Banner
आईफोन प्रयोगकर्ताले यी ८ एप हटाएकै राम्रो
आजको डिजिटल युगमा स्मार्टफोन हाम्रो जीवनको अभिन्न अङ्ग बनेको छ । त्यसमध्ये पनि फोनमा हुने एपले विशेष महत्व राख्छन् । तर के तपाईंले आफ्नो आईफोनमा राखेका सबै एप साँच्चै आवश्यक छन् त ?
विज्ञहरूका अनुसार हामीले ‘उपयोगी’ ठानेर इन्स्टल गर्ने धेरै एप वास्तवमा अनावश्यक छन् । यस्ता एप हटाउँदा तपाईंको फोनको पर्फमेन्स र ब्याट्री लाइफ बढ्नुका साथै व्यक्तिगत जानकारी पनि सुरक्षित रहन्छ ।
यहाँ त्यस्ता ८ प्रकारका एपको सूची दिइएको छ । यी वा यस्तै प्रकृतिका अन्य एप छन् भने फोनबाट तुरुन्तै हटाउनु राम्रो हुन्छ ।
फ्ल्यासलाइट एप
कुनै समय थियो जतिबेला आईफोनमा छुट्टै फ्ल्यासलाइट सुविधा थिएन । तर सन् २०१३ मा आएको आईओएस सेभेनदेखि नै हरेक आईफोनमा यो सुविधा इन-बिल्ट छ । कन्ट्रोल सेन्टरबाट सजिलै चलाउन सकिने यो सुविधा हुँदाहुँदै छुट्टै एप राख्नु अनावश्यक हो । बाहिरी फ्ल्यासलाइट एप्सले अनावश्यक विज्ञापन देखाउने, तपाईंको लोकेसन र सम्पर्क सूचीको पर्मिसन माग्ने र डेटा चोर्ने जस्ता जोखिम बढाउँछन् ।
क्यूआर कोड स्क्यानर एप
धेरै प्रयोगकर्तालाई थाहा नहुन सक्छ, तर आईफोनको आफ्नै क्यामेरा एपले क्यूआर कोड स्वतः स्क्यान गर्न सक्छ । क्यामेरालाई क्यूआर कोडमा देखाउँदा नै त्यसको लिङ्क स्क्रिनमा देखिन्छ । छुट्टै एप डाउनलोड गर्दा फोन ढिलो हुने, विज्ञापन हेर्नुपर्ने र अनावश्यक व्यक्तिगत जानकारी दिनुपर्ने बाध्यता हुन्छ । त्यसैले छुट्टै क्यामेरा स्क्यान गर्ने एप इन्स्टल गर्नु भएको छ भने हटाउँदा नै राम्रो हुन्छ ।
ब्याट्री सेभर एप
‘आईफोनको ब्याट्री कसरी बचाउने’ भन्दै विज्ञापन गर्ने अधिकांश ब्याट्री सेभर एपहरू केवल भ्रम हुन् । एप्पलको अपरेटिङ सिस्टमले कुनै पनि बाहिरी एपलाई ब्याट्री खपत नियन्त्रण गर्न दिँदैन । यस्ता एपले ब्याट्री बचाउने नाममा आफै ब्याकग्राउन्डमा चलेर थप ब्याट्री खाइदिन्छन् र विज्ञापन देखाएर दिक्क लगाउँछन् । ब्याट्री बचाउन आईफोनको सेटिङ्समा रहेको ‘लो पावर मोड’ (Low Power Mode) प्रयोग गर्नु सबैभन्दा उत्तम उपाय हो । यदि ब्याट्री जोगाउने आशले त्यस्ता एप डाउनलोड गर्नुभएको छ भने तुरुन्तै हटाउनुहोला ।
कम्पास एप
यदि तपाईं विशेष भौगोलिक कामका लागि बाहेक सामान्य दिशा पत्ता लगाउन कम्पास प्रयोग गर्नुहुन्छ भने छुट्टै एप आवश्यक पर्दैन । आईफोनमा पहिले नै ‘कम्पास’ नामको सटीक र विज्ञापन-रहित एप उपलब्ध हुन्छ । बाहिरी एपले आकर्षक डिजाइन देखाएर अनावश्यक डेटा सङ्कलन गर्ने र पैसा असुल्ने प्रयास गर्छन् । त्यसैले सामान्य प्रयोगकर्ताका लागि कम्पास एपमा हुने अनाश्यक फिचरहरू आवश्यक पनि पर्दैनन् । ति केबल पैसाका बर्बादी मात्र हुन सक्छन् । यदि सामान्य प्रयोजनका लागि तपाईंले छुट्टै कम्पास एप इन्स्टल गर्नु भएको छ भने त्यसलाई हटाउनु नै राम्रो हुन्छ ।
र्याम बुस्टर एप
फोन अलि ढिलो चल्दा धेरैले र्याम बढाउने वा ‘क्लिन’ गर्ने एप खोज्छन् । तर आईफोनमा यसको कुनै काम छैन । आईओएसले मेमोरी व्यवस्थापन आफै कुशलतापूर्वक गर्छ । यदि तपाईंले आईफोनमा र्याम बुस्ट गर्ने दाबी गरिएका एप प्रयोग गर्दै हुनुहुन्छ भने यस्ता एपले ब्याकग्राउन्डमा चलिरहेका एपलाई जबरजस्ती बन्द गरिदिन्छन् । यसले गर्दा ती एप फेरि खोल्दा फोनलाई झनै बढी स्रोत खर्च गर्नुपर्ने हुन्छ र फोन थप ढिलो हुन सक्छ । त्यसैले यस्ता एप हटाउनु नै उपयुक्त हुन्छ ।
मिरर एप
ऐनाको काम गर्ने भनेर दाबी गर्ने एप वास्तवमा तपाईंको फोनको सेल्फी क्यामेरा देखाउने सर्टकट मात्र हुन् । अनुहार वा कपाल मिलाउनु पर्दा सिधै क्यामेरा एप खोलेर अगाडिको क्यामेरा प्रयोग गर्न सकिन्छ । यी एपले अनावश्यक विज्ञापन देखाउने र माइक्रोफोन जस्ता असम्बन्धित पर्मिसन माग्ने गर्छन् । त्यसैले मिमर एप दाबी गरिएका एप छन् भने ती पनि हटाउनु नै उपयोगी हुन्छ ।
कल रेकर्डर एप
पहिले आईफोनमा कल रेकर्ड गर्न गाह्रो थियो तर आईओएस १८.१ को नयाँ अपडेटसँगै अब यो सुविधा फोनमा नै उपलब्ध छ । कलको समयमा स्क्रिनको माथिल्लो भागमा ट्याप गरेर सजिलै कल रेकर्ड गर्न सकिन्छ । बाहिरी कल रेकर्डर एपले असुरक्षित तरिकाले काम गर्ने र तपाईंको कलको डेटा अन्य सर्भरमा पठाएर गोपनीयताको जोखिम बढाउने गर्छन् । त्यसैले यस्ता एप हटाउनु नै बुद्धिमानी हुन्छन् ।
एन्टिभाइरस एप
आईफोन प्रयोगकर्तालाई एन्टिभाइरस एप चाहिँदैन । आईओएसको ‘स्यान्डबक्सिङ’ सुरक्षा प्रणालीले कुनै पनि भाइरस वा मालवेयरलाई सिस्टममा फैलिन दिँदैन । एप्पलको एप स्टोरमा रहेका एप कडा जाँचपछि मात्र उपलब्ध हुन्छन् । एन्टिभाइरसका नाममा बेचिने एपले प्रायः डर देखाएर पैसा कमाउने वा अन्य अनावश्यक सेवा (जस्तै; भीपीएन) बेच्ने काम गर्छन् ।
आईफोन प्रयोगकर्ताले मात्र होइन । अधिकांश एन्ड्रोइड फोनमा पनि यी एप बेर्थै हुन्छन् । अनावश्यक स्टोरेज खपत्, डेटा चोरीको जोखिम, ब्याट्री खपतको जोखिम, फोनको पर्फमेन्स कमजोर हुने जोखिम भएकाले त्यस्ता एप हटाउनु नै राम्रो हुन्छ ।
टेकपाना डटकमवाट साभार
Facebook Comment
सशस्त्र प्रहरी बल, नेपालका अतिरिक्त महानिरीक्षक वंशीराज दाहाललाई बर्खास्त गर्न सिफारिस गरिएको छ । सशस्त्रकै एआइजी अन्जनीकुमार पोखरेल नेतृत्वको समितिले दाहाललाई बर्खास्त गर्न गृह मन्त्रालयलाई सिफारिस गरेको हो ।
बिहीबार प्रतिवेदन बुझाउँदै पोखरेलले सशस्त्र प्रहरी नियमावली अनुसार विभागीय कारबाहीको सिफारिस गरेको हो । सशस्त्र प्रहरी नियमावली, २०७२ को दफा ११३ मा आचरण विपरीतको काम गर्ने सशस्त्र प्रहरी कर्मचारीलाई भविष्यमा सरकारी सेवाको निमित्त अयोग्य नठहरिने गरी सेवाबाट हटाउने वा बर्खास्त गर्ने व्यवस्था छ ।
सोही दफाअनुसार कारबाहीको सिफारिस भएर आएको गृह मन्त्रालयका एक उच्च अधिकृतले बताए । गृह मन्त्रालयका एक उच्च अधिकृतले लोकान्तरलाई बताए । ‘एआइजी दाहाललाई सशस्त्र प्रहरीको नियमावलीअनुसार नै बर्खास्त गर्न सिफारिससहितको प्रतिवेदन आएको छ,’ ती अधिकृतले भने,’ अब गृहमन्त्रीज्यूले कार्यान्वयन गर्नुहुनेछ ।’
नियमावलीअनुसार त्यसको निर्णय गर्ने अधिकार गृहमन्त्रीलाई रहेको छ । पूर्वप्रधानन्यायाधीश चोलेन्द्रशमशेर जबरा पक्राउ पर्दा दाहाल काठमाडौं उपत्यका अपराध अनुसन्धान कार्यालय टेकुमा भेट्न पुगेका थिए । अनुसन्धान कार्यालयको टोलीले जबरालाई असोज ११ गते राति काठमाडौंस्थित घरबाटै नियन्त्रणमा लिएको थियो ।
दाहालमाथि संवेदनशील सूचना चुहाएको भन्दै असोज १९ गते गृह मन्त्रालयले निलम्बन गरेको थियो । मन्त्रालयले सोही दिन एआइजी पोखरेलको नेृत्वमा छानबिन समिति पनि गठन गरिएको थियो ।
अहिले निलम्बनमा परेका दाहाल सशस्त्र प्रहरीको सीमा विभाग प्रमुखको रुपमा कार्यरत थिए । सरकारले म्याद थप नगरेको अवस्थामा यही २७ वैशाखको राति १२ बजेबाट दाहाल अनिवार्य अवकाशमा जाँदै थिए ।
शिक्षकलाई सवारी साधन खरिदमा ब्याज सहुलियत दिने व्यवस्थासहितको शिक्षा (एघारौँ संशोधन) नियमावली, २०८३ सहमतिका लागि शिक्षा मन्त्रालयले अर्थ मन्त्रालयमा पठाएको छ।
प्रस्तावित व्यवस्थाअनुसार माध्यमिक तह प्रथम श्रेणीका शिक्षकले रु। ५० लाखसम्म र द्वितीय श्रेणीका शिक्षकले ४० लाखसम्मको सवारी साधन खरिद गर्न सक्नेछन्।
त्यस्तै, माध्यमिक तृतीय श्रेणी, निम्नमाध्यमिक र प्राथमिक तहका सबै श्रेणीका शिक्षकले ४ लाखसम्मको दुईपाङ्ग्रे सवारी साधन खरिद गर्न सक्ने व्यवस्था प्रस्ताव गरिएको छ।
सवारी साधन खरिदका लागि बैंकमार्फत हुने वित्तीय व्यवस्थामा लागत रकमको ८० प्रतिशतसम्मको किस्तागत ब्याज नेपाल सरकारले सहुलियतस्वरूप व्यहोर्ने व्यवस्था नियमावलीमा राखिएको छ। शिक्षकले बाँकी २० प्रतिशत रकम आफैं व्यवस्थापन गरी सवारी साधन खरिद गर्न सक्नेछन्।
यमनका हुथी विद्रोहीले साउदी अरेबियाको राजधानी रियादस्थित मुख्य अन्तर्राष्ट्रिय विमानस्थलमा ब्यालेस्टिक क्षेप्यास्त्र प्रहार गरेको दाबी गरेका छन् ।
इरान समर्थित हुथीले बिहीबार गरेको यो दाबी साउदी अरेबियामा श्रृङ्खलाबद्ध आक्रमणमा तीन जनाको मृत्यु भएको र यमनी सरकारले त्यसविरुद्ध ठूलो प्रतिआक्रमण घोषणा गरेको एक दिनपछि आएको हो ।
हुथी सैन्य प्रवक्ता याह्या सारीले रियादस्थित राजा खालिद अन्तर्राष्ट्रिय विमानस्थललाई ब्यालेस्टिक क्षेप्यास्त्रले सफलतापूर्वक निशाना बनाइएको र त्यसले विमानस्थलको सञ्चालनमा बाधा पुर्याएको दाबी गरेका छन् ।
यो साता हुथी समूहले उक्त विमानस्थलमा आक्रमण गरेको जिम्मेवारी लिएको यो तेस्रो पटक हो । सारीले साउदी हवाई क्षेत्र हुँदै उडान नगर्न अन्तर्राष्ट्रिय विमान कम्पनीहरूलाई पुनः चेतावनी दिएका छन् ।
सन् २०१४ देखि यमनको गृहयुद्धमा संलग्न हुथीले देशको उत्तरपश्चिमी अधिकांश भूभाग नियन्त्रणमा राखेका छन् । उनीहरू यमनी सरकारसँग क्षेत्रीय नियन्त्रणका लागि लडिरहेका छन् ।
संयुक्त राष्ट्रसङ्घका अनुसार जारी लडाइँका कारण यमनमा दुई लाखभन्दा बढी मानिस विस्थापित भएका छन् ।
यमनको अन्तर्राष्ट्रिय मान्यता प्राप्त सरकारले यसै साता हुथीविरुद्ध ठूलो प्रतिआक्रमण सुरु गरेको घोषणा गरेको छ । सरकारले हुथी लडाकुलाई लाल सागर तथा बन्दरगाह सहर मोचाका रणनीतिक क्षेत्रबाट हटाइएको दाबीसमेत गरेको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login