Connect with us
Advertisement
Advertisement

स्वास्थ्यकर्मी र सरकारको कुरा पहिले सुनौँ त्यसपछि सामाजिक सञ्जालको

Published

on

केही समय अघि सरकारका निर्णयको विरुद्धमा सामाजिक सञ्जालमा आक्रोश पोखिएपछि सरकारले आफ्नो निर्णय पुनर्विचार गर्याे । यस्तो क्रम दाहोरियो पनि । त्यसपछि सरकार सामाजिक सञ्जालले चलाउन थालेको भनेर विरोध पनि भयो ।

सामाजिक सञ्जालको प्रभाव कति पर्छ भन्ने हिजो गरिएको दीप प्रज्वलनले पनि प्रष्ट पार्याे । नेपालमा हिजो गरिएको दीप प्रज्वलन सामाजिक सञ्जालमा गरिएको अनुरोधका आधारमा भएको थियो । सो दीप प्रज्वलनको विपक्षमा कुरा गर्ने कतिपयले भारतीय प्रधानमन्त्री नरेन्द्र मोदीले गरेको आह्वानको समर्थन भने त कतिपयले भारतीय जनता पार्टीको स्थापना दिवसको पूर्वसन्ध्यामा गरिएको दीप प्रज्वलनसँग जोडिएको बताए ।

हिजो रवि प्रदोष व्रत परेकाले विश्वशान्तिको कामनाका लागि दीप बाल्न ज्योतिषशास्त्रअनुसार अनुरोध गरिएको भन्ने टिप्पणी पनि आए । तर जेजस्ता टिप्पणी आए पनि मानिसमा भगवान्प्रति आस्थावान् धेरै रहेछन् भन्ने चाहिँ देखायो ।

यहाँ आस्था र विश्वासभन्दा पनि सामाजिक सञ्जालको प्रभावको बारेमा उल्लेख गर्न खोजिएको हो । हामी सामाजिक सञ्जालको यसरी नै पछि लाग्यौँ भने कुनै अफवाह वा अपुष्ट खबर आयो भने पनि यसरी नै पछि लाग्ने रहेछौँ भन्ने हो । आस्थासँग जोडिएर कुनै अनर्गल प्रचार आयो भने समाज कतातिर जाला भन्ने चिन्ता हो ।

अहिलेको समय भनेको स्वास्थ्यकर्मी र सरकारको कुरा सुन्ने हो । सामाजिक सञ्जालको पछि लाग्ने होइन । सरकार र स्वास्थ्यकर्मीले सामाजिक सञ्जालमा पनि राख्नुहोस् भनेको अवस्थामा बेग्लै कुरा हो । सरकारले गरेका सही निर्णयको समर्थन र गलत निर्णयको विरोधमा सामाजिक सञ्जालमा प्रस्तुत हुनु राम्रो हो । तर विपद्को घडीमा पनि राजनीति गर्नु कदापि राम्रो होइन । स्वास्थ्यकर्मीको माग के छ, त्यो सरकारले पूरा गरेको छ कि छैन ? स्वास्थ्यकर्मी कति जोखिममा छन्, स्वास्थ्य सामग्री कति भरपर्दाे छ ? त्यसमा बहस गरौँ । अहिलेको अवस्थामा हामीले स्वास्थ्यकर्मीको कुरा सुन्ने हो, सरकारको कुरा सुन्ने हो । हामीलाई सही सूचना र जानकारी दिनुहोस् भनेर घच्घच्याउने भनेको स्वास्थ्यकर्मी र सरकारलाई नै हो । त्यसपछि मात्रै सामाजिक सञ्जालको सूचना ।

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

प्याब्सन सुन्दरहरैंचाद्वारा शुभकामना आदानप्रदान

Published

on

विराटचोकः निजी तथा आवासीय विद्यालय अर्गनाइजेशन (प्याब्सन) नगर कार्यसमिति सुन्दरहरैंचाले आउन लागेका चाडबाडहरु दशैं, तिहार र छठको पूर्वसन्ध्यामा शुभकामना आदानप्रदान कार्यक्रम सम्पन्न गरेको छ ।

कार्यक्रममा नगरस्तरीय लोकनृत्य प्रतियोगितामा विजयी हुने विद्यालयलाई पुरस्कार तथा प्रमाणपत्र वितरण गरिएको थियो । प्रतियोगितामा जुनियरतर्फ बालप्रतिभा, इन्द्रपुर नमूना र सिद्धार्थ सेकेण्डरी क्रमशः पहिलो, दोस्रो र तेस्रो भएका थिए ।

सिनियरतर्फ सिद्धार्थ सेकेण्डरी, ब्राइट फ्युचर र टेण्डरफिट क्रमशः पहिलो, दोस्रो र तेस्र्रो भएका थिए । विजयी विद्यालयका विद्यार्थीलाई पुरस्कार र प्रमाणपत्र वितरण गरिएको थियो ।

लोकनृत्यमा नगर, जिल्ला, प्रदेश तथा नेपाल प्रथम हुने सिद्धार्थ सेकेण्डरी स्कुलका प्रिन्सिपल, नृत्य प्रशिक्षक तथा नृत्यकार विद्यार्थीलाई सम्मान गरिएको थियो ।

 

Continue Reading

Banner

सुन्दरहरैंचामा सेवा निवृत्त ४१ शिक्षक र कर्मचारी सम्मानित

Published

on

विराटचोकः मोरङको सुन्दरहरैंचामा सेवा निवृत्त शिक्षक कर्मचारी सम्मानित भएका छन् । सुन्दरहरैंचा नगरपालिका र परीक्षा व्यवस्थापन दुलारी क्षेत्रले उनीहरुलाई सम्मान गरेको हो ।

वडा नम्बर १० स्थित चण्डेश्वरी आधारभूत विद्यालयको प्राङ्गणमा कार्यक्रम आयोजना गरी आइतबार उनीहरुलाई सम्मान गरिएको हो । सुन्दरहरैंचा क्षेत्रमा रहेका ३६ वटा विद्यालयबाट सेवा निवृत्त भएका शिक्षक र कर्मचारी गरी ४१ जना सम्मानित भएका हुन् ।

उनीहरुलाई नगरप्रमुख केदारप्रसाद गुरागाई र उपप्रमुख अकली चौधरीले सम्मान पत्र दोसल्ला र मायाको चिनो प्रदान गर्दै सम्मान गरेका थिए । ६० वर्षे उमेर हदका कारण अवकाश भएका शिक्षक र कर्मचारीलाई सम्मान गरिएको हो ।

कार्यक्रममा बोल्दै नगरप्रमुख गुरागाईले शिक्षकले आफ्नो लागि भन्दा विद्यार्थीको भविष्य निर्माणका निम्ति लामो समयसम्म उल्लेख्य कार्य गरेकाले आउने दिनमा समाजसेवामा लाग्नुपर्नेमा जोड दिए ।

२०३८ सालदेखि सञ्चालनमा आएको परीक्षा व्यवस्थापन समितिले प्रत्येक वर्ष विभिन्न कार्यक्रम आयोजना गरी सेवा निवृत्तलाई सम्मान गर्ने गरेको केन्द्रका सचिव ठाकुर सुवेदीले बताए । कोरोनाका कारण २०७७ सालपछि यो कार्यक्रम आयोजना नभएको समेत सुवेदीले बताए ।
कार्यक्रममा शिक्षा शाखा प्रमुख लीला ओझा, विद्यालयका प्रधानाध्यापक तथा शिक्षक र विद्यार्थीको उपस्थिति रहेको थियो । कार्यक्रम नगरप्रमुख गुरागाईँको सभापतित्वमा सञ्चालन भएको थियो ।

Continue Reading

Banner

कक्षा ११–१२ अध्यापनरत शिक्षकद्वारा पेन डाउन, पठनपाठन प्रभावित

Published

on

विराटचाेक देशैभरका कक्षा ११–१२ अध्यापनरत शिक्षकले आज विहिबार पेन डाउन गरी  एक दिनका लागि पठनपाठन स्थगन गरेका छ्न । यसले विद्यार्थीकाे पठाइ समेत प्रभावित भएकाे छ  ।  विद्यालयको संरचना कक्षा १२ सम्म पुर्याएपछि  सरकारले प्रति विद्यालय दुई जना अस्थायी शिक्षक र केही आंशिक, अनुदानका गरी जम्मा ६ हजार शिक्षकलाई मात्र अस्थायी रुपमा व्यवस्थापन गर्दै आएको हुँदा आफ्नो न्यायोचित व्यवस्थापनको माग गर्दै शिक्षकहरू आन्दाेलित हुनुपरेकाे माेरङकाे सुन्दरहरैँचामा  रहेकाे सुकुना माध्यमिक विद्यालयमा अध्यापन गराउदै आएका माध्यमिक विद्यालय शिक्षक युनियन नेपाल इस्टुन माेरङका उपाध्यक्ष मणिराज लिम्बूले बताए । पूर्व निर्धारित कार्यक्रम भएकाले सरकारलाई दवाब दिने उदेश्यले पेन डाउन गरिएकाे उपाध्यक्ष लिम्बूले बताए ।

शिक्षककाे सेवा र सुरक्षा साथै कक्षा ११ र १२ काे शैक्षिक गुणस्तर सुधारका लागि हिस्टुन आन्दाेलित

विगत ३० वर्षदेखि कक्षा ११–१२ सञ्चालन हुँदै आए पनि स्थायी शिक्षक एक जना पनि नभएको हुँदा कार्यरत शिक्षकलाई शिक्षक सेवा आयोगबाट स्थायी पदपूर्ति गरिनुपर्ने माग सहित साबिक उच्च माविका शिक्षक चरणबद्ध आन्दोलनमा उत्रिएका हुन्  ।

हिस्टुनले गरेको आन्दोलनको सर्कुलर बमोजिम देशैभरका  उच्च माविमा प्रधानाध्यापकलाई ज्ञापन पत्र बुझाई हातमा कालो पट्टि बाधेर अध्यापन गराएका छन् । जिल्ला प्रशासन कार्यालय स्थानीय सरकारलाई समेत ज्ञापन पत्र बुझइ सकिएकाे र आफ्ना १६ बुँदे मागबारे  निर्वाचन क्षेत्रका सांसदहरूलाई समेत ज्ञापनपत्र बुझाएर ध्यानाकर्षण समेत गराएका छन् । यति गर्दा समेत सरकारकाे शिक्षकका समस्या प्रति ध्यान नगएमा भाैतिक रुपमै आन्दाेलन गर्ने तयारी रहेकाे माध्यमिक विद्यालय शिक्षक युनियन नेपाल इस्टुनका महासचिव टीकाप्रसाद न्याैपानेले बताए ।

 

 

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक