Connect with us
Advertisement
Advertisement

साझेदारी वनले राजमार्गभन्दा दक्षिणका बासिन्दाको उपभोक्ता अधिकारको ख्याल गर्नुपर्छ

Published

on

विराटचोकः प्रदेश उद्योग, पर्यटन वन तथा वातावरण राज्यमन्त्री विजय विश्वासले राजमार्ग दक्षिणका बासिन्दाले पनि वन पैदावरको उपभोग गर्न पाउने गरी साझेदारी वनको अवधारणा ल्याउनुपर्ने बताएका छन् ।

‘राजमार्ग उत्तर वन छ, तर ठूलो जनसङ्ख्या राजमार्गभन्दा दक्षिणतर्फ छ’, लोहन्द्रा केराबारी साझेदारी वन व्यवस्थापन समूहको चौथो साधारणसभालाई सम्बोधन गर्दै राज्यमन्त्री विश्वासले भने, ‘राजमार्गभन्दा दक्षिणका बासिन्दाले पनि वन पैदावरको उपभोग गर्न पाउनुपर्छ ।’

 

प्रदेश सरकारले प्रदेशलाई हरित प्रदेश घोषणा गर्ने नीति लिएको पनि उनले बताए । वन विधेयक संसदमा गएको र त्यसमा सिमसारदेखि सामुदायिक र साझेदारी वनको अवधारणा अघि सारिएको उनको भनाइ थियो । चिरानी नहुने हुनाले दाउरको रुपमा प्रयोग भइरहेका काठलाई सिर्जनात्मक स्वरुप दिन सके राम्रो आम्दानी गर्न सकिने पनि उनले बताए ।

विशिष्ट अतिथि प्रदेश सांसद राजकुमार ओझाले अति विपन्न र अपाङ्गता भएका व्यक्तिको घरमा दैवी विपत्ति आइपर्दा त्यस्ता परिवारलाई निःशुुल्क दाउरा वितरण गर्न उनले आग्रह गरे । वन उपभोक्ता समितिमा हुने आय व्यय पारदर्शी हुनुपर्ने उनको धारणा थियो ।

डिभिजन वन कार्यालयका डिभिजनल वन अधिकृत विशाल घिमिरेले स्थानीय तहले साझेदारी वनको बारेमा बुझ्न नचाहेको आरोप लगाए । वन उपभोक्ता समूहले अन्य निकायले गर्न सक्ने काम छोडी वृक्षरोपण र वनको क्षेत्र बिस्तार तथा वन संरक्षणमा ध्यान दिनुपर्ने उनको भनाइ थियो । आम्दानीको सदुपयोग गर्ने लगायतका विभिन्न सुझाव उनले आफ्नो मन्तव्यको क्रममा प्रस्तुत गरेका थिए ।

पथरी शनिश्चरे साझेदारी साझेदारी वनका संयोजक प्रकाश पौडेलले दिगो वन व्यवस्थापनको क्षेत्रमा आफूहरुले काम गरिरहेको बताए । वैज्ञानिक व्यवस्थापनको बारेमा नबुझ्नेले जैविक विविधतालाई असर पार्ने र वन मास्ने अभियान हो भनेर साझेदारी वन व्यवस्थापनलाई बुझेकाले त्यो भ्रम चिर्नु आवश्यक रहेको बताए । आफूहरु वन संरक्षणका अभियन्ता भएको र प्रति वर्ष ५०÷६० हजार बिरुवा उत्पादन भइरहेको उल्लेख गरे ।

कार्यक्रममा प्रदेश पर्यटन, वन तथा वातावरण मन्त्रालयका सचिव सञ्जीवकुमार राई, बागदेवी सामुदायिक वनका अध्यक्ष फडिन्द्र थापालगायतले आफ्नो भनाइ राखेका थिए । समूहका संयोजक दीपनारायण खाँको अध्यक्षतामा भएको कार्यक्रम ओमप्रसाद अधिकारीले गरेका थिए ।

Continue Reading

Facebook Comment

Click to comment

You must be logged in to post a comment Login

Leave a Reply

Banner

एमाले अध्यक्ष ओलीमाथि धनकुटाको लेगुवामा मुक्का प्रहारको प्रयास

Published

on

धनकुटाः मध्यपहाडी लोकमार्गमार्फत् महाकालीदेखि मेचीको यात्रामा निस्किएको एमालेको सङ्कल्प यात्राको टोलीमाथि धनकुटाको लेगुवामा मुक्का प्रहारको प्रयास भएको छ ।

सङ्कल्प यात्रा टोली भोजपुरबाट धनकुटा प्रवेश गर्ने क्रममा महालक्ष्मी ५ लेगुवामा ओलीलाई स्वागत गर्ने क्रममा लाइनमा बसेका व्यक्तिको बीचबाट प्रवेश गरेर ओलीमाथि मुक्का प्रहारको प्रयास भएको थियो । मुक्का हान्न प्रयास गर्ने लेगुवाका महेश राईलाई प्रहरीले नियन्त्रणमा लिएको छ ।

उनले मादक पदार्थ सेवन गरेको प्रहरीले जनाएको छ ।

Continue Reading

Banner

जन्मदिनको अवसर पारेर निवर्तमान मेयर ढकालकी छोरीले आश्रममा बाँडिन् न्यानो कपडा

Published

on

विराटचोकः सुन्दरहरैंचा नगरपालिकाका निवर्तमान नगरप्रमुख शिवप्रसाद ढकालकी छोरी सायनाले आफ्नो जन्मदिनमा न्यानो कपडा वितरण गरेकी छिन् ।

सायनाको १३ औ जन्मदिनको अवसर पारेर सुन्दरहरैंचा – ९ मा रहेको श्रीकृष्ण प्रणामी मन्दिरमा आश्रित बालबालिकाहरुलाई न्यानो कपडा वितरण गरिएको हो । पाथीभरा स्वतन्त्र महिला समाजको ब्यानरमा आयोजित कार्यक्रममा उनले न्यानो कपडा वितरण गरेको समाजकी अध्यक्ष सुनिता पोखरेलले बताइन् ।

कार्यक्रममा पाथीभरा स्वतन्त्र महिला समाजकी पूर्व अध्यक्ष, निवर्तमान अध्यक्ष लगायतका पदाधिकारीहरु उपस्थित थिए ।

Continue Reading

Banner

बुद्धोदय साकाेसको अध्यक्ष र लेखा संयोजकमा पुनः क्रमशः खनाल र निधी

Published

on

विराटनगरः विराटनगर –३ बुद्धचोकमा रहेको बुद्धोदय बचत तथा ऋण सहकारी संस्थाको नयाँ कार्यसमिति सर्वसम्मत चयन भएको छ । संस्थाको सञ्चालक समिति अध्यक्षमा पुनः राजेन्द्रप्रसाद खनाललाई चयन गरेको हो । खनालको अध्यक्षतामा ९ सदस्यीय नयाँ कार्यसमिति र पुनः अविनाशकुमार निधिको संयोजकत्वमा तीन सदस्यीय लेखा समिति समेत सर्वसम्मत चयन भएको हो ।

कार्यसमितिको उपाध्यक्षमा प्रेमबहादुर खड्का , सचिवमा सन्तोष वराल, कोषाध्यक्षमा यज्ञप्रसाद खतिवडा चयन भएको निर्वाचन समितिले जनाएको छ । त्यसैगरी समितिको सदस्यहरुमा उद्धव घिमिरे, भोजराज निरौला, दिपेश चौधरी, यादवप्रसाद पोखरेल र सीतादेवी खड्का सर्वसम्मत चयन भएका निर्वाचन समितिका संयोजक गोविन्दप्रसाद दाहालले जानकारी दिए ।

लेखा समितिको सदस्यमा टीकाप्रसाद कोइराला र झनकुमारी निरौला चयन भएका छन् ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक