संयुक्त अरब इमिरेट्स (यूएई) लाई हराउँदै दक्षिण अफ्रिका राष्ट्रिय क्रिकेट टोलीले आईसीसी टी–२० विश्वकपमा लगातार चौथो जित हासिल गरेको छ।

दिल्लीस्थित अरुण जेटली रंगशालामा आज भएको समूह ‘डी’ को खेलमा दक्षिण अफ्रिकाले संयुक्त अरब इमिरेट्स राष्ट्रिय क्रिकेट टोलीलाई ६ विकेटले पराजित गरेको हो।

यूएईले दिएको १२३ रनको लक्ष्य दक्षिण अफ्रिकाले १३ ओभर २ बलमा ४ विकेट गुमाएर भेटायो। दक्षिण अफ्रिकाका डेवाल्ड ब्रेभिसले ३६ रन बनाए। यूएईका हेदर अली, मुहम्मद जावदुल्लाह, मोहम्मद अरफान र मोहम्मद फारुकले समान १/१ विकेट लिए।

यसअघि टस हारेर ब्याटिङ गरेको यूएईले २० ओभरमा ६ विकेट गुमाउँदै १२२ रन बनाएको थियो। यूएईका आलिशान शरफुले ४५ रन बनाए भने दक्षिण अफ्रिकाका कोर्बिन बोशले ३ विकेट लिए।

यस समूहबाट दक्षिण अफ्रिका र न्युजिल्यान्ड राष्ट्रिय क्रिकेट टोली ‘सुपर–एट’ मा पुगिसकेका छन्।

प्रतियोगिताअन्तर्गत आज दिउँसो समूह ‘ए’ का पाकिस्तान राष्ट्रिय क्रिकेट टोली र नामिबिया राष्ट्रिय क्रिकेट टोलीबीच हुने खेलले ‘सुपर–एट’ मा पुग्ने अन्तिम टोलीको टुंगो लगाउनेछ। यस समूहबाट भारत राष्ट्रिय क्रिकेट टोली यसअघि नै अघिल्लो चरणमा पुगेको छ।

यस्तै समूह ‘बी’ बाट श्रीलङ्का राष्ट्रिय क्रिकेट टोली र जिम्बाब्वे राष्ट्रिय क्रिकेट टोली तथा समूह ‘सी’ बाट वेस्ट इन्डिज राष्ट्रिय क्रिकेट टोली र इङ्ग्ल्यान्ड राष्ट्रिय क्रिकेट टोली ‘सुपर–एट’ मा पुगिसकेका छन्।

आजै बेलुका भारत राष्ट्रिय क्रिकेट टोली र नेदरल्यान्ड्स राष्ट्रिय क्रिकेट टोलीबीच प्रतिस्पर्धा हुनेछ।

‘सुपर–एट’ का खेलहरू आउँदो शनिबारदेखि सुरु हुनेछन्। यस चरणमा दुई समूहमा चार–चार टोली रहनेछन् र प्रत्येक समूहका शीर्ष दुई टोली सेमिफाइनलमा पुग्नेछन्। १०औँ संस्करणको टी–२० विश्वकपको फाइनल खेल आउँदो मार्च ८ मा हुनेछ।

आईसीसी टी–२० अलराउन्डर वरीयतामा नेपाली राष्ट्रिय क्रिकेट टोलीका सदस्य दीपेन्द्रसिंह ऐरीले दुई स्थान सुधार गरेका छन् । अन्तर्राष्ट्रिय क्रिकेट काउन्सिल (आईसीसी) ले सार्वजनिक गरेको पछिल्लो वरीयतामा दीपेन्द्र दुई स्थान सुधार गर्दै चौथो स्थानमा उक्लिएका हुन् ।

भारत र श्रीलङ्का चलिरहेको टी–२० विश्वकपमा गरेको प्रदर्शनपछि दीपेन्द्रले वरीयतामा सुधार गरेका हुन् । उनले टी–२० विश्कपमा १६९ रन बनाउँदै २ विकेट लिएक ।

टी–२० अलराउन्डर वरीयतामा कुशल भुर्तेलले एक स्थान र रोहित पौडेलले दुई स्थान सुधार गरेका छन् । यो वरीयतामा पाकिस्तानका सइम अयुब शीर्ष, जिम्बावेका सिकन्दर राजा दोस्रो र भारतका हार्दिक पान्ड्या तेस्रो स्थानमा छन् ।

यस्तै दीपेन्द्र टी–२० ब्याटिङ वरीयतामा ११ स्थान सुधार गर्दै ६०औँ स्थानमा उक्लिएका छन् । यो वरीयतामा भारतका अभिषेक शर्मा शीर्ष, इङ्ग्ल्यान्डका फिल साल्ट दोस्रो र श्रीलङ्काका पथुम निसान्का तेस्रो स्थानमा छन् ।

यस्तै दीपेन्द्र टी–२० बलिङ वरीयतामा तीन स्थान सुधार गर्दै ६९औँ स्थानमा र सोमपाल कामी १७ स्थान सुधार गर्दै १००औँ स्थानमा उक्लिएका छन् । यो वरीयतामा भारतका वरुण चक्रवर्ती शीर्ष, अफगानिस्तानका राशिद खान दोस्रो र पाकिस्तानका अब्रार अहमद तेस्रो स्थानमा छन् ।

आईसीसी टी–२० विश्वकप अन्तर्गत बुधबार तीन खेल हुँदैछन्। समूह ‘डी’को एउटा खेल हुँदैछ भने समूह ‘ए’का दुई खेल हुँदैछन्।

पहिलो खेलमा समूह ‘डी’का दक्षिण अफ्रिका र यूएईले प्रतिस्पर्धा गर्दैछन्। यो खेल नेपाली समय अनुसार बिहान ११ बजेर १५ मिनेटमा भारतको नयाँदिल्लीमा हुँदैछ। दक्षिण अफ्रिका तीन खेलमा तीन जित दर्ता गर्दै सुपर आठ प्रवेश गरिसकेको छ भने यूएई दोस्रो जितको खोजीमा छ। दोस्रो खेलमा समूह ‘ए’का पाकिस्तान र नामिबिया भिड्दैछन्। यो खेल दिउँसो ३ बजेर १५ मिनेट जाँदा सुरु हुनेछ। विश्वकपको सुपर आठमा प्रवेशका लागि पाकिस्तानमाथि यो खेल जित्नै पर्ने दबाब छ। यो समूहबाट भारत ६ अंकसहित सुपर आठ प्रवेश गरिसकेको छ भने पाकिस्तान र अमेरिका समान चारचार अंक बनाएर सुपर आठको प्रतिस्पर्धामा छन्। समान अंक भए पनि पाकिस्तान रनरेटका आधारमा पछाडि रहेकाले अघिल्लो चरण प्रवेशका लागि नामिबियाविरुद्धको खेल जित्नुपर्ने दबाब छ। यो खेल श्रीलंकाको कोलम्बुमा हुँदैछ।

बुधबारको अन्तिम खेलमा समूह ‘ए’कै भारत र नेदरल्यान्ड्स भिड्दैछन्। यो खेल साँझ ७ बजेर १५ मिनेट जाँदा भारतको अहमेवादमा सुरु हुनेछ। भारत तीन खेलमा तीन जित निकाल्दै अघिल्लो चरण प्रवेश गरिसकेको छ भने नेदरल्यान्ड्स तीन खेलमा एक जित निकालेर तालिकाको चौथो स्थानमा छ। अघिल्लो चरण गइसकेको भारत आजको खेलमा जित निकाल्दै समूह विजेता बन्न चाहन्छ।