निष्पक्षखबर



महायज्ञबाट गौतम बुद्ध अन्तर्राष्ट्रिय क्रिकेट रङ्गशालालाई ३५ करोड सङ्कलन

चितवनः निर्माणाधीन गौतम बुद्ध अन्तर्राष्ट्रिय क्रिकेट रङ्गशालाको सहयोगार्थ आयोजना गरिएको धनधान्याञ्चल महायज्ञमा हालसम्म ३५ करोड बढी सङ्कलन भएको बताइएको छ ।

महायज्ञ मूल आयोजक समितिका संयोजक तथा प्रदेश सांसद विजय सुवेदीका अनुसार महायज्ञबाट रङ्गशालालाई ५५ करोड सङ्कलन हुने अपेक्षा गरिएको छ ।

मूल आयोजक समितिका महासचिव दिनेशकुमार चुकेका अनुसार सबैभन्दा बढी वाग्मती प्रदेश सरकारले रु १५ करोड उपलब्ध गराउने महायज्ञमा घोषणा गरेको छ । जिल्ला समन्वय समिति चितवनले २ करोड २२ लाख घोषणा गरेको छ भने नवलपरासीको गैँडाकोट नगरपालिकाले रु १ करोड बराबर सहयोग गर्ने जनाएको छ ।

धुर्मुस सुन्तली फाउण्डेशनको अगुवाईमा चितवनमा रङ्गशाला निर्माण भइरहेको छ । रङ्गशाला निर्माण गर्न करीब २ अर्ब ५० करोड खर्च हुने अनुमान छ ।

Spread the love



Leave a Reply

Your email address will not be published.