Banner
सुन्दरहरैंचाको पहिलो पुस्तकालयले मनायो स्वर्ण महोत्सव, पुस्तकालयको महत्व घट्दै गएकोमा चिन्ता
विराटचोकः स्थापनाको हिसाबले मोरङको दोस्रो तथा सुन्दरहरैंचको पहिलो पुस्तकालय भानु साझा पुस्तकालयले स्वर्ण महोत्सव मनाएको छ । आज भएको महोत्सवमा बोल्ने अधिकांश वक्ताले पुस्तकालयको महत्व घट्दै गएकोमा चिन्ता व्यक्त गरे ।
२०२७ सालमा स्थापित सो पुस्तकालयको स्वर्ण महोत्सवलाई प्रमुख अतिथिको आसनबाट सम्बोधन गर्दै सुन्दरहरैंचा नगरपालिकाका मेयर शिवप्रसाद ढकालले सुन्दरहरैंचा क्षेत्रमा राजनीतिक चेतना फैलाउन भानु पुस्तकालयले मद्दत गरेको बताए । आवश्यक परेको खण्डमा उपभोक्ताको शून्य लागतमा साझेदारी गरी भवन निर्माणमा सहयोग गर्न नगरपालिका तयार रहेको उनले बताए ।
इलाइब्रेरीको लागि ५ वटा कम्प्युटर नगरपालिकाले दिने पनि उनले बताए । पुस्तकालय रहेको तीनपैनी बजारलाई व्यवस्थित गर्न अघिल्लो आर्थिक वर्षमा बजेट विनियोजन भए पनि फ्रिज हुनु दुःखद भएको उनको भनाइ थियो । आपसी खिचातानीले गर्दा सो पैसा फिर्ता गएको यथार्थ भुल्न नहुने उनले बताए । पुस्तकालयले प्रकाशन गर्न लागेको स्मारिकाको छपाइ खर्च पनि नगरपालिकाले सहयोग गर्ने उनले जानकारी दिए ।
विशेष अतिथिको आसनबाट सम्बोधन गर्दै उपमेयर धनमाया तामाङले जिल्लाकै दोस्रो पुरानो पुस्तकालयको अभिलेखीकरण गर्नुपर्ने बताइन् । पहिले जनमानसमा चेतना फैलाउन सफल यो पुस्तकालयले भावी पिढीले सम्झनलायक काम गर्नुपर्ने उनको भनाइ थियो ।
कार्यक्रममा शुभकामना मन्तव्य दिँदै पूर्व सञ्चालक सचिव खगेन्द्र सिग्देलले पुस्तकालयको योगदान समाज परिवर्तनमा महत्वपूर्ण रुपमा रहने गरेको उल्लेख गरे । यो पुस्तकालय आफ्नो पनि सिक्ने थलो भएको बताउँदै पुस्तकालय स्थापना गर्ने कतिपयको नाम अहिले ओझेलमा परेको बताए । पुस्तकालयले भवनमात्रै थप्नुको साटो पुस्तक पनि थप्न उनले सुझाव दिए ।
पुस्तकालय सञ्चालन समितिका पूर्व उपसभापति चन्द्रमणि गुरागाईंले यो पुस्तकालय कुनै विचारधारा विशेषलाई महत्व दिने व्यक्तिद्वारा सञ्चालित छ भनेर गलत प्रचार हुने गरेको विगतलाई स्मरण गरे ।
पूर्व उपसभापति नारायणप्रसाद श्रेष्ठले विज्ञहरुको सल्लाह र सुझाव लिएर कार्यसमिति अघि बढ्नुपर्ने बताए ।
पुस्तकालय सञ्चालन समितिका सल्लाहकार ज्ञानेन्द्र ओझाले पञ्चायती व्यवस्थाविरुद्ध आवाज उठाउन विराटनगरदेखिका साहित्यकार भानु साझा पुस्तकालयमा आउने गरेका हुनाले यसको गरिमा कस्तो थियो भन्ने प्रष्ट हुने बताए ।
पूर्व सभापति वीरेश राईले तत्कालीन अवस्थाको पुस्तकालयको दयनीय अवस्थाको चित्रण गरे । पुस्तक राख्ने स्थानको अभाव भएपछि काठको दराजमा राखिएका पुस्तक पनि धमिराले खाएको उनले बताए । झण्डै ४ वर्ष पुस्तकालय बन्द गर्नुपर्दा धेरै पुस्तक धमिराले खाएको र ती पुस्तकलाई मुचुल्का उठाएर नष्ट गर्नुपरेको तीतो यथार्थ रहेको उनले बताए । भवन शिलान्यास गर्न कोही नआएपछि आफैँले भवन उद्घाटन गर्नुपरेको पनि उनले सुनाए ।
वडा नम्बर ६ का अध्यक्ष जीवन राईले पुस्तकालयलाई ईलाइब्रेरी सञ्चालनको लागि ३ वटा कम्प्युटर सहयोग गरेको बताए । सांसद विकास कोषबाट प्राप्त २० लाख रुपैयाँ खर्च गरेर माथिल्लो तला थप्ने तयारी भएको उनले बताए ।
वडा नम्बर ५ का अध्यक्ष रामप्रसाद रिजालले तीनपैनी बजार र पुस्तकालयलाई व्यवस्थित गर्न आवश्यक रहेको बताए । आफ्नो राजनीतिक पृष्ठभूमि पनि सो पुस्तकालयसँग जोडिएको उनले खुलाए ।
कार्यक्रममा साहित्यकार मनु मञ्जिल, विवेक विवश रेग्मी, प्रदीप लम्साल, गायत्री लम्साल, बालकृष्ण सिग्देल, टेकबहादुर मोक्तान, सुमन सुब्बा, श्याम भट्टराई, नवराज मैनालीलगायतले कार्यक्रममा गीत तथा कविता वाचन गरेका थिए ।
कार्यक्रममा पूर्व सञ्चालकहरुलाई सम्मान गरिएको थियो । संस्थापक सचिव तथा पूर्व सभापति रामचन्द्र लिम्बू, संस्थापक उपसभापति धरणीधर गुरागाईं, संस्थापक कोषाध्यक्ष भरत राई, पूर्व सभापति कृष्णप्रसाद दाहाल, सुरेश राई, लक्ष्मीप्रसाद आचार्य र हर्कबहादुर लिम्बूलाई मरणोपरान्त सम्मान गरिएको थियो ।
त्यस्तै, पूर्व सभापति नारायणप्रसाद दाहाल, नूतनदेव गौतम र वीरेश राईलाई पनि कार्यक्रममा दोसल्ला ओढाई सम्मान गरिएको थियो ।
पुस्तकालय सञ्चालक समितिका अध्यक्ष पुरन राईले पुस्तकालयमा पुस्तक अभाव भएको हुनाले देशविदेशमा पुस्तक संकलनको लागि अनुरोध गरिएको बताए ।
समितिका साहित्यिक सचिव गीताप्रसाद श्रेष्ठले कार्यक्रम सञ्चालन गरेका थिए ।
Facebook Comment
सशस्त्र प्रहरी बल, नेपालका अतिरिक्त महानिरीक्षक वंशीराज दाहाललाई बर्खास्त गर्न सिफारिस गरिएको छ । सशस्त्रकै एआइजी अन्जनीकुमार पोखरेल नेतृत्वको समितिले दाहाललाई बर्खास्त गर्न गृह मन्त्रालयलाई सिफारिस गरेको हो ।
बिहीबार प्रतिवेदन बुझाउँदै पोखरेलले सशस्त्र प्रहरी नियमावली अनुसार विभागीय कारबाहीको सिफारिस गरेको हो । सशस्त्र प्रहरी नियमावली, २०७२ को दफा ११३ मा आचरण विपरीतको काम गर्ने सशस्त्र प्रहरी कर्मचारीलाई भविष्यमा सरकारी सेवाको निमित्त अयोग्य नठहरिने गरी सेवाबाट हटाउने वा बर्खास्त गर्ने व्यवस्था छ ।
सोही दफाअनुसार कारबाहीको सिफारिस भएर आएको गृह मन्त्रालयका एक उच्च अधिकृतले बताए । गृह मन्त्रालयका एक उच्च अधिकृतले लोकान्तरलाई बताए । ‘एआइजी दाहाललाई सशस्त्र प्रहरीको नियमावलीअनुसार नै बर्खास्त गर्न सिफारिससहितको प्रतिवेदन आएको छ,’ ती अधिकृतले भने,’ अब गृहमन्त्रीज्यूले कार्यान्वयन गर्नुहुनेछ ।’
नियमावलीअनुसार त्यसको निर्णय गर्ने अधिकार गृहमन्त्रीलाई रहेको छ । पूर्वप्रधानन्यायाधीश चोलेन्द्रशमशेर जबरा पक्राउ पर्दा दाहाल काठमाडौं उपत्यका अपराध अनुसन्धान कार्यालय टेकुमा भेट्न पुगेका थिए । अनुसन्धान कार्यालयको टोलीले जबरालाई असोज ११ गते राति काठमाडौंस्थित घरबाटै नियन्त्रणमा लिएको थियो ।
दाहालमाथि संवेदनशील सूचना चुहाएको भन्दै असोज १९ गते गृह मन्त्रालयले निलम्बन गरेको थियो । मन्त्रालयले सोही दिन एआइजी पोखरेलको नेृत्वमा छानबिन समिति पनि गठन गरिएको थियो ।
अहिले निलम्बनमा परेका दाहाल सशस्त्र प्रहरीको सीमा विभाग प्रमुखको रुपमा कार्यरत थिए । सरकारले म्याद थप नगरेको अवस्थामा यही २७ वैशाखको राति १२ बजेबाट दाहाल अनिवार्य अवकाशमा जाँदै थिए ।
शिक्षकलाई सवारी साधन खरिदमा ब्याज सहुलियत दिने व्यवस्थासहितको शिक्षा (एघारौँ संशोधन) नियमावली, २०८३ सहमतिका लागि शिक्षा मन्त्रालयले अर्थ मन्त्रालयमा पठाएको छ।
प्रस्तावित व्यवस्थाअनुसार माध्यमिक तह प्रथम श्रेणीका शिक्षकले रु। ५० लाखसम्म र द्वितीय श्रेणीका शिक्षकले ४० लाखसम्मको सवारी साधन खरिद गर्न सक्नेछन्।
त्यस्तै, माध्यमिक तृतीय श्रेणी, निम्नमाध्यमिक र प्राथमिक तहका सबै श्रेणीका शिक्षकले ४ लाखसम्मको दुईपाङ्ग्रे सवारी साधन खरिद गर्न सक्ने व्यवस्था प्रस्ताव गरिएको छ।
सवारी साधन खरिदका लागि बैंकमार्फत हुने वित्तीय व्यवस्थामा लागत रकमको ८० प्रतिशतसम्मको किस्तागत ब्याज नेपाल सरकारले सहुलियतस्वरूप व्यहोर्ने व्यवस्था नियमावलीमा राखिएको छ। शिक्षकले बाँकी २० प्रतिशत रकम आफैं व्यवस्थापन गरी सवारी साधन खरिद गर्न सक्नेछन्।
यमनका हुथी विद्रोहीले साउदी अरेबियाको राजधानी रियादस्थित मुख्य अन्तर्राष्ट्रिय विमानस्थलमा ब्यालेस्टिक क्षेप्यास्त्र प्रहार गरेको दाबी गरेका छन् ।
इरान समर्थित हुथीले बिहीबार गरेको यो दाबी साउदी अरेबियामा श्रृङ्खलाबद्ध आक्रमणमा तीन जनाको मृत्यु भएको र यमनी सरकारले त्यसविरुद्ध ठूलो प्रतिआक्रमण घोषणा गरेको एक दिनपछि आएको हो ।
हुथी सैन्य प्रवक्ता याह्या सारीले रियादस्थित राजा खालिद अन्तर्राष्ट्रिय विमानस्थललाई ब्यालेस्टिक क्षेप्यास्त्रले सफलतापूर्वक निशाना बनाइएको र त्यसले विमानस्थलको सञ्चालनमा बाधा पुर्याएको दाबी गरेका छन् ।
यो साता हुथी समूहले उक्त विमानस्थलमा आक्रमण गरेको जिम्मेवारी लिएको यो तेस्रो पटक हो । सारीले साउदी हवाई क्षेत्र हुँदै उडान नगर्न अन्तर्राष्ट्रिय विमान कम्पनीहरूलाई पुनः चेतावनी दिएका छन् ।
सन् २०१४ देखि यमनको गृहयुद्धमा संलग्न हुथीले देशको उत्तरपश्चिमी अधिकांश भूभाग नियन्त्रणमा राखेका छन् । उनीहरू यमनी सरकारसँग क्षेत्रीय नियन्त्रणका लागि लडिरहेका छन् ।
संयुक्त राष्ट्रसङ्घका अनुसार जारी लडाइँका कारण यमनमा दुई लाखभन्दा बढी मानिस विस्थापित भएका छन् ।
यमनको अन्तर्राष्ट्रिय मान्यता प्राप्त सरकारले यसै साता हुथीविरुद्ध ठूलो प्रतिआक्रमण सुरु गरेको घोषणा गरेको छ । सरकारले हुथी लडाकुलाई लाल सागर तथा बन्दरगाह सहर मोचाका रणनीतिक क्षेत्रबाट हटाइएको दाबीसमेत गरेको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login