समाचार
सामन्ती व्यवस्थाका दलाललाई परास्त गर्न युवालाई निर्देशन
धरानः सामन्ती व्यवस्थाका दलाललाई परास्त गर्दै समाजवाद लागू गर्न धरानको उपनिर्वाचनमा युवाहरूलाई सक्रिय रहन नेकपाका केन्द्रीय सदस्य तथा सुनसरी जिल्ला इञ्चार्ज धर्मराज निरौलाले निर्देशन दिएका छन् ।
नेकपाको युवा परिचालन तथा स्वयंसेवक प्रशिक्षण भेलामा इञ्चार्ज निरौलाले राष्ट्रिय अर्थतन्त्रलाई सुदृढ पार्दै समृद्ध नेपालको स्थापना नेकपाको जीतबाट मात्रै सुनिश्चित हुने भएकाले सम्पूर्ण युवा उपनिर्वाचन केन्द्रित भई नेकपालाई जिताउन निर्देशन दिएका हुन् ।
धरानको सैनिक भवनमा आयोजित प्रशिक्षण भेलामा निरौलाले समृद्ध मुलुक रूपान्तरणमा उपनिर्वाचनको सन्दर्भ जोडिएको बताउँदै राष्ट्रिय अर्थतन्त्रको समृद्धि निर्वाचनसँग जोडिएको बताए । उनले भने, ‘निर्वाचन निर्वाचनका लागि मात्रै होइन, समृद्धिको आधार निर्माण गर्न निर्वाचन जोडिएको छ । त्यसैले एकताबद्ध भएर युवाहरू निर्वाचनमा होमिँदै नेकपालाई जिताउन आवश्यक छ ।’
कार्यक्रममा प्रशिक्षण मन्तव्य राख्दै नेकपाका प्रदेश सदस्य मुक्साङहाङ मेन्याङ्बोले वामपन्थीहरूको नगरलाई कायम राख्न पनि कम्युनिष्टको जीत आवश्यक रहेको बताए । उनले स्वर्गीय मेयर तारा सुब्बाको अधुरो सपना पूरा गर्न पनि नेकपाको तर्फबाट प्रकाश राईको जीत आवश्यक रहेको बताए । उनले भने, ‘नेकपाको निर्वाचनको जीत एक पटकको लागि मात्रै होइन, शान्तिपूर्ण निर्वाचनको माध्यमबाट सयौं वर्षसम्म जीत हासिल गर्दै धरानको विकास र समृद्धि गर्नुपर्नेछ, त्यसैले युवाहरूको महत्वपूर्ण भूमिका रहनेछ ।’
प्रशिक्षण कार्यक्रममा नेपाली काङ्ग्रेस निकट तरुण दल धरान उपमहानगर समिति सदस्य स्ुवास राईको नेतृत्वमा करिब १ सय ५० जना युवाहरू नेकपामा प्रवेश गरेका छन् । उनीहरूलाई नेकपाका नेता मुक्साहाङ मेन्याङबो, आइन्द्रविक्रम बेघा, प्रकाश राई लगायतले अबिर लगाइँदिदै पार्टीमा स्वागत गरेका थिए ।
सङ्घले मंसिर १४ गते हुने निर्वाचनमा प्रत्येक बुथमा स्वयम्सेवकको रुपमा २ हजार ८ सय २० जना युवाहरू परिचालन गर्ने घोषणा गरेको छ । राष्ट्रिय युवा सङ्घका केन्द्रीय सदस्य हरि लिम्बूको सभापतित्वमा भएको प्रशिक्षण भेलामा साङ्गीतिक कार्यक्रमहरू प्रस्तुत गरिएको थियो ।
Facebook Comment
आइतबार साँझ आएको हावाले उदयपुरको कटारीमा २ जनाको मृत्यु भएको छ भने ५ जना घाइते भएका छन् ।
मृत्यु हुनेमा कटारी नगरपालिका–८ थलीयाटारकी मिनामाया तामाङ र कटारी नगरपालिका–५ निवासी ६४ वर्षीय वीरेन्द्र चौधरी रहेका छन् ।इलाका प्रहरी कार्यालय कटारीका अनुसार कटारी–५ स्थित राधा कृष्ण मन्दिर नजिक टिनको छाना र काठले बनेको खाजा घरमा वर्षासँगै आएको हावाले सुकेको सालको रुख ढल्दा चौधरीको मृत्यु भएको हो ।
सोही घटनामा रुखले किचेर ५ जना घाइते भएका छन् । घाइते हुनेहरूमा ४ वर्षीया बिनिशा चौधरी, कटारी नगरपालिका–५ आहालेडाँडा बस्ने २७ वर्षीय युवराज कार्की, कटारी नगरपालिका–५ बलाहा बस्ने ४६ वर्षीय लीला बहादुर दनुवार, सोही स्थानका ४६ वर्षीय प्रेमचन्द्र दनुवार तथा कटारी नगरपालिका–१२ बसेरी बस्ने १६ वर्षीया अस्मिता परियार रहेका छन् । उनीहरूको प्रादेशिक अस्पताल कटारीमा उपचार भइरहेको छ।
यस्तै कटारी नगरपालिका–८ की मिनामाया तामाङ घरमा खसी–बाख्रा सार्ने क्रममा हावाले भाँचको रुखको हाँगाले लागेर गम्भीर घाइते भएकी थिइन् । उनलाई उपचारका लागि प्रादेशिक अस्पताल कटारी ल्याइए पनि चिकित्सकले राति ९:१० बजे मृत घोषणा गरेको प्रहरीले जनाएको छ ।
घाइतेमध्ये टाउकोमा गम्भीर चोट लागेका कटारी नगरपालिका–५ बलाहा बस्ने ४६ वर्षीय लीलाबहादुर दनुवारलाई थप उपचारका लागि विराटनगर पठाइएको प्रहरी नायब उपरीक्षक दोङले बताए ।
हालै सम्पन्न निर्वाचनको समीक्षा एवं समानुपातिक सांसदको नाम टुंगो लगाउन आज नेकपा (एमाले)को केन्द्रीय सचिवालय बैठक बस्दै छ ।
दिउँसो १:०० बजे भक्तपुरस्थित पार्टी अध्यक्ष केपी शर्मा ओलीको निवास गुण्डुमा बैठक राख्ने तयारी गरिएको एमाले केन्द्रीय कार्यालयका सचिव डा. भीष्म अधिकारीले जानकारी दिए ।
उनका अनुसार बैठकमा समानुपातिकतर्फबाट निर्वाचित सांसदको नाम टुंगो लगाउने र निर्वाचनको समीक्षा गर्नेछ ।
निर्वाचन आयोगले आज प्रतिनिधि सभा सदस्य निर्वाचनअन्तर्गत समानुपातिकतर्फबाट निर्वाचन उम्मेदवारका नाम सिफारिस गर्न राजनीतिक दललाई समयसीमा तोकेको छ ।
पालिकाको दशौं स्थापना दिवसको अवसरमा सुनसरीको वराहक्षेत्र नगरपालिकाले रक्तदान कार्यक्रम आयोजना गरेको छ ।
चक्रघट्टीस्थित नगरपालिकाको कार्यालय परिसरमा भएको रक्तदानमा १३९ पिन्ट रगत सङ्कलन भएको नगरपालिकाले जनाएको छ ।
हिजो बिहान नगरपालिकाको आयोजना र नेपाल रेडक्रस सोसाईटी सुनसरीको प्राविधिक सहयोग तथा समन्वयमा रक्तदान कार्यक्रम आयोजना भएको नगर प्रमुख रमेश कार्कीले बताउनुभयो ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login