Connect with us
Advertisement
Advertisement

इटहरीका २५ जना किसानलाई नगरपालिकाले दियो कोरली गाई

Published

on

इटहरीः गाईपालन क्षेत्रको रुपमा घोषित इटहरीको वडा नम्बर २० का २५ जना किसानलाई इटहरी उपमहानगरपालिकाले १\१ ओटा कोरली गाई प्रदान गरेको छ ।

मेयर द्वारिकलाल चौधरी र उपमेयर लक्ष्मी गौतमले सामाजिक दूरी कायम गरेर ठूलो चौरमा आयोजित कार्यक्रममा कोरली गाई वितरण गरे । शतप्रतिशत अनुदानमा गाई वितरण गरेको नगरपालिकाले जनाएको छ ।

आत्मनिर्भर अर्थतन्त्रको विकासका लागि किसानलाई कोरली गाई वितरण गरिएको मेयर चौधरीले बताए । यो कार्यले इटहरीलाई दूधमा आत्मनिर्भर बनाउने उपमहानगरको अभियानलाई सहयोग पुग्ने उपमेयर गौतमले बताइन् ।

इटहरीको वडा नम्बर १, २ र २० लाई गाईपालन क्षेत्र निर्धारण गरिएको छ । यसै क्रममा वडा नम्बर २० मा गाई वितरण गरिएको हो । अब वडा नम्बर १ र २ का ५० जना किसानलाई यसैगरी कोरली गाई वितरण गरिने बताइएको छ ।

सो कार्यक्रमका लागि उपमहानगरको आन्तरिक श्रोतबाट २० लाख बजेट विनियोजन गरिएको बताइएको छ ।

अर्थ

मायाघरलाई दैनिक उपभोग्य वस्तु दिइन् इटहरीकी उपमेयरले

Published

on

इटहरीः इटहरी उपमहानगरकी उपमेयर लक्ष्मी गौतमले इटहरी– २ स्थित मायाघरका लागि दैनिक उपभोग्य सामग्री उपलब्ध गराएकी छिन् ।

आलु प्याज, विभिन्न तरकारी, साबुन, चिनी, चियापत्तीलगायतका सामग्री गौतमले उपलब्ध गराएकी हुन् । समस्या परिरहेको बेला अत्यावश्यकीय सामान आउँदा खुशी लागेको माया घर सञ्चालन समितिकी सचिव सुभद्रा प्याकुरेलले बताइन् ।

मायाघरमा सडकमा अलपत्र परेका लगायत मानसिक समस्या रहेका ५१ जना आश्रित रहेको प्याकुरेलले जनाइन् । विभिन्न दाताबाट सहयोग लिएर समस्यामा परेका ठाउँहरुमा सहयोग गरिएको गौतमले बताइन् ।

Continue Reading

Banner

ताप्लेजुङमा २ जना सहायक वन अधिकृत २ लाख रुपैयाँ घुससहित पक्राउ

Published

on

विराटचोकः डिभिजन वन कार्यालय ताप्लेजुङमा कार्यरत सहायक वन अधिकृत जीवनकुमार यादव र सब डिभिजन वन कार्यालय फुङ्लिङ, ताप्लेजुङमा कार्यरत सहायक वन अधिकृत वीरेन्द्रप्रसाद साह २ लाख रुपैयाँ घुससहित पक्राउ परेका छन् ।

जडीबुटी निकासी छुटपूर्जी दिए बापत सेवाग्राहीसँग घुस माग गरिरहेको भन्ने सूचना एवम् उजुरीका आधारमा अख्तियार दुरुपयोग अनुसन्धान आयोगको कार्यालय, इटहरीबाट खटिई गएको टोलीले उनीहरुलाई पक्राउ गरेको थियो ।

दुवै जनाले १÷१ लाख रुपैयाँ घुसबापत लिइसकेको अवस्थामा सो रकमसहित डिभिजन वन कार्यालय, ताप्लेजुङ परिसरबाट उनीहरु हिजो मंगलबार पक्राउ परेका थिए । उनीहरुमाथि अनुसन्धान भइरहेको अख्तियारका प्रवक्ता प्रदीपकुमार कोइरालाले जनाएका छन् ।

इनरुवाका प्रमुख मालपोत अधिकृतसहित ६ जनाविरुद्ध मुद्दा (अख्तियारको विज्ञप्तिसहित)

ललितपुरका मालपोत अधिकृतविरुद्ध भ्रष्टाचार मुद्दा, १० करोड २७ लाख बिगो दाबी

Continue Reading

Banner

कांग्रेसको ठहरः कर बुझाउने ताकेता गैरजिम्मेवारीपनको पराकाष्ठा हो

Published

on

काठमाडौंः यही जेठ २५ गतेभित्र चालु आर्थिक वर्षको तेस्रो त्रैमासिकको कर चुक्ता गर्न सरकारले जारी गरेको सूचनालाई प्रमुख प्रतिपक्षी नेपाली कांग्रेसले गैरजिम्मेवारीपनको पराकाष्ठा भनेको छ ।

कांग्रेसले सो निर्णय सच्याउन मागसमेत गरेको छ । कांग्रेस संसदीय दलका प्रमुख सचेतक बालकृष्ण खाणले मंगलबार प्रेस विज्ञप्ति जारी गर्दै कडाउनको कारण देशका सम्पूर्ण उद्योग, कलकारखाना, पर्यटन, यातायात क्षेत्र लगायत शैक्षिक संस्था ठप्प हुँदा तत्काल कर बुझाउने सूचना जारी गर्नु अस्वभाविक, अप्राकृतिक, अव्यवहारिक र गैरजिम्मेवारपनको पराकाष्ठा भएको उल्लेख गरेका छन् ।

लकडाउनको अवधिमा पनि सरकारले जनतालाई आतंकित गर्ने कार्य गरेको उनको भनाइ छ । विज्ञप्तिमा कोरोना रोगको कारण बन्द भएका सानादेखि ठूला उद्योगधन्दाका साथै श्रमिकवर्ग र किसानहरुका लागि सरकारले विशेष राहत प्याकेज व्यवस्था गर्नुपर्ने उल्लेख गरिएको छ ।

जेठ २५ गतेसम्ममा कर नबुझाए जरिवाना र ब्याज तिर्नुपर्ने, व्यवसायी रुष्ट

 

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

nispakshyakhabar@gmail.com
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक