कला / साहित्य
कोरोनाका कारण अस्तव्यस्त फिल्म रिलिज
असोजमा आएको फिल्म ‘छ माया छपक्कै’ पछि करीब ३ महिना नेपालका सिनेमा घरहरु सुनसान देखिए । आश गरिएका केही फिल्म प्रदर्शनमा आए पनि दर्शकले हलसम्म जाने जाँगर नै चलाएनन् । मंसिरपछि जाडो मौसमका कारण दर्शक हलसम्म नआउने डरले निर्माताले फिल्म प्रदर्शन नै गरेनन् । जसले गर्दा सिंगल थिएटरहरु बन्द हुने अवस्थामा समेत पुगेका थिए ।
विदेशी फिल्मलाई दर्शक अभाव नहुनु तर नेपाली फिल्म हेर्ने दर्शक नभएर शो नै रद्द हुँदा फिल्मकर्मीमा निराशा छाएको थियो । यस बारेमा कतिपयले राम्रा फिल्म नबनेका कारण हलमा दर्शक नआएको तर्क राखे भने केहीले नेपाली फिल्ममा संकटकाल लगाउनुपर्ने आवाज पनि उठाए । यसबीच, माघ २४ गतेबाट प्रदर्शनमा आएको फिल्म ‘साङ्लो’ ले केही आश जगायो ।
लामो समयदेखि दर्शकको अभाव भोगिरहेको नेपाली फिल्मलाई यो फिल्मले एक हदसम्म राहत दिएको थियो । प्रदर्शनको दोस्रो दिन फिल्मले बक्सअफिसमा राम्रो कमाई गर्यो । तर, पहिलो विकेन्डपछि यो फिल्मले पनि दर्शकको खडेरी भोग्नुपर्यो । योसँगै एकसाथ प्रदर्शनमा आएको अर्को फिल्म ‘सेल्फी किङ’ बाट ठूलो आश गरिएको थियो । तर, यसले हलमा दर्शक नै तान्न सकेन ।
यसपछि फागुन ९ गतेबाट प्रदर्शनमा आउँदै गरेका दुई फिल्म ‘सेन्टी भाइरस’ र ‘आमा’ प्रति धेरैले आश गरेका थिए । यी दुई फिल्मले नेपाली फिल्मको सुस्ताएको बजार एक हदसम्म चलायमान बनाउने अपेक्षा गरिएको थियो । ‘सेन्टी भाइरस’ ले प्रदर्शनको दुई दिन राम्रो व्यापार गर्यो पनि । तर, खराब माउथ पब्लिसिटीका कारण आइतवारबाट फिल्म कमाईमा कमजोर बन्दै गयो ।
यो फिल्म बक्सअफिसमा कमजोर बन्न थालेपछि दोस्रो हप्ताबाट ‘आमा’ ले आफ्नो गति समात्यो । बलियो ‘वर्ड अफ माउथ’ भएकाका कारण फिल्म हेर्ने दर्शक हलमा बढिरहेका थिए । तर, गएको हप्ता दिनदेखि यो फिल्मको व्यापार पनि चौपट भएको छ । संसारभर महामारीको रुपमा फैलिएको कोरोना भाइरसको त्रासले यतिबेला हलमा विदेशी फिल्म हेर्ने समेत दर्शक छैनन् ।
चीनबाट फैलिएको कोरोनाका कारण सयौंको मृत्यु भैसकेको छ भने हजारौं संक्रमित छन् । डब्लूएचओले नेपाल कोरोनाको उच्च जोखिममा रहेको बताएपछि अहिले हरेक नेपालीको मनमा त्रास उत्पन्न भएको छ । यद्यपि, अहिलेसम्म नेपालमा यो भाइरसको संक्रमण कसैमा देखिएको छैन । तर, सरकारले भीडभाडमा नजान र अनिवार्य रुपमा मास्क लगाएर हिँड्न आग्रह गरिरहेको छ ।
कोरोना भाइरसका कारण अहिले हरेक क्षेत्रमा ठूलो प्रभाव परेको छ । यसको धक्का विस्तारै नेपाली फिल्म क्षेत्रलाई पनि पर्न थालेको छ । अहिले हलमा प्रदर्शनरत फिल्मको व्यापार नाजुक छ भने प्रदर्शनको तयारीमा रहेका फिल्म अन्योलमा छन् । कोरोनाको कारण फागुन ३० मा प्रदर्शन हुने निश्चित भएको फिल्म ‘म यस्तो गीत गाउँछु २’ अनिश्चितकालका लागि रोकियो ।
चैत ७ मा आउने फाइनल भएको फिल्म ‘नीरफूल’ को पनि प्रदर्शन स्थगन भैसकेको छ । कोरोनाका कारण हलमा दर्शक नआउने डरले एकपछि अर्को फिल्मको प्रदर्शन स्थगित हुँदा प्रदर्शनको तयारीमा रहेका अरु फिल्मका निर्माता समेत चिन्तित देखिन थालेका छन् । चैत २१ मा प्रदर्शन हुन लागेको फिल्म ‘लक्का जवान’ को पनि रिलिज पोस्टपोन्ड हुनसक्ने सम्भावना प्रवल छ ।
यस वर्षका लागि अन्तिम दुई फिल्म ‘प्रेमगीत ३’ र ‘चपली हाइट ३’ पनि तोकिएकै मितिमा प्रदर्शन हुने सम्भावना न्यून छ । ‘प्रेमगीत ३’ निर्माता तथा निर्देशक सन्तोष अहिले पर्ख र हेरको अवस्थामा छन् । उनी अझै केही दिन माहोल हेरेर फिल्म सार्ने वा नसार्ने भन्ने निर्णय लिने बताउँछन् । अहिलेकै अवस्था रहे उनी फिल्म सार्ने सोचमा छन् । हाल फिल्मको गीतको छायांकन भैरहेको छ ।
फिल्म ‘चपली हाइट ३’ भने चैत २८ गतेबाट पोस्टपोन्ड नहुने निर्माता अर्जुन कुमारले दाबी गरेका छन् । फेसबुकमा भैरहेको अनावश्यक हल्लाले मानिसमा कोरोनाको त्रास उत्पन्न भएको उनको भनाई छ । राम्रो फिल्म बनाए दर्शक फिल्म हेर्न हल आउने उनी बताउँछन् । तर, चैत अन्तिमसम्म पनि अहिलेकै अवस्था रहे उनी फिल्म नसार्ने अडानमा कायमै रहलान् भन्न सकिन्न ।
कोरोनाको त्रासले आश गरिएका फिल्महरु लगालग पछाडि सर्न थालेपछि यसबाट नेपाली फिल्म क्षेत्रलाई ठूलो क्षती हुने देखिएको छ । त्यस्तै, अहिले पोस्टपोन्ड भएका फिल्मलाई नयाँ प्रदर्शन मिति पाउन पनि उस्तै मुश्किल हुने देखिन्छ । तंग्रिदै गरेको नेपाली फिल्म क्षेत्रलाई कोरोनाको त्रासले ठूलो धक्का दिएको छ । यसबाट तंग्रिन नेपाली फिल्म क्षेत्रले एकपटक ठूलै संघर्ष गर्नुपर्ने हुन्छ ।
याे समाचार फिल्म खबर बाट
Facebook Comment
जाग,उठ हे महिला क्रान्तिको राँको बोकेर
अघि बढ पुरुषको काँधमा काँध मिलाउँदै
शिखर छुने अठोट गर
छेक्न सक्दैनन् तिम्रा साहसी पाइलाहरु
केवल ती चुरी र पाउजूहरुले
रोक्न सक्दैनन् तिम्रा मुक्तिका आवाजहरु
केवल ती बन्दुक र बारुदहरुले ।
निष्पट्ट अन्धकारभित्र जलाइएकी दीप हौ
तिमी प्रत्येक अँध्याराहरुलाई चिर्न सक्छ्यौ
दासताको सामन्ती जालमा जकडिएकी थियौ
तिमी प्रत्येक कुुरीतिहरुलाई चिर्न सक्छ्यौ
सयौँ वर्ष अघिदेखि खोसिएको छ तिम्रो स्वतन्त्रता,
त्यसैको निम्ति अघि बढ
निर्ममतापूर्वक दबाइएका छन् तिम्रा भावनाहरु
विद्रोहको विगुल फुक्दै अघि बढ ।
हो, निरंकुश सामन्तीहरुले तिमीलाई
अत्याधुनिक मोडलकी गुडिया मात्रै ठानेका छन्
नारीको मूल्य तोक्ने कायरहरुले
तिमीलाई तास र जूवामा समेत प्रयोग गरेका छन्
त्यसैले धिक्कार छ तिनीहरुलाई
जसले नारीको जिन्दगीलाई ‘हारेको कर्म’ भन्ने पाठ रटाए
तिरस्कार छ ती बुुर्जुवाहरुलाई
जसले पतिसँगै सती जान समेत बाध्य गराए ।
समानताको नारा दिँदै कानुनका बडाबडा ठेली एक हातले च्यापेर
अर्काे हातले तिम्रा अधिकार पनि खोस्न नहिच्किचाउने
ए विश्वका कानुनविद् भनाउँदाहरु हो,
भन तिमीहरुको अत्याचारको सीमा कति हो
तर, अब त देशमा गणतन्त्र आइसकेको छ
महिलाहरुमा पनि चेतनाको लहर छाइसकेको छ ।
त्यसैले हे आमा दिदीबहिनी हो,
प्रकृतिले दिएका तिम्रा दुई नयनहरु
केवल दुःखमा आँशु बगाउन मात्र होइन
संसारलाई हेर्ने गर
तिम्रा दुई पौरखी हातहरु केवल
पुरुषहरुको पाउ मोल्न मात्रै होइन
उनीहरुको हातसँगै अघि बढाउने गर
प्रकृतिले जिब्रो दिएको छ तिमीलाई
केवल आदर्शको निम्ति मौन रहनलाई होइन
अत्याचारको विरुद्धमा आवाज उठाउने गर
प्रकृतिले मस्तिष्क दिएको छ तिमीलाई
केवल दायित्व पन्छाउनको निम्ति होइन
जिम्मेवारीको निम्ति आफैँ अग्रसर हुने गर ।
इटहरीः इटहरी जेसीजको आयोजनामा आज साँझ इटहरीमा हिपहप फेस्टिभल हुने भएको छ । इम्पेरियल लाउन्जमा हुने सो फेस्टिबल नेपालकै पहिलो हुने आयोजकले जनाएको छ ।
आयोजकका अनुसार देशभरबाट ¥यापरहरुको उपस्थिति रहने कार्यक्रमको मुख्य आकर्षण युनिक पोइटको रहने छ । पछिल्लो पुस्तामा लोकप्रिय बन्दै गइरहेको हिपहप शब्दलाई सभ्य र सुसंस्कृत रुपमा अघि बढाउन फेस्टिभल आयोजना गरिएको इटहरी जेसीजका अध्यक्ष प्रकाश राईले बताए ।
कार्यक्रममा ग्रर्याफिटि आर्ट, बिटबक्स , बि– बोइङ , डिजे, र्याप हिपहपको सबै तत्वहरुलाई समेटिएको बताइएको छ ।
विराटचोकः कवि छवि ‘वैरागी’ घिमिरेद्वारा लिखित छन्दपान कविता सङ्ग्रहको विमोचन भएको छ । शनिबार सुन्दरहरैंचा उद्योग वाण्जिय संघको सभाहलमा कार्यक्रमका प्रमुख अतिथि सुन्दरहरैंचा नगरपालिकाका प्रमुख शिवप्रसाद ढकाल, प्राज्ञ डा. दधिराज सुवेदी र साहित्यकार डा. नवराज लम्सालले संयुक्त रुपमा कृतिको विमोचन गरेका हुन् ।
विमोचन कार्यक्रममा बोल्दै प्राज्ञ सुवेदीले विमोचित कृतिका बारेमा चर्चा गरेका थिए । उनले छन्दपानभित्र राखिएको ‘के छैन नेपालमा…’ शीर्षक कविता वाचन गरेका थिए । उनले सङ्ग्रहमा राखिएको आचार्य अ द्वारा लिखित छन्द परिचय र नेपाली कविता साहित्यमा यसको प्रयोग राख्नाले यो पुस्तकको उचाइ थप बढाएको बताए ।
डा. नवराज लम्सालले अहिले कृतिको मूल्य कम भए पनि भोलि यस्ता कृतिको मूल्य धेरै हुने बताए । समयसापेक्ष लेखिने लहर चलेकाले घटनाले कविलाई प्रभावित गर्ने हो कि कविहरुको सिर्जना आफैँभित्र घटना मिसिएर आउने हो भन्दै समय र परिस्थितिमा धेरै कवि जन्मने गरेको उनले बताए ।
१ सय २४ पृष्ठको कविता सङ्ग्रहमा ५३ वटा कविताहरु रहेका छन् । भोजपुरमा जन्मिएका घिमिरेले यसअघि केवल तिम्रै लागि उपन्यास, जूनतारा लेख सङ्ग्रह, माटाको आस्था कविता सङ्ग्रह र आहत हिपत कविता सङ्ग्रह प्रकाशन गरिसकेका छन् । साे कृतिकाे प्रकाशक गाैरी पब्लिक रिलेसन एन पब्लिकेशन काठमाडाैले रहेकाे छ ।
-
अर्थ1 year agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
खेलकुद1 year agoरंगशालाको अवलोकन
-
अर्थ10 months agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य1 year agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य1 year agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
प्रदेश नं. १1 year agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
-
कला / साहित्य1 year agoखोटाङ सेवा समाजद्वारा ‘नागरिक सम्मान’ र ‘खोटाङ प्रतिभा पुरस्कार’ प्रदान
-
मुख्य1 year agoजित्ने स्वास्थ्य मन्त्री, हार्ने मेडिकल कलेज सञ्चालक
You must be logged in to post a comment Login