Banner
असम्भवजस्तै लाग्ने विश्कप फुटबलका १० रोचक तथ्य, यस पटकको विश्कपमा केही रेकर्ड भने तोडिए
काठमाडौंः फिफा विश्वकप, विश्वको सबैभन्दा प्रतिष्ठित खेलकुद महोत्सव हो । जहाँ अनौठा घटना र कीर्तिमानहरु भइरहन्छन् । २०१८ को विश्वकपसम्म भएका अनौठा यी कीर्तिमान यस्ता छन्ः
१. विश्वकपको एक संस्करणमा सबैभन्दा बढी गोल गर्ने खेलाडी
फ्रान्सका पूर्व खेलाडी जस्ट फोन्टाइनले एकै संस्करणमा सबैभन्दा बढी गोल गर्ने खेलाडीको रेकर्ड आफ्नो नाममा राखेका छन् । उनले १९५८ मा स्वीडेनमा आयोजना भएको विश्वकपको छैटौं संस्करणमा एक्लैले १३ गोल गर्दै कीर्तिमान राखेका हुन् ।
२. विश्वकप फाइनलमा गोल गर्ने सबैभन्दा कान्छा खेलाडी
वास्तवमा पेलेको नाममा धेरै कीर्तिमान छन् । उनी विश्वकपमा गोल गर्ने सबैभन्दा कान्छा खेलाडी ((१७ वर्ष २३९ दिन), विश्वकपमा ह्याट्रिक गर्ने सबैभन्दा कान्छा खेलाडी (१७ वर्ष २४४ दिन) र विश्वकपमा सबैभन्दा धेरै असिस्ट (१०)गर्ने खेलाडी हुन् । उनी विश्वकप फाइनलमा तीन गोल गर्ने चारमध्ये एक हुन् । उनी आधिकारिक रुपमा तीन फरक विश्वकप जित्ने केवल एकमात्र खेलाडीसमेत हुन् ।
सन् १९७० मा ब्राजिलले विश्वकप जित्दा पेलेले सम्पूर्ण खेल खेले । ४ गोल गरे र ६ असिस्ट गरे । सन् १९६२ मा ब्राजिलले विश्वकप जित्दा उनले शुरुका दुई खेलमात्र खेलेका थिए । त्यसपछि चोटले टिमबाट बाहिरिए ।
त्यसको चार वर्षअघि स्वीडेनमा भएको विश्वकपमा एक किशोर खेलाडीका रुपमा क्वाटरफाइनलमा गोल गर्दै पेलेले आफ्नो विरासत स्थापना गरे । फ्रान्सलाई सेमीफाइनलमा हराउने क्रममा ह्याट्रिक गरे र फाइनलमा घरेलु टोलीलाई हराउन दुई गोल गरे ।
३. प्रशिक्षकको रुपमा सबैभन्दा बढी प्रतियोगिता
ब्राजिलियन प्रशिक्षक कार्लाेस अलबर्टो परेरा फिफा विश्वकपमा प्रशिक्षकको रुपमा सबैभन्दा बढी ६ पटकसम्म विश्वकपको अनुभव भएका महान व्यक्ति हुन् । उनी १९८२, १९९०, १९९४, १९९८ ,२००६ र २०१० मा ब्राजिल टिमको प्रशिक्षकका रुपमा कार्यरत थिए ।
४. विश्वकपमा सबैभन्दा धेरै कप्तानी गर्ने खेलाडी
मेक्सिकोका डिफेन्डर राफेल मार्क्युज लगातार पाँच विश्वकपमा कप्तान बनेका खेलाडी हुन् । उनले २००२, २००६, २०१०, २०१४ र २०१८ मा मेक्सिकन टिमको कप्तानी गरेका थिए ।
५. सबैभन्दा बढी समय खेल्ने खेलाडी
इटलीका डिफेन्डर पाओलो माल्दिनी विश्वकपमा सबैभन्दा बढी मिनेट खेल्ने खेलाडी हुन् । सन् १९९० देखि २००२ सम्मको विश्वकप खेलेका उनी २२१६ मिनेटसम्म विश्वकप खेलका लागि मैदानमा रहे ।
उनले सर्वाधिक मिनेट मैदानमा खेल प्रदर्शन गरेका जर्मनका मिडफिल्डर लोथर म्याथ्युनको कीर्तिमान तोड्दै उनीभन्दा १७१ मिनेट मिनेट बढी समय खेलेका हुन् । हालका चर्चित खेलाडी क्रिस्टियानो रोनाल्डो र लियोनल मेसीले क्रमशः १ हजार ६४४ र १ हजार ६२५ मिनेट खेलेका छन् ।
६. विश्वकपका सबैभन्दा पाका खेलाडी
इजिप्टका गोलरक्षक असम एल हेडरी हालसम्म विश्वकप खेल्ने सबैभन्दा पाका खेलाडी हुन् । उनले २०१८ मा भएको विश्वकपमा इजिप्टबाट खेलेका थिए । जतिबेला उनी ४५ वर्ष १६१ दिनका थिए ।
उनले १५९ खेलमा कप्तानको भूमिका समेत निर्वाह गरे ।
७. सबैभन्दा पाका गोलकर्ता
४२ वर्षीय रोगर मिल्ला विश्वकपमा गोल गर्ने हालसम्मकै सबैभन्दा पाका खेलाडी हुन् । क्यामरुनी फर्वाड मिल्लाले ४२ वर्ष ३९ दिनको उमेरमा गोल गरेका थिए । सन् १९९४ मा अमेरिकामा भएको विश्वकपमा उनले रसियाविरुद्ध गोल गरेका थिए ।
८. एउटा खेलमा सबैभन्दा बढी गोल गर्ने खेलाडी
रसियन फर्वाड ओलेग सालेन्को एक यस्ता खलाडी हुन् जसको नाम एउटै खेलबाट चर्चामा आयो । एउटै खेलबाट उनले फिफा विश्वकपमा गोल्डेन बुट जिते ।
उनी यु–२० विश्वकप र फिफा विश्वकप दुवैमा गोल्डेन बुट जित्ने एक मात्र खेलाडी हुन् । उनको टिम समूह चरणबाट बाहिरिए पनि गोल्डेन बुट जिते । उनले १९९४ मा अमेरिकामा भएको विश्वकपमा क्यामरुनविरुद्धको एकै खेलमा गरेको पाँच गोलले उनलाई गोल्डेन बुटको हकदार बनायो ।
९. हारेको खेलमा सबैभन्दा बढी गोल गर्ने खेलाडी
अर्नस्ट विलिमोवस्की एक यस्ता खेलाडी हुन्, जसले हारेको खेलमा चार गोल गर्दै एक इतिहास लेखेका थिए । पोल्यान्डका फर्वाड विलिमोवस्कीले ६८८ खेल खेल्दै १ हजार ७७ गोल गरेका छन् । १९३८ को विश्वकपमा नकआउट चरणमा पुगेको पोल्यान्डले अन्तिम १६ को खेल पेनाल्टीमा पुगेर ६–५ को नतिजामा बाहिरिएको थियो ।
पोल्यान्डका लागि निर्धारित समयमा २ गोल गरेका विलिमोवस्कीले अतिरिक्त समयमा गरेको ४ गोलले उनले विश्वकपमा हारेको एकै खेलमा चार गोल गर्नेे खेलाडीको कीर्तिमान पाएका छन् ।
१०.एकै खेलमा एउटै खेलाडीलाई ३ पहेंलो कार्ड
क्रोएसियाका मुख्य डिफेन्डर जोसिप सिम्युनिख विश्वकपमा सबैभन्दा बढी पहेंलो कार्ड पाउने खेलाडी हुन् । उनले २००६ मा अष्ट्रेलियासँगको खेलमा ३ वटा पहेंलो कार्ड खाएका थिए ।
सन् २००६ मा क्रोएसिया र अष्ट्रेलियाबीच भएको २–२ को बराबरीको खेलमा जोसिपले ले ह्यारी केवेललाई उनको अनुहारमा हातले धकेलेको भन्दै पहिलो पहेंलो कार्ड खाएका थिए । दोस्रो कार्ड पनि खेलकै दौरान मार्क विडुका र जोशुवा क्यान्डीलाई जर्सी समातेर तानेको गल्तीमा पाएका थिए ।
त्यस्तै, मैदानबाट बाहिरिसकेपछि र खेल सकिइसकेको सिटी पनि उनले रेफ्रीको निर्णयमा असहमति जनाएको भन्दै तेस्रो पहेंलो कार्ड पाएका थिए । जसका कारण उनको नाममा एक अनौठो खालको रेकर्ड बनेको छ ।
यीमध्ये केही रेकर्ड भने कतारमा सम्पन्न २२ औंँ संस्करणको प्रतिष्पर्धामा तोडिएका छन् ।
Facebook Comment
सशस्त्र प्रहरी बल, नेपालका अतिरिक्त महानिरीक्षक वंशीराज दाहाललाई बर्खास्त गर्न सिफारिस गरिएको छ । सशस्त्रकै एआइजी अन्जनीकुमार पोखरेल नेतृत्वको समितिले दाहाललाई बर्खास्त गर्न गृह मन्त्रालयलाई सिफारिस गरेको हो ।
बिहीबार प्रतिवेदन बुझाउँदै पोखरेलले सशस्त्र प्रहरी नियमावली अनुसार विभागीय कारबाहीको सिफारिस गरेको हो । सशस्त्र प्रहरी नियमावली, २०७२ को दफा ११३ मा आचरण विपरीतको काम गर्ने सशस्त्र प्रहरी कर्मचारीलाई भविष्यमा सरकारी सेवाको निमित्त अयोग्य नठहरिने गरी सेवाबाट हटाउने वा बर्खास्त गर्ने व्यवस्था छ ।
सोही दफाअनुसार कारबाहीको सिफारिस भएर आएको गृह मन्त्रालयका एक उच्च अधिकृतले बताए । गृह मन्त्रालयका एक उच्च अधिकृतले लोकान्तरलाई बताए । ‘एआइजी दाहाललाई सशस्त्र प्रहरीको नियमावलीअनुसार नै बर्खास्त गर्न सिफारिससहितको प्रतिवेदन आएको छ,’ ती अधिकृतले भने,’ अब गृहमन्त्रीज्यूले कार्यान्वयन गर्नुहुनेछ ।’
नियमावलीअनुसार त्यसको निर्णय गर्ने अधिकार गृहमन्त्रीलाई रहेको छ । पूर्वप्रधानन्यायाधीश चोलेन्द्रशमशेर जबरा पक्राउ पर्दा दाहाल काठमाडौं उपत्यका अपराध अनुसन्धान कार्यालय टेकुमा भेट्न पुगेका थिए । अनुसन्धान कार्यालयको टोलीले जबरालाई असोज ११ गते राति काठमाडौंस्थित घरबाटै नियन्त्रणमा लिएको थियो ।
दाहालमाथि संवेदनशील सूचना चुहाएको भन्दै असोज १९ गते गृह मन्त्रालयले निलम्बन गरेको थियो । मन्त्रालयले सोही दिन एआइजी पोखरेलको नेृत्वमा छानबिन समिति पनि गठन गरिएको थियो ।
अहिले निलम्बनमा परेका दाहाल सशस्त्र प्रहरीको सीमा विभाग प्रमुखको रुपमा कार्यरत थिए । सरकारले म्याद थप नगरेको अवस्थामा यही २७ वैशाखको राति १२ बजेबाट दाहाल अनिवार्य अवकाशमा जाँदै थिए ।
शिक्षकलाई सवारी साधन खरिदमा ब्याज सहुलियत दिने व्यवस्थासहितको शिक्षा (एघारौँ संशोधन) नियमावली, २०८३ सहमतिका लागि शिक्षा मन्त्रालयले अर्थ मन्त्रालयमा पठाएको छ।
प्रस्तावित व्यवस्थाअनुसार माध्यमिक तह प्रथम श्रेणीका शिक्षकले रु। ५० लाखसम्म र द्वितीय श्रेणीका शिक्षकले ४० लाखसम्मको सवारी साधन खरिद गर्न सक्नेछन्।
त्यस्तै, माध्यमिक तृतीय श्रेणी, निम्नमाध्यमिक र प्राथमिक तहका सबै श्रेणीका शिक्षकले ४ लाखसम्मको दुईपाङ्ग्रे सवारी साधन खरिद गर्न सक्ने व्यवस्था प्रस्ताव गरिएको छ।
सवारी साधन खरिदका लागि बैंकमार्फत हुने वित्तीय व्यवस्थामा लागत रकमको ८० प्रतिशतसम्मको किस्तागत ब्याज नेपाल सरकारले सहुलियतस्वरूप व्यहोर्ने व्यवस्था नियमावलीमा राखिएको छ। शिक्षकले बाँकी २० प्रतिशत रकम आफैं व्यवस्थापन गरी सवारी साधन खरिद गर्न सक्नेछन्।
यमनका हुथी विद्रोहीले साउदी अरेबियाको राजधानी रियादस्थित मुख्य अन्तर्राष्ट्रिय विमानस्थलमा ब्यालेस्टिक क्षेप्यास्त्र प्रहार गरेको दाबी गरेका छन् ।
इरान समर्थित हुथीले बिहीबार गरेको यो दाबी साउदी अरेबियामा श्रृङ्खलाबद्ध आक्रमणमा तीन जनाको मृत्यु भएको र यमनी सरकारले त्यसविरुद्ध ठूलो प्रतिआक्रमण घोषणा गरेको एक दिनपछि आएको हो ।
हुथी सैन्य प्रवक्ता याह्या सारीले रियादस्थित राजा खालिद अन्तर्राष्ट्रिय विमानस्थललाई ब्यालेस्टिक क्षेप्यास्त्रले सफलतापूर्वक निशाना बनाइएको र त्यसले विमानस्थलको सञ्चालनमा बाधा पुर्याएको दाबी गरेका छन् ।
यो साता हुथी समूहले उक्त विमानस्थलमा आक्रमण गरेको जिम्मेवारी लिएको यो तेस्रो पटक हो । सारीले साउदी हवाई क्षेत्र हुँदै उडान नगर्न अन्तर्राष्ट्रिय विमान कम्पनीहरूलाई पुनः चेतावनी दिएका छन् ।
सन् २०१४ देखि यमनको गृहयुद्धमा संलग्न हुथीले देशको उत्तरपश्चिमी अधिकांश भूभाग नियन्त्रणमा राखेका छन् । उनीहरू यमनी सरकारसँग क्षेत्रीय नियन्त्रणका लागि लडिरहेका छन् ।
संयुक्त राष्ट्रसङ्घका अनुसार जारी लडाइँका कारण यमनमा दुई लाखभन्दा बढी मानिस विस्थापित भएका छन् ।
यमनको अन्तर्राष्ट्रिय मान्यता प्राप्त सरकारले यसै साता हुथीविरुद्ध ठूलो प्रतिआक्रमण सुरु गरेको घोषणा गरेको छ । सरकारले हुथी लडाकुलाई लाल सागर तथा बन्दरगाह सहर मोचाका रणनीतिक क्षेत्रबाट हटाइएको दाबीसमेत गरेको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login