भ्स, सिप लगायतका नामहरु विभिन्न खालका लगानीकर्ताहरुको विषेशणका रुपमा प्रयोग गरिन्छ।

बुल र बियरः शेयरबजारमा बुल र बियर विपरितार्थक शब्द हुन्। शेयरबजारमा कुनै पनि सूचक बढ्दो अवस्थामा छ भने त्यसलाई बुलको संज्ञा दिइन्छ। यसले बजारको ट्रेण्डलाई बुझाउँछ। कुनै पनि सूचक बुल (बुलिश) छ भन्नुको अर्थ सो सूचक बढी रहेको छ भन्ने बुझिन्छ।

त्यसैगरी, बियर भन्नाले घट्दो बजारलाई बुझाउँदछ। कुनै पनि कम्पनी अथवा सूचक घटेको छ भने त्यसलाई बियर (बियरिश) भनिन्छ। लामो समयमा सूचक घट्दो क्रममा देखिएको छ भने त्यसलाई बियरिश ट्रेण्ड भनिन्छ।

बुल अर्थात साँढेले आफ्नो सिङले हान्दा तलबाट माथि हान्दछ भने बियर अर्थात भालुले पञ्जा मार्दा माथिबाट तल हान्दछ। यसैको आधारमा यी दुईको नामाकरण गरिएको हो।

चिकेन र पिगः यी दुबै लगानीकर्ताहरुको स्वभाव बयान गर्ने विशेषणको रुपमा प्रयोग गरिन्छ। जो लगानीकर्ताहरु जोखिम लिन मन पराउँदैनन् अथवा जोखिम भएको स्टकमा लगानी गर्न रुचाउँदैनन् तिनीहरुलाई चिकेनको संज्ञा दिइएको छ। यस्ता लगानीकर्ताहरु सुरक्षित धितोपत्र जस्तै बण्ड र बैंक निक्षेपमा लगानी गर्ने गर्दछन्। चिकेन अर्थात कुखुराको स्वभावसँग मिल्दोजुल्दो हुने भएका कारण यस्ता लगानीकर्ताहरुलाई चिकेन भनिने गरेको हो।

यसको ठिक विपरितका लगानीकर्ताहरुलाई पिग भनिन्छ। जुन लगानीकर्ता धेरै जाखिमपूर्ण धितोपत्रमा लगानी गर्दछन् तिनीहरुलाई पिग भन्ने गरेको पाइन्छ। पिग अर्थात सुंगुरहरु लोभी हुने गर्दछन्। त्यस्तै, छोटो समयमा धेरै लाभ लिने लोभमा जोखिमपूर्ण शेयरमा यस्ता लगानीकर्ताहरुले लगानी गर्दछन्।

स्ट्याग्स्ः धितोपत्र बजारमा केही लगानीकर्ताहरु यस्ता हुन्छन् जो आईपीओमा शेयर खरिद गर्छन् र सूचीकरणपश्चात शेयर बिक्री गरी बाहिरिन्छन्। यस्ता लगानीकर्ताहरु स्ट्याग्स् भनिन्छ। अल्पकालीन लगानीकर्ताहरुलाई स्ट्याग्स भन्ने गरिन्छ। छोटो समयमा नै बजारको स्थिति र प्राविधिक विश्लेषण गरी शेयर खरिदबिक्री गर्ने निर्णय लिनेलाई पनि स्ट्याग भनिन्छ। यस्ता लगानीकर्ताहरुसँग धेरै पैसा हुन्छ र सजिलै ठूलो परिमाणमा शेयर खरिदबिक्री गर्न सक्छन्।

शीपः शीप अर्थात भेडा। नेपाली धितोपत्र बजारमा यो शब्द पनि प्रचलित छ। अरुको लहैलहैमा लागेर शेयर कारोबार गर्ने लगानीकर्ताहरुलाई सिप भनिन्छ। यस्ता लगानीकर्ताहरुसँग निर्णय गर्ने क्षमताको कमी हुन्छ। भिडलाई पछ्याउने भएका कारण यस्ता लगानीकर्तालाई शीप भनिएको हो।

वुल्भस्ः बजारमा सबै लगानीकर्ताहरु उद्देश्य नाफा आर्जन गर्ने नै हुन्छ। तर, केही यस्ता लगानीकर्ताहरु पनि बजारमा पाईन्छन् जसले नाफा कमाउनका लागि जालझेल गर्दछन्। यस्ता लगानीकर्ताहरुलाई वुल्भस् भनिन्छ। यस्ता लगानीकर्ताहरु विशेषगरी एक्सपर्ट र शक्तिशाली हुन्छन्। ठूला विशेषज्ञ भनाउँदा केही लगानीकर्ताले आफ्नो सिपको गलत प्रयोग गरी बजारबाट पैसा कमाउन खोज्छन् भने तिनीहरु वुल्भ्स हुन्।

हकः सो शब्द विशेषगरी नियामक निकायहरुलाई प्रयोग गरिन्छ। त्यस्ता निकाय जरले मुद्रास्फिती घटाउन ब्याजदर उच्च कायम गर्नुपर्छ भन्ने कुरामा विश्वास गर्दछन्। त्यसैगरी, लगानी गर्नुअघि सबै पक्षहरुको विश्लेषण गरी उपयुक्त समयमा धितोपत्र कारोबार गर्ने लगानीकर्ताहरुलाई पनि हक भन्ने गरिन्छ। बाजको विशेषतासँग मेल खाने भएका कारण यस्ता लगानीकर्ताहरुलाई हकको संज्ञा दिइएको हो।

डभः हकको ठीक उल्टो डभ हो। वित्तीय क्षेत्रमा निष्क्रिय र शान्ती चाहने निकायलाई डभ भनिन्छ भने ब्याजदर कम भएको खुकुलो मौद्रिक नीति चाहने लगानीकर्ताहरुलाई पनि यो नाम दिइएको छ।

अष्ट्रीचः प्रतिकुल अवस्थामा प्रतिकृया गर्न नसक्ने लगानीकर्ताहरुलाई अष्ट्रीच भनिन्छ। जसरी अष्ट्रीचले खतरापूर्ण अवस्थामा आफ्नो टाउको जमिनमा लुकाई सो अवस्थालाई नजरअन्दाज गर्छ त्यसरी नै यस्ता लगानीकर्ताहरु पनि आफ्नो पोर्टफोलियो घट्दा त्यसलाई वेवास्ता गरी बस्छन्।

टर्टलः यो नाम दीर्घकालीन लगानीकर्ताहरुलाई दिइएको छ। त्यस्ता लगानीकर्ताहरु जो शेयर खरिद गर्न पनि समय लगाउँछन् र बिक्री गर्न पनि समय लगाउँछन्, तिनीहरुलाई टर्टल भनिन्छ। यस्ता लगानीकर्ताहरु शेयर खरिद गरी लामो अवधिका लागि होल्ड गरिराख्छन्। यस प्रकारका लगानीकर्ताहरुलाई अल्पकालीन उतारचढावले केही असर गर्दैन।

डगः बजारबाट कुटिएको शेयर अर्थात लगानीकर्ताहरुले नरुचाएको शेयरलाई डग भन्ने गरिन्छ। कम्पनीहरुको कमजोर प्रदर्शनका कारण यस्तो अवस्थाको सिर्जना हुन्छ। यस्ता शेयरहरु पुनः बढ्ने अपेक्षाले बजारका खेलाडी तथा विश्लेषकहरुले यस्ता शेयरको सूक्ष्म विश्लेषण गरिरहेका हुन्छन्।

लेम डक्सः बजारबाट सबैले नाफा नै आर्जन गरि बाहिरिन्छन् भन्ने छैन। केही लगानीकर्ताहरु यस्ता हुन्छन् जसले ठूलो घाटा व्यवहोरी बजारबाट बाहिरिन्छन्। यस्ता लगानीकर्ताहरुलाई लेम डक्स भनिन्छ।

ह्वेलः बजारका ठूला लगानीकर्ताहरुलाई ह्वेल भनिन्छ। ठूला लगानीकर्ता जसले शेयर खरिद बिक्री गरी शेयरमूल्यमा नै प्रभाव पार्छ, त्यस्ता लगानीकर्ताहरुलाई ह्वेल भनिन्छ।

डेड क्याट बाउन्सः कुनै पनि शेयर निरन्तर ओरालो लागेर अस्थायी वृद्धि हुन्छ भने त्यसलाई डेड क्याट बाउन्स भनिन्छ। मरेको बिरालो पनि कुनै उचाईबाट खस्यो भने बाउन्स हुन्छ भन्ने अवधारणाले नै यसको प्रयोग भएको हो। – मेरो लगानी डट कमबाट

Continue Reading

Facebook Comment

20 Comments

You must be logged in to post a comment Login

Leave a Reply

Banner

अनुशिल ट्रेड कन्सन दमकमा टिभिएसको एक्स्चेन्ज मेला हेर्नुहाेस अफर

Published

on

विराटचाेक दमकमा रहेकाे अनुशिल ट्रेड कन्सनमा टिभिएस बाइकको एक्स्चेन्ज मेला सञ्चालन भइरहेकाे छ । दमककालागि आधिकारिक बिक्रेता झापाकाे दमक ५ सगरमाथा पम्प छेउमा रहेकाे अनुशिल ट्रेड कन्सनले असोज ९ बाटै सुरु गरेकाे एक्स्चेन्ज मेला १३ गतेसम्म सञ्चालन हुने विक्रेता कम्पनीले जनाएकाे छ ।

एक्स्चेन्ज मेलामा विभिन्न अफरहरु सार्वजनिक गरिएको छ । जस अन्तर्गत नकिन्दै एक लाख रुपैयाँसम्म जित्ने मौका , किन्दा ५ लाख रुपैयाँँसम्म जित्ने मौका हरेक महिना १०० प्रतिशत क्यास ब्याक , बम्पर उपहारमा १० लाख रुपैयाँसम्म जित्ने अवसर कम्पनीले सार्वजनिक गरेको छ ।

एक्स्चेन्ज मेलामा १० हजार रुपैयाँसम्म को भ्यालु एडिसनको सुविधा रहेको अनुशिल ट्रेड कन्सनले जनाएकाे छ । २५ प्रतिशत डाउन पेमेन्ट तथा शून्य प्रतिशत ब्याजदरमा सहज फाइनान्सको सुविधासहित कम्पनीबाट टिभिएस बाइक चडेर जान सकिने ,लाइफ टाइम वारेन्टीको सुबिधाका साथै हेलमेट तथा ब्याग र बाइक कभर समेत निशुल्क उपलब्ध गराइने कम्पनीले जनाएकाे छ ।

Continue Reading

Banner

कांग्रेसले नयाँ नेतृत्व छान्न सोमबार बिहान ८ बजेदेखि मतदान सुरू गर्ने

Published

on

नेपाली कांग्रेसले नयाँ नेतृत्व छान्न सोमबार बिहान ८ बजेदेखि मतदान सुरू गर्ने भएको छ। १४ औं महाधिवेशनअन्तर्गत सभापति पदका लागि ५ जना मैदानमा छन्। गोरखाका युवराज न्यौपानेले सभापतिमा दिएको उम्मेदवारी फिर्ता लिइसकेका छन्। न्यौपानेले शेखर कोइराला समूहलाई समर्थन गर्दै आज उम्मेदवारी फिर्ता लिएका हुन्। अब शेरबहादुर देउवा, प्रकाशमान सिंह, शेखर कोइराला, विमलेन्द्र निधि र कल्याण गुरूङबीच चुनावी प्रतिस्पर्धा हुने भएको छ।

कांग्रेसले भृकुटीमण्डप, राष्ट्रिय सभागृह र नेपाल पुलिस क्लबमा मतदान स्थल तोकेको छ। कांग्रेसले कागजकै मतपत्र बनाएको छ भने मत खसाल्ने बाकसका रूपमा पानी ट्यांकीको प्रयोग गरिने भएको छ। कांग्रेसमा ४७४३ जना महाधिवेशन प्रतिनिधि छन्। एक महाधिवेशन प्रतिनिधिले २९ मतपत्रमा मतदान गर्नुपर्ने भएकाले करिब एक घन्टासम्म मत खसाल्न समय लाग्नेछ। मत खसाल्ने ठाउँ २९ वटा छ। करिब १० घन्टामा मत खसालेर सक्ने अनुमान छ।

कांग्रेसले मतदान सकिएलगत्तै मतगणना गरिने बताएको छ। कांग्रेस केन्द्रीय निर्वाचन समितिका सदस्य तेज रावलले सबैभन्दा पहिले सभापति पदका लागि मतगणना गरिने बताए।

Continue Reading

Banner

उद्योग वाणिज्य, जेसीज र लायन्सद्वारा शुभकामना आदानप्रदान

Published

on

विराटचोकः मोरङको सुन्दरहरैचा नगरपालिकामा रहेका सुन्दरहरैंचा उद्योग वाणिज्य संघ, इन्द्रपुर जेसीज र लायन्स क्लब अफ इन्द्रपुरले शुभ दीपावली तथा छठ लगायतका पर्वको उपलक्ष्यमा शुभकामना आदानप्रदान कार्यक्रम सम्पन्न गरेका छन् ।

शुभकामना आदानप्रदान कार्यक्रममा बोल्दै नगरप्रमुख शिवप्रसाद ढकालले राजनीतिक पार्टीका अधिवेशन सकिएर चलयमान र सक्रियता बढ्न थालेकाले यसले समाज निर्माणमा टेवा पुग्ने बताए । यस क्षेत्रको राजनीति संस्कारयुक्त रहेको बताउँदै उनले फरक आस्था भए पनि विकास निर्माण, सामाजिक कार्य, विपद व्यवस्थापनमा राजनीतिक शक्ति एक हुनाले स्थानीय सरकार सञ्चालनमा सहयोग पुगेको बताए ।

आफ्नो कार्यकाल छोटिँदै गएकाले सोचेजति काम गर्न नसकिए पनि भए गरेका काम ईमानदारीका साथ हुने उनले बताए । बेमौसमी वर्षाका कारण आएको बाढीले धान खेतीसँगै विकास निर्माणमा ठूलो क्षति पुर्याएकाले यस विषयमा प्रारम्भिक चरणको क्षतिको विवरण लिइसकिएको र केही दिन पछि बस्ने कार्यपालिकाले सो विषयमा निर्णय गर्ने बताए ।

कार्यक्रममा बोल्दै मेयर ढकालले सुन्दरदुलारी उद्योग वाणिज्य संघ र कोशीहरुैंचा उद्योग वाणिज्य संघलाई समायोजन गरी एउटै वाणिज्य संघ बनाउन नवनिर्वाचित पार्टीहरुले भूमिका खेल्नुपर्ने बताउँदै आफूले पनि यस विषयमा घनीभूत तयारी गरिरहेको बताए । कोभिड १९ व्यवस्थापनमा वाणिज्य संघ, जेसीज र लायन्स क्लब लगायतका संस्थाले खेलेको भूमिका प्रति ढकालले प्रशंसा व्यक्त गरे ।

नेकपा एमाले सुन्दरहरैंचाका नवनिर्वाचित अध्यक्ष मातृकाप्रसाद ढकालले पार्टीले साझा धारणा बनाएर अघि बढ्ने बताए । एमालेले हातमा हात मिलाएर सुन्दरहरैंचाको सामाजिक, आर्थिक र विकास निर्माणको श्रीवृद्धिका लागि मिलेर जाने बताए ।
यस्तै, नेपाली काङ्ग्रेस सुन्दरहरैंचाका नगर सभापति भक्तिप्रसाद सिटौलाले जिल्लाकै ऐतिहासिक बजारमा कार्यक्रम आयोजना हुनु राम्रो पक्ष भएको बताउँदैै राजनीतिक दललाई एकै ठाउँमा राखेर भव्य कार्यक्रम हुनाले पछिल्लो समय बिग्रँदो राजनीतिलाई यसले एकताको सन्देश दिएको बताए ।

शुक्रबार वडा नम्बर १ हरैंचामा रहेको हात्तीसार खेलमैदानमा आयोजित कार्यक्रममा नगरप्रमुख शिवप्रसाद ढकाल, उपप्रमुख धनमाया तामाङ, नेकपा एमाले नगर अध्यक्ष मातृकाप्रसाद ढकाल, नेपाली कांग्रेस नगर सभापति भक्तिप्रसाद सिटौला, नेकपा माओवादी केन्द्रका नगर अध्यक्ष दुशान्त भट्टराई, एकीकृत समाजवादीका नगर अध्यक्ष महेश आचार्यसहित विभिन्न संघसंस्थाका पदाधिकारीहरुको उपस्थिति रहेको थियो ।

कार्यक्रममा बोल्दै नेपाली कांग्रेस नगर सचिव दिलीप थापाले हरैचा ऐतिहासिक क्षेत्र भएकाले यस ठाउँलाई चिनाउन यस क्षेत्रको खोज अनुसन्धानमा लाग्नुपर्ने धारणा राखेका थिए ।

कार्यक्रममा आयोजक संस्था वाणिज्य संघका अध्यक्ष कृष्णप्रसाद रिजाल, इन्द्रपुर जेसीजका अध्यक्ष कृष्णप्रसाद ओझा, लायन्स क्लबका अध्यक्ष रोहित शाह लगायत उपस्थित रहेका थिए ।

यसैबीच नेकपा एमाले, नेपाली काङ्ग्रेस, नेकपा माओवादी केन्द्र, एकीकृत समाजवादी पार्टीका नवनिर्वाचित पदाधिकारीलाई सम्मान गरिएको थियो । कार्यक्रम सुन्दरहरैंचा उद्योग वाणिज्य संघका महासचिव नारायण कार्कीले सञ्चालन गरेका थिए ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक