मुख्य
गाँजा खेती नष्ट गर्दै प्रहरी, प्रदेश १ मा हालसम्मकै ठूलो परिमाणमा गाँजा खेती नष्ट
विराटचोकः विभिन्न जिल्लामा लगाइएको गाँजाखेती नष्ट गर्ने क्रममा प्रहरीले हालसम्मको ठूलो परिमाणमा गाँजा नष्ट गरेको जनाएको छ ।
१ नं. प्रदेश प्रहरी कार्यालय विराटनगरका अनुसार ले प्रदेश १ का विभिन्न जिल्लाबाट १ लाख ८७ हजार ३ सय ९० गाँजाका बोट नष्ट गरिएको छ । प्रदेश प्रहरीका डीआईजी ठाकुरप्रसाद ज्ञवालीको निर्देशनमा धनकुटा, खोटाङ, भोजपुर, उदयपुर, सुनसरी र इलाममा गाँजा खेती नष्ट गरिएको हो ।
‘सर्च एण्ड डिस्ट्रोय’ अभियानका क्रममा सबैभन्दा बढी गाँजा खेती धनकुटामा नष्ट गरिएको थियो । धनकुटाको शहीदभूमि र साँगुरीगढी गाउँपालिकाका केही स्थानमा व्यावसायिक गाँजा खेती गरिएको थियो । त्यहाँ व्यावसायिक रूपमा लगाइएको गाँजा खेतीसँगै चरेस उत्पादन अनि तस्करी गर्ने गरेको सूचना डीआईजी ज्ञवालीले पाएका थिए ।
त्यसपछि १ नं. प्रदेश प्रहरीको रिजनल इन्भेष्टिगेशन टिम (रिट) ले सर्च अभियान थालेको थियो । नयाँ व्यक्तिलाई गाँजा खेती गरेको क्षेत्रमा जान रोक लगाइएको हुनाले दंगा नियन्त्रण गण दुहबीबाट एक सय जना र जिल्ला प्रहरी कार्यालय धनकुटाबाट खटिएको ५० जनाको प्रहरीको टोले ६ घण्टाको पैदल यात्रा गरेर गाँजा खेती गर्ने स्थानमा पुगेको थियो ।
त्यस क्षेत्रका प्रायः स्थानीयहरूले व्यावसायिक रूपमै गाँजा खेती गर्ने गरेको बताइएको छ । धनकुटामा उत्पादन भएको गाँजा चरेस भारत र चीनतर्फ तस्करी हुने गर्दथ्यो ।
प्रहरीले धनकुटा जिल्लाको शहीदभूमि र साँगुरीगढी गाउँपालिकाका विभिन्न स्थानबाट मात्र १ लाख ५० हजार गाँजाको बोट नष्ट गरेको थियो ।
यस्तै, उदयपुरमा पनि प्रहरीले प्राकृतिक रूपमा उम्रिएका सँगै व्यावसायिक रूपमा लगाइएका २५ हजार गाँजाका बोट नष्ट गरेको छ । भोजपुरमा १२ हजार, खोटाङमा ५ हजार, सुनसरीमा ३ सय र इलाममा ९० वटा गाँजाको बोट पछिल्लो २ महिनामा नष्ट गरेको प्रहरीले जनाएको छ ।
Facebook Comment
मीनभवनस्थित यातायात व्यवस्था विभागमा भएको आगजनी र तोडफोडले विभागको सूचना प्रविधि प्रणालीसहितको भौतिक पूर्वाधारमा गम्भीर क्षति पुगेको छ ।
विभागका सूचना अधिकारी गणेशमान सिंहका अनुसार आगलागीबाट केन्द्रीय सर्भर कक्ष, लाइसेन्स छपाइ मसिन, इम्बोस्ड नम्बर प्लेट उत्पादन प्लान्ट र आठ लाखभन्दा बढी नम्बर प्लेट पूर्ण रूपमा जलेर खरानी भएका छन् । साथै, झण्डै २० हजार स्मार्ट ड्राइभिङ लाइसेन्स र हजारौँ कार्डहरू समेत नष्ट भएका छन् ।
“फायरप्रुफ ढोका तोडेर भित्र प्रवेश गरी सर्भरमा आगजनी गरिएको हो । सर्भर, हार्डडिस्क र अन्य उपकरणहरू पूर्ण रूपमा क्षतिग्रस्त भएका छन् । यसबाट १२–१५ करोड रुपैयाँभन्दा बढीको क्षति भएको छ,” सिंहले बताए ।
लाइसेन्स छपाइ गर्ने करिब ७–८ करोड रुपैयाँ लागतको मेशिनसमेत जलेको छ । यो मर्मत गर्न सकिने भए १५–२० दिनभित्र सेवा सुरु गर्ने सम्भावना छ भने नयाँ खरिद गर्नुपर्ने अवस्थामा दुई–तीन महिना लाग्नेछ ।
त्यस्तै, विभागभित्रको नम्बर प्लेट उत्पादन फ्याक्ट्री र तयारी अवस्थामा रहेका ८ लाख इम्बोस्ड नम्बर प्लेट जलेर खरानी भएपछि १ असोजदेखि अनिवार्य गर्ने भनिएको नम्बर प्लेट जडानको योजना अनिश्चितकालका लागि रोकिएको छ ।
केन्द्रीय सर्भर ध्वस्त भएपछि सवारी चालक अनुमतिपत्र (लाइसेन्स) वितरण, सवारीसाधन दर्ता (VRS), इम्बोस्ड नम्बर प्लेट जडान लगायतका सम्पूर्ण अनलाइन सेवा देशभर ठप्प भएका छन् ।
अधिकारी सिंहका अनुसार उपकरण आंशिक रूपमा प्रयोगयोग्य भए दशैं–तिहारबीच सेवा सुरु गर्ने प्रयास हुनेछ । तर, पूर्ण रूपमा नष्ट भएको खण्डमा नयाँ उपकरण ल्याउन विदेशी खरिद प्रक्रिया र प्राविधिक सहयोग आवश्यक पर्ने भएकाले कम्तीमा दुई–तीन महिना समय लाग्नेछ ।
झापा – झापाको मेचीनगर नगरपालिका–१, देवीगञ्जस्थित धान खेतमा शनिबार बिहान एउटा जङ्गली हात्ती मृत फेला परेको छ।
डिभिजन वन कार्यालय झापाका प्रमुख भरतबाबु श्रेष्ठका अनुसार मृत हात्ती वयस्क पोथी हो। पोस्टमार्टमको तयारी भइरहेको र मृत्युको कारण परीक्षणपछि मात्र स्पष्ट हुने उनले बताए।
वन्यजन्तु संरक्षण अभियन्ता शंकर लुइँटेलका अनुसार मृत हात्ती करिब २२ वर्ष उमेरको थियो। उनका अनुसार हिजो बेलुका सो क्षेत्रमा भारततर्फबाट १२ वटा हात्ती प्रवेश गरेको जानकारी प्राप्त भएको थियो। आज बिहान भने तीमध्ये एक मृतावस्थामा भेटिएको हो।
वन कार्यालयको टोली घटनास्थलमा पुगेको छ भने मृत हात्तीको मृत्युको कारणबारे पोस्टमार्टमपछि मात्र निश्चित जानकारी आउने वन कार्यालयले जनाएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login