स्थानीय तह
इन्द्रपुर जेसीज सप्ताहः मुख्य न्यायाधिवक्ता आचार्य भन्छन्, ‘जनप्रतिनिधिले झोलामा र सिरानीमा कानुन राखेर न्याय सम्पादन गर्नुपर्छ’
विराटचोकः इन्द्रपुर जेसीजको जेसीज सप्ताह सम्पन्न भएको छ । सुन्दरहरैंचा –९ मा रहेको मंगल स्मृति प्रतिष्ठान जेसीज सामुदायिक भवनमा सप्ताह सम्पन्न भएको हो । सप्ताहको अन्त्यको दिन आज जेसीजले स्थानीय तहमा जनताको न्यायमा पहुँच’ विषयक कार्यशाला गोष्ठीको आयोजना गरेको थियो । न्याय सतितिको काम, कर्तव्य र अधिकारका विषयमा बहस भएको थियो ।
सोे कार्यक्रममा प्रमुख अतिथि प्रदेश १ का मुख्य न्यायाधिवक्ता चुडामणि आचार्य रहेका थिए । उनले कार्यक्रममा बोल्दै संविधानलाई अध्ययन गरेर प्रयोग गर्नुपर्ने बताए । साना प्रकृतिका मुद्दा अदालतसम्म नपुगून् र स्थानीय तहमै न्याय सम्पादन होस् भन्ने हेतुले स्थानीय तहमा न्यायिक समितिको परिकल्पना गरिएको उनले बताए । न्यायाधिवक्ता अधिकारीले प्रदेश १ का सबै पालिकाहरुमा न्यायिक सम्पादनमा एकरूपता ल्याउन विशेष कार्यक्रम गरिने बताए । उनले यस्तो खालको कार्यक्रम आयोजना गर्दा नबुझेका कानुनी कुराहरुमा स्पष्टता ल्याउने समेत बताए । उनले थप कुरा गर्दै सम्पूर्ण जनप्रतिनिधिले संविधान, स्थानीय तह सञ्चालन ऐन, फौजदारी संहिता र देवानी संहिता झोला र सिरानीमा राखेर जनताको न्याय सम्पादन गर्नुपर्ने बताएका थिए । उनी प्रदेश सरकरको कानुनी सल्लाहाकार समेत हुन् ।
यस्तै कार्यक्रममा संविधानविद् अधिवक्ता टीकाराम भट्टराईले सहभागीलाई कानुनका विषयमा जानकारी गराएका थिए । अधिवक्ता भट्टराईले तीन ओटै सरकारले गर्ने न्याय सम्पादनका विषयमा सहभागीलाई प्रष्ट्याएका थिए । उनले विकासमा एकरूपता ल्याउन स्थानीय तह र प्रदेश सरकारमा सत्ता पक्ष र प्रतिपक्षको कल्पना नगरिएको समेत जानकारी गराएका थिए । जनप्रतिनिधिलाई दलभन्दा माथि उठेर न्याय सम्पादन गर्न उनले सुझाव दिए । उपप्रमुख वा उपाध्यक्षको कुर्सीमा बसेर न्याय सम्पादन गर्दा कानुन विपरीत हुने भन्दै यसका लागि छुट्टै डेक्स स्थापना गरेरमात्र काम गर्न पालिकाका उपप्रमुख तथा उपाध्यक्षलाई उनले सुझाएका थिए ।
सुन्दरहरैंचा नगरपालिकाका कानुनी सल्लाहकार अधिवक्ता बालकृष्ण आचार्यले उक्त गोष्ठीमा आफ्नो कार्यपत्र प्रस्तुत गरेका थिए । न्याय सम्पादन गर्दा आइपर्ने जटिलता, व्यावहारिक चुनौती लगायतका विषयमा बहस भएको थियो । कार्यक्रममा सुन्दरहरैंचा नगरपालिकाका प्रमुख शिवप्रसाद ढकालले कानुनले दिएको अधिकार क्षेत्रभित्र रहेर कानुनी अधिकारलाई प्रयोग गरी कार्य सम्पादन गरिरहेको बताए । कार्यक्रममा मोरङ जिल्लाका स्थानीय तहमध्ये सुन्दरहरैंचा, लेटाङ, बेलबारी, मिक्लाजुङ, केराबारीसहित ९ ओटा स्थानीय तहका उपप्रमुख तथा उपाध्यक्षको सहभागिता रहेको थियो । यस्तै, सुन्दरहरैंचा नगरपालिका वडा नम्बर ४ र ५ का वडाध्यक्षसहित बिभिन्न पालिकाका कार्यपालिका सदस्य, वडा सदस्य, विभिन्न सङ्घसंस्थाका प्रमुख तथा प्रतिनिधि र आम नागरिकको सहभागिता रहेको थियो । जेसीज अध्यक्ष भुवन ढकालको अध्यक्षतामा भएको कार्यक्रम ७ दिनसम्म चलेको थियो । कार्यक्रमको प्रतिवेदन कार्यक्रमकी मूल संयोजक विना सुवेदी आचार्यले प्रस्तुत गरेकी थिइन् ।
तस्बीर..
Facebook Comment
Banner
सुन्दरहरैचा ४ बासबारी पानिट्याङ्की टोलले आफ्नो टोललाई नमुना टोल बनाउनका लागि विभिन्न कार्यक्रमको आयोजना गर्दै
मोरङ
सुन्दरहरैचा ४ बासबारी पानिट्याङ्की टोलले आफ्नो टोललाई नमुना टोल बनाउनका लागि विभिन्न कार्यक्रमको आयोजना गर्दै आईरहेको सोहि कार्यक्रम अनुसार आज टोलमा सरसफाइ कार्यक्रमको आयोजना गरिएको थियोे उक्त कार्यक्रममा वडा नं ४ का वडा अध्यक्ष कैलाश बस्नेत को उपस्थिति रहेको थियो । साथै स्थानिय बुद्धिजीवी समाजसेवी र स्थानीय बासिन्दाहरुको उपस्थितिमा टोल सरसफाइ कार्यक्रम गरिएको छ। टोललाई नमुना टोल बनाएर अगाडि बढाउनका लागि नवनिर्वाचित टोल विकास संस्थाकि अध्यक्ष भिमा राई कार्की ज्यूले महत्त्वपूर्ण भुमिका खेल्नुभएको छ। उहाँ भन्नुहुन्छ “स्वास्थ्य रहनु हामी सबैको कर्तव्य हो टोललाई समृद्ध बनाई यस टोलका बालबालिका देखि वृद्ध सम्म कुनै पनि फोहोरजन्य वस्तुको प्रदुषणबाट गुज्रिएर बस्न नपरोस् भनेर हामीले प्रत्येक महिना टोलका हरेक बाटो नहरहरुमा सरसफाइ कार्यक्रम सुरु गर्न थालेको कुरा जानकारी दिनुभएको छ।”
साथै अन्य धेरै कार्यक्रमहरुलाई अगाडि बढाउदै आईरहेको कुरा पनि उहाँले बताउनुभयो ।
Banner
चन्द्रमामा ५ देखि ८ गुणा बढी पानी रहेको पाइयो
चन्द्रमामा सोचेभन्दा धेरै पानी रहेको पाइएकाे छ । भारतीय अन्तरिक्ष अनुसन्धान संस्था (इसरो) ले गरेको अध्ययनअनुसार चन्द्रमामा पाँचदेखि आठ गुणा बढी पानी रहेको पाइएको हो । अध्ययनले चन्द्रमाको सतहमुनि धेरै बरफ रहेको र यसलाई आवश्यकताअनुसार निकाल्न सकिने देखाएको भारतीय सञ्चारमाध्यम टाइम्स अफ इन्डियाले जनाएको छ ।
अनुसन्धान संस्था इसरोको स्पेस एप्लिकेशन सेन्टर, आईआईटी कानपुर, युनिभर्सिटी अफ सदर्न क्यालिफोर्निया, जेट प्रोपल्सन ल्याबोरेटरी र आईआईटी–आईएसएम धनबादका वैज्ञानिकहरूले संयुक्त रूपमा यो अध्ययन गरेका खबरमा उल्लेख छ ।
अध्ययनले चन्द्रमाको दुवै ध्रुवमा हिउँको मात्रा पहिलेको अनुमानभन्दा बढी रहेको पत्ता लगाएको छ । इसरोका अनुसार चन्द्रमाको उत्तरी ध्रुवमा दक्षिण ध्रुवको तुलनामा दोब्बर बरफ छ । सतहबाट बरफ बाहिर निकाल्न सकेमा चन्द्रमामा पुग्ने मानिसहरू लामो समयसम्म त्यहाँ रहन सक्ने भन्दै इसरोले यसबाट विश्वका धेरै अन्तरिक्ष एजेन्सीहरू लाभान्वित हुने बताएको छ ।
Banner
नेपाल आयल निगमले डिजेल र मट्टितेलको मूल्य घटाएको छ । डिजेल र मट्टितेलको मूल्य प्रतिलिटर दुई रुपैयाँले घटाएको हो ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login