hrpdf.com.hr
Connect with us
Advertisement

स्वास्थ्यकर्मी र सरकारको कुरा पहिले सुनौँ त्यसपछि सामाजिक सञ्जालको

Published

on

केही समय अघि सरकारका निर्णयको विरुद्धमा सामाजिक सञ्जालमा आक्रोश पोखिएपछि सरकारले आफ्नो निर्णय पुनर्विचार गर्याे । यस्तो क्रम दाहोरियो पनि । त्यसपछि सरकार सामाजिक सञ्जालले चलाउन थालेको भनेर विरोध पनि भयो ।

सामाजिक सञ्जालको प्रभाव कति पर्छ भन्ने हिजो गरिएको दीप प्रज्वलनले पनि प्रष्ट पार्याे । नेपालमा हिजो गरिएको दीप प्रज्वलन सामाजिक सञ्जालमा गरिएको अनुरोधका आधारमा भएको थियो । सो दीप प्रज्वलनको विपक्षमा कुरा गर्ने कतिपयले भारतीय प्रधानमन्त्री नरेन्द्र मोदीले गरेको आह्वानको समर्थन भने त कतिपयले भारतीय जनता पार्टीको स्थापना दिवसको पूर्वसन्ध्यामा गरिएको दीप प्रज्वलनसँग जोडिएको बताए ।

हिजो रवि प्रदोष व्रत परेकाले विश्वशान्तिको कामनाका लागि दीप बाल्न ज्योतिषशास्त्रअनुसार अनुरोध गरिएको भन्ने टिप्पणी पनि आए । तर जेजस्ता टिप्पणी आए पनि मानिसमा भगवान्प्रति आस्थावान् धेरै रहेछन् भन्ने चाहिँ देखायो ।

यहाँ आस्था र विश्वासभन्दा पनि सामाजिक सञ्जालको प्रभावको बारेमा उल्लेख गर्न खोजिएको हो । हामी सामाजिक सञ्जालको यसरी नै पछि लाग्यौँ भने कुनै अफवाह वा अपुष्ट खबर आयो भने पनि यसरी नै पछि लाग्ने रहेछौँ भन्ने हो । आस्थासँग जोडिएर कुनै अनर्गल प्रचार आयो भने समाज कतातिर जाला भन्ने चिन्ता हो ।

अहिलेको समय भनेको स्वास्थ्यकर्मी र सरकारको कुरा सुन्ने हो । सामाजिक सञ्जालको पछि लाग्ने होइन । सरकार र स्वास्थ्यकर्मीले सामाजिक सञ्जालमा पनि राख्नुहोस् भनेको अवस्थामा बेग्लै कुरा हो । सरकारले गरेका सही निर्णयको समर्थन र गलत निर्णयको विरोधमा सामाजिक सञ्जालमा प्रस्तुत हुनु राम्रो हो । तर विपद्को घडीमा पनि राजनीति गर्नु कदापि राम्रो होइन । स्वास्थ्यकर्मीको माग के छ, त्यो सरकारले पूरा गरेको छ कि छैन ? स्वास्थ्यकर्मी कति जोखिममा छन्, स्वास्थ्य सामग्री कति भरपर्दाे छ ? त्यसमा बहस गरौँ । अहिलेको अवस्थामा हामीले स्वास्थ्यकर्मीको कुरा सुन्ने हो, सरकारको कुरा सुन्ने हो । हामीलाई सही सूचना र जानकारी दिनुहोस् भनेर घच्घच्याउने भनेको स्वास्थ्यकर्मी र सरकारलाई नै हो । त्यसपछि मात्रै सामाजिक सञ्जालको सूचना ।

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

बीपीमा किनिएका १५ करोडका उपकरण प्रयोगविहीन

Published

on

धरानः हरेक अस्पतालको एउटै उद्देश्य हुन्छ, अस्पताल आएका बिरामीलाई सर्वसुलभ सेवा दिने । त्यसैअनुसार सरकारले नागरिकलाई उपचारका लागि आवश्यक महँगा उपकरण खरिद गर्ने गर्छन् । तर, केही यस्ता अस्पताल छन्, नागरिकका लागि सेवा होइन, उपकरण खरिद कमिसनका नाममा किन्दै थन्क्याउँदै गर्छन् ।

धरानस्थित बीपी कोइराला स्वास्थ्य विज्ञान प्रतिष्ठानमा खरिद गरिएका १५ करोड बराबर मूल्यका स्वास्थ्य उपकरण प्रयोगविहीन अवस्थामा थन्किएका छन् । कतिपय उपकरण त एकपटक पनि प्रयोग नगरी थन्किने गरेका छन् । महालेखा परीक्षक कार्यालयको आर्थिक वर्ष २०७८/७९ को लेखापरीक्षण प्रतिवेदनले खरिद भएका स्वास्थ्य उपकरणका सामग्री पनि कमसल रहेको औंल्याएको छ । खरिदमा भएको खर्च उपलब्धि विहीन हुन पुगेको महालेखाले जनाएको छ ।

महालेखाको प्रतिवेदनमा भनिएको छ, ‘प्रतिष्ठानमा रहेका १५ करोड १ लाख ९९ हजार बराबरका विभिन्न स्वास्थ्य उपकरण विभिन्न कारणले सञ्चालनमा रहेको पाइएन । जसबाट सेवा प्रवाहमा प्रभाव परेको छ । सम्झौता बमोजिमको गुणस्तरीय उपकरण आपूर्ति भएको छैन ।’ स्वास्थ्य सेवाप्रवाहका लागि खरिद भएका मेसिनरी उपकरणहरू उपयोग हुन नसकेका कारणले सम्बन्धित आपूर्तिकर्तालाई जिम्मेवार बनाउनुपर्ने प्रतिवेदनमा उल्लेख छ ।

सरकारले उपकरण सञ्चालनका लागि आवश्यक प्राविधिक जनशक्ति र पूर्वाधारका लागि पर्याप्त बजेट उपलब्ध नगराउँदा वा प्रतिष्ठानले नै कमसल उपकरण कमिसनको नाम महँगो मूल्यमा खरिद गरेका कारण अत्यावश्यक उपकरणहरू खेर गइरहेका छन् भने लाखौं बिरामी उपचार सेवाबाट बञ्चित भइरहेका छन् । उक्त प्रतिवेदनमा ३० भन्दा बढी उपकरण प्रयोगविहीन भएर थन्किएर बसेको उल्लेख छ ।

सरकारी छानबिन समितिले नै प्रतिष्ठानमा करोडौं रुपैयाँ अनियमितता हुनुमा तत्कालीन उपकुलपति डा. ज्ञानेन्द्र गिरी जिम्मेवार रहेको औंल्याएको छ । मन्त्रालयका सचिव डा. बैकुण्ठ अर्याल संयोजकत्वको उक्त अध्ययन समितिले खरिदमा अनियमितता भएको, शैक्षिक स्तर खस्केको, स्वास्थ्य सेवा गुणस्तरीय हुन नसकेको लगायतका समस्या औंल्याएको थियो ।

कुन–कुन सामग्री भए प्रयोगविहीन ?

४ करोड बढीको एमआरआई मेसिन (०.३) टेस्ला, ५ करोड बढीको सिटी स्क्यान, एक्से मेसिन, मोबाइल सि र्याम एक्सरे मेसिन एक/एक थान गुणस्तरहीन भएकाले प्रयोगमा आउन नसकेको महालेखा परीक्षकको कार्यालयले औंल्याएको छ । प्रतिष्ठानले पोर्टेबल एक्सरे मेसिन २ थान, ८०० एमए एक्सरे मेसिन १ थान, कलर डप्पलर मेसिन १ थान, अल्ट्रासाउण्ड मेसिन १ थान र आईसीयू भेन्टिलेटर ६ थान प्रयोग गर्न नमिल्ने कमसल खरिद गरेको पाइएको हो ।

त्यसैगरी, प्र्रतिष्ठानले खरिद गरेको १ थान सीसीयू भेन्टिलेटर, आईसीयू भेन्टिलेटर झागर १ थान, टिएमटी मेसिन १ थान प्रयोगविहीन अवस्थामा रहेको छ । त्यस्तै, डेढ करोड बढीको भिडिओ इन्डोस्कोपी १ थान, हिटर कुलर १ थान, सर्जिकल माइक्रोस्कोप १ थान र विस्क्यान अल्ट्रासाउन्ड १ थान कमसल पर्दा उपयोग हुन सकेको छैन । त्यसैगरी वीपी प्रतिष्ठानले फेटल मोनिटर, सिल्ट ल्याम्प, ओसिटी जस्ता उपकरण पनि कमसल खरिद गर्दा प्रयोग हुन सकेको छैन ।

प्रतिस्पर्धा बेगर सोझै खरिद

प्रतिष्ठानले सर्जिकल सामग्री विभिन्न आपूतिकर्ता मार्फत प्रतिस्पर्धा बेगर नै खरिद गरेको छ । प्रतिवेदनका अनुसार ७२ लाख २७ हजार ३६३ रुपयाँको सर्जिकल सामग्री खरिद गरेको नियमसम्मत देखिँदैन । सार्वजनिक खरिद ऐन, २०६३ को दफा ऐन २०६३ को दफा ८(२) मा खरिद प्रतिस्पर्धा सीमित हुने टुक्रा पारी खरिद गर्न मिल्दैन । तर, एकै पटक खरिद गरी प्रतिस्पर्धात्मक मूल्यमा वस्तु प्राप्त गर्नुपर्नेमा लागत अनुमान र स्पेसिफिकेसन वेगर पटक–पटक सामान खरिद गुणस्तरीय र प्रतिस्पर्धी मूल्यमा हुन नसकेको प्रतिवेदनले औंल्याएको छ ।

भ्रष्टाचार निवारण ऐन, २०५९ को दफा ८ (१), (ञ) मा मालसामान खरिद गर्दा गुणस्तरहीन, म्याद नाघेको र अस्वाभाविक रूपमा बढी मूल्य तिरी खरिद गर्ने, गराउनेलाई तीन महिनादेखि ३ वर्षसम्म कैद र बिगो खुलेकोमा बिगो बमोजिम जरिवाना गरी उसूल उपर गरिने उल्लेख छ ।

कमिसनको लोभ

उपचारसँग सम्बन्धित मास्क बजार मूल्यभन्दा दशौं गुणा महँगोमा खरिद गरिएको र प्रश्न उठाउँदा सम्बन्धित विभागमा ती सामग्रीहरूको आपूर्ति नै रोकिने गरेको अध्ययन प्रतिवेदनमा उल्लेख गरिएको थियो । तीस हजार रुपैयाँमा पाइने सामग्री सोझै खरिदको नाममा प्रतिष्ठानले पाँच लाख रुपैयाँसम्ममा खरिद गरेको पनि उल्लेख गरेको थियो ।

सिटीस्क्यान, एमआरआई, एचडीयु तथा फार्मेसीसम्बन्धी खरिदमा ठूलो अनियमितता भएको छानबिन प्रतिवेदनमा उल्लेख थियो । शैक्षिक गतिविधिमा केन्द्रित हुनुपर्ने पदाधिकारी र पूर्व पदाधिकारीहरु समेत आर्थिक लाभको लोभमा खरिदका क्रियाकलापमा संलग्न भएको प्रतिवेदनमा उल्लेख थियो ।

साथै अध्ययन समितिले तत्कालीन उपकुलपति गिरीसहितलाई  कारवाहीको सिफारिस समेत गरेको छ । स्वास्थ्य मन्त्रालयले गत वर्ष भदौमा नै नाम अगाडि प्राध्यापक लेख्ने गिरीले प्राध्यापकको उपाधि नपाएको भनी प्रतिवेदन तयार पारेको थियो । उनले आफ्ना नामअघि थपेको ‘प्राध्यापक’ माथि छानबिन गर्न स्वास्थ्य मन्त्रालयले टोली नै गठन गरेको थियो । अध्ययन टोलीले डा. गिरीको योग्यता नपुगेकाले उनले ‘प्राध्यापक’ लेख्न पाउने कानुनी आधार नभएको निष्कर्ष निकालेको थियो । चौतर्फी प्रश्न उठेपछि डा. गिरीले आफैं आफ्नो नामको अगाडि प्राध्यापक (प्रा.) लेख्न छाडेका थिए । – अनलाइन खबरबाट

Continue Reading

Banner

चैत १७ देखि हुने एसईई तालिका सार्वजनिक सूचीसहित

Published

on

यो वर्षको माध्यामिक शिक्षा परीक्षा एसईई तालिका सार्वजनिक भएको छ । यही माघ ११ गते बसेको बैठकको निर्णय अनुसार राष्ट्रिय परीक्षा बोर्डले परीक्षा तालिका सार्वजनिक गरेको हो । बोर्डका अनुसार नियमित र ग्रेडवृद्धि परीक्षाको पहिलो दिन अनिवार्य अंग्रेजी विषयको परीक्षा तोकिएको छ । अंग्रेजी विषयको परीक्षा चैत्र १७ गते शुक्रबार बिहान ८ देखि ११ बजेसम्म हुनेछ । एसईई परीक्षा चैत्रको २९ गते सकिनेछ ।

Continue Reading

Banner

विद्यालयको कार्यालय र भान्साकोठा एकै ठाउँमा, खाजा नदिए आउँदैनन् विद्यार्थी

Published

on

विराटचोकः मोरङको सुन्दरहरैँचा नगरपालिका वडा नम्बर ४ मा रहेको श्री आदर्श आधारभूत विद्यालयले भान्सा कोठा छुट्टै नहुँदा कार्यालयभित्रै भान्सा निर्माण गरेर विद्यार्थीलाई खाजा बनाएर दिँदै आएको छ । भण्डार कक्ष, भाँडावर्तन राख्ने ठाउँ विद्यालयको कार्यालय अफिस एकै कोठामा सञ्चालन भइरहेको छ ।

सरकारले विद्यार्थीलाई आकर्षित गर्न आधारभूत विद्यालयमा दिवा खाजा कार्यक्रम ल्याएपछि विद्यार्थीलाई खाज दिन शुरु गरिएको विद्यालयका प्रधानाध्यापक मीना चौधरीले बताइन् । विद्यालयमा वालविकास देखि कक्षा ५ सम्म अध्ययनरत १ सय १४ जना विद्यार्थी रहेको चौधरी बताउँछिन् । विद्यालय ३ जना शिक्षक, १ जना बाल विकास सहयोगी र १ जना कार्यालय सहयोगीको भरमा चल्दै आएको छ ।

प्रधानाध्यापक चौधरीका अनुसार यो विद्यालयमा ऋषिदेव समुदायका विद्यार्थी धेरै आउने र उनीहरुका अभिभावक दैनिक मजदुरी गर्न खोलामा काम गर्ने भएकाले खाजा खान पाउने भएकाले गर्दा नै विद्यार्थीे आउने गरेका हुन् । दैनिक प्रति विद्यार्थी १५ रुपैयाँको खाजा विद्यालयले कार्यालय कोठाभित्रै बनाएर दिने गरेको उनी बताउँछिन् ।

भान्सा कोठा बनाउन केन्द्र र स्थानीय सरकारलाई भन्दा हालसम्म कसैले चासो नदिएको चौधरीको गुनासो छ । बाहिर खाज दिन नपाइने र विद्यार्थीलाई पैसा पनि दिन नपाइने भएकाले कार्यालयमै भान्सा बनाउनु परेको उनले बताइन् ।

विद्यालयमा पर्याप्त शिक्षक नहुँदा पढाउन समस्या भएको प्रधानाध्यापक चौधरीले बताइन् । ५ वटा कक्षामा ३ जना शिक्षकले पढाउनुपरेकाले गुणस्तरीय शिक्षा दिन समस्या भएको उनले बताइन् । ४५ मिनेटको समय २ वटा कक्षामा पढाउनुपर्ने बाध्यता रहेको उनको भनाइ छ ।

भिडियोः

https://www.facebook.com/NispakshyaKhabarDotCom/videos/568744341772218

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक
hrpdf.com.hr