Banner
सुन्दरहरैंचाको वडा नम्बर १२ मा फोहरमैलाको व्यवस्थापन नयाँ ढङ्गले हुने, नगरमै नमूना काम हुने अपेक्षा
विराटचोकः सुन्दरहरैंचा नगरपालिकाको वडा नम्बर १२ ले व्यवस्थित तरिकाले फोहरमैलाको विसर्जन गर्ने भएको छ । फोहर उत्पादनको स्रोतबाटै वर्गीकरण गरी व्यवस्थापन गरिने वडा कार्यालयले जनाएको छ । रेडियो सुसेलीको सहजीकरण तथा वडा कार्यालयको आयोजनामा हिजो भएको कार्यक्रममा बोल्दै वडाध्यक्ष रोशनप्रसाद ढकालले यस्तो जानकारी दिएका हुन् । अन्य वडामा पनि फोहरमैला व्यवस्थापनमा बजेट विनियोजन भएकाले सबै वडाले प्रभावकारी काम गर्न सके नगरलाई सफा राख्न मद्दत पुग्ने उनले जनाए ।
शुरुमा जनचेतना जगाई त्यसपछि प्रभावकारी ढङ्गले फोहरको व्यवस्थापनमा लाग्ने ढकालले बताए । यसमा सबै वडावासीको सहयोगको अपेक्षा गरेको उनको भनाइ थियो । सुन्दरहरैंचाको नमूना कामको रुपमा गनिने गरी क्षेत्रफलको आधारमा सानो रहेको वडाबाट अभियान शुरु गर्न लागिएको उनले जनाए । वडाको काम सफल भएमा नगरभर नै अभियान सञ्चालन गरी सफा नगर बनाउन सकिने उनको भनाइ थियो ।
कार्यक्रमको सहजीकरण गरेका रेडियो सुसेलीका कार्यकारी प्रमुख बाबुराम निरौलाले देशका विभिन्न नगरले फोहरको वर्गीकरण र व्यवस्थापनमा गरेका अभ्यासको श्रव्यदृश्य प्रस्तुत गरेका थिए । कतिपय नगरले कुहिने फोहरबाट मल बनाएर प्रयोग गरेको र नकुहिने फोहर पेबललगायतका निर्माण सामग्री बनाउन र विभिन्न उद्योगलाई कच्चा पदार्थको रुपमा बिक्री गर्ने गरेको आफ्नो प्रस्तुतिका क्रममा निरौलाले जानकारी दिए ।
कार्यक्रमकी प्रमुख अतिथि सुन्दरहरैंचा नगरपालिकाकी उपप्रमुख अकली चौधरीले अब नगरले कार्यविधि बनाएर फोहर व्यवस्थापन गर्ने जनाइन् । फोहरमैलाको वर्गीकरण तथा व्यवस्थापनको लागि आवश्यक पर्ने बजेट विनियोजन गरेर फोहरमैलाको व्यवस्थापनमा नगर अघि बढ्ने उनले जानकारी दिइन् । चेतना फैलाई सबै पक्ष फोहर व्यवस्थापनमा लागेमा नगरलाई सफा राख्न सहज हुने उनले औँल्याइन् ।
कार्यक्रममा आफ्नो धारणा राख्दै सुकुना बहुमुखी क्याम्पसका पूर्व क्याम्पस प्रमुख प्रेमप्रसाद भट्टराईले वडावासीमा नकुहिने फोहरलाई बेच्ने बानीको विकास गराउन सके फोहर व्यवस्थापन सहज हुने औँल्याए । वडा नम्बर १२ का भित्री सडकमा निकासको व्यवस्था नहुँदा नालीमा फोहर जम्ने समस्या देखिएको बताउँदै त्यसतर्फ टोल विकास संस्थाले ध्यान दिनुपर्ने बताए ।
सरसफाइ अभियन्ता मोहन श्रेष्ठले निम्न आर्थिक अवस्था भएका वडावासीलाई सहकारी संस्थालगायतका सामाजिक उत्तरदायित्व वहन गर्ने अन्य संस्थालाई डस्बिन प्रदान गर्न अनुरोध गरेर प्रत्येक घरमा डस्बिन राखेर फोहर व्यवस्थापन गरिनुपर्ने बताए । शुरुमा जनचेतना फैलाउने र त्यति हुँदाहुँदै पनि आफ्नो वरपर देखिएको फोहर नलजाई टिप्ने बानीको विकास गर्न सके फोहरको समस्या नै नहुने उनको भनाइ थियो ।
एकता मिडिया प्रालिका अध्यक्ष रमेश खड्काले सवारी साधनबाट फ्याँकिने पानीका बोतल, चाउचाउका खोललगायतले सडक फोहर बनाइरहेको हुनाले सवारी साधनका चालक र सहचालकलाई पनि यस विषयमा जानकारी गराई सचेत गराउनुपर्ने आवश्यकता रहेको बताए ।
नेकपा एमालेका नगर अध्यक्ष मातृका ढकालले हामी आफैँ सचेत नभए फोहरको समस्या डरलाग्दो हुने उनको भनाइ थियो । यो अभियानका लागि सर्वपक्षीय सहयोग समिति बनाएर पूर्ण कार्यान्वयनका लागि सबै लाग्नुपर्नेमा उनले जोड दिए ।
राजनीतिज्ञ सुरेन्द्रबहादुर थापाले सचेतना जगाउन सक्नु मुख्य प्राथमिकता भएको बताए । मान्छेको सोचमा परिवर्तन गर्न आवश्यक रहेको उनको भनाइ थियो । युरोप तथा अमेरिकाको सरसफाइको बयान गर्ने मानिस ती देशबाट फर्किँदा एयरपोर्टमा आएर चुरोट खाएपछि चुरोटको ठुटो खुट्टाले कुल्चिएर हिँड्ने गरेको उनले औँल्याए । यो अभियानमा इन्द्रपुर साना शहरी खानेपानी तथा सरसफाइ आयोजनालाई पनि जोड्न उनले सुझाव दिए ।
शिक्षक माधव दाहालले सहकारी सञ्चालक समितिका पदाधिकारीसँग बसेर सचेतनामूलक कार्यक्रम गर्नुपर्नेमा जोड दिए । समुदायमा रहेका बाल क्लब, आमा क्लब, विभिन्न संघसंस्था आदिको सहकार्यमा जनचेतनामूलक कार्यक्रम सञ्चालन गर्ने र व्यवस्थित तरिकाले फोहर विसर्जन हुन थालेपछि आगन्तुकको जानकारीका लागि प्लाष्टिक निषेधित क्षेत्र र फोहर गर्न नपाइने क्षेत्र भनेर साइन बोर्ड राखेमा बाटोमा कुनै पनि किसिमका प्लास्टिकजन्य फोहर नदेखिने बताए ।
शिक्षक हिमाल अधिकारीले जहाँ फोहर उत्पादन हुन्छ, त्यहीँबाट कुहिने र नकुहिने फोहर भनी वर्गीकरण गरेर व्यवस्थापनमा गर्नुपर्ने बताए । बजारबाट सामान ल्याउँदा प्लास्टिकका होइन कागज वा कुहिने पदार्थबाट बनेर झोलाको प्रयोग गर्न उपभोक्ता र व्यवसायीलाई आग्रह गर्नुपर्ने औँल्याए ।
कार्यक्रममा विभिन्न संघसंस्थाका प्रतिनिधि, समाजसेवी, राजनीतिज्ञ र सर्वसाधारणको उल्लेख्य उपस्थिति रहेको थियो ।
Facebook Comment
सशस्त्र प्रहरी बल, नेपालका अतिरिक्त महानिरीक्षक वंशीराज दाहाललाई बर्खास्त गर्न सिफारिस गरिएको छ । सशस्त्रकै एआइजी अन्जनीकुमार पोखरेल नेतृत्वको समितिले दाहाललाई बर्खास्त गर्न गृह मन्त्रालयलाई सिफारिस गरेको हो ।
बिहीबार प्रतिवेदन बुझाउँदै पोखरेलले सशस्त्र प्रहरी नियमावली अनुसार विभागीय कारबाहीको सिफारिस गरेको हो । सशस्त्र प्रहरी नियमावली, २०७२ को दफा ११३ मा आचरण विपरीतको काम गर्ने सशस्त्र प्रहरी कर्मचारीलाई भविष्यमा सरकारी सेवाको निमित्त अयोग्य नठहरिने गरी सेवाबाट हटाउने वा बर्खास्त गर्ने व्यवस्था छ ।
सोही दफाअनुसार कारबाहीको सिफारिस भएर आएको गृह मन्त्रालयका एक उच्च अधिकृतले बताए । गृह मन्त्रालयका एक उच्च अधिकृतले लोकान्तरलाई बताए । ‘एआइजी दाहाललाई सशस्त्र प्रहरीको नियमावलीअनुसार नै बर्खास्त गर्न सिफारिससहितको प्रतिवेदन आएको छ,’ ती अधिकृतले भने,’ अब गृहमन्त्रीज्यूले कार्यान्वयन गर्नुहुनेछ ।’
नियमावलीअनुसार त्यसको निर्णय गर्ने अधिकार गृहमन्त्रीलाई रहेको छ । पूर्वप्रधानन्यायाधीश चोलेन्द्रशमशेर जबरा पक्राउ पर्दा दाहाल काठमाडौं उपत्यका अपराध अनुसन्धान कार्यालय टेकुमा भेट्न पुगेका थिए । अनुसन्धान कार्यालयको टोलीले जबरालाई असोज ११ गते राति काठमाडौंस्थित घरबाटै नियन्त्रणमा लिएको थियो ।
दाहालमाथि संवेदनशील सूचना चुहाएको भन्दै असोज १९ गते गृह मन्त्रालयले निलम्बन गरेको थियो । मन्त्रालयले सोही दिन एआइजी पोखरेलको नेृत्वमा छानबिन समिति पनि गठन गरिएको थियो ।
अहिले निलम्बनमा परेका दाहाल सशस्त्र प्रहरीको सीमा विभाग प्रमुखको रुपमा कार्यरत थिए । सरकारले म्याद थप नगरेको अवस्थामा यही २७ वैशाखको राति १२ बजेबाट दाहाल अनिवार्य अवकाशमा जाँदै थिए ।
शिक्षकलाई सवारी साधन खरिदमा ब्याज सहुलियत दिने व्यवस्थासहितको शिक्षा (एघारौँ संशोधन) नियमावली, २०८३ सहमतिका लागि शिक्षा मन्त्रालयले अर्थ मन्त्रालयमा पठाएको छ।
प्रस्तावित व्यवस्थाअनुसार माध्यमिक तह प्रथम श्रेणीका शिक्षकले रु। ५० लाखसम्म र द्वितीय श्रेणीका शिक्षकले ४० लाखसम्मको सवारी साधन खरिद गर्न सक्नेछन्।
त्यस्तै, माध्यमिक तृतीय श्रेणी, निम्नमाध्यमिक र प्राथमिक तहका सबै श्रेणीका शिक्षकले ४ लाखसम्मको दुईपाङ्ग्रे सवारी साधन खरिद गर्न सक्ने व्यवस्था प्रस्ताव गरिएको छ।
सवारी साधन खरिदका लागि बैंकमार्फत हुने वित्तीय व्यवस्थामा लागत रकमको ८० प्रतिशतसम्मको किस्तागत ब्याज नेपाल सरकारले सहुलियतस्वरूप व्यहोर्ने व्यवस्था नियमावलीमा राखिएको छ। शिक्षकले बाँकी २० प्रतिशत रकम आफैं व्यवस्थापन गरी सवारी साधन खरिद गर्न सक्नेछन्।
यमनका हुथी विद्रोहीले साउदी अरेबियाको राजधानी रियादस्थित मुख्य अन्तर्राष्ट्रिय विमानस्थलमा ब्यालेस्टिक क्षेप्यास्त्र प्रहार गरेको दाबी गरेका छन् ।
इरान समर्थित हुथीले बिहीबार गरेको यो दाबी साउदी अरेबियामा श्रृङ्खलाबद्ध आक्रमणमा तीन जनाको मृत्यु भएको र यमनी सरकारले त्यसविरुद्ध ठूलो प्रतिआक्रमण घोषणा गरेको एक दिनपछि आएको हो ।
हुथी सैन्य प्रवक्ता याह्या सारीले रियादस्थित राजा खालिद अन्तर्राष्ट्रिय विमानस्थललाई ब्यालेस्टिक क्षेप्यास्त्रले सफलतापूर्वक निशाना बनाइएको र त्यसले विमानस्थलको सञ्चालनमा बाधा पुर्याएको दाबी गरेका छन् ।
यो साता हुथी समूहले उक्त विमानस्थलमा आक्रमण गरेको जिम्मेवारी लिएको यो तेस्रो पटक हो । सारीले साउदी हवाई क्षेत्र हुँदै उडान नगर्न अन्तर्राष्ट्रिय विमान कम्पनीहरूलाई पुनः चेतावनी दिएका छन् ।
सन् २०१४ देखि यमनको गृहयुद्धमा संलग्न हुथीले देशको उत्तरपश्चिमी अधिकांश भूभाग नियन्त्रणमा राखेका छन् । उनीहरू यमनी सरकारसँग क्षेत्रीय नियन्त्रणका लागि लडिरहेका छन् ।
संयुक्त राष्ट्रसङ्घका अनुसार जारी लडाइँका कारण यमनमा दुई लाखभन्दा बढी मानिस विस्थापित भएका छन् ।
यमनको अन्तर्राष्ट्रिय मान्यता प्राप्त सरकारले यसै साता हुथीविरुद्ध ठूलो प्रतिआक्रमण सुरु गरेको घोषणा गरेको छ । सरकारले हुथी लडाकुलाई लाल सागर तथा बन्दरगाह सहर मोचाका रणनीतिक क्षेत्रबाट हटाइएको दाबीसमेत गरेको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login