हेल्लो, के खोज्न चाहानुहुन्छ?
इन्डियन प्रिमियर लिग (आईपीएल) २०२६ को फाइनल खेल आज साविक विजेता रोयल च्यालेन्जर्स बेंगलुरु र गुजरात टाइटन्सबीच अहमदाबादमा हुँदैछ।
नरेन्द्र मोदी स्टेडियममा हुने भिडन्त नेपाली समय अनुसार साँझ ७:४५ बजे सुरु हुनेछ। दुवै टोलीका लागि आजको खेल इतिहास रच्ने अवसर हो, किनकि दुवैले दोस्रो पटक उपाधि जित्ने लक्ष्य राखेका छन्।
बेंगलुरुले गत वर्ष मात्र आफ्नो पहिलो उपाधि जितेको थियो भने गुजरातले सन् २०२२ को आफ्नो डेब्यू सिजनमै च्याम्पियन बनेर सनसनी मच्चाएको थियो।यस पटकको फाइनल तथ्याङ्कीय हिसाबले निकै रोचक देखिएको छ। विगतका ८ सिजनको इतिहास हेर्दा क्वालिफायर-१ जित्ने टोलीले नै फाइनलको ट्रफी उचालेका छन्, जसले क्वालिफायर-१ मा गुजरातलाई हराएको बेंगलुरुको पक्षमा मनोवैज्ञानिक बल थपेको छ।
अर्कोतर्फ, विगत १८ वर्षको रेकर्ड अनुसार फाइनलमा २०० भन्दा बढीको स्कोर पछ्याउन (चेज गर्न) कसैले सकेका छैनन्, जसका कारण टस जितेर ठूलो योगफल खडा गर्नु दुवै टोलीको प्राथमिकता हुनेछ।
यी दुई टोलीबीचको पछिल्लो भिडन्तलाई हेर्दा बेंगलुरुको पल्ला केही भारी देखिन्छ। गत २६ मेमा धर्मशालामा भएको क्वालिफायर-१ मा बेंगलुरुले गुजरातलाई ९२ रनको विशाल अन्तरले पराजित गरेको थियो। समग्र हेड-टु-हेड रेकर्डमा पनि ९ खेलमध्ये ५ मा जित निकाल्दै बेंगलुरु एक कदम अगाडि छ। यद्यपि, यसै सिजनको लिग चरणमा भने दुवै टोलीले एक-एक खेल जितेर बराबरीको टक्कर दिएका थिए।
खेलाडीहरूको प्रदर्शनमा यसपटक ठूलो भिडन्त हुने अपेक्षा गरिएको छ। गुजरातका कप्तान शुभमन गिलले १५ खेलमा ७२२ रन बनाउँदै उत्कृष्ट फर्म प्रदर्शन गरिरहेका छन् भने उनलाई ७१० रन बनाएका साई सुदर्शनले बलियो साथ दिइरहेका छन्।
यता बेंगलुरुका लागि विराट कोहलीले ६०० रन पूरा गरिसकेका छन् भने रजत पाटीदारले मध्यक्रममा आक्रामक ब्याटिङ गर्दै ४८६ रन जोडेका छन्। बलिङतर्फ गुजरातका कागिसो रबाडा २८ विकेटका साथ शीर्ष स्थानमा छन् भने बेंगलुरुका भुवनेश्वर कुमार २६ विकेट लिएर उनलाई टक्कर दिइरहेका छन्।
उसो त गुजरातका मुख्य बलर मोहम्मद सिराजको काँधमा चोटको समस्या देखिएको छ, जसले टोलीमा केही चिन्ता थपेको छ। अहमदाबादको नरेन्द्र मोदी स्टेडियममा यस सिजन २०० भन्दा बढीको स्कोर बनाउन चुनौतीपूर्ण देखिएकाले आजको खेलमा बलर र ब्याटरबीच कडा प्रतिस्पर्धा हुने निश्चित छ।
आजको खेलका लागि दुवै टोलीले बलियो प्लेइङ-१२ तयार पारेका छन्। बेंगलुरुको टोलीमा कोहली, वेंकटेश अय्यर, रजत पाटीदार र भुवनेश्वर कुमार जस्ता अनुभवी खेलाडी छन् भने गुजरातको नेतृत्व शुभमन गिलले गर्नेछन्, जसमा जोस बटलर, राशिद खान र कागिसो रबाडा जस्ता विश्वस्तरीय खेलाडीहरू समावेश छन्।
श्रीलङ्कालाई हराउँदै नेपाल साफ महिला च्याम्पियनशिप फुटबलको सेमिफाइनलमा पुगेको छ ।
भारतको गोवामा रहेको जवाहरलाल नेहरु रङ्गशालामा आज भएको समूह ‘ए’ को अन्तिम खेलमा नेपालले श्रीलङ्कालाई २–० गोलले हरायो । नेपालका रश्मीकुमारी घिसिङ र कप्तान रेनुका नगरकोटीले गोल गरे ।
याे जीतसँगै नेपाल समूह ‘ए’ को विजेता बनेको छ । नेपालले समूह चरणको पहिलो खेलमा भूटानलाई १–० गोलले हराएको थियो । यस्तै याे समूहबाट भूटान उपविजेता बन्दै सेमिफाइनलमा पुगेको छ । भूटानले श्रीलङ्कालाई ४–० गोलले हराएको थियो ।
प्रतियोगितामा आजै राति पौने ८ बजे भारत र बङ्गलादेश खेल्दैछन् । याे समूहबाट भारत र बङ्गलादेशले माल्दिभ्सलाई हराउँदै सेमिफाइनलमा पुगिसकेका छन् । याे खेलले समूह विजेता निर्धारण गर्नेछ ।
आठाैँ संस्करणकाे साफ महिला च्याम्पियनशिपकाे फाइनल खेल यही जेठ २३ गते हुनेछ ।
भारतले सबैभन्दा धेरै ५ पटक उपाधि जितेको छ भने बङ्गलादेश पछिल्लो दुई संस्करणको विजेता हाे । नेपाल अहिलेसम्म ६ पटक फाइनलमा पुगे पनि अझै उपाधिविहीन छ ।
एसियन गेम्स छनोटको पहिलो खेलमा नेपालले चीनलाई २२१ रनले हराएको छ । सिंगापुरमा भएको खेलमा टस हारेर पहिला ब्याटिङ गरेको नेपालले चीनलाई रनले हराएको हो ।
टस हारेर पहिला ब्याटिङ गरेको नेपालले पूरै २० ओभर खेल्दै दुई विकेटको क्षतिमा ३१३ रन बनाएको थियो । ३१४ रनको विशाल लक्ष्य पछ्याएको चीन १९ ओभर दुई बलमा ९२ रन बनाएर अलआउट भएको हो ।
महत्त्वपूर्ण खेलमा चीनविरुद्ध आक्रामक ब्याटिङ गर्दै ओपनर कुशल भुर्तेलले चीनविरुद्ध १६ छक्कासहित ४३ बलमा १२९ रन बनाए ।
नेपालका कप्तान रोहित पौडेल र कुशल मल्लले विस्फोटक ब्याटिङ गर्दै शानदार अर्धशतक बनाए । मल्लले पाँच छक्का र आठ चौकाको मद्दतमा ४७ बलमा ८५ रन बनाए भने कप्तान पौडेलले २१ बलमा सात छक्का र पाँच चौकाको मद्दतमा ६९ रन बनाए ।
नेपालका ओपनर आशिफ शेख भने १० बल खेल्दा ११ रन बनाएर आउट भएका थिए । चीनका लागि मा क्वानचेङ र देङ जिनकीले एकएक विकेट हात पारे । अन्य कुनै सबै बलर नेपालसँग चुटिए ।
जवाफी ब्याटिङ गरेको चीनका लागि शेन्जियान झेङले सर्वाधिक ३१ रन बनाउँदा डु जिनहाउले १७ र टियान सेनकुनले १२ रन बनाए । अन्य कुनै पनि ब्याट्सम्यानले दोहोरो अंकमा रन जोड्न सकेनन् ।
कसिलो बलिङ गर्दै नेपालका लागि कुशल मल्लले तीन विकेट हात पारे । सन्दीप लामिछाने र सोमपाल कामीले दुईदुई विकेट हात पारेको खेलमा नन्दन यादवले एक विकेट हात पारे ।
एसियन गेम्स छनोट अन्तर्गतको पहिलो खेलमा नेपालले चीनलाई ३१४ रनको विशाल लक्ष्य दिएको छ ।
सिंगापुरमा टस जितेर चीनले सुरुमा बलिङ गरेपछि पहिला ब्याटिङ गरेको नेपालले पूरै २० ओभर खेल्दै दुई विकेटको क्षतिमा ३१३ रन बनाएको हो । महत्तवपूर्ण खेलमा चीनविरुद्ध ६ बलमा ६ वटै छक्का प्रहार गर्दै ओपनर कुशल भुर्तेलले नौ ओभर नयाँ रेकर्ड बनाएका छन् । कुशल चीनविरुद्ध १६ छक्कासहित ४३ बलमा १२९ रन बनाएर आउट भए ।
नेपालका कप्तान रोहित पौडेल र कुशल मल्लले विस्फोटक ब्याटिङ गर्दै शानदार अर्धशतक बनाए ।
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
साउनदेखि कुन तहका कर्मचारीको कति तलब ?
रंगशालाको अवलोकन
शेयर बजारमा झिनो अंकको गिरावट
गोर्खा डिपाटमेन्ट स्टोर विराटचोकलाई ५० हजार जरिवाना
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login