Connect with us
Advertisement
Advertisement

कोरोनाका कारण अस्तव्यस्त फिल्म रिलिज

Published

on

असोजमा आएको फिल्म ‘छ माया छपक्कै’ पछि करीब ३ महिना नेपालका सिनेमा घरहरु सुनसान देखिए । आश गरिएका केही फिल्म प्रदर्शनमा आए पनि दर्शकले हलसम्म जाने जाँगर नै चलाएनन् । मंसिरपछि जाडो मौसमका कारण दर्शक हलसम्म नआउने डरले निर्माताले फिल्म प्रदर्शन नै गरेनन् । जसले गर्दा सिंगल थिएटरहरु बन्द हुने अवस्थामा समेत पुगेका थिए ।

विदेशी फिल्मलाई दर्शक अभाव नहुनु तर नेपाली फिल्म हेर्ने दर्शक नभएर शो नै रद्द हुँदा फिल्मकर्मीमा निराशा छाएको थियो । यस बारेमा कतिपयले राम्रा फिल्म नबनेका कारण हलमा दर्शक नआएको तर्क राखे भने केहीले नेपाली फिल्ममा संकटकाल लगाउनुपर्ने आवाज पनि उठाए । यसबीच, माघ २४ गतेबाट प्रदर्शनमा आएको फिल्म ‘साङ्लो’ ले केही आश जगायो ।

लामो समयदेखि दर्शकको अभाव भोगिरहेको नेपाली फिल्मलाई यो फिल्मले एक हदसम्म राहत दिएको थियो । प्रदर्शनको दोस्रो दिन फिल्मले बक्सअफिसमा राम्रो कमाई गर्‍यो । तर, पहिलो विकेन्डपछि यो फिल्मले पनि दर्शकको खडेरी भोग्नुपर्‍यो । योसँगै एकसाथ प्रदर्शनमा आएको अर्को फिल्म ‘सेल्फी किङ’ बाट ठूलो आश गरिएको थियो । तर, यसले हलमा दर्शक नै तान्न सकेन ।

यसपछि फागुन ९ गतेबाट प्रदर्शनमा आउँदै गरेका दुई फिल्म ‘सेन्टी भाइरस’ र ‘आमा’ प्रति धेरैले आश गरेका थिए । यी दुई फिल्मले नेपाली फिल्मको सुस्ताएको बजार एक हदसम्म चलायमान बनाउने अपेक्षा गरिएको थियो । ‘सेन्टी भाइरस’ ले प्रदर्शनको दुई दिन राम्रो व्यापार गर्‍यो पनि । तर, खराब माउथ पब्लिसिटीका कारण आइतवारबाट फिल्म कमाईमा कमजोर बन्दै गयो ।

यो फिल्म बक्सअफिसमा कमजोर बन्न थालेपछि दोस्रो हप्ताबाट ‘आमा’ ले आफ्नो गति समात्यो । बलियो ‘वर्ड अफ माउथ’ भएकाका कारण फिल्म हेर्ने दर्शक हलमा बढिरहेका थिए । तर, गएको हप्ता दिनदेखि यो फिल्मको व्यापार पनि चौपट भएको छ । संसारभर महामारीको रुपमा फैलिएको कोरोना भाइरसको त्रासले यतिबेला हलमा विदेशी फिल्म हेर्ने समेत दर्शक छैनन् ।

चीनबाट फैलिएको कोरोनाका कारण सयौंको मृत्यु भैसकेको छ भने हजारौं संक्रमित छन् । डब्लूएचओले नेपाल कोरोनाको उच्च जोखिममा रहेको बताएपछि अहिले हरेक नेपालीको मनमा त्रास उत्पन्न भएको छ । यद्यपि, अहिलेसम्म नेपालमा यो भाइरसको संक्रमण कसैमा देखिएको छैन । तर, सरकारले भीडभाडमा नजान र अनिवार्य रुपमा मास्क लगाएर हिँड्न आग्रह गरिरहेको छ ।

कोरोना भाइरसका कारण अहिले हरेक क्षेत्रमा ठूलो प्रभाव परेको छ । यसको धक्का विस्तारै नेपाली फिल्म क्षेत्रलाई पनि पर्न थालेको छ । अहिले हलमा प्रदर्शनरत फिल्मको व्यापार नाजुक छ भने प्रदर्शनको तयारीमा रहेका फिल्म अन्योलमा छन् । कोरोनाको कारण फागुन ३० मा प्रदर्शन हुने निश्चित भएको फिल्म ‘म यस्तो गीत गाउँछु २’ अनिश्चितकालका लागि रोकियो ।

चैत ७ मा आउने फाइनल भएको फिल्म ‘नीरफूल’ को पनि प्रदर्शन स्थगन भैसकेको छ । कोरोनाका कारण हलमा दर्शक नआउने डरले एकपछि अर्को फिल्मको प्रदर्शन स्थगित हुँदा प्रदर्शनको तयारीमा रहेका अरु फिल्मका निर्माता समेत चिन्तित देखिन थालेका छन् । चैत २१ मा प्रदर्शन हुन लागेको फिल्म ‘लक्का जवान’ को पनि रिलिज पोस्टपोन्ड हुनसक्ने सम्भावना प्रवल छ ।

यस वर्षका लागि अन्तिम दुई फिल्म ‘प्रेमगीत ३’ र ‘चपली हाइट ३’ पनि तोकिएकै मितिमा प्रदर्शन हुने सम्भावना न्यून छ । ‘प्रेमगीत ३’ निर्माता तथा निर्देशक सन्तोष अहिले पर्ख र हेरको अवस्थामा छन् । उनी अझै केही दिन माहोल हेरेर फिल्म सार्ने वा नसार्ने भन्ने निर्णय लिने बताउँछन् । अहिलेकै अवस्था रहे उनी फिल्म सार्ने सोचमा छन् । हाल फिल्मको गीतको छायांकन भैरहेको छ ।

फिल्म ‘चपली हाइट ३’ भने चैत २८ गतेबाट पोस्टपोन्ड नहुने निर्माता अर्जुन कुमारले दाबी गरेका छन् । फेसबुकमा भैरहेको अनावश्यक हल्लाले मानिसमा कोरोनाको त्रास उत्पन्न भएको उनको भनाई छ । राम्रो फिल्म बनाए दर्शक फिल्म हेर्न हल आउने उनी बताउँछन् । तर, चैत अन्तिमसम्म पनि अहिलेकै अवस्था रहे उनी फिल्म नसार्ने अडानमा कायमै रहलान् भन्न सकिन्न ।

कोरोनाको त्रासले आश गरिएका फिल्महरु लगालग पछाडि सर्न थालेपछि यसबाट नेपाली फिल्म क्षेत्रलाई ठूलो क्षती हुने देखिएको छ । त्यस्तै, अहिले पोस्टपोन्ड भएका फिल्मलाई नयाँ प्रदर्शन मिति पाउन पनि उस्तै मुश्किल हुने देखिन्छ । तंग्रिदै गरेको नेपाली फिल्म क्षेत्रलाई कोरोनाको त्रासले ठूलो धक्का दिएको छ । यसबाट तंग्रिन नेपाली फिल्म क्षेत्रले एकपटक ठूलै संघर्ष गर्नुपर्ने हुन्छ ।

याे समाचार फिल्म खबर बाट 

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

कला / साहित्य

‘बारीको कर्कलो’ सार्वजनिक

Published

on

विराटचोकः अमेरिकामा बसेर गीतलेखनमा सक्रिय गीतकार विजय दर्पण र सङ्गीतकार योगेशकाजीको पछिल्लो गीत ‘बारीको कर्कलो’ सार्वजनिक भएको छ । विष्णु माझी र बाबुकृष्ण परियारको स्वरमा रहेको गीतको भिडियो सार्वजनिक भएको छ ।

गोविन्द पराजुलीको रेकर्डिस्ट र एचबीएन किस्मतको मिक्सिङ तथा माष्टरिङ रहेको ‘बारीको कर्कलो’ मा निश्चल गुरुङ, सुरज लामिछाने, ज्ञानु परियार र जमुना सोनामको कोरस स्वर रहेको छ । राजकुमार मगरको निर्देशन तथा सम्पादन रहेको सार्वजनिक गीतको भिडियोमा प्रकाश सपुत र केकी अधिकारीलाई फिचरिङ गरिएको छ ।

अजय रेग्मीको छायाङ्कन तथा ड्रोन रहेको भिडियोमा राजीव समरको कोरियोग्राफी रहेको छ । विजय दर्पणका धेरै गीत स्रोता÷दर्शकमाझ लोकप्रिय छन् । योगेशकाजीसँगको पहिलो सहकार्यमा ‘नक्कली साली’ गीत सार्वजनिक भएको थियो ।

Continue Reading

Banner

यी हुन् तिहारको कथावस्तु समेटिएका नेपाली चलचित्रका गीतहरु

Published

on

विराटचोकः नेपालीहरुको दोस्रो ठूलो चाड तिहार मनाउने क्रममा हामी छौँ । नेपालीको दोस्रो ठूलो चाड भएको हुनाले तिहारको विषयवस्तुले नेपाली समाजका हरेक क्षेत्रमा आफ्नो उपस्थिति जनाएको पाइन्छ । यसै क्रममा यहाँ भने तिहारको विषयवस्तु समेटिएका नेपाली चलचित्रको बारेमा उल्लेख गर्न लागिएको हो । नेपाली चलचित्र र नेपाली चलचित्रको गीतमा तिहारको विषयवस्तु समेटिएको प्रशस्तै पाइन्छ ।

धेरै नेपाली चलचित्रमा समावेश भएको तिहारको कथावस्तु सशक्त नै पाइन्छ । केही चलचित्रमा समावेश भएको दृश्य भने सामान्य पाइन्छ । नेपाली चलचित्रमा समावेश भएका गीतमध्ये चलचित्र ‘चिनो’मा रहेको ‘दियो बाली साँझको…’, चलचित्र ‘स्वर्ग’मा रहेको ‘तिहारै आयो लौ झिलिमिली…’ अनि चलचित्र ‘विजय पराजय’ को ‘निधारैमा लर्काएर सप्तरङ्गी टीका…’ बोलका गीत कालजयी गीत हुन् । हरेक वर्ष तिहारमा सबैभन्दा धेरै बज्ने गीतमा यी गीत पर्दछन् ।

चलचित्र ‘चिनो’ मा रहेको ‘दियो बाली साँझको…’ बोलको गीत सदावहार तिहार गीत हो । तिहार मनाइरहेकै बेला चलचित्रको खलपात्र राते काइँला (सुनिल थापा) ले नायकको परिवारमाथि हमला गर्छन् ।

चलचित्र ‘सम्झना’ मा भैले गीत रहेको छ । चलचित्रमा रोगले थला परेकी नायिकाको घरमा भैलिनी आउने मार्मिक दृश्य राखिएको छ ।

चलचित्र ‘स्वर्ग’ मा ‘तिहारै आयो लौ झिलिमिली, भैलेनी आए मागन…’ गीतको कालजयी गीत छ । हरेक वर्ष तिहारमा सबैभन्दा बढी बज्ने गीतमा यो गीत पनि पर्दछ ।

चलचित्र ‘लक्ष्मीपूजा’ तिहारको एउटा महत्वपूर्ण दिन लक्ष्मीपूजाको नाममा राखिए जस्तो लाग्छ । तर यो चलचित्र नायिका लक्ष्मी र पूजाको नाममा राखिएको चलचित्र हो । कृष्टि मैनालीको दोहोरो भूमिका भएको यो चलचित्रकी नायिका लक्ष्मीपूजाको दिन जन्मिएको प्रसंगले तिहारलाई सम्बोधन गरेको छ ।

चलचित्र ‘अन्याय’मा लक्ष्मीपूजाको दिन घरमा दियो बालेर नायिका नाचेको दृश्य राखिएको छ । ‘अधरमा आज उनकै छ गीत…’ बोलको गीतमा

चलचित्र ‘विजय पराजय’मा रहेको ‘निधारैमा लर्काएर सप्तरंगी टीका…’ बोलको गीत पनि चर्चित सदावहार गीत हो ।

चलचित्र ‘माइती’ मा समावेश भएको ‘हाँसेर बोल न बैनी तिहारको बेलैमा…’ भन्दै गाएको गीत राखिएको छ । गीतका शव्दहरु अत्यन्त मार्मिक छन् । यो गीतले दाजुभाई–दिदीबहिनीको माया, प्रेमलाई दर्शाएको छ ।

चलचित्र ‘कोहिनुर’ मा पनि तिहारको गीत समावेश गरिएको छ । ‘ढकमक्क फूल, झलमल्ल बत्ती, घुमा’को रोटी, देउसी र भैले …’ बोलको तिहार गीत पनि चर्चित बन्यो ।

चलचित्र ‘देशदेखि विदेश’मा ‘यसपाली पनि परदेशमै बित्ने भो दशैं तिहार…’ बोलको गीत समावेश गरिएको छ ।

चलचित्र ‘मेरो हजुर’मा पनि तिहारको रौनक दिने एक गीत समावेश छ । चलचित्र ‘पर्खिराख है’ मा पनि तिहारको गीत समावेश छ ।
उता तिहारकै प्रसंगबाट चलचित्र ‘पर्व’ शुरु हुन्छ । तिहारको गीत भने यसमा पाइँदैन ।

 

चलचित्र ‘परदेशी’मा पनि तिहारको प्रसंग समावेश गरिएको छ । परदेशमा जेलमा परेको भाइको सम्पूर्ण बाधा हटोस् भन्ने कामनासहित दिदीले ओखर फोरेको प्रसंग निकै मार्मिक छ । ‘मखमली फुल्दा, मार्सी धान झुल्दा….’ बोलको तिहारको गीत यस चलचित्रमा राखिएको छ ।

यो चलचित्रमा ‘ठूलो आँगन माझैमा खेली, नाच बहिनी बेली र चमेली…’ बोलको देउसी गीत पनि यस चलचित्रमा समावेश गरिएको छ ।

चलचित्र ‘काली’मा नायककी दिदीलाई भाइटीकाकै दिन खलनायकले बलात्कार गर्ने दृृश्य छ । तिहारको गीत भने यो चलचित्रमा छैन ।

चलचित्र ‘फिटकिरी’मा पनि तिहारको गीत समावेश गरिएको छ । ‘सेलरोटी परिकार खाएर, मनाऔँ तिहार देउसिरे गाएर…’ बोलको देउसी गीत यस चलचित्रमा समावेश गरिएको छ ।

चलचित्र ‘पाले दाइ’ मा ‘झेलुँला म बर्खे झरी…’ बोलको तिहारको गीत समावेश छ ।

चलचित्र ‘राहदानी’मा ‘साउनको ठूलो भेल पानी पर्यो झम्म झम्म…’ बोलको देउसी गीत रहेको छ ।

चलचित्र ‘बन्दी’मा पनि तिहारको गीत समावेश छ ।

त्यस्तै, ‘निखिल दाइ’ ‘प्यारी बहिनी’, ‘चट्टान’, ‘धर्म’ ‘भाइटीका’, ‘दिदी’ ‘मामाघर’, ‘स्वर्ग’, ‘पछ्यौरी’, ‘पिँजडा’ आदि चलचित्रमा तिहारको परिवेशलाई समेटिएको छ ।

 

Continue Reading

Banner

बलि चढाऊ मलाई

Published

on

आऊ माग म रक्त दिन्छु सजिलै द्यौ मृत्यु श्रद्धाञ्जलि
निर्दोषी पशु मार्न पर्दछ भने मेरो चढाऊ बलि।
मेरो रक्त निकाल गर्दन चुँडी ती देवका थानमा
छालाबाट बनिन्छ दाप खुकुरी हड्डी रहुन् ज्यानमा।।

धर्ती अम्बर होस्, मिलोस् रससुधा उत्साह नाच्दै रहोस्
बाँचून् जन्तु सबै नमार चिडिया यो रक्त साक्षी रहोस्।
मेरो ज्यान दिँदा समस्त पशुका उद्धार हुन्छन् भने
फाँसी चढ्न तयार हुन्छु सहजै ती जन्तु बाँच्छन् भने।।

अन्धो बन्छ समाज धर्म पथमा संस्कार पाखण्डको
लिन्छन् प्राण कठै! लुछेर मुटुमा कस्तो खुसी दण्ड यो ?
बन्छन् भोजन जन्तु मांस घरमा सम्मानका खातिर
त्यस्तै रोग र शोक हुन्छ जनमा चीत्कार छन् आखिर ।।

खोजी गर्छ मनुष्य धर्म मठमा हत्या र हिंसा गरि
जस्तै होस् धनवान् हिरण्य गहना हो दैत्य आडम्बरी।
पापैपाप भरिन्छ हिंस्रक बने ती दुष्ट हुन् दानव
यस्तै सोच भए विकास गतिमा के हुन्छ त्यो सम्भव।।

हत्यारा कसरी सुधारक भए यी प्रश्न छन् सज्जन
सेवा धर्म समाज मन्दिरतिरै पापी बढे झन्झन ।
आमा चिन्न सकिन्न नै यदि भने धर्ती कहाँ बाँच्तछिन्
नेता कानुन दुष्ट सन्तति भए धर्ती कहाँ हाँस्तछिन् ??

–माटाको आस्थाबाट

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक