कोशी प्रदेश
गोठगाउँमा आइसोलेसन वार्ड तयार, आइसीयु र भेन्टिलेटरका लागि पहल गरिने
विराटचोकः कोरोनाको सङ्क्रमण विश्वव्यापी रुपमा फैलिइरहेको हुनाले नेपालमा पनि सङ्क्रमण फैलिए उपचारमा सहज होस् भनी मोरङको सुन्दरहरैंचा नगरपालिकाको गोठगाउँमा आइसोलेसन वार्ड तयार गरिएको छ ।
पूर्वाञ्चल विश्वविद्यालयको गोठगाउँमा रहेको शिक्षण अस्पतालमा १८ बेडको आइसोलेसन वार्ड तयार भएको हो । सो आइसोलेसन वार्डमा ४५ जना जनशक्ति परिचालन हुने अस्पतालका निर्देशक डा. विपेश आचार्यले बताए ।
सो आइसोलेसन वार्डको आइतबार सुन्दरहरैंचा नगरपालिकाका मेयर शिवप्रसाद ढकाल, उपमेयर धनमाया तामाङ, निमित्त कार्यकारी अधिकृत दामोदर चापागाईं, वडा नम्बर ७ का अध्यक्ष चैतन्यप्रसाद सिटौला, १० नम्बर वडाका वडाध्क्ष राजेन्द्र बहादुर थापा, सुरक्षाकर्मी तथा पत्रकारले अनुगमन गरेका थिए । जनप्रतिनिधि, सुरक्षाकर्मी र सञ्चारकर्मीलाई आइसोलेसन वार्डको तयारीको बारेमा जानकारी दिन कार्यक्रम आयोजना गरिएको आचार्यले बताए ।
अस्पतालले निर्माण गरेको नवनिर्मित ओपिडी भवनलाई आइसोलेसनको रुपमा प्रयोग गर्न लागिएको हो । सो भवनमा एक जना बिरामीका लागि एउटामात्रै कोठा प्रयोग हुने गरी आइसोलेसन वार्ड बनाउन लागिएको र आइतबारसम्ममा सबै तयारी सकिने आचार्यले बताए । त्यस्तै, थप सङ्क्रमितका लागि एउटै हलमा सरकारी मापदण्ड पूरा गरी आइसोलेसन बेड बनाउन सकिने पनि उनले बताए ।
थप जनशक्ति तथा उपकरण उपलब्ध भएमा आइसीयु र भेन्टिलेटर सञ्चालन गर्न सकिने बताइएको छ । ‘हामी आईसियु र भेन्टिलेटरसहितको उपचार पनि दिन सक्छौं’, निर्देशक डा. आचार्यले भने, ‘तर त्यसका लागि दक्ष जनशक्ति र उपकरण भने अहिले हामीसँग उपलब्ध छैन ।’ सरकारले जनशक्ति र उपकरण उपलब्ध गराएमा सो सेवा पनि उपलब्ध हुने उनले प्रष्ट्याए ।
पूर्वाञ्चल विश्वविद्यालयका डिन डा. शैलेषमणि पोखरेलले अस्पतालमा आउने बिरामीको यात्राको अवस्थाको बारेमा जानकारी लिएर आइसोलेसनमा राखिने बताए । ‘हामी बिरामीको ट्राभल हिस्ट्री हेर्छौं । स्थानीयभन्दा बाहिरी देशबाट आएको व्यक्तिमा सङ्क्रमणको बढी सम्भावना भएकाले ट्राभल हिस्ट्री हेर्न लागिएको हो’, उनले भने, ‘त्यसपछि उच्च ज्वरो, सुख्खा खोकी र श्वासप्रश्वासमा भएको समस्यालाई आधार मानी आइसोलेसनमा राख्ने कि नराख्ने भन्ने निर्णय हुन्छ ।’
कार्यक्रममा सुन्दरहरैंचा नगरपालिकाका मेयर शिवप्रसपाद ढकालले भौतिक पूर्वाधार, उपकरण तथा जनशक्ति थप्न नगरपालिकाले सहयोग गर्ने बताए । ‘भौतिक संरचना निर्माण, आवश्यक उपकरण खरीद तथा जनशक्तिको परिचालनमा नगरले सक्दो सहयोग गर्नेछ,’ मेयर ढकालले भने, ‘नगरपालिका र विश्वविद्यालयको आपसी समन्वयमा आइसोलेसन सेवा सञ्चालन हुनेछ ।’ आईसीयु र भेन्टिलेटरका लागि चाहिने आवश्यक सामग्री खरीदका लागि आवश्यक प्रक्रिया अघि बढाउइ चाडै सन्चालन गरिने छ ।
Facebook Comment
मध्यपूर्वमा अमेरिका र इरानबीचको तनाव फेरि चर्किएको छ । अमेरिकी सेनाको केन्द्रीय कमान्डले इरानको हर्मुज जलमार्गमा रहेको क्युशिम टापुमा ‘आत्मरक्षाका लागि’ सैन्य कारबाही गरेको जनाएको छ ।
कतारी सञ्चारमाध्यम अलजजीराका अनुसार इरानले कुवेत र बहराइनतर्फ ब्यालिस्टिक क्षेप्यास्त्र तथा ड्रोन प्रहार गरेको छ । कुवेतको वायु प्रतिरक्षा प्रणालीले आकाशमै ती आक्रमण निष्क्रिय पारेको र बहराइनमा पनि अमेरिकी तथा बहराइनी सुरक्षा संयन्त्रले मिसाइलहरू अवरोध गरेको अमेरिकाको दाबी छ ।
इरानको इस्लामिक रिभोलुसनरी गार्ड कोप्र्स (आईआरजीसी) ले अमेरिकी कारबाहीको जवाफ स्वरूप ड्रोन र मिसाइल आक्रमण गरेको जनाएको छ । इरानी सञ्चारमाध्यमहरूका अनुसार अमेरिकी सेनाले होर्मुज जलमार्ग नजिकै रहेको एक इरानी तेल ट्याङ्कर तथा केश्म टापुको दक्षिणी क्षेत्रमा रहेको सञ्चार टावरमा प्रहार गरेको थियो ।
आईआरजीसीले त्यसपछि अमेरिकी तथा इजरायली हितका जहाज र क्षेत्रीय सैन्य अड्डाहरूलाई निशाना बनाएको दाबी गरेको छ । मध्यपूर्वमा बढ्दो सैन्य गतिविधि र आक्रमणका कारण क्षेत्रीय सुरक्षा अवस्था थप जटिल बन्दै गएको विश्लेषण गरिएको छ ।
प्रतिनिधिसभाको बैठकमा आजदेखि बजेटमाथिको छलफल शुरू हुँदैछ । सरकारले आर्थिक वर्ष २०८३/०८४ को लागि प्रस्तुत गरेको बजेटमाथि आजदेखि दफाबार छलफल शुरू हुने संघीय संसद् सचिवालयले जनाएको छ ।
यसैबीच प्रतिनिधिसभा नियमावली, २०८३ पारित भएको छ । प्रतिनिधिसभाको हिजोको बैठकबाट नियमावली पारित भएको हो ।
बैठकमा प्रतिनिधिसभा नियमावली मस्यौदा समितिका सभापति गणेश पराजुलीले ‘प्रतिनिधिसभा नियमावली मस्यौदा समितिको प्रतिवेदन, २०८३ लाई पारित गरियोस्’ भन्ने प्रस्ताव प्रस्तुत गर्नुभएको थियो । प्रस्तावलाई सभाको बहुमतले पारित गरेको हो ।
सभामुख डोलप्रसाद अर्यालले प्रतिनिधिसभा नियमावली मस्यौदा समितिको प्रतिवेदन, २०८३ को नियम २ देखि २६३ सम्म र अनुसूची १ देखि ७ सम्म नियमावलीको अङ्ग बनेको घोषणा गर्नुभयो । बैठकले नियमावली मस्यौदा समितिको प्रतिवेदनका सम्बन्धमा सभापति पराजुलीले जवाफ दिने क्रममा स्वीकार गर्नुभएको संशोधन स्वीकृत गरेको थियो ।
आज सुनचाँदीको भाउ घटेको छ । आज सुन तोलामा ५ हजार ५०० रुपैयाँ घटेर २ लाख ८५ हजारमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुन तोलामा २ लाख ९० हजार ५०० मा कारोबार भएको थियो । आज चाँदीको भाउ पनि २१५ रुपैयाँ घटेको छ । आज चाँदी तोलाको ४ हजार ८६५ रुपैयाँमा कारोबार भइरहेको छ ।
हिजो तोलाको ५ हजार ८० रुपैयाँमा कारोबार भएको महासङ्घले जनाएको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login