अर्थ
राहत संकलन ६४ लाख नाघ्यो, कति छन् लिन योग्य परिवार
विराटचोकः लकडाउनबाट प्रभावित भएका सुन्दरहरैंचावासीको लागि गठित नगरस्तरीय सर्वपक्षीय विपद् व्यवस्थापनमा हालसम्म ६४ लाख भन्दा बढी रकमबराबरको नगद र जिन्सी राहत संकलन भएको छ ।
शुक्रबार साँझसम्मको तथ्याङ्कअनुसार चेकमार्फत ३१ लाख ७२ हजार ८ सय २१ रुपैयाँ संकलन भएको छ । यसैगरी, खाद्यान्नतर्फ चामल ७० हजार ६ सय ४८ केजी, दाल २ हजार ७ सय ३५ केजी, नुन ४ हजार ६ सय ७५ केजी र तेल २ सय ५० लिटर संकलन भएको छ । जिन्सी सामानलाई रकममा रुपान्तरण गर्दा झण्डै ३१ लाख भन्दा बढी हुने नगरपालिकाले जनाएको छ ।
सुन्दरहरैंचा नगरपालिकाले पहिलो चरणमा १२ वटै वडाका ४ हजार ८ सय ३५ परिवारलाई राहत वितरण गरिसकेको जनाएको छ । नगरपालिकाको पाश्र्वचित्र २०७४ अनुसार जम्मा घरधुरी संख्या १९ हजार ५ रहेको छ भने जनसंख्या ८० हजार ५ सय ६२ रहेको छ । हाल भने यो क्षेत्रमा बसाइँ सरी आउनेको संख्या अत्यधिक रहेकाले परिवार संख्या बढेको नगरपालिकाले जनाएको छ ।
यो नगरमा अति विपन्नको संख्या २ हजार ५ सय १२ रहेको छ । यस्तै गरिब ४ हजार ६ सय रहेका छन् । यो २०७४ को पाश्र्वचित्रमा राखिएको तथ्याङ्क हो । हाल यो संख्या थपघट भएको छ ।
राहत वितरणलाई पारदर्शी बनाउन नगरप्रमुख शिवप्रसाद ढकालको संयोजकत्वमा नगरस्तरीय सर्वपक्षीय विपद् व्यवस्थापन समिति गठन गरिएको छ । यसमा विभिन्न संघसंस्थाको संयोजकको जिम्मा केदारप्रसाद गुरागाईलाई दिइएको छ । यसैगरी खरीद समिति समेत निर्माण गरिएको छ ।
कोरोना भाइरस नियन्त्रणका लागि सरकारले ११ चैतबाट बन्दाबन्दी अर्थात् लकडाउन गरेका कारण दैनिक ज्याला मजदुरी गरेर गुजारा चलाउँदै आएका परिवारलाई स्थानीय सरकारमार्फत् राहत उपलब्ध गराउँदै आएको छ । प्रत्येक वडामा राहत पाउन लगभग ५ सय देखि ७ सयको हाराहारीमा बाँकी रहेको नगरपालिकाले जनाएको छ ।
Facebook Comment
सुनचाँदीको भाउ लगातार तेस्रो दिन आज पनि घटेको छ । बुधबारदेखि सुन चाँदीको भाउ लगातार घट्दै आएको हो ।
सुनको भाउ आज तोलामा २ हजार २०० रुपैयाँ घटेर २ लाख ९६ हजार ५०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, आज चाँदीको भाउ ७५ रुपैयाँले घटेर तोलाको चार हजार ९४५ रुपैयाँमा कारोबार भइरहेको छ ।
एटीएम कार्डबाट गर्न सकिने कारोबारको सीमा घटेको छ । नेपाल राष्ट्र बैङ्कले बुधबार जारी गरेको एकीकृत निर्देशन २०८२ मार्फत यसअघिको कारोबार सीमा घटाइएको हो ।
नेपाल राष्ट्र बैङ्कका अनुसार प्रति कारोबारको सीमा ५ हजार रुपैयाँ, दैनिक कारोबारको सीमा ५० हजार रुपैयाँ र मासिक कारोबारको सीमा १ लाख रुपैयाँले घटाइएको छ ।
जब कि यसअघि प्रति कारोबार २५ हजार रुपैयाँ, प्रतिदिन १ लाख रुपैयाँ र प्रति महिना ४ लाख रुपैयाँ एटीएमबाट निकाल्न सकिने अवस्था थियो ।
नगद कारोबारभन्दा डिजिटल कारोबारलाई प्रोत्साहन गर्ने नीति अनुरूप कारोबार सीमा घटाइएको राष्ट्र बैङ्कका प्रवक्ता गुरुप्रसाद पौडेलले बताए ।
उनका अनुसार केही महिनाअघि जारी निर्देशनहरूलाई नै अहिले एकीकृत निर्देशिकाको रूपमा ‘कम्पायल’ मात्र गरिएको हो । जसमा अनुमतिपत्र प्राप्त ‘क’ वर्गका वाणिज्य बैङ्कले नेपाल सरकारले तोकेका सडक तथा सडक खण्डहरूमा चल्ने सवारी साधनहरूबाट सडक उपभोग दस्तुर (टोल फि) सङ्कलन गर्ने प्रयोजनका लागि आरएफआईडी चिपमा आधारित प्रिपेड ट्याग तथा कार्ड जारी गर्न सक्ने नयाँ व्यवस्था समेत समावेश छ ।
आजदेखि देशभर दोस्रो आर्थिक गणना हुँदैछ । त्यसका लागि देशभर नै गणक तथा आवश्यक सुपरीवेक्षक सम्बन्धित क्षेत्रमा पुगिसकेको राष्ट्रिय तथ्याङ्क कार्यालयले जनाएको छ ।
कार्यतालिकाअनुसार स्थलगत तथ्याङ्क सङ्कलनको काम आगामी असारको पहिलो साताभित्र सम्पन्न हुनेछ । गणनाका लागि करिब पाँच हजार जनशक्ति परिचालन गरिएका छन् ।
अर्थ मन्त्रालयले मुलुकको समग्र औद्योगिक एवं आर्थिक क्षेत्रसँग जोडिएको तथ्याङ्क सङ्कलन गरिने भएकाले यस कार्यमा योगदानका लागि सबैलाई आग्रह गरेको छ । गणनामा उद्योग, व्यवसाय, सेवा क्षेत्र, सहकारी तथा निजी क्षेत्र, सार्वजनिक संस्थाको सङ्ख्या, प्रकार, लगानी, रोजगारी, उत्पादन र सेवा प्रवाहलगायत आर्थिक क्षेत्रका १८ वटा क्षेत्रको आधारभूत विवरण सङ्कलन गरिने छ ।
त्यसक्रममा देशभर दर्ता भए÷नभएका ठूला साना व्यापार प्रतिष्ठान, रोजगारीका हिसाबले धेरै रोजगारी दिएका वा स्वरोजगार भएका प्रतिष्ठान, अन्य उद्योग, कलकारखाना, व्यापार र व्यवसाय, गैरसरकारी सङ्घसंस्था, सरकारी संस्थान, सरकारी वा निजी विद्यालय, अस्पताललगायतको गणना गरिने छ ।
आर्थिक गणना तयारीको पूर्वचरणका काम गत फागुन मसान्तमा सम्पन्न भइसकेका छन् । चैतको सुरुवातमा ७७ जिल्ला र थप सात गरी ८४ कार्यालय स्थापना गरिएका छन् । ती कार्यालय आगामी असार मसान्तसम्म सञ्चालन हुनेछ ।
यसअघि २०७५ सालमा राष्ट्रिय आर्थिक गणना गरिएको थियो । गणनामा देशभर नौ लाख २३ हजार ३५६ प्रतिष्ठान एवं व्यवसाय सञ्चालनमा रहेको विवरण सार्वजनिक भएको थियो ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login