स्थानीय तह
तेस्रो पटक जनप्रतिनिधि बन्न आतुर दीपक बुढाथोकी (उम्मेद्वार परिचय १)
धनकुटाः दीपक बुढाथोकी धनकुटाको राजनीतिक र सामाजिक वृत्तमा परिचित नाम हो । प्रजातन्त्र पुनस्र्थापनापछि भएको पहिलो निर्वाचनमा बुढाथोकीले २५ वर्षको उमेरमा तत्कालीन चानुवा गाउँ विकास समितिको नेतृत्व सम्हाले । २०४९ सालमा भएको स्थानीय निर्वाचनमा नेकपा एमालेबाट बहुमतका साथ उनी विजयी भए ।
युवा अवस्थामै गाविसको अध्यक्ष पदमा निर्वाचित उनको जोश र आँटका कारण पहिलो कार्यकाल सफलतापूर्वक सम्पन्न भयो । उनको काम गर्ने शैली र गाउँवासीमा भिज्न सक्ने खुबी देखेर पार्टीले दोस्रो कार्यकालका लागि पनि सोही पदमा टिकट दियो । वि. सं. २०५४ मा भएको स्थानीय तहको निर्वाचनमा पनि उनले जीत हात पारे ।
दोस्रो कार्यकालको समयमा माओवादीको जनयुद्ध काल भएकाले कार्यकालको अन्तिम समयतिर केही अप्ठ्यारा आए पनि त्यसलाई उनले सहजै पन्छाउन सफल भए । माओवादी द्वन्द्वमा गाउँ नछाडी निरन्तर जनताको काममा खटिरहँदा उनलाई माओवादीले अपहरण गरे पनि उनको केही खोट नदेखेपछि सम्मानजनक रूपमा घर फर्काइदिएको थियो ।
उनै बुढाथोकी अहिले नेकपा एमालेको तर्फबाट धनकुटाको महालक्ष्मी नगरपालिकाको मेयरका प्रत्यासी छन् । २ कार्यकाल गाविस अध्यक्ष भएर चलाएको चानुवा अहिले महालक्ष्मी नगरपालिकाको वडा नम्बर ४ कायम भएको छ । तत्कालीन चानुवा, डाडागाउँ, मारेककटहरे, लेगुवा, अर्खौले जीतपुर र मूर्तिढुंगा गाविस मिलेर बनेको महालक्ष्मी नगरपालिकाको नेतृत्व आफ्नो हातमा लिन उनी आतुर छन् ।
२ कार्यकाल जनप्रतिनिधि भएर बिताइसकेपछि पनि उनी चानुवामा मात्रै होइन जिल्लाभर नै सामाजिक काममा सक्रिय भए । फलस्वरुप नेकपा एमालेमा मात्रै होइन अन्य पार्टीमा पनि राम्रो सम्बन्ध स्थापित गर्न उनी सफल भए । गाउँ, इलाका, निर्वाचन क्षेत्र र जिल्ला हुँदै हाल नेकपा एमाले प्रदेश एक कमिटीको सदस्य रहेका बुढाथोकी पार्टीमा दृढ र सामाजिक निष्ठावान् व्यक्तिका रूपमा परिचित छन् ।
गत स्थानीय तह निर्वाचनमा महालक्ष्मीसहित धनकुटाका सातै पालिकामा नेकपा एमालेले जितेको थियो ।
बुढाथोकीसँग सत्तारुढ गठबन्धनका उम्मेद्वार एवं महालक्ष्मी नगरपालिकाको वडा नम्बर २ का निवर्तमान वडाध्यक्ष ध्रुव रायमाझी नेपाली कांग्रेसबाट चुनावी प्रतिष्पर्धामा छन् ।
२०४२ सालमा विद्यालयमा १९ वर्षकै उमेरमा सङ्गठनको नेतृत्व सम्हालेदेखि नै उनी जिल्ला तहका नेताहरूको आँखामा परेका थिए । एमालेको विरासतलाई कायम राख्दै ठूलो क्षेत्रफल ओगटेको महालक्ष्मीको विकास गर्ने सपनालाई साकार पार्न उद्यत रहेको उनी बताउँछन् ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login