मुख्य
अचेत अवस्थामा भेटिएका धिमालको घटनाको विषयमा छानबिन गर्न काङ्ग्रेसको माग
विराटचोकः आइतबार राती चोटपटक लागी अचेत अवस्थामा भेटिएका नेपाली काङ्ग्रेसको युवा सङ्गठन नेपाल तरुण दल मोरङ क्षेत्र नं ८ का तत्कालीन अध्यक्ष महेन्द्र धिमालको विषयमा छानबिन गर्न नेपाली काङ्ग्रेसले अनुरोध गरेको छ ।
छानबिनका लागि इलाका प्रहरी कार्यालय बेलबारीमा ज्ञापनपत्र बुझाइएको छ । केराबारीबाट खोर्साने आउने क्रममा आइतबार राती करीब १० बजे केराबारी– खोर्साने सडक खण्डको बाघझोडा जङ्गलमा उनलाई अचेत अवस्थामा भेटी प्रहरीले उद्दार गरेको थियो ।
धिमालको अहिले विराटनगरस्थित नोबेल अस्पतालमा उपचार भइरहेको छ । मङ्गलवार उनी होशमा आए पनि घटनाको विषयमा केही सोध्ने अवस्था अहिले नै नभएको बताइएको छ ।
प्रहरीले उनको मोटरसाइकल दुर्घटना भएको भनेको छ । तर, काङ्ग्रेसका नेताहरू भने धिमालको शरीर हेर्दा घस्रिएर, ठोक्किएर चोट लागेको नभई धारिलो हतियारको प्रहारले गम्भीर घाइते भएको देखिने बताउँछन् । उनीमाथि नियोजित आक्रमण भएको अनुमान गर्दै निष्पक्ष छानबिनका लागि प्रहरीसमक्ष काङ्ग्रेसले ज्ञापनपत्र बुझाएको छ ।
अहिले प्रहरीले उक्त घटनाको सुक्ष्म तरिकाले अनुसन्धान गरिरहेको इलाका प्रहरी कार्यालय बेलबारीका प्रहरी निरीक्षक गुणराज बुढाथोकीले बताए ।
Facebook Comment
Banner
समानुपातिक सांसदको नाम टुंगो लगाउँदै एमाले
हालै सम्पन्न निर्वाचनको समीक्षा एवं समानुपातिक सांसदको नाम टुंगो लगाउन आज नेकपा (एमाले)को केन्द्रीय सचिवालय बैठक बस्दै छ ।
दिउँसो १:०० बजे भक्तपुरस्थित पार्टी अध्यक्ष केपी शर्मा ओलीको निवास गुण्डुमा बैठक राख्ने तयारी गरिएको एमाले केन्द्रीय कार्यालयका सचिव डा. भीष्म अधिकारीले जानकारी दिए ।
उनका अनुसार बैठकमा समानुपातिकतर्फबाट निर्वाचित सांसदको नाम टुंगो लगाउने र निर्वाचनको समीक्षा गर्नेछ ।
निर्वाचन आयोगले आज प्रतिनिधि सभा सदस्य निर्वाचनअन्तर्गत समानुपातिकतर्फबाट निर्वाचन उम्मेदवारका नाम सिफारिस गर्न राजनीतिक दललाई समयसीमा तोकेको छ ।
Banner
वराहक्षेत्र नगरपालिकाको स्थापना दिवसमा रक्तदान, १३९ पिन्ट रगत सङ्कलन
पालिकाको दशौं स्थापना दिवसको अवसरमा सुनसरीको वराहक्षेत्र नगरपालिकाले रक्तदान कार्यक्रम आयोजना गरेको छ ।
चक्रघट्टीस्थित नगरपालिकाको कार्यालय परिसरमा भएको रक्तदानमा १३९ पिन्ट रगत सङ्कलन भएको नगरपालिकाले जनाएको छ ।
हिजो बिहान नगरपालिकाको आयोजना र नेपाल रेडक्रस सोसाईटी सुनसरीको प्राविधिक सहयोग तथा समन्वयमा रक्तदान कार्यक्रम आयोजना भएको नगर प्रमुख रमेश कार्कीले बताउनुभयो ।
Banner
आज पनि पानी पर्ने सम्भावना
काठमाण्डौ उपत्यकासहित देशका मध्य र पूर्वी भेगमा हिजो बेलुकी र राति हावाहुरीसहित पानी परेको छ । चितवन, गोरखा र उदयपुरमा ठूलो पानी परेको मौसम पूर्वानुमान महाशाखाले जनाएको छ ।
यस्तै गोरखा, लमजुङ, इलाम, झापा, सिन्धुपाल्चोक र नुवाकोटमा पनि मध्यम वर्षा भएको छ । अरु ठाउँमा हल्कादेखि मध्यम वर्षा भएको महाशाखाले जनाएको छ । महाशाखाका अनुसार पश्चिमी न्यूनचापीय प्रणाली, उपल्लो वायुमण्डलमा रहेको उच्च चापीय प्रणाली र पूर्वी भूभाग नजिक वायुमण्डलमा रहेको न्यून चापीय क्षेत्रको आंशिक प्रभावले बदली र वर्षा भएको हो ।
आज पनि कोशी प्रदेशलगायत बागमती, गण्डकी र लुम्बिनी प्रदेशका पहाडी र हिमाली भागका थोरै ठाउँ, कर्णाली र सुदूरपश्चिम प्रदेशका पहाडी र हिमाली भूभाग तथा मधेस, बागमती र गण्डकी प्रदेशको तराई भूभागका एक, दुई ठाउँमा मेघगर्जन र चट्याङसहित हल्का वर्षा र हिमपातको सम्भावना रहेको छ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने













You must be logged in to post a comment Login