Banner
इमानदार र जुझारु नेता पदम इस्बो (उम्मेद्वार परिचयः ८)
धरानः बैशाख ३० गते हुने स्थानीय तहको निर्वाचनको लागि नेकपा एमालेले धरान उमहानगर पालिका वडा नं –१९ निवासी पदम इस्वो (लिम्बू)लाई उप मेयरको उम्मेद्वार बनाएको छ । लामो समयदेखि पार्टीमा निरन्तर निःस्वार्थ भावानाले क्रियाशील रहने नेताको रुपमा परिचित उनी पद र शक्तिभन्दा पनि पार्टीलाई योगदान दिनुपर्छ भन्ने मान्यता बोकेका इमान्दार र जुझारु युवा नेताको रुपमा चिन्छिन् ।
२०५६ सालदेखि ११ वर्षसम्म धरान नगर कमिटीको सदस्य रहेका उनी २०६८ सालदेखि जिल्ला कमिटीमा रहेका उनी हाल नेकपा एमाले सुनसरी जिल्ला सदस्य एवम् क्षेत्रीय सह– संयोजकको जिम्मेवारीमा छन् । ४० सालदेखि विद्यार्थी राजनीतिमा लागेका इस्वोले धरानलाई आधुनिक शहर र जनसहभागितको शहर बनाउन मुख्य भूमिका खेलेका थिए । २०५४ सालको स्थानीय निकायको निर्वाचनमा उनी १९ नं. वडाको वडाध्यक्ष निर्वाचित भएका थिए । जनसहभागिताको शहर बनाउन मेयरलाई सहयोग गर्ने मुख्य मान्छे उनी नै थिए ।
तेह्रथुम जिल्लाको आठराई गाउँपालिका (साविक चुहाँनडाँडा गाविस) मा २०४० सालदेखि राजनीतिक जीवन यात्रा शुरु गरेका उनी तेह्रथुमकै शारदा माविमा अध्ययन गर्ने क्रममा अनेरास्ववियुबाट उनले राजनीतिक जीवन यात्रा शुरु गरेका थिए । विद्यार्थी कालदेखि नै विद्यार्थीहरुको हक, हित र अधिकारको आवाजलाई बुलन्द गर्दै अघि बढेका उनी वि.सं २०४२ सालमा अध्ययनको लागि धरान आएका थिए ।
क्याम्पसमा अनेरास्ववियु सह प्रारम्भिक कमिटीमा आबद्ध रहेर नै राजनीतिक यात्रालाई थप अघि बढाए । २०४६ सालमा अनेरास्ववियु तेह्रथुम धरान सम्पर्क मञ्चको उपाध्यक्ष भएर विद्यार्थीकै हक हितमा काम गरेका उनी प्ररायु संघ (राष्ट्रिय युवा संघ) सुनसरीको २ कार्यकाल अध्यक्ष भएर नेतृत्व गर्ने क्रममा जिल्ला संगठनलाई नेपालकै उत्कृष्ट जिल्ला बनाउन सफल भए । २०६१ मा सो संगठन पुरस्कृत हुँदै ११ हजार नगद पनि प्राप्त गर्याे । युवा संघ नेपालको केन्द्रिय सचिवालय सदस्य एवम् कोशी अन्चल इन्चार्ज, युथ फोर्स नेपालको पूर्वाञ्चल सह– संयोजक भएर राजनीति क्षेत्रको उचाईमा युवाहरु माझ आफुलाई उनले थप स्थापित गराउँदै लगे ।
त्यसैगरी? युवा किसान महासंघको केन्द्रीय उपाध्यक्ष, किसान महासंघको राष्ट्रिय सदस्य र सुनसरी इन्चार्ज रहेर युवा किसानहरुको नेतृत्व गरेका छन् । २०४६ सालको जन आन्दोलनमा समेत समेत सक्रिय नेतृत्व उनले गरेका थिए ।
धरान– १९ मा २०५१ सालदेखि नेकपा एमाले वडा कमिटीको सचिव भएर पार्टीको काममा सक्रिय भएका उनले २ कार्यकाल वडा सचिवको भूमिका निर्वाह गरका थिए । २०५४ सालमा स्थानीय निकायको निर्वाचनमा वडाध्यक्षमा विजयी भएपछि उनले वडालाई समुन्नत बनाएर वडावासीको थप मन जित्न सफल भए । तत्कालीन समयमा धरानको कान्छो वडाध्यक्षको रुपमा समेत परिचित उनले आफ्नो कार्यकालयमा धरान नगरभित्र पहिलो पटक वडा समितिको आफ्नै वडा कार्यालय स्थापना गरी सञ्चालन गरेका थिए ।
२०५५ सालमा धरान फुटबल क्लबको संस्थापक सदस्य भएका उनले धरानको फुटवल खेललाई अन्तराष्ट्रिय रुपमा परिचति गराउन महत्वपूर्ण भूमिका खेलेका थिए । धरान फुटवल क्लबको विधान तथा स्वागत गीतका रचनाकार उनी वि.सं २०६३ सालमा खेलकुद विकास समिति सुनसरीको अध्यक्ष बन्न सफल भए । उनले आफ्नो कार्यकालमा कोशी अञ्चल खेलकुद विकास समितीको नाममा रहेको अचल सम्पत्ति धरान रंगशालाको जग्गा तथा धरान –१० को कभर्ड हलको जग्गालाई समेत जिल्ला खेलकुद विकास समितिको नाममा ल्याएका थिए । धरानमा रहेका खेलकुदका संरचना बनाउने काममा उनको महत्वपूर्ण योगदान रहेको छ । जिल्ला खेलकुद विकास समितिको कार्यालयमा सूचना केन्द्रको स्थापना पनि उनले गरेका थिए ।
वि सं २०४८ सालदेखि ६ वर्षसम्म किराँतेश्वर निमाविमा अध्यापन गराएका उनले २०५१ सालदेखि ३ वर्षसम्म महेन्द्र बहुमुखी क्याम्पस धरानमा अध्यापन गराएका थिए । धरान कानुन व्यवसायी क्लबको संस्थापक उपाध्यक्ष उनी २३ वर्षदेखि निरन्तर कानुनी पैरवी गर्दै आइरहेका छन् । नेपाल बार एसोसिएन केन्द्रीय परिषदको सदस्य उनले धरानको न्यायिक समितिको जिम्मेवारी सम्हाल्दा निष्पक्ष न्याय सम्पादन हुने धेरैको अनुमान छ ।
धरानको दिगो विकासका लागि खानेपानी समस्याको समाधान, धरानलाई दुव्र्यसनमुक्त बनाउने र शिक्षा, स्वास्थ्य पर्यटनको क्षेत्रमा विशेष योजना बनाउने तथा धरानलाई समृद्ध शहर बनाउने उनका योजना छन् ।
को हुन् सुन्दरहरैंचाको वडा नम्बर ९ को अध्यक्षमा उम्मेद्वारी दिने पुष्प भुजेल (उम्मेद्वार परिचय ७)
कार्यवाहक नगरप्रमुखको अनुभव भएकी भण्डारी नगरप्रमुख बन्ने दौडमा (उम्मेद्वार परिचय ६)
लालकिल्ला तोड्ने आशमा उम्मेद्वार बनेका हेमकर्ण पौडेल (उम्मेद्वार परिचय ५)
पद, प्रलोभन र अवसरबाट टाढै रहेका आइन्द्रविक्रम बेघा (उम्मेद्वार परिचय ४)
युवा पुस्ताको मत पाउने आशमा केराबारीका तिलक थापामगर (उम्मेद्वार परिचय ३)
अघिल्लो निर्वाचनको परिणाम उल्ट्याउने दौडमा जितेन्द्र रुम्दाली (उम्मेद्वार परिचय २)
तेस्रो पटक जनप्रतिनिधि बन्न आतुर दीपक बुढाथोकी (उम्मेद्वार परिचय १)
Facebook Comment
सशस्त्र प्रहरी बल, नेपालका अतिरिक्त महानिरीक्षक वंशीराज दाहाललाई बर्खास्त गर्न सिफारिस गरिएको छ । सशस्त्रकै एआइजी अन्जनीकुमार पोखरेल नेतृत्वको समितिले दाहाललाई बर्खास्त गर्न गृह मन्त्रालयलाई सिफारिस गरेको हो ।
बिहीबार प्रतिवेदन बुझाउँदै पोखरेलले सशस्त्र प्रहरी नियमावली अनुसार विभागीय कारबाहीको सिफारिस गरेको हो । सशस्त्र प्रहरी नियमावली, २०७२ को दफा ११३ मा आचरण विपरीतको काम गर्ने सशस्त्र प्रहरी कर्मचारीलाई भविष्यमा सरकारी सेवाको निमित्त अयोग्य नठहरिने गरी सेवाबाट हटाउने वा बर्खास्त गर्ने व्यवस्था छ ।
सोही दफाअनुसार कारबाहीको सिफारिस भएर आएको गृह मन्त्रालयका एक उच्च अधिकृतले बताए । गृह मन्त्रालयका एक उच्च अधिकृतले लोकान्तरलाई बताए । ‘एआइजी दाहाललाई सशस्त्र प्रहरीको नियमावलीअनुसार नै बर्खास्त गर्न सिफारिससहितको प्रतिवेदन आएको छ,’ ती अधिकृतले भने,’ अब गृहमन्त्रीज्यूले कार्यान्वयन गर्नुहुनेछ ।’
नियमावलीअनुसार त्यसको निर्णय गर्ने अधिकार गृहमन्त्रीलाई रहेको छ । पूर्वप्रधानन्यायाधीश चोलेन्द्रशमशेर जबरा पक्राउ पर्दा दाहाल काठमाडौं उपत्यका अपराध अनुसन्धान कार्यालय टेकुमा भेट्न पुगेका थिए । अनुसन्धान कार्यालयको टोलीले जबरालाई असोज ११ गते राति काठमाडौंस्थित घरबाटै नियन्त्रणमा लिएको थियो ।
दाहालमाथि संवेदनशील सूचना चुहाएको भन्दै असोज १९ गते गृह मन्त्रालयले निलम्बन गरेको थियो । मन्त्रालयले सोही दिन एआइजी पोखरेलको नेृत्वमा छानबिन समिति पनि गठन गरिएको थियो ।
अहिले निलम्बनमा परेका दाहाल सशस्त्र प्रहरीको सीमा विभाग प्रमुखको रुपमा कार्यरत थिए । सरकारले म्याद थप नगरेको अवस्थामा यही २७ वैशाखको राति १२ बजेबाट दाहाल अनिवार्य अवकाशमा जाँदै थिए ।
शिक्षकलाई सवारी साधन खरिदमा ब्याज सहुलियत दिने व्यवस्थासहितको शिक्षा (एघारौँ संशोधन) नियमावली, २०८३ सहमतिका लागि शिक्षा मन्त्रालयले अर्थ मन्त्रालयमा पठाएको छ।
प्रस्तावित व्यवस्थाअनुसार माध्यमिक तह प्रथम श्रेणीका शिक्षकले रु। ५० लाखसम्म र द्वितीय श्रेणीका शिक्षकले ४० लाखसम्मको सवारी साधन खरिद गर्न सक्नेछन्।
त्यस्तै, माध्यमिक तृतीय श्रेणी, निम्नमाध्यमिक र प्राथमिक तहका सबै श्रेणीका शिक्षकले ४ लाखसम्मको दुईपाङ्ग्रे सवारी साधन खरिद गर्न सक्ने व्यवस्था प्रस्ताव गरिएको छ।
सवारी साधन खरिदका लागि बैंकमार्फत हुने वित्तीय व्यवस्थामा लागत रकमको ८० प्रतिशतसम्मको किस्तागत ब्याज नेपाल सरकारले सहुलियतस्वरूप व्यहोर्ने व्यवस्था नियमावलीमा राखिएको छ। शिक्षकले बाँकी २० प्रतिशत रकम आफैं व्यवस्थापन गरी सवारी साधन खरिद गर्न सक्नेछन्।
यमनका हुथी विद्रोहीले साउदी अरेबियाको राजधानी रियादस्थित मुख्य अन्तर्राष्ट्रिय विमानस्थलमा ब्यालेस्टिक क्षेप्यास्त्र प्रहार गरेको दाबी गरेका छन् ।
इरान समर्थित हुथीले बिहीबार गरेको यो दाबी साउदी अरेबियामा श्रृङ्खलाबद्ध आक्रमणमा तीन जनाको मृत्यु भएको र यमनी सरकारले त्यसविरुद्ध ठूलो प्रतिआक्रमण घोषणा गरेको एक दिनपछि आएको हो ।
हुथी सैन्य प्रवक्ता याह्या सारीले रियादस्थित राजा खालिद अन्तर्राष्ट्रिय विमानस्थललाई ब्यालेस्टिक क्षेप्यास्त्रले सफलतापूर्वक निशाना बनाइएको र त्यसले विमानस्थलको सञ्चालनमा बाधा पुर्याएको दाबी गरेका छन् ।
यो साता हुथी समूहले उक्त विमानस्थलमा आक्रमण गरेको जिम्मेवारी लिएको यो तेस्रो पटक हो । सारीले साउदी हवाई क्षेत्र हुँदै उडान नगर्न अन्तर्राष्ट्रिय विमान कम्पनीहरूलाई पुनः चेतावनी दिएका छन् ।
सन् २०१४ देखि यमनको गृहयुद्धमा संलग्न हुथीले देशको उत्तरपश्चिमी अधिकांश भूभाग नियन्त्रणमा राखेका छन् । उनीहरू यमनी सरकारसँग क्षेत्रीय नियन्त्रणका लागि लडिरहेका छन् ।
संयुक्त राष्ट्रसङ्घका अनुसार जारी लडाइँका कारण यमनमा दुई लाखभन्दा बढी मानिस विस्थापित भएका छन् ।
यमनको अन्तर्राष्ट्रिय मान्यता प्राप्त सरकारले यसै साता हुथीविरुद्ध ठूलो प्रतिआक्रमण सुरु गरेको घोषणा गरेको छ । सरकारले हुथी लडाकुलाई लाल सागर तथा बन्दरगाह सहर मोचाका रणनीतिक क्षेत्रबाट हटाइएको दाबीसमेत गरेको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login