अर्थ
मनकारी घरधनीः होटल व्यवसाय गर्नेलाई दिए २ महिनाको भाडा छुट
इटहरीः इटहरीको बसपार्कमा खोटाङ दिक्तेल होटल तथा गेस्ट हाउस चलाउने प्रताप राईलाई लकडाउनले समस्यामा पारेको थियो ।
लकडाउनका कारण गेस्ट हाउस पूर्ण रुपले प्रभावित भएको अवस्थामा लकडाउन अझै लम्बिन सक्ने अनुमान हुन थालेपछि घरभाडा कसरी तिर्ने भन्ने पीर उनलाई थियो । तर, यही बीचमा मनकारी घरधनीले २ महिनाको घरभाडा छुट दिने सुनाएपछि उनी औधी खुशी भए ।
भारतीय सेनाका अवकाशप्राप्त सैनिक गम्भीरजंग राईले आफ्नो घरमा होटल व्यवसाय गर्ने २ जना व्यवसायीलाई २ महिनाको भाडा छुट गरेका हुन् । भाडा छुट दिनुको कारण सोध्दा विपत् परेको बेलामा आफूले सकेको सहयोग गरेको उनले बताए ।
आफ्नो घरमा ०६८ सालदेखि होटल सञ्चालन गर्ने व्यक्तिलाई अहिले लकडाउनले समस्या परेको बेला सहयोग गर्ने मनसायले आफूले सहयोग गरेको उनको भनाइ छ । उनले ३ ओटा फ्ल्याट भाडामा लगाएका थिए । होटल सञ्चालकले आफूसँग भाडा छुटको प्रस्ताव नगरे पनि आफूले स्वतःस्फूर्त रुपमा छुट दिएको उनी बताउँछन् ।
‘दानजस्तो वा सहयोगजस्तो केही काम गरौँ भनेर हो’, टेलिफोन सम्पर्कमा घरधनी राईले भने, ‘मरेर त सबै गइने नै हो तर सकेको बेलामा आफूले सहयोग गरौँ भनेर छुट दिएको हो । आफूलाई परेको बेला पनि यस्तो सहयोग पाइएला भन्ने विचार आएर छुट दिएको हुँ ।’
अरु घरधनीलाई पनि भाडा छुट गर्नुपर्छ भनेर आफूले भनेको उनको भनाइ छ । ‘उनीहरु यही व्यवसायको भरमा छन् । यस्तो बेलामा उनीहरुलाई बाँच्न गाह्रो छ’ भनेर सल्लाह दिएको तर अरुले खासै सकारात्मक प्रतिक्रिया आफूलाई नदिएको उनको भनाइ छ । आफ्नो घरमा सञ्चालनमा रहेका २ ओटा होटलका सञ्चालकलाई चैत र बैशाख महिनाको घरभाडा छुट गरेको उनले बताए ।
यस्तो बेलामा सहयोग पाउँदा खुशी लागेको खोटाङ दिक्तेल होटल एण्ड गेस्ट हाउसका सञ्चालक प्रताप राईले बताए । ०६८ सालदेखि होटल व्यवसाय गरिरहेका राईले मासिक ३५ हजार रुपैयाँ भाडा तिर्दै आएका थिए । भाडा छुटको लागि आफूले अनुरोध नगरे पनि २ महिनाको भाडा छुट पाउँदा खुशी लागेको उनले टेलिफोन सम्पर्कमा सुनाए । संकटको बेलामा सबै घरधनीले व्यवसायीको पीरमर्का बुझेर व्यवसायीलाई सहुलियत दिनुपर्ने उनको भनाइ छ ।
होटल व्यवसायी संघ इटहरीका अध्यक्ष जीवन पराजुली संघले औपचारिक रुपमा घरधनीलाई भाडा छुट दिन अनुरोध नगरे पनि अनौपचारिक रुपमा भने अनुरोध गरिएको बताउँछन् । संकटको बेलामा सबै घरधनीले व्यवसायीलाई सहयोग गर्नुपर्छ भनेर भेटघाट तथा फोन सम्पर्कका क्रममा भनेको उनले बताए ।
२ महिनाको घरभाडा छुट दिने ती घरधनीको निर्णयको स्वागत गर्दै अध्यक्ष पराजुली अब भने अरु घरधनीले पनि बिस्तारै छुट दिने विश्वास आफूले लिएको बताउँछन् ।
Facebook Comment
एटीएम कार्डबाट गर्न सकिने कारोबारको सीमा घटेको छ । नेपाल राष्ट्र बैङ्कले बुधबार जारी गरेको एकीकृत निर्देशन २०८२ मार्फत यसअघिको कारोबार सीमा घटाइएको हो ।
नेपाल राष्ट्र बैङ्कका अनुसार प्रति कारोबारको सीमा ५ हजार रुपैयाँ, दैनिक कारोबारको सीमा ५० हजार रुपैयाँ र मासिक कारोबारको सीमा १ लाख रुपैयाँले घटाइएको छ ।
जब कि यसअघि प्रति कारोबार २५ हजार रुपैयाँ, प्रतिदिन १ लाख रुपैयाँ र प्रति महिना ४ लाख रुपैयाँ एटीएमबाट निकाल्न सकिने अवस्था थियो ।
नगद कारोबारभन्दा डिजिटल कारोबारलाई प्रोत्साहन गर्ने नीति अनुरूप कारोबार सीमा घटाइएको राष्ट्र बैङ्कका प्रवक्ता गुरुप्रसाद पौडेलले बताए ।
उनका अनुसार केही महिनाअघि जारी निर्देशनहरूलाई नै अहिले एकीकृत निर्देशिकाको रूपमा ‘कम्पायल’ मात्र गरिएको हो । जसमा अनुमतिपत्र प्राप्त ‘क’ वर्गका वाणिज्य बैङ्कले नेपाल सरकारले तोकेका सडक तथा सडक खण्डहरूमा चल्ने सवारी साधनहरूबाट सडक उपभोग दस्तुर (टोल फि) सङ्कलन गर्ने प्रयोजनका लागि आरएफआईडी चिपमा आधारित प्रिपेड ट्याग तथा कार्ड जारी गर्न सक्ने नयाँ व्यवस्था समेत समावेश छ ।
आजदेखि देशभर दोस्रो आर्थिक गणना हुँदैछ । त्यसका लागि देशभर नै गणक तथा आवश्यक सुपरीवेक्षक सम्बन्धित क्षेत्रमा पुगिसकेको राष्ट्रिय तथ्याङ्क कार्यालयले जनाएको छ ।
कार्यतालिकाअनुसार स्थलगत तथ्याङ्क सङ्कलनको काम आगामी असारको पहिलो साताभित्र सम्पन्न हुनेछ । गणनाका लागि करिब पाँच हजार जनशक्ति परिचालन गरिएका छन् ।
अर्थ मन्त्रालयले मुलुकको समग्र औद्योगिक एवं आर्थिक क्षेत्रसँग जोडिएको तथ्याङ्क सङ्कलन गरिने भएकाले यस कार्यमा योगदानका लागि सबैलाई आग्रह गरेको छ । गणनामा उद्योग, व्यवसाय, सेवा क्षेत्र, सहकारी तथा निजी क्षेत्र, सार्वजनिक संस्थाको सङ्ख्या, प्रकार, लगानी, रोजगारी, उत्पादन र सेवा प्रवाहलगायत आर्थिक क्षेत्रका १८ वटा क्षेत्रको आधारभूत विवरण सङ्कलन गरिने छ ।
त्यसक्रममा देशभर दर्ता भए÷नभएका ठूला साना व्यापार प्रतिष्ठान, रोजगारीका हिसाबले धेरै रोजगारी दिएका वा स्वरोजगार भएका प्रतिष्ठान, अन्य उद्योग, कलकारखाना, व्यापार र व्यवसाय, गैरसरकारी सङ्घसंस्था, सरकारी संस्थान, सरकारी वा निजी विद्यालय, अस्पताललगायतको गणना गरिने छ ।
आर्थिक गणना तयारीको पूर्वचरणका काम गत फागुन मसान्तमा सम्पन्न भइसकेका छन् । चैतको सुरुवातमा ७७ जिल्ला र थप सात गरी ८४ कार्यालय स्थापना गरिएका छन् । ती कार्यालय आगामी असार मसान्तसम्म सञ्चालन हुनेछ ।
यसअघि २०७५ सालमा राष्ट्रिय आर्थिक गणना गरिएको थियो । गणनामा देशभर नौ लाख २३ हजार ३५६ प्रतिष्ठान एवं व्यवसाय सञ्चालनमा रहेको विवरण सार्वजनिक भएको थियो ।
आइतबार नेप्से परिसूचक ५४.५१ अंक बढेर २९३१.५५ विन्दुमा पुगेको छ। यो करिब ७ महिनायताकै उच्च विन्दु हो। यस अघि गत साउन १४ गते नेप्से परिसूचक २९५४.१४ विन्दुमा बन्द भएको थियो। त्यस्तै, यस दिन सेन्सेटिभ इण्डेक्स ११.११ अंक बढेको छ भने फ्लोट इण्डेक्स ४.०६ अंक र सेन्सेटिभ फ्लोट इण्डेक्स ३.८२ अंक बढेको छ।
नेप्सेसँगै यस दिन कारोबार रकम पनि उच्च बढेको छ। यस दिन बजारमा ३६४ स्टकको २ लाख ४ हजार ९५५ पटकको कारोबारमा २३ अर्ब ५९ करोड ७७ लाख १२ हजार रुपैयाँबराबरको ६ करोड १४ लाख ७ हजार कित्ता शेयर खरिदबिक्री भएको छ। यस दिनको कारोबार रकम पनि करिब ७ महिनायताकै उच्च हो। यस अघि गत साउन ११ गते बजारमा २६ अर्ब ५७ करोड ७४ लाख रुपैयाँबराबरको शेयर कारोबार भएको थियो।
यस दिन ७ स्टकको शेयर सकारात्मक सर्किट लेभलमा कारोबार भएको छ। यस दिन कर्पोरेट डेभलपमेन्ट बैंक, सालपा विकास बैंक, रिलायन्स स्पिनिङ्ग मिल्स, अभियान लघुवित्त वित्तीय संस्था, सोलु हाइड्रोपावर, भुजुङ्ग हाइड्रोपावर र होटल फरेष्ट इनको शेयर सकारात्मक सर्किट लेभलमा कारोबार भएको हो। त्यस्तै, यस दिन विजय लघुवित्त वित्तीय संस्थाको शेयरमूल्य करिब १० प्रतिशत बढेको छ भने एनआईसी एशिया लघुवित्तको शेयरमूल्य ९ प्रतिशतभन्दा बढी बढेको छ। यस दिन एनआईसी एशिया ब्यालेन्स्ड फण्डको इकाईमूल्य सर्वाधिक ५.७१ प्रतिशत घटेको छ।
कारोबार रकमका आधारमा यस दिन कुमारी बैंक शीर्ष स्थानमा रहेको छ। सो बैंकको यस दिन ८५ करोड ९६ लाख रुपैयाँबराबरको शेयर किनबेच भएको छ। त्यस्तै, यस दिन नेशनल हाइड्रोपावरको करिब ७८ लाख रुपैयाँको शेयर कारोबार भएको छ भने शिवम् सिमेन्ट्सकाे कारोबार रकम ७५ करोड रुपैयाँ नाघेको छ।
१३ उपसमूहमध्ये यस दिन १२ उपसमूहको परिसूचक बढेको छ भने १ उपसमूहको परिसूचक घटेको छ। यस दिन लघुवित्त उपसमूहको परिसूचक सर्वाधिक ४.२१ प्रतिशत बढेको छ। त्यस्तै, यस दिन होटल तथा पर्यटन उपसमूहको परिसूचक ३ प्रतिशतभन्दा बढी बढेको छ भने बैंकिङ्ग, विकास बैंक, वित्त, जीवन बीमा र निर्जीव बीमा उपसमूहको परिसूचक २ प्रतिशतभन्दा बढी बढेको छ। यस दिन व्यापार उपसमूहको परिसूचक सामान्य घटेको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login