कला / साहित्य
‘नझरेका फूलहरू’को १८ औं शृङ्खलामा गणेश रसिकले गीतमार्फत् सम्झाए इतिहासदेखि वर्तमान
विराटचोकः मोरङको सुन्दरहरैंचा नगरपालिकास्थित श्रीकृष्ण प्रणामी मन्दिरको सभाहलमा ‘नझरेका फूलहरू’को १८ औं शृङ्खला अन्तर्गत शुक्रबार गणेश रसिक पलेँटी साँझ सम्पन्न भएको छ ।
साहित्य, कला र सङ्गीतको संरक्षण र संम्बद्र्धन गर्ने उद्देश्यले स्रष्टालाई सम्मान गर्दै आएको र अहिलेसम्म ३ दर्जन बढी स्रष्टाहरूलाई सहभागिता गराई सम्मान गरिसकेको प्रस्तोता केपी घिमिरेले बताएका छन् । कार्यक्रममा प्रमुख अतिथि रहेका सुन्दरहरैंचा नगरपालिकाका नगरप्रमुख शिवप्रसाद ढकालले दीप प्रज्वलन गरी कार्यक्रमको उद्घाटन गरेका थिए । कार्यक्रममा सुन्दरहरैंचा नगरपालिकाकी उपप्रमुख धनमाया तामाङ, साहित्यकार मनु मञ्जिल, अमृतप्रसाद आचार्य, मीरा राई, गायक साजन राई, गणेश लामा आँशु, सङ्गीतकार जेबी थुलुङ, रमेश कार्कीलगायतको उपस्थिति रहेको थियो ।
कार्यक्रमको मुख्य आर्कषणको रुपमा रहेका सङ्गीतकार तथा गायक गणेश रसिकको एकल साँझ शुरु हुन अघि गायक अजर जङ्गमले आफ्ना केही गीत प्रस्तुत गरेका थिए । प्रणय दिवसको विशेष अवसरमा आयोजना गरिएको कार्यक्रममा गायक तथा सङ्गीतकार गणेश रसिकले आफ्नै कालजयी दर्जन गीतहरू प्रस्तुत गरेका थिए । उनलाई लाइभ सङ्गीतमा साथ दिन गायिका कृतिका राई, तवलावादक अनुप दियाली, बाँसुरीमा मित्र मगर, गितारमा, क्यासिनोमा भीम केरुङ र गौरव सुब्बाले सहयोग गरेका थिए ।
यसरी शुरु भयो रसिकको साँझ, के भने उनले ?
‘गीतसँगै आज गज्जबको सञ्जोग परेको छ । कृष्ण प्रणामी मन्दिरको सभाहल, भगवान् कृष्णलाई प्रेमको प्रतीकको रुपमा मानिन्छ । संसारमा जति गीत लेखिए सबैभन्दा धेरै प्रेमका गीत लेखिएका छन् । प्रेम बाँड्ने दिन देश प्रेमको गीत, मानिसको प्रेमको गीत, जीवन जगतको गीतसँगै यो ५४ वर्षे साङ्गीतिक जीवनमा धेरै अनुभव रहेका छन् ।’
पलेँटी साँझमा उनले भने, ‘आजभोलि हाम्रो पुस्ताको गीत सुन्दैनन् । अहिले हेर्ने, नाच्ने गीत आए हामीले सुन्ने गीत गाउने हो ।’ ‘नाच्ने गीत आए सुन्ने समयको मान्छे’ भन्दै कार्यक्रममा पहिलो गीत २०३१ सालतिर सिर्जना गरेको देशको प्रेमप्रति समर्पित गीत ‘सुन नेपाली हो….’ गाएपछि सय बढी दर्शकहरूले उनलाई साथ दिएका थिए । उनले ओइलिएको फूल भगवान् र स्रोतालाई नि चल्दैन भन्दै दोस्रो गीत गाए । २०२५ सालतिर लाहुरे परिवारबाट काठमाडौं जाँदाको भोगाइलाई चित्रण गर्दै रचना गरिएको गीत जुन संसार जित्नेहरूप्रति समर्पित भएको गीत सुनाएका थिए । उनी गीतसँगै सो गीत जन्मनुको र गाउनुको इतिहास (रचनागर्भ) र कहानी पनि सुनाउँथे ।
‘लडेर हेर्ने नेपाली छाती कर्दैले चिरेछ…’ सुनाउँदा गीतमा डुब्दै स्रोताले आनन्द लिइरहेका थिए । तेस्रो गीत शुरु गर्नुपूर्व उनले आफ्नो विगत सम्झिए । कर्मथलो इलाम र काठमाडौँ रहे पनि भोजपुरमा आफू जन्मिएको र ढाकर बोकेर चतराबाट हिँडेर भोजपुर जानुपर्दाको दुःखपूर्ण जिन्दगीको भोगाइलाई समेटिएर लेखिएको गीत ढाकरको कथा ‘नुनजस्तो बिल्ने जिन्दगीलाई ढाकरमा बोकेर ‘झुप्रोमा बस्छिन्, ती मेरी आमा उनलाई सम्झेर.’ बोलको गीत गाए । दर्शकलाई बीचबीचमा सामान्य परिवेशमा लाई रमाइलो पार्न खप्पिस गायक रसिकले दर्शक स्रोतालाई हँसाइरहेका थिए ।
‘यी सबै इतिहास भए हिजो हामी कस्ता थियौँ कस्तो थियो इतिहास…’ यो गीतका माध्यमबाट देखाउन चाहेको कुरा उनले बीचबीचमा भनिरहेका थिए । कोही लाहुर जान, कोही मरुभूमि, काठमाडौंमा भेटेको भाइ प्रवीण गुरुङको सम्झनामा २५ वर्ष अगाडि प्रवीणको घर पोखरा जाँदा आमाले हिँड्ने बेलामा उनलाई दिएको आशिष ‘तेरो केश नझरोस्, हिँड्दा ठेस नलागोस् जहाँ गए पनि आफ्नो देशको माया गरेस्…’ सम्झिरहने उनले सुनाए ।
मरुभूमिमा बसेर आमालाई छोराले सम्झेर गाएको गीत भन्दै ‘झुप्रोमा बस्छिन् ती मेरी आमा मलाई सम्झेर…’ गीत सुनाएका थिए । ‘मेरो गीत नै यस्तो छ’ म जस्तै सरल छ । हामी नेपाली नै दुःखी छौँ भन्दै उनले ताप्लेजुङमा हिमाल चढ्दाको दुःख र देशप्रेम सम्झिए । गोरालाई सधैँ काँधमा बोकेर हिमाल चढाउने शेर्पाले ‘गोरा दाइ तिमीलाई सधैँ काँधमा बोकेर हिमाल चढाउँछु । तिमी म¥यौ भने पर्देशमा मर्नेछौ म मरेँ भने आफ्नो भूमिमा’ भरियाको देश र हिमालको गीत ‘याङ्जीमा, तिम्रो निम्ति हिमाल चढ्दा म¥यो नसम्झ’ गाउँदा साँच्चै आफ्नो देशको माटोको माया झल्काइरहेको आभास भएको थियो ।
पहिलो पल्ट १९ वर्षको उमेरमा लेखिएको गीत ‘धेरै सम्झे धेरै हुन्छ, थोरै सम्झे थोरै… गाइसकेपछि उनले भने, ‘यो हाम्रो तालै यस्तो छ हजुर, गर्मीले पसिना भिज्छ, हामी लेकमा बस्ने मान्छे, कोट नलगाऊँ भने औपचारिक कार्यक्रममा लगाउनै प¥यो ।’ यसो भनिरहँदा फेरि दर्शकले हाँसेर उनलाई थप साथ दिइरहेका थिए ।
उनले तेह्रथुमका अभि सुवेदी काठमाडौंबाट घर जाँदा उकालीमा लेखेको गीत दर्शकलाई सुनाएका थिए । ‘संसार अचम्मको छ प्रेममा नहुने कुरो पनि हुन्छ’ भन्दै ६५ वर्षीय पुरुष र २२ वर्षकी युवतीको पे्रम सम्बन्धलाई कथामा जोड्दै ‘लाखौँ जुनी कम हुन्छ तिमीसँग माया…’ बोलको गीत प्रस्तुत गरेका थिए । उनले राणाकालमा सानै उमेरमा बिहे हुने, अनि पढ्ने भारत जानुपर्ने अवस्थालाई चित्रण गर्दै १० वर्षमा बिहे भएर पढ्न गएको श्रीमान् तन्नेरी भएर १२ वर्षपछि घर फर्कदा घर नै बिर्सिएको कथात्मक गीत पनि सुनाए । घर बिर्सिएपछि एउटा घरमा महिलासँग बास माग्दै गरेको कथात्मक गीत ‘घरबेटी नानी, आँगनीमा देऊ न मलाई बास…’. सुनाउँदा दर्शकले समेत साथ दिएका थिए । उनको यो गीत धेरै चर्चित छ ।
वासु शशीले लेखेको ‘मसँग एउटा तारा छ…’ गीत पनि उनले सुनाएका थिए । गायनका बीचबीचमा उनले भने ‘हामी सिनेमाको गीत सुन्छाँै त्यस्तै कथा गर्दै गाउँछौँ । फिक्कलमा लेखेको गीत डुब्न लागेको घाम र उदाउन लागेको जूनको गीतलाई गीतका माध्यमबाट प्रस्तुत गरेका थिए यो प्रेमको गीत पनि भएको उनले उल्लेख गरे ।
‘म हेर्दैछु तिमीलाई पश्चिमको घाम भएर…’ ए है है लगायत अन्य धेरै गीत सुनाएका थिए । पश्चिमदेखि पूर्वको भाकालाई कथामा डोहो¥याएर दर्शक सामु कथाका माध्यमबाट गीत गाउन कला भएका बहुप्रतिभाशाली गायक हुन् । रसिकले देशभक्ति गीतबाट शुरु गरेको एकल साङ्गीतिक साँझलाई देशभक्तिका साथै इतिहास सम्झाउने गीत गाएर पलेँटी साँझलाई बिट मारेका थिए ।
रेडियो सुसेलीबाट प्रशारण हँुदै आएको ‘नझरेका फूलहरू’ कार्यक्रमका प्रस्तोता केपी घिमिरेले पलेँटी साँझको कल्पना गरी यो कार्यक्रम केही वर्षदेखि निरन्तर सञ्चालन गर्दै आएका छन् । १८ औं शृङ्खला सफल बनाउनका लागि सुन्दरहरैंचा र बेलबारी नगरपालिकाले सहयोग गरेका थिए ।
पलेँटी साँझमा बिराटनगर,दमक, इटहरी, बिर्तामोड, मिक्लाजुङ, इलाम, धनकुटा, लगायत क्षेत्रबाट साहित्य कला क्षेत्रका व्यक्तिहरुकाे सहभागीता रहेकाे थियाे ।
कार्यक्रममा मुख्य प्रायोजक जय दुर्गे इलेक्ट्रोनिक्स विराटचोक रहेको थियो । यस्तै सह प्रायोजक सामाजिक सेवाका लागि युवा अभियान नेपाल (वाइएसएस) रहेको थियो । साढे ८ बजेदेखि ३ घण्टासम्म सञ्चालन भएको कार्यक्रम कवि छवि वैरागी घिमिरेको अध्यक्षतामा सम्पन्न भएको थियो । कार्यक्रम सञ्चालन कोशीहरैंचा उद्योग वाणिज्य सङ्घका महासचिव सन्तोष वान्तवाले गरेका थिए ।
Facebook Comment
मोरङको सुन्दरहरैँचा नगरपालिका–९ गोविन्द मार्गमा समाजसेवी भोलेश्वर दुलालले मौलिक नेपाली संस्कृति र धार्मिक महत्व झल्काउने ज्येष्ठ नागरिक चौतारी (फल्चा) निर्माण गरी समुदायलाई हस्तान्तरण गरेका छन्।
दुर्गादेवी दुलाल एकल महिला प्रतिष्ठानमार्फत निर्माण गरिएको उक्त चौतारी दुलालले आफ्नै निजी १२ धुर जग्गामा करिब १ करोड रुपैयाँको लागतमा निर्माण गरेका हुन्। उपत्यकाबाहिर विरलै देखिने मौलिक शैलीको चौतारी निर्माणका लागि काठमाडौंलगायत विभिन्न स्थानबाट कालीगढ तथा निर्माण सामग्री ल्याइएको थियो।
इँटा र काठमा आकर्षक बुट्टा कुँदेर निर्माण गरिएको चौतारीले पुरानो नेपाली मौलिक संस्कृति र वास्तुकलाको झल्को दिन्छ। चौतारी निर्माणका क्रममा भक्तपुरमा पूजाआजा गरी देवीझोडाको माटो र मास प्रयोग गरेर इँटा जडान गरिएको दुलालले बताए।
दुलाल दम्पतीको परिकल्पनामा निर्माण भएको चौतारीको निर्माण कार्य प्रमिला दुलाल इन्द्रपुर लायन्स क्लबको अध्यक्ष रहेका बेला अघि बढाइएको थियो। निर्माण सम्पन्न भएपछि यसको मर्मतसम्भार तथा संरक्षणको जिम्मेवारी इन्द्रपुर लायन्स क्लबलाई दिने गरी समुदायलाई हस्तान्तरण गरिएको हो।
होटल जलेर खरानी भए पनि समाजसेवा निरन्तर
दुलालले सञ्चालन गर्दै आएको नेपालीरिका होटल गत वर्षको जेनजी आन्दोलनका क्रममा आगलागीबाट पूर्ण रूपमा ध्वस्त भएको थियो। होटल जलेर ठूलो क्षति व्यहोर्नुपरे पनि दुलाल परिवारले सामाजिक सेवाको अभियानलाई निरन्तरता दिएको हो।
आफ्नो व्यक्तिगत पीडाका बाबजुद दुलालले जग्गासहित करिब १ करोड रुपैयाँ बराबरको संरचना निर्माण गरी समुदायलाई हस्तान्तरण गरेका छन्।
चौतारी हस्तान्तरण कार्यक्रममा सुन्दरहरैँचा नगरपालिकाका नगरप्रमुख केदारप्रसाद गुरागाईंले दुलाल परिवारले देखाएको सामाजिक संस्कार र सेवाभावबाट सबैले सिक्नुपर्ने बताए।
उनले पछिल्लो समय समाजमा सामाजिक तथा नैतिक संस्कार कमजोर हुँदै गएको उल्लेख गर्दै मानवीय र नैतिक शिक्षालाई व्यवहारमा उतार्नुपर्नेमा जोड दिए। दुलालले निर्माण गरेको चौतारीले नेपाली मौलिकपनलाई जीवन्त राख्नुका साथै ज्येष्ठ नागरिकबीच अनुभव आदानप्रदान गर्ने महत्वपूर्ण थलोका रूपमा भूमिका खेल्ने उनको भनाइ थियो।
निःशुल्क स्वास्थ्य परीक्षणको व्यवस्था
चौतारी परिसरमा शौचालय, खानेपानीको धारा र किचनसमेत निर्माण गरिएको छ। साथै, दुलालको आफ्नै उद्योग पीएलओ ल्युब आयल प्रालिमा कार्यरत स्वास्थ्यकर्मी तथा नर्समार्फत हरेक मंगलबार ज्येष्ठ नागरिकसहित समुदायका लागि निःशुल्क स्वास्थ्य परीक्षणको व्यवस्था गरिएको दुलालले जानकारी दिए।
चौतारीको संरक्षण, संवर्द्धन तथा रेखदेखको जिम्मेवारी सुन्दर नमुना टोल विकास संस्थाले लिने अध्यक्ष गोपाल दाहालले बताए। समुदायका सबै पक्षको सहकार्यमा संरचनाको संरक्षण गर्दै आगामी पुस्ताका लागि समेत उपयोगी बनाइने उनको भनाइ छ।
हस्तान्तरण कार्यक्रममा वडा नं. ९ का अध्यक्ष प्रकाश श्रेष्ठ, कार्यपालिका सदस्य रूजा घिमिरे, इन्द्रपुर लायन्स क्लबका अध्यक्ष योजना शर्मा, इन्द्रपुर जेसीजका अध्यक्ष समीर बस्नेत तथा सुन्दरहरैँचा उद्योग वाणिज्य संघका अध्यक्ष नारायण कार्कीलगायतको उपस्थिति थियो।
दुलाल परिवारले विगत ३६ वर्षदेखि सुन्दरहरैँचा क्षेत्रमा विभिन्न सामाजिक कार्यमा सहयोग गर्दै आएको जनाइएको छ। व्यक्तिगत कठिनाइ र क्षतिका बीच पनि सामाजिक सेवामा निरन्तर सक्रिय रहेको दुलाल परिवारको कार्यक्रममा उपस्थित अतिथिहरूले प्रशंसा गर्दै आगामी दिनमा समेत सेवाकार्यलाई निरन्तरता दिन शुभकामना दिएका थिए।
पूर्वाञ्चल विश्वविद्यालयले आर्थिक वर्ष २०८३/८४ का लागि १ अर्ब ९९ करोड १६ लाख ९७ हजार रुपैयाँको बजेट स्वीकृत गरेको छ ।
सिंहदरबारस्थित शिक्षा मन्त्रालयमा शिक्षा तथा खेलकुदमन्त्री एवं विश्वविद्यालयका सहकुलपति सस्मित पोखरेलको अध्यक्षतामा बसेको विश्वविद्यालयको ४३औँ सभाले रजिस्ट्रार प्राडा पन्नाबहादुर थापाले प्रस्तुत गरेको आय–व्यय विवरण तथा नीति तथा कार्यक्रम सर्वसम्मतिले पारित गरेको हो ।
विश्वविद्यालयले आगामी वर्ष शैक्षिक रूपान्तरण, प्रविधिमैत्री पूर्वाधार र चिकित्सा शिक्षाको विस्तारलाई मुख्य प्राथमिकतामा राखेको छ । विश्वविद्यालयका अनुसार गोठगाउँस्थित ८०५ बिघा जग्गामा गुरुयोजनाअनुसार एकीकृत भौतिक संरचना विकास गरिनेछ ।
त्यस्तै, कृत्रिम बुद्धिमत्ता (एआई), डाटा साइन्स र साइबर सेक्युरिटीलगायतका क्षेत्रमा नयाँ तथा विशिष्टीकृत पाठ्यक्रम तयार गरी सञ्चालन गर्ने योजना अघि सारिएको छ । चिकित्साशास्त्र र इन्जिनियरिङतर्फ पनि विशिष्टीकृत पाठ्यक्रम विकास गर्ने नीति विश्वविद्यालयले लिएको छ ।
विश्वविद्यालयका प्रशासनिक तथा शैक्षिक सेवाहरूलाई एकीकृत डिजिटल इकोसिस्टममार्फत सञ्चालन गरी सेवा प्रवाहलाई सहज, पारदर्शी र प्रविधिमैत्री बनाउने लक्ष्य राखिएको छ ।
चिकित्सा शिक्षातर्फ गोठगाउँ परिसरमा निर्माणाधीन १०० शय्याको मातृ–शिशु अस्पताल निर्माण सम्पन्न गर्ने योजना छ । साथै, कोशी अस्पतालसँगको सहकार्यमा चिकित्सा शिक्षाको गुणस्तर सुदृढ गर्ने कार्यक्रम अघि बढाइएको छ ।
सभामा बोल्दै शिक्षामन्त्री पोखरेलले बदलिँदो प्रविधि र विश्वव्यापीकरणको मागअनुसार उच्च शिक्षालाई रूपान्तरण गर्नुपर्ने बताए । विश्वविद्यालयले विद्यार्थीलाई रोजगारी खोज्ने जनशक्तिमा मात्र सीमित नराखी रोजगारी सिर्जना गर्न सक्ने उद्यमशील जनशक्तिका रूपमा विकास गर्नुपर्नेमा उनले जोड दिए ।
उनले पारित नीति तथा कार्यक्रम प्रभावकारी रूपमा कार्यान्वयन गर्न स्पष्ट कार्ययोजना, जिम्मेवारी र समयसीमा निर्धारण गर्न निर्देशनसमेत दिए ।
शिक्षा मन्त्रालयका सचिव चूडामणि पौडेलले बजेटको प्रभावकारी कार्यान्वयन गर्दै शैक्षिक प्रणाली सुधारमा केन्द्रित हुनुपर्ने बताए । अर्थ मन्त्रालयका सचिव घनश्याम उपाध्यायले विश्वविद्यालयले प्रस्तुत गरेको बजेट तथा नीति कार्यक्रम सकारात्मक रहेको बताए ।
Tap TapRoyal enfield
सभामा शिक्षामन्त्रीका प्रमुख सल्लाहकार शैलेन्द्र झा, विभिन्न विश्वविद्यालयका उपकुलपति, मन्त्रालयका उच्च अधिकारीलगायतको उपस्थिति थियो ।
विश्वविद्यालयले जलवायु परिवर्तन तथा विपत् जोखिम न्यूनीकरणसम्बन्धी विशेष अनुसन्धान केन्द्र स्थापना गर्ने, विदेशी विश्वविद्यालयसँग संयुक्त डिग्री तथा विद्यार्थी आदान–प्रदान कार्यक्रम सञ्चालन गर्ने र पछाडि परेका वर्गका लागि समावेशी छात्रवृत्तिको पहुँच विस्तार गर्ने कार्यक्रम पनि अघि सारेको छ ।
सभाले कार्यकारी परिषद्का लागि (तीन वर्षका लागि) तीन जनालाई मनोनयन गर्ने निर्णयसमेत गरेको छ । डिनबाट चिकित्साशास्त्र संकायकी डिन प्रा.डा. परिचा उपाध्याय ढुंगेल र कला, कानुन तथा शिक्षाशास्त्र संकायका डिन प्रा.डा. कृष्णप्रसाद पाण्डे तथा शिक्षकबाट पू.वि. स्कुल अफ म्यानेजमेन्ट, विराटनगरमा कार्यरत प्राध्यापक मोहनबहादुर बस्नेतलाई मनोनयन गरिएको विश्वविद्यालयले जनाएको छ ।
पारित नीति, कार्यक्रम तथा बजेटमार्फत विश्वविद्यालयलाई गुणस्तरीय, प्रतिस्पर्धी, अनुसन्धानमुखी, प्रविधिमैत्री तथा आत्मनिर्भर शैक्षिक संस्थाका रूपमा विकास गर्ने लक्ष्य लिइएको छ ।
कविडाँडा साहित्य समाज, चितवनले ‘कविडाँडा राष्ट्रिय आख्यान पुरस्कार–२०८२’ नीलम कार्की निहारिकाको उपन्यास ‘राजमाता’लाई प्रदान गर्ने निर्णय गरेको छ।
समाजले बुधबार नारायणगढमा पत्रकार सम्मेलन आयोजना गर्दै यस वर्षको पुरस्कार ‘राजमाता’लाई दिने निर्णय सार्वजनिक गरेको हो।
समाजका अध्यक्ष एलबी क्षेत्रीका अनुसार पुरस्कारको राशि २ लाख १६० रुपियाँ रहेको छ। पुरस्कार आगामी कात्तिक १४ गते भरतपुरमा विशेष कार्यक्रम आयोजना गरी प्रदान गरिनेछ।
यस वर्ष पुरस्कारका लागि सुरुमा १६ आख्यानकृति विस्तारित सूचीमा परेका थिए। तीमध्ये केशवराज ज्ञवालीको ‘अज्ञात’, केशव दाहालको ‘इथा’, क्षितिज समर्पणको ‘तोरकीन’, सीमा आभासको ‘महायुग’, नीलम कार्की निहारिकाको ‘राजमाता’, लक्ष्मण वियोगीको ‘सत्यम्’, श्रवण मुकारुङको ‘सलह’ र शंकरप्रसाद गैरेको ‘सूतपुत्र’ उत्कृष्ट आठमा छनोट भएका थिए। उत्कृष्ट आठबाट अन्तिम तीनमा ‘तोरकीन’, ‘महायुग’ र ‘राजमाता’ पुगेका थिए। ती तीनमध्ये ‘राजमाता’लाई सर्वोत्कृष्ट आख्यानकृतिका रूपमा पुरस्कार प्रदान गर्ने निर्णय गरिएको हो।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login