स्थानीय तह
अघिल्लो निर्वाचनको परिणाम उल्ट्याउने दौडमा जितेन्द्र रुम्दाली (उम्मेद्वार परिचय २)
भेडेटारः वि. सं. २०५४ सालमा महेन्द्र बहुमुखी क्याम्पस धरानबाट राजनीतिक यात्रा शुरु गरेका जितेन्द्र रुम्दालीले २०५५ सालमा भएको स्ववियु निर्वाचनमा सक्रिय भूमिका निर्वाह गरेका थिए । २०६४ सालमा नेपाली कांग्रेसको क्रियाशील सदस्य भएका उनले धनकुटाको साँगुरीगढी गाउँपालिकाको अध्यक्ष पदमा उम्मेद्वारी दिएका छन् ।
नेपाली कांग्रेसको १२ औ महाधिवेशनबाट गाउँ कमिटी सचिव निर्वाचित भएका उनी क्षेत्रीय प्रतिनिधि हुँदै क्षेत्रीय कार्य समिति सचिवमा निर्वाचित भएका थिए । १३ औं महाधिवेशनमा क्षेत्रीय सभापति निर्वाचित उनी १४ औं महाधिवेशनमा धनकुटा जिल्लाबाट प्रदेश सभा क को क्षेत्रीय कार्यसमिति सभापतिमा निर्वाचित भएका थिए ।
कोभिड माहामारीको समयमा लेउती खोलामा काम गर्ने मजदुरलाई राहत वितरण गरेका उनले कोभिडको महामारीमा पालिकाका स्वास्थ्य चौकीमा स्वास्थ्य सामग्री वितरण गरेका थिए । त्यस्तै, पालिकाका १० वटै विद्यालयलाई खानेपानी टंकी वितरण गरेका उनले पालिकाका विद्यालयहरुमा शैक्षिक सामग्री पनि प्रदान गरेका थिए ।
ग्रामीण जनता उच्च माविलाई आर्थिक सहयोग गरेका उनले भेडेटारको शंख पार्क निर्माणमा पनि उल्लेख्य सहयोग गरेका थिए ।
२०६४ सालदेखि ६ वर्षसम्म पाथीभरा क्लब भेडेटारको अध्यक्ष भएका उनी नेपाल रेडक्रस सोसाइटी भेडेटारका सचिव हुन् । प्रथम भेडेटार महोत्सव २०६५ का सचिव उनी २०६९ सालमा स्थापना भएको होटल एसोसिएसन भेडेटारको संस्थापक सचिव रहेका थिए । हाल उनी सो संस्थाको अध्यक्षको रुपमा कार्यरत रहेका छन् ।
भिलेज रिसोर्ट, भेडेटारका सञ्चालक उनले आफ्नो प्राथमिकताका क्षेत्रमा सडक, विद्युत र खानेपानी गाउँ टोलमा पुर्याउने तथा युवा स्वरोजगारको अभियान चलाउने व्यक्ति हुन् ।
कृषिमा आधुनिकीकरण गर्ने, नमूना पर्यटकीय गाउँपालिका बनाउने, स्वास्थ्यमा सहुलियत प्रदान गर्ने, ज्येष्ठ नागरिकलाई सम्मान गर्ने, गुणस्तरीय तथा प्राविधिक शिक्षामा जोड दिने उनका भावी योजना छन् ।
अस्पतालमा २४ सै घन्टा आपतकालीन सेवा प्रवाह गर्ने, वडा स्तरीय मन्टेश्वरी माध्यमको बालशिक्षा केन्द्र स्थापना गर्ने र दलित तथा एकल महिलाको लागि स्वास्थ्य बीमाको व्यवस्था गर्ने पनि उनले योजना बनाएका छन् ।
त्यस्तै, शाखारहित बैंकको सेवा वडास्तरसम्म बिस्तार गर्ने, महिलाहरुलाई सीपमूलक तालिम प्रदान गरी उद्यमशील बनाउने, ज्येष्ठ नागरिक तथा सुत्केरी महिलालाई घरमै मासिक रुपमा स्वास्थ्य परीक्षण गर्ने, कृषि उत्पादनको बजारीकरणमा पालिकाले व्यवस्थापन गर्ने र कृषि तथा पशु बीमाको व्यवस्था गर्ने योजना पनि उनले अघि सारेका छन् ।
अघिल्लो पटक पनि गाउँपालिकाको अध्यक्षमा उम्मेद्वारी दिएका उनी थोरै मतान्तरले पराजित भएका थिए । सो निर्वाचनमा नेकपा एमालेका कुमारजंग याख्खा विजयी भएका थिए । यसपटक पनि उनै याख्खासँग उनी चुनावी मैदानमा होमिएका छन् । अघिल्लो पटक याख्खासँग पराजित उनी यसपटक याख्खालाई पराजित गर्ने गरी चुनावी मैदानमा खडा भएको बताउँछन् ।
तेस्रो पटक जनप्रतिनिधि बन्न आतुर दीपक बुढाथोकी (उम्मेद्वार परिचय १)
Facebook Comment
उत्तरी भारतको एक्सप्रेसवेमा मंगलबार बाक्लो कुहिरोको बीचमा सातवटा बसहरू एकअर्कासँग ठोक्किएर आगलागी हुँदा कम्तिमा चार जनाको मृत्यु हुनुका साथै ५० जना भन्दा बढी घाइते भएको स्थानीय प्रहरीलाई उदृत गर्दै सिन्ह्वाले जनाएको छ । प्रहरीले मथुरा जिल्लाको दिल्ली–आगरा एक्सप्रेसवेमा बसहरूको ठक्करको कारणले उनीहरूको ज्यान गएको जनाउदै घटनाको पुष्टि गरेको छ । घाइतेहरूलाई उपचारको लागि स्थानीय अस्पतालमा भर्ना गरिएको प्रहरीले जनाएको छ ।सामाजिक सञ्जालमा राखिएको भिडियो फुटेजमो गाडीबाट ठुलो आगो निस्किएको देखाइएको छ । घाइतेहरू मध्ये केहीको अवस्था गम्भीर रहेकाले मृतकको सङ्ख्या बढ्ने सम्भावना रहेको बताइएको छ ।
झापा गोल्डकपको सातौँ संस्करण आउँदो माघ अन्तिम हप्तादेखि हुने भएको छ । अखिल नेपाल फुटबल सङ्घ (एन्फ)ले निकालेको पछिल्लो तालिकाअनुसार झापा गोल्डकप माघ २४ गतेदेखि शुरु हुने भएको हो ।
गएको वैशाखमा ज्यान गुमाएका झापा गोल्डकपका निवर्तमान अध्यक्ष विनोद बस्नेतको स्मृतिमा आयोजना गर्न लागिएको प्रतियोगिता बिर्तामोडमा रहेको डोमालाल राजवंशी रङ्गशालामा हुनेछ । प्रतियोगितामा तीन विभागीय टोली, दुई विदेशी, झापा ११ एफसी र ‘ए’ डिभिजनसहित १० टोली सहभागिता हुने गोल्डकपका अध्यक्ष केदार गिरीले जानकारी दिनुभयो ।
प्रतियोगिताको फाइनल खेल फागुन ४ गते हुनेछ । प्रतियोगिताको विजेताले नगद १५ लाख र उपविजेताले ८ लाख रुपैयाँ पुरस्कार पाउने छन् । प्रतियोगिता सम्पन्न गर्न झन्डै १ करोड ५० लाख रुपैयाँ खर्च अनुमान गरिएको कोषाध्यक्ष चन्द्र कट्टेलले जानकारी दिनुभयो ।
प्रतियोगिताको सर्वोत्कृष्ट खेलाडीलाई एउटा मोटरसाइकल, उत्कृष्ट गोलकिपर, उच्च गोलकर्ता, उदीयमान खेलाडी र प्रशिक्षकलाई जनही २५ हजार तथा हरेक खेलको प्लेयर अफ द म्याचलाई नगद ११ हजार रुपैयाँ दिइने आयोजकले जनाएको छ ।
नेकपा (एमाले) को ११औँ राष्ट्रिय महाधिवेशनअन्तर्गत आज नयाँ नेतृत्व चयनका लागि मतदान हुँदैछ । केन्द्रीय निर्वाचन आयोगका अनुसार मतदान बन्दसत्र स्थल भृकुटीमण्डप काठमाण्डौमा दिउँसो १ बजेदेखि शुरु हुनेछ ।
मतदान बेलुका ७ बजेसम्म चल्नेछ । अध्यक्ष पदका लागि केपी शर्मा ओली र ईश्वर पोखरेल प्यानलसहित प्रतिस्पर्धामा हुनुहुन्छ । आयोगले हिजो अबेर सार्वजनिक गरेको उम्मेदवारको प्रारम्भिक नामावलीअनुसार अध्यक्ष पदमा ओली र पोखरेलबीच नै प्रतिस्पर्धा हुने भएको हो ।
महाधिवेशनमा विद्युतीय भोटिङ मेसिन प्रयोग गरिँदैछ । आयोगका अध्यक्ष डा. विजय सुब्बाका अनुसार ल्याइएका एक सय वटा मेसिनमध्ये ८० वटा मतदानका लागि प्रयोग हुनेछन् ।
बाँकी १० वटा अभ्यासका लागि र १० वटा अतिरिक्त मेसिनको रूपमा राखिएको छ । एक जनाले मत खसाल्न झण्डै २५ देखि ३० मिनेट समय लाग्ने अनुमान छ । महाधिवेशनमा कुल २ हजार २ सय ६३ प्रतिनिधि सहभागी छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login