विचार
यो तीजमा आमालाई छोरीको पत्र
आदरणीय ममतामयी आमा,
तपाईँकी छोरीको तर्फबाट धेरै धेरै सम्झना तथा नमस्कार छ ।
यहाँ हामी आजका मितिसम्म तपाईँहरूका आशीर्वादले स–परिवार सञ्चै छौँ । त्यहाँ हजुरहरू पनि सबै जना सन्चै हुनुहुन्छ भन्ने पूर्ण विश्वासमा छु । सधैँ झै यसपटक पनि बाली लगाइसकिएको छ र अब चाडपर्वको समय सुरु हुनै लागेको छ । अरु चेलीका जस्तै मेरा आँखा पनि अब माइतीतिर नै टोलाउन थालिसकेका छन् । तर देश काल र परिस्थिति राम्रो नभएको बेला यसपालीको तीज कस्तो होला भन्ने अनुमान गर्दैछु । पोहोरको सम्झना ताजै छ । बा आमासँग सँगै बसेर यसपटकको तीज मनाउन आउन सकिन्न कि जस्तो छ । निर्णय गर्न सकिनँ । त्यसैले हजुरको सुझाव अमूल्य हुने ठानी यो चिठी पठाउँदै छु ।
आमा ! तपाईँलाई थाहै छ, अहिले संसार कोरोना सङक्रमणको चपेटामा छ र नेपाल आमा पनि यसैको पीडामा छटपटाइरहेकी छिन् । यो ठाउँ त्यो ठाउँको कुरै रहेन । सारा संसार पीडामा छटपटिइरहेको छ । सुन्दैछु माइती गाउँमा पनि कोराना संक्रमितको संख्या बढिरहेको छ अरे । म आउने घरका आँगनमा पनि अहिले म पनि आउँदिनँ तपाईँ पनि नआउनु भनेर घेराबारा लगाएर बसेका छन् अरे भन्ने पनि पल्ला घरे माल्दाइको फेसबुकको खबरबाट थाहा पाएकी छु । अनि तपाईँ भने पिँढीमा बसेर छोरीहरू आउँछन् भनेर टहलिँदै हुनुहुन्छ होला । म आएँ भने पनि तपाईँसँग भेट नगरी फर्किनु पर्ने पो हो कि ? भन्ने डरमा छु ।
देशका अरु धेरै ठाउँमा पनि बन्दाबन्दीको अवस्था छ । समाचारमा पनि सङ्क्रमितको सङ्ख्या र मृतकको सङ्ख्या बढिरहेको सुनिरहेकी छु । म, मेरा छोराछोरी र तपाईकै ज्वाईँ बसेका ठाउँमा पनि सङ्क्रमितहरूको सङ्ख्या बढ्दै गएको छ । एकै छिनमा के हो कसो हो भन्न सकिने अवस्था छैन । कसलाई सङ्क्रमण छ त्यो पनि थाहा छैन । यो महामारी अहिले भुसमा आगो सल्किएजस्तो सल्कँदै छ । त्रास बढिरहेको छ । सरकारले घरबाट बाहिर ननिस्कन भनेर सूचना गरेको गरेकै छ । नजिकैका सरकारले त झन बेरा नै लगाएका छन् । मैले मेरा सरकारहरुको आदेश नमानेर घेरा मिचेर घर छोड्न सक्छु कि सक्दिनँ मलाई नै थाहा छैन ।
‘यो महामारीबाट जोगिन घरमा नै बस्नू है’ भनेर तपाईँले भनेको पनि मैले सम्झिइरहेकी छु । त्यसलाई नै सावधानको अचुक औषधी मानेकी छु । त्यसैले म यसपालि धेरै दोधारमा छु । कतै म र मजस्ता चेलीबेटीका माइत जाने असावधानी रहरले अरु मानिसको जीवन जोखिममा पर्ने पो हो कि ? त्यसैले यसपालिको तीज म यहीँ बसेर मनाउने निर्णय गरौँ कि भन्दैछु । यो दोधारले केही पनि निर्णय गर्न सकेकी छैन । जाँतेकी माहिली र कर्जुनाकी कान्छी बहिनीले पनि निर्णय गर्न सकेका छैनन् । उनीहरुलाई मैले आमाबाको चित्त नदुखाउने उपाय गरौँला भनेकी छु । थोरबहुत दिदी बहिनीका कुराकानीमा यसपाली तीज आ–आफ्नै घरमा मनाउने सल्लाह भइरहेको छ ।
मेरी छोरीले पनि यसपालि मावल नजान सल्लाह दिँदैछन् । आमा ! मैले यता हाम्रा चेलीबेटीलाई निम्ता गरे पनि यसपाली माइत आउन नसकिने जानकारी दिँदै दुःख नमान्नु भन्नुभएको छ र मैले पनि उहाँहरूलाई आउन कर गर्न सकिनँ । अनि तीजको रमाइलो र मिठोमसिनो पनि स्थगित छ । कोरोना गएपछि भेला भएर रमाइलो गर्ने सल्लाह मिलाएका छौँ ।
आमा ! अनि मेरा दाजुलाई पनि हतारमा बैनी लिन नपठाउनुहोला । अहिले त फोन पनि छ । तै आउँछे कि भनेर धेरै पटक फोन गर्न नभन्नुहोला किनकि तपाईका टेलिफोनका तारन्तारका खबरले र मलाई माइत आउने तीव्र इच्छाले मेरा पाइला नरोकिन सक्छन् किनकि मलाई पनि त कतिबेला आमाबुबालाई भेटौँ भन्ने कति हो कति मन छ । तर जोखिममा परिने र पारिने हो कि के हुन्छ थाहा छैन । मलाई थाहा छ तपाईँको मन सजिलै मान्दैन अनि मेरो मन पनि । हाम्रो अनुपस्थितिमा तपाईलाई तीज धेरै नै खल्लो हुन्छ भन्ने मैले बुझेकी छु । साँच्चै नै सन्तान भनेको मुटुको टुक्रा हो भन्ने कुराको महसुस अब त मलाई पनि भइसकेकै छ ।
मेरी प्यारी आमा ! तपाईले रातो सारी लागाएर बाहिरभित्र गरेको, हातभरी लगाएका चुराको आवाज, के खान्छौ भनी पटकपटक सोध्नुभएको, भाउजूले बनाएको दहीकाँक्रो कत्ति मिठो थियो । साँच्चै त्यस्तो मिठो त मैले बनाउँदा कहिल्यै भएन । व्रत बसेको, मन्दिरमा गएर नाचेको, नाच हेरेको मेरो मनमा झलझली याद आइरहेको छ । बुबाले हामी सबै भेला भएर नाच्दा मानेको रमाइलो, बजाउनुभएको ताली पनि झलझली नै यादमा छ ।
बुबाले हामीलाई थाहा नदिइकन राति नै उठेर पकाएको ढकने निद्रामा नै भए पनि सबै उठेर खाँदा कत्ति रमाइलो र मिठो भएको थियो कति । यी सबै कुरा सम्झँदा अहिले पनि मलाई हजुरहरू सँगै भएजस्तो लाग्छ । पोहोरको रमाइलो व्यक्त गर्ने कुनै शब्द नै छैन । मैलै यी सबै रमाइला क्षणहरूलाई जस्ताको तस्तै मनमा सम्हालेर राखेकी छु । पोहोर सालको त्यो क्षण सम्झँदा घरीघरी त मेरा आँखा आफैँ रसाउँछन् । तपाईँसँगै बसेर धेरै दुःखसुखका गफ गर्न मन छ , तपाईँका धेरैधेरै अर्तीका कुरा सुन्न बाँकी नै छ । माइत आउने मन त कति छ कति तर के गर्नु आफ्नो मनलाई आफैँले सम्झाउँदै छु तर पनि यो मन मानेकै छैन ।
गाउँघरमा यसपालि अघिल्लो सालको जस्तो चोकचोकमा गएर धुमधामसँग नाचगान पनि नगरौँ भन्ने सल्लाह गरेका छौँ । यो साल तीज मनाउने तरिका बदलौँ भन्दै छौँ । मैले देखिरहेकी छु कति बहिनी, दाजु र भाइहरु अनलाइनमार्फत पनि रमाइलो गरिरहेका छन् भने कति चेलीबेटीका दाजुभाइको महामारी, बाढी र पहिरोले जीवन गुमेको छ । कतिको रोजगारी गुमेको छ, कति आमाहरू सन्तानको पीडामा हुनुहुन्छ, छरछिमेक र आफन्तहरू कति क्वारेन्टिनमा र आइसोलेसनमा हुनुहुन्छ ।
महामारीकै सन्त्रासमा कति विदेशमा त कति स्वदेशमा नै छटपटाइरहनु भएको छ । यस्तो अवस्थामा हामीले कसरी यो चाडलाई धुमधामका साथ मनाउन सक्छौँ ? तपाई आफँै भन्नु त ? तपाई त संसारकै ज्ञानी र महान आमा, हामी सबैकी आमा । यो अवस्थामा तपाई हामीलाई के सल्लाह दिनुहुन्छ ? धेरै चेलीहरूको अवस्था यस्तै छ । यसपटकको तीज हजुरहरूले जिम्मा लगाएकै घरमा मनाएँ भने के भन्नुहुन्छ ? तपाईको उचित सल्लाहको प्रतीक्षामा रहने छु । हामी सबैकी संसारकै महान् र प्यारी आमा यो पत्र पाएपछि सकेसम्म मलाई लिन माइती नपठाउँदा म दुःखी हुने छैन । म तपाईँकै काखमा हुनेछु र तपाईँकी यो छोरीको मायामा कुनै कमी हुने छैन ।
अन्त्यमा, यो पत्र पाउनासाथ बुबा, दाजु–भाउजू, भाइबहिनीहरूलाई सुनाइदिनु होला । अनि मलाई सम्झने छरछिमेकका दिदी बहिनीलाई पनिा मेरो सम्झना र सन्देश अनि मिठो माया पनि सुनाइदिनु होला भन्दै अहिलेलाई बिदा चाहन्छु ।
उही तपाईंकी प्यारी छोरी
Facebook Comment
Banner
चन्द्रमामा ५ देखि ८ गुणा बढी पानी रहेको पाइयो
चन्द्रमामा सोचेभन्दा धेरै पानी रहेको पाइएकाे छ । भारतीय अन्तरिक्ष अनुसन्धान संस्था (इसरो) ले गरेको अध्ययनअनुसार चन्द्रमामा पाँचदेखि आठ गुणा बढी पानी रहेको पाइएको हो । अध्ययनले चन्द्रमाको सतहमुनि धेरै बरफ रहेको र यसलाई आवश्यकताअनुसार निकाल्न सकिने देखाएको भारतीय सञ्चारमाध्यम टाइम्स अफ इन्डियाले जनाएको छ ।
अनुसन्धान संस्था इसरोको स्पेस एप्लिकेशन सेन्टर, आईआईटी कानपुर, युनिभर्सिटी अफ सदर्न क्यालिफोर्निया, जेट प्रोपल्सन ल्याबोरेटरी र आईआईटी–आईएसएम धनबादका वैज्ञानिकहरूले संयुक्त रूपमा यो अध्ययन गरेका खबरमा उल्लेख छ ।
अध्ययनले चन्द्रमाको दुवै ध्रुवमा हिउँको मात्रा पहिलेको अनुमानभन्दा बढी रहेको पत्ता लगाएको छ । इसरोका अनुसार चन्द्रमाको उत्तरी ध्रुवमा दक्षिण ध्रुवको तुलनामा दोब्बर बरफ छ । सतहबाट बरफ बाहिर निकाल्न सकेमा चन्द्रमामा पुग्ने मानिसहरू लामो समयसम्म त्यहाँ रहन सक्ने भन्दै इसरोले यसबाट विश्वका धेरै अन्तरिक्ष एजेन्सीहरू लाभान्वित हुने बताएको छ ।
Banner
आज – २१ बैशाख २०८१ शुक्रवार को राशिफल
मेष
मेष (चु, चे, चो, ला, लि, लु, ले, लो, अ) परिणाममुखी जिम्मेवारी वहन गर्ने समय आएको छ । मठमन्दिरको भ्रमणले काम सम्पन्न गर्न थप ऊर्जा प्रदान गर्नेछ । परोपकारी कार्यमा संलग्न भइनेछ ।
मिथुन
मिथुन (का, कि, कु, घ, ङ, छ, के, को, हा) धार्मिक, सामाजिक महत्त्वको क्षेत्रको भ्रमण हुनसक्छ । दूरदराजमा रहेका आफन्तजनसँग सम्बन्ध कायम हुनेछ । रोकिएका काम पुनः सुरु हुन सक्छ ।
सिंह
सिंह (मा, मि, मु, मे, मो, टा, टि, टु, टे) आजको दिन हाँसखेल र मनोरञ्जनपूर्ण समय हो । शेयर बजारबाट लाभ हुनेछ । परोपकारजन्य कार्यमा लगाव बढ्ने र धन सञ्चयको अवसर प्राप्त हुनेछ ।
तुला
तुला (रा, रि, रु, रे, रो, ता, ति, तु, ते) आज नाताकुटुम्बको आगमन हुने एवं परिवारमा नयाँ सदस्य थपिन पनि सक्ने सम्भावना छ । आफूसँग भएको क्षमता प्रदर्शन गर्ने अवसर पनि जुट्ला ।
धनु
धनु (ये, यो, भा, भि, भु, धा, फा, ढा, भे) भने कसै सैलाई परदेशी घर फर्कने र घरपरिवारमा र रमाइलो वातावरण छाउनेछ । परोपकारका क्षेत्रमा लगानीको समय छ । हर्ष र प्रसन्नता छाउनेछ ।
कुम्भ
कुम्भ (गु, गे, गो, सा, सि, सु, से, सो, दा) आज भाग्यले साथ दिनेछ । काम देखाएर अरूको मन जित्न सकिनेछ । परोपकार तथा सामाजिक सहयोग आदिमा पनि भूमिका निर्वाह गर्न पाइनेछ ।
बृष
वृष (इ, उ, ए, ओ, वा, वि, वु, वे, वो) आज आफन्त, सहयोगी र मित्रवर्गको सहयोगले महत्त्वपूर्ण कार्य सम्पन्न हुनसक्छ । गोपनीय ढङ्गले गरिएको क्रियाकलापमा सफलता पाउनुहुनेछ ।
कर्कट
कर्कट (हि, हु, हे, हो, डा, डि, डु, डे, डो) आजको दिन सहयोग गर्ने भन्दा आश्वासन बाँड्नेहरू धेरै भेटिनेछन् । आफन्तहरूको सहयोगले कामहरू अगाडि बढ्नेछन् । पुनर्मिलनको योग पनि छ ।
कन्या
कन्या (टो, पा, पि, पु, ष, ण, ठ, पे, पो) वाणीमा कुशलता आउने दिन परेको छ । करियरको क्षेत्रमा मन मिल्ने साथीको सुझावले महत्त्वपूर्ण भूमिका निर्वाह गर्नेछ । यात्रा गर्ने अवसर पनि जुट्नेछ ।
बृश्चिक
वृश्चिक (तो, ना, नि, नु, ने, नो, या, यि, यु) घरायसी वातावरणमा केही असामान्यता देखिन सक्छ । परिवारभित्रका झिनामसिना काममा धेरै समय खर्चनु पर्नेछ । आम्दानीमा पनि कमी आउनेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज बोलीवचन एवं प्रवचन भाषण आदिमा प्रशंसा मिल्नेछ । परोपकारी कार्यमा संलग्न भइनेछ । रचनात्मक कार्यमा जुट्दा फाइदा हुने समय पनि छ ।
मीन
मीन (दि, दु, थ, झ, ञ, दे, दो, चा, चि) आज इज्जत प्रतिष्ठामा दाग लाग्न सक्छ ख्याल गर्नुहोला । आफन्तसँग खिन्नता बढ्नसक्छ । सामाजिक काममा व्यस्त हुने समय पनि रहेको छ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login