कोशी प्रदेश
डा.शर्माद्वारा क्षेत्र नम्बर ३ का पालिकालाई ३० लाख प्रदान, कानेपोखरीका अध्यक्षले लिन मानेनन्
विराटचोकः नोबेल शिक्षण अस्पतालका सञ्चालक डा.सुनिल शर्माले कोरोना भाइरस संक्रमण रोकथामका लागि मोरङ क्षेत्र नम्बर ३ का जनतालाई राहत स्वरुप ३० लाख ३६ हजार सहयोग गरेका छन् ।
डा. शर्माले विहिबार बेलबारी नगरपालिकामा तीन पालिका प्रमुखलाई बोलाएर सो रकम प्रदान गरका छन् । जसमा क्रमस. बेलबारी, सुन्दरहरैंचा, पथरीशनिश्चरे नगरपालिकालाई ११ लाख ७५ हजार, ८ लाख ७५ र ९ लाख ८६ हजार रुपैंया सहयोग गरेका छन् ।
क्षेत्र नम्बर ३ अन्तर्रगतको कानेपोखरी गाउँपालिकाले भने सहयोग रकम नलिने भएकाले त्यो रकम समेत तीन पालिकालाई प्रदान गरेका हुन् । गाउँपालिका अध्यक्ष ताराबहादुर काफ्लेले रकम नलिने भएकाले दान गर्न अर्पण गरेको रकम फिर्ता नलाउने बताउदै सबै रकम तीन पालिकालाई हस्तान्तरण गरेका छन् । बेलबारी आफ्नाे गाउँ भएकाले याे पालिकालाई बुवाकाे तर्फबाट थप रकम दिएका थिए ।
निरन्तर समाजसेवामा सक्रिय रहदै आएका डा.शर्माले क्षेत्र नम्बर ३ का जनतालाई पालिका मार्फत राहत उपलब्ध गराउने उदेश्यले सो रकम कोरोना रोकथाम कोषमा जम्मा हुने गरी पथरीशनिश्चरे नगरपालिकाका मेयर दिलिपकुमार राई, सुन्दरहरैंचाका मेयर शिवप्रसाद ढकाल, बेलबारीका मेयर ज्ञानेन्द्र सुवेदीलाई नगद हस्तान्तरण गरेका छन् ।
विश्वव्यापी रुपमा फैलिरहेको कोरोना भाइरस संक्रमणको जोखिम बढ्दै गएकाले रोकथाममा सहयोग पुर्याउँन रकम प्रदान गरेको डा.शर्माले बताए । कानेपोखरी गाउँपालिकाले रकम लिन नमानेको भन्दा आफु दुखि भएको समेत बताएका थिए । यस बिपद्मा सबै एकजुट हुनु पर्ने र राजनितिक स्वार्थ भन्दा माथि उठेर समाजमा अग्रसर हुनुपर्ने धारणा राखेका थिए । उनले यो विपत्मा राहत लिन्न भन्नु मर्दा मलामि जान्न भन्नुजस्तै भएको समेत बताए । यसैगरी पुनः कानेपोखरीका जनतालाई पनि राहत दिन गाउँपालिकाले माग गरेमा दिने बताए ।
राहत ग्रहण गदै सुन्दरहरैंचाका नगरप्रमुख ढकालले मन भएर पनि धन नहुने र धन भएर पनि मन नहुनेहरुलाई थप उर्जा दिने गरी प्रदेश १ मै हाल सम्मबमे ठुलो रकम राहत उपलब्ध गराएकोमा शर्मालाई धन्यवाद दिर्दै प्राप्त रकम लक्षित समुदाय सम्म पुर्याउने बताए ।
यस्तै राहत वितरणको अध्यक्षता ग्रहण गरेका बेलबारीका मेयर सुबेदीले कानेपोखरीका जनतालाई पनि राहत दिन खोज्दा गाउँपालिका अध्यक्षले नलिने भन्ने कुरा सुहाउदो नभएको र यस्तो निर्णयबाट माथि उठेर राहत लिन आग्रह गरेका थिए ।
डा.शर्माले यसअघि पनि गरिब, बिपन्न र उपचार नपाएका बिरामीहरुलाई आर्थिक सहयोग उपलब्ध गराउँदै आएका छन् । उनले त्यस्ता हजारौं बिरामीलाई निःशुल्क उपचार गराएका छन् ।
Facebook Comment
धनकुटाः मध्यपहाडी लोकमार्गमार्फत् महाकालीदेखि मेचीको यात्रामा निस्किएको एमालेको सङ्कल्प यात्राको टोलीमाथि धनकुटाको लेगुवामा मुक्का प्रहारको प्रयास भएको छ ।
सङ्कल्प यात्रा टोली भोजपुरबाट धनकुटा प्रवेश गर्ने क्रममा महालक्ष्मी ५ लेगुवामा ओलीलाई स्वागत गर्ने क्रममा लाइनमा बसेका व्यक्तिको बीचबाट प्रवेश गरेर ओलीमाथि मुक्का प्रहारको प्रयास भएको थियो । मुक्का हान्न प्रयास गर्ने लेगुवाका महेश राईलाई प्रहरीले नियन्त्रणमा लिएको छ ।
उनले मादक पदार्थ सेवन गरेको प्रहरीले जनाएको छ ।
विराटचोकः सुन्दरहरैंचा नगरपालिकाका निवर्तमान नगरप्रमुख शिवप्रसाद ढकालकी छोरी सायनाले आफ्नो जन्मदिनमा न्यानो कपडा वितरण गरेकी छिन् ।
सायनाको १३ औ जन्मदिनको अवसर पारेर सुन्दरहरैंचा – ९ मा रहेको श्रीकृष्ण प्रणामी मन्दिरमा आश्रित बालबालिकाहरुलाई न्यानो कपडा वितरण गरिएको हो । पाथीभरा स्वतन्त्र महिला समाजको ब्यानरमा आयोजित कार्यक्रममा उनले न्यानो कपडा वितरण गरेको समाजकी अध्यक्ष सुनिता पोखरेलले बताइन् ।
कार्यक्रममा पाथीभरा स्वतन्त्र महिला समाजकी पूर्व अध्यक्ष, निवर्तमान अध्यक्ष लगायतका पदाधिकारीहरु उपस्थित थिए ।
विराटनगरः विराटनगर –३ बुद्धचोकमा रहेको बुद्धोदय बचत तथा ऋण सहकारी संस्थाको नयाँ कार्यसमिति सर्वसम्मत चयन भएको छ । संस्थाको सञ्चालक समिति अध्यक्षमा पुनः राजेन्द्रप्रसाद खनाललाई चयन गरेको हो । खनालको अध्यक्षतामा ९ सदस्यीय नयाँ कार्यसमिति र पुनः अविनाशकुमार निधिको संयोजकत्वमा तीन सदस्यीय लेखा समिति समेत सर्वसम्मत चयन भएको हो ।
कार्यसमितिको उपाध्यक्षमा प्रेमबहादुर खड्का , सचिवमा सन्तोष वराल, कोषाध्यक्षमा यज्ञप्रसाद खतिवडा चयन भएको निर्वाचन समितिले जनाएको छ । त्यसैगरी समितिको सदस्यहरुमा उद्धव घिमिरे, भोजराज निरौला, दिपेश चौधरी, यादवप्रसाद पोखरेल र सीतादेवी खड्का सर्वसम्मत चयन भएका निर्वाचन समितिका संयोजक गोविन्दप्रसाद दाहालले जानकारी दिए ।
लेखा समितिको सदस्यमा टीकाप्रसाद कोइराला र झनकुमारी निरौला चयन भएका छन् ।
-
अर्थ5 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years agoसाउनदेखि कुन तहका कर्मचारीको कति तलब ?
-
खेलकुद5 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login