कोशी प्रदेश
प्रदेश नम्बर १ को गहना तालतलैया
इटहरी: प्रदेश नम्बर १ को प्रमुख पर्यटकीय गन्तव्यमध्ये इटहरी उपमहानगरपालिकाको वडा नम्बर २ र ३ मा रहेको तालतलैया पनि एक हो । यहाँ बर्सेनी आन्तरिक तथा बाह्य पर्यटकहरूको घुइँचो नै लाग्ने गर्छ । खासगरी कात्तिकदेखि फागुनसम्म त यहाँ थामिनसक्नु गरी बर्सेनी पर्यटकहरूको आगमन हुने गरेको छ । इटहरी उपमहानगरले पनि तालतलैयालाई पर्यटकीय दृष्टिले प्रदेश नम्बर १ कै गहनाका रूपमा लिएको छ । र, यसको भौतिक पूर्वाधार विकास र तालतलैयासम्म पुग्ने सडकको स्तरोन्नतिका लागि आवश्यक बजेट विनियोजन गरिरहेको छ ।
इटहरीको चोकदेखि ७ सय मिटर पूर्वबाट उत्तरतर्फ ५ किलोमिटर पार गरेपछि पुगिने तालतलैयामा विदेशी र स्वदेशी कलाकारले निर्माण गरेका ढुङ्गाका आकर्षक मूर्ति भेटिन्छन् । ढुङ्गाका मूर्तिबाहेक तालतलैया आफैँमा एक प्राकृतिक मनोरम ठाउँ हो । यहाँ चिडियाघर, वनभोजस्थलका मनोरम स्थल छन् । यहाँ पिङ, चर्खेपिङ, बालबालिकाका लागि खेल स्थान निर्माण गर्नुका साथै जङ्गली जनावरसमेत राखिएको छ । यहाँ भएका मृग, बाह्रसिङ्गे, अस्ट्रिच, अजिङ्गर, चरीबाघ, विभिन्न प्रजातिका मुसा, स्याल, मयुर, बाँदरलगायतलाई हेर्नका लागि बिदाको दिन र शनिबारको दिन विद्यार्थीको जमघट हुने गर्छ । सुनसरी, मोरङ, झापा, धनकुटा, इलामलगायत १ नम्बर प्रदेशका विभिन्न जिल्लाका साथै कास्की, धादिङ, काठमाडौं, सिरहा, सप्तरी, धनुषालगायतका टाढाटाढाका ठाउँबाट पनि वनभोजका लागि तालतलैया आउनेहरूको सङ्ख्या दिनदिनै बढ्दो छ ।
यति मात्रै होइन, यहाँ भारतको विहार र पश्चिम बङ्गालका पर्यटकहरू पनि आउने गरेका छन् । त्यस्तै भारतको पर्यटकीय शहर दार्जिलिङ र सिक्किमबाट पनि यहाँ पर्यटकहरू आउन थालेको प्रचार उपसमिति संयोजक लोचन पौडेलले बताए । उनका अनुसार पर्यटकहरूको सङ्ख्या बर्सेनी बढेसँगै तालतलैयाको आम्दानीसमेत बढिरहेको छ । तालतलैया आसपासमा खोलिएका होटल व्यवसायहरू फस्टाउँदै गइरहेको उनले बताए । ती होटलहरूमा झण्डै १ सय ५० जनाले प्रत्यक्ष रोजगारी पनि पाइरहेका छन् ।
तालतलैया ७६ दशमलव ७५ हेक्टरमा फैलिएको मनोहक जङ्गली वातावरण भएको ठाउँ हो । अनेक ताल रहेको यो क्षेत्रको २१ दशमलव ५ हेक्टरमा अहिले संरक्षण र प्रबद्र्धनको काम भएको छ । फराकिलो र रमाइलो ठाउँ भएका कारण टाढाटाढाबाट वनभोज खान आउनेहरूको क्रम बढेको सञ्चार उपसमिति संयोजक पौडेलको भनाइ छ ।
गत वर्ष ४ लाख बढी पर्यटक तालतलैया आएको तालतलैया विकास तथा संरक्षण समितिले जनाएको छ । गत वर्ष ९० हजार व्यक्ति त टिकट काटेर घुम्न मात्र आएका थिए, वनभोज खान आउनेहरूको सङ्ख्यासमेत जोड्दा ४ लाख बढी आन्तरिक तथा बाह्य पर्यटक तालतलैया आएको अध्यक्ष लिम्बूले बताए । पोहोर साल वनभोजको सिजनमा एकै दिन १ सय ६५ टोलीसम्म वनभोजका लागि आएका थिए । २ सय टोलीसम्मलाई वनभोजका लागि व्यवस्थापन गर्न सकिने उनले बताए । यो वर्ष वनभोज गर्न आउने टोलीको सङ्ख्या गत वर्षको भन्दा बढ्ने समितिको अपेक्षा छ ।
सरकारले घोषणा गरेको उत्कृष्ट सय नयाँ गन्तव्यमा सूचीकृत पर्यटकीय स्थल हो तालतलैया । प्राकृतिक रूपमा नै ताल, पोखरी, सिमसार, खोल्साखोल्सी, थुम्कैला डाँडापाखा, समतल घाँसेमैदान, विभिन्न प्रकारका रैथाने बोटबिरुवा, जडीबुटी, पशुपंक्षी, जलचर, उभयचर रहेको ठाउँ हो तालतलैया । तालतलैयाको आकर्षक प्रवेशद्वारबाट प्रवेश गरेपछि आकर्षक पानीको फोहोरासहितको फलामे पुल पार गरेर अघि बढ्दा तपाईँलाई निकै आनन्द महसुस हुन्छ ।
तालतलैयाको मूल प्रवेशद्वार अघि बालमैत्री पार्क छ । जहाँ बालबालिकाले मात्र होइन सबै उमेर समूहकाले खेल्ने र रमाउने प्रशस्त मनोरञ्जनका साधन छन् । विभिन्न वन्यजन्तु संरक्षण गरेर राखिएको ठाउँ पनि त्यहीँ छ । त्यही छेउको आकर्षक पोखरीमा मोटरबोट चढेर मनोरञ्जन लिन सकिन्छ । तालतलैयाका अन्य पोखरीहरूमा बोट र जलपरी रिक्सामा शयर गर्न पाइन्छ । घोडामा सवारी गर्ने सुविधा छ । बुद्धमूर्ति, गणेश मन्दिर, वनकाली मन्दिर, बुढासुब्बा, लक्ष्मीनारायण त्यहीँ छन् । फुटबलका लागि खेलमैदान छ ।
यहाँ खानेपानी, विद्युत र इन्टरनेटको उचित व्यवस्था गरिएको छ । फुटपाथ, कटेज र शौचालयको राम्रो प्रबन्ध छ । सिमसार क्षेत्रवरिपरि सुरक्षित तारजाली गरिएको छ । पर्यटकहरूलाई आराम गर्ने बेञ्चहरू, फिसिङ पोण्ड र शहीदहरूको आकर्षक मूर्ति बनाइएको छ । हरित नगरी इटहरीको गहनाको रूपमा रहेको तालतलैयाको आकर्षक मनोहक हरियाली वातावरणले तपाईँलाई आनन्दित बनाउँछ । विभिन्न राष्ट्रिय अन्तर्राष्ट्रिय कलाकारले ठूलाठूला ढुङ्गामा कुँदेर बनाएका कलाकृति अघि जो कोहीले सेल्फी नहानी त्यसै बस्न नै सक्दैनन् । – टुर न्युजबाट
Facebook Comment
मोरङको सुन्दरहरैँचा नगरपालिका–९ गोविन्द मार्गमा समाजसेवी भोलेश्वर दुलालले मौलिक नेपाली संस्कृति र धार्मिक महत्व झल्काउने ज्येष्ठ नागरिक चौतारी (फल्चा) निर्माण गरी समुदायलाई हस्तान्तरण गरेका छन्।
दुर्गादेवी दुलाल एकल महिला प्रतिष्ठानमार्फत निर्माण गरिएको उक्त चौतारी दुलालले आफ्नै निजी १२ धुर जग्गामा करिब १ करोड रुपैयाँको लागतमा निर्माण गरेका हुन्। उपत्यकाबाहिर विरलै देखिने मौलिक शैलीको चौतारी निर्माणका लागि काठमाडौंलगायत विभिन्न स्थानबाट कालीगढ तथा निर्माण सामग्री ल्याइएको थियो।
इँटा र काठमा आकर्षक बुट्टा कुँदेर निर्माण गरिएको चौतारीले पुरानो नेपाली मौलिक संस्कृति र वास्तुकलाको झल्को दिन्छ। चौतारी निर्माणका क्रममा भक्तपुरमा पूजाआजा गरी देवीझोडाको माटो र मास प्रयोग गरेर इँटा जडान गरिएको दुलालले बताए।
दुलाल दम्पतीको परिकल्पनामा निर्माण भएको चौतारीको निर्माण कार्य प्रमिला दुलाल इन्द्रपुर लायन्स क्लबको अध्यक्ष रहेका बेला अघि बढाइएको थियो। निर्माण सम्पन्न भएपछि यसको मर्मतसम्भार तथा संरक्षणको जिम्मेवारी इन्द्रपुर लायन्स क्लबलाई दिने गरी समुदायलाई हस्तान्तरण गरिएको हो।
होटल जलेर खरानी भए पनि समाजसेवा निरन्तर
दुलालले सञ्चालन गर्दै आएको नेपालीरिका होटल गत वर्षको जेनजी आन्दोलनका क्रममा आगलागीबाट पूर्ण रूपमा ध्वस्त भएको थियो। होटल जलेर ठूलो क्षति व्यहोर्नुपरे पनि दुलाल परिवारले सामाजिक सेवाको अभियानलाई निरन्तरता दिएको हो।
आफ्नो व्यक्तिगत पीडाका बाबजुद दुलालले जग्गासहित करिब १ करोड रुपैयाँ बराबरको संरचना निर्माण गरी समुदायलाई हस्तान्तरण गरेका छन्।
चौतारी हस्तान्तरण कार्यक्रममा सुन्दरहरैँचा नगरपालिकाका नगरप्रमुख केदारप्रसाद गुरागाईंले दुलाल परिवारले देखाएको सामाजिक संस्कार र सेवाभावबाट सबैले सिक्नुपर्ने बताए।
उनले पछिल्लो समय समाजमा सामाजिक तथा नैतिक संस्कार कमजोर हुँदै गएको उल्लेख गर्दै मानवीय र नैतिक शिक्षालाई व्यवहारमा उतार्नुपर्नेमा जोड दिए। दुलालले निर्माण गरेको चौतारीले नेपाली मौलिकपनलाई जीवन्त राख्नुका साथै ज्येष्ठ नागरिकबीच अनुभव आदानप्रदान गर्ने महत्वपूर्ण थलोका रूपमा भूमिका खेल्ने उनको भनाइ थियो।
निःशुल्क स्वास्थ्य परीक्षणको व्यवस्था
चौतारी परिसरमा शौचालय, खानेपानीको धारा र किचनसमेत निर्माण गरिएको छ। साथै, दुलालको आफ्नै उद्योग पीएलओ ल्युब आयल प्रालिमा कार्यरत स्वास्थ्यकर्मी तथा नर्समार्फत हरेक मंगलबार ज्येष्ठ नागरिकसहित समुदायका लागि निःशुल्क स्वास्थ्य परीक्षणको व्यवस्था गरिएको दुलालले जानकारी दिए।
चौतारीको संरक्षण, संवर्द्धन तथा रेखदेखको जिम्मेवारी सुन्दर नमुना टोल विकास संस्थाले लिने अध्यक्ष गोपाल दाहालले बताए। समुदायका सबै पक्षको सहकार्यमा संरचनाको संरक्षण गर्दै आगामी पुस्ताका लागि समेत उपयोगी बनाइने उनको भनाइ छ।
हस्तान्तरण कार्यक्रममा वडा नं. ९ का अध्यक्ष प्रकाश श्रेष्ठ, कार्यपालिका सदस्य रूजा घिमिरे, इन्द्रपुर लायन्स क्लबका अध्यक्ष योजना शर्मा, इन्द्रपुर जेसीजका अध्यक्ष समीर बस्नेत तथा सुन्दरहरैँचा उद्योग वाणिज्य संघका अध्यक्ष नारायण कार्कीलगायतको उपस्थिति थियो।
दुलाल परिवारले विगत ३६ वर्षदेखि सुन्दरहरैँचा क्षेत्रमा विभिन्न सामाजिक कार्यमा सहयोग गर्दै आएको जनाइएको छ। व्यक्तिगत कठिनाइ र क्षतिका बीच पनि सामाजिक सेवामा निरन्तर सक्रिय रहेको दुलाल परिवारको कार्यक्रममा उपस्थित अतिथिहरूले प्रशंसा गर्दै आगामी दिनमा समेत सेवाकार्यलाई निरन्तरता दिन शुभकामना दिएका थिए।
नेपाली कांग्रेसको १५औँ महाधिवेशनअन्तर्गत केन्द्रीय सदस्य पदका लागि युवा नेतृ प्रमिला ढकाल ‘एरिकाले उम्मेदवारी दिने तयारी गरेकी छन्। कांग्रेसको केन्द्रीय कार्यसमितिका लागि उम्मेदवारी दर्ता असोज १९ गते हुने निर्वाचन कार्यक्रम सार्वजनिक भइसकेको छ।
ढकालले आफ्नो राजनीतिक यात्रा नेपाल विद्यार्थी संघको इकाइ सदस्यबाट सुरु गरेकी हुन्। उनका अनुसार उनी २०७२ सालमा सुकुना बहुमुखी क्याम्पसको नेविसंघ इकाइ सदस्य, २०७५ सालमा नेविसंघ सुन्दरहरैँचा नगर उपसभापति हुँदै संगठनमा सक्रिय रहिन्।
त्यसपछि २०८० सालमा नेविसंघको केन्द्रीय सदस्य बनेकी ढकालले २०८१ सालमा नेपाल विद्यार्थी संघको केन्द्रीय शिक्षा विभाग प्रमुखको जिम्मेवारी सम्हालेकी थिइन्। २०८० सालमा एरिका ढकाललाई नेविसंघको केन्द्रीय तदर्थ कार्यसमितिमा सदस्य रहेकी थिइन् उनको राजनीतिक सक्रियता विद्यार्थी संगठनमा मात्र सीमित छैन। २०८१ सालमा उनी नेपाली कांग्रेसकी क्षेत्रीय प्रतिनिधि बनेकी थिइन् भने प्रदेश सभा निर्वाचन क्षेत्र ३(ख)को सचिव पदका लागि प्रत्याशीसमेत बनेको उनले जनाएको विवरणमा उल्लेख छ।
ढकालले कांग्रेसलाई नेपाली समाज, युवा पुस्ता र वर्तमान समयको आवश्यकता अनुरूप अघि बढाउने उद्देश्यसहित केन्द्रीय सदस्यमा उम्मेदवारी दिन लागेको बताएकी छन्।
“नेपाली कांग्रेस पार्टीलाई नेपाल र नेपाली माटो सुहाउँदो युवा मैत्री पहिलो पार्टी बनाउनका निमित्त मैले उम्मेदवारी दिँदैछु,” ढकालको भनाइ छ।
उनले कांग्रेसको राजनीतिक दस्तावेजलाई अझ प्रगतिशील र समयसापेक्ष बनाउँदै नेपालको समुन्नतिका लागि काम गर्ने आफ्नो उद्देश्य रहेको बताएकी छन्।
युवा पुस्ताको सहभागिता, विद्यार्थी राजनीतिबाट पार्टीको मूल नेतृत्वसम्मको यात्रा र संगठनभित्र प्राप्त जिम्मेवारीलाई आफ्नो उम्मेदवारीको आधारका रूपमा प्रस्तुत गर्दै ढकालले कांग्रेसको भावी राजनीतिक दिशामा युवाको भूमिका थप बलियो बनाउनुपर्ने धारणा अघि सारेकी छन्।
मोरङको सुन्दरहरैँचा–८ सलकपुरमा सलकपुर कला उत्सव २०८३ आयोजना हुने भएको छ। शिल्पी नाट्य केन्द्र, सलकपुरको आयोजनामा हुने उत्सव चार दिनसम्म सञ्चालन हुनेछ।
उत्सवमा नाटक, कविता, गजललगायतका साहित्यिक तथा सांस्कृतिक प्रस्तुति रहने आयोजकले जनाएको छ। यस्तै, गायिका झुमा लिम्बु र रैथाने ब्यान्डको विशेष साङ्गीतिक प्रस्तुति समेत रहनेछ।
कला, साहित्य, सङ्गीत र संस्कृतिप्रति रुचि राख्ने दर्शकलाई लक्षित गर्दै आयोजना गरिएको उत्सवमा परिवार तथा साथीभाइसँग उपस्थित भई कार्यक्रमको आनन्द लिन आयोजकले आग्रह गरेको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login