Connect with us
Advertisement
Advertisement

अप्ठ्यारो परिस्थितिमा गुज्रिइरहेका हामी

Published

on

चीनबाट शुरु भएको कोरोना भाइरसले अहिले विश्वलाई त्रसित बनाइरहेको छ । नेपालीको घरआँगनसम्म भाइरसको संक्रमण फैलिइरहेको छ ।

नेपालमा गत चैत ११ गतेबाट शुरु भएको लकडाउनसँगै बन्द भएका हरेक क्षेत्रहरु अहिलेसम्म पनि उस्तै अवस्थामा छन् । आपतकालीन सेवाबाहेक अरु सबै क्षेत्रहरु पूर्ण रुपमा बन्द छन् । अर्काको देखासिकी भनौँ वा आफ्नै बौद्धिकताको कारण हो सरकारले लकडाउनलाई अझै लम्ब्याइरहेको छ ।

सबै जनता एउटा बन्द कोठाभित्र थुनिन बाध्य भएका छौँ । वैकल्पिक उपाय नपाएर नै होला सरकारले लकडाउनलाई पछ्याइ नै रहेको छ अनि त्यही लकडाउनलाई आफ्नो अभिभावक ठानिरहेका छौँ हामी जनता ।

आम नागरिकहरुमा कोरोनाको जोखिम त छँदैछ नै त्यसमा पनि अब दैनिकी कसरी चलाउने भन्ने अर्को सङ्कट आइपरेको छ । प्रत्यक्ष वा अप्रत्यक्ष रुपमा सरकारमार्फत् सेवा सुविधा पाउने व्यक्तिभन्दा सर्वसाधारणलाई अहिलेको बन्दले धेरै नै अप्ठ्यारो पारेको देखिन्छ ।

बन्द भए पनि सामान्य गुजारा चलिरहने माध्यम भएका जोकोहीलाई बन्दको प्रभाव खासै नपरेको पनि देखिएकै छ । ज्यालामजदुरी गर्ने व्यक्तिहरुलाई भने यो लकडाउन एउटा घातक नै भएको छ । काम गर्न जाऊँ भने कतै खुला छैन । घरमै बसौँ भने बिहान बेलुका के खाने भन्ने समस्या छ ।

बिहानबेलुका हातमुख जोड्न धौधौ परेका, अत्यन्तै दयनीय आर्थिक अवस्था भएका गरिब जनतालाई सरकारद्वारा राहतस्वरुप खाद्यान्न वितरण गरिएको भन्ने हल्ला नि यदाकदा सुनिएको नै थियो । तर जसले पाउनुपर्ने उसले नपाएर जो सम्पन्न छ, जसलाई खानलाउन कुनै मुस्किल छैन उसले चाहिँ भनसुनको आधारमा खाद्यान्न पाएको जनगुनासो नि सुनिएकै हो ।

राहत त बाँडियो तर आफूले बाँडेको राहत सही ठाउँमा उपयोग भयो कि भएन कसले सोच्ने, कस्ले बुझ्ने ? फोटो खिचेर चर्चामा आउन पाए भइगयो सम्बन्धित निकायलाई । कोरोना रोगले मानिसमा आतंक मच्चाई नै रहेको छ । साथै यसले मानिसलाई डिप्रेसनको साथै आत्महत्याको बाटोतर्फ पनि लगेको पाइन्छ ।

कहिलेसम्म बन्द हो भन्ने अनभिज्ञतामा प्रायः सबै परेकै छन् । कोरोनाको बारेमा धेरै नकारात्मक फैलावटसँगै डर पनि उत्पन्न भएको छ । साथै मानिसहरुमा भेदभाव नि बढिरहेको छ ।

कोरोना नियन्त्रणको सम्बन्धमा प्रधानमन्त्रीले दिने अभिव्यक्ति पनि चित्त बुझ्दो छैन । ‘टपक्क टिपेर ल्याएको हो र ? फु मन्त्र लगाएर उडाउने हो र ?’ भन्ने खालका उत्तर पनि आएको छ सबैभन्दा माथिल्लो निकायबाट ।

राजनीतिक क्षेत्र सधैँ आफ्नै लालचमा अगाडि बढिरहेको छ । देश महामारीको चपेटामा परिरहेको बेला देशलाई नेतृत्व गर्नेहरु कुर्सीको लोभमा तँछाडमछाड गर्दै एक आपसमा भिडिरहेका छन् । यस्तो लाग्छ उनीहरुलाई न त महामारीको डर छ, न त लकडाउनको, न त कोरोनाको । देशमा आएको यो विषम परिस्थितिको घडीमा उनीहरुले कतिबेला र कसरी सोच्छन् त ?

बन्दको विरोध गर्दै सडकमा उत्रिएकाहरुलाई खोइ कसरी गलत कार्य हो भन्ने ? बन्द कोठाभित्र के खाएर बाँच्ने ? के भोको पेट कोरोनाको डरमा लुक्न सक्छ र ? अनि यो लकडाउन के साँच्चै गरीब, निमुखा जनताको लागि मात्रै हो त ? देशमा कुनै महामारी नहुँदा पनि गरिब जनताले सरकारमार्फत् केही पाएका थिएनन् । तर अहिलेको अवस्थामा त केही हेर्नुपर्ने होइन र सरकारले ?

जनता घरभित्र थुनिएर बस्नु मात्रै समस्याको समाधान हो र ? कसले बुझिदिने गरिब जनताको मर्म ?

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

पत्रकार, अधिकृत र इञ्जिनियर, डाक्टर र नर्ससहित धरानमा १३ जना संक्रमित थप

Published

on

धरानः धरानमा पत्रकार, नगरपालिकाका अधिकृतस्तरका कर्मचारी र इञ्जिनियर, डाक्टर र नर्ससहित थप १३ जनामा कोरोना संक्रमण पुष्टि भएको छ ।

धरानमा पहिलो पटक पत्रकार संक्रमित भएका हुन् । धरान उपमहानगरपालिकाका स्वास्थ्य महाशाखा प्रमुख उमेश मेहताका अनुसार वडा नं १६ का एक इञ्जिनियरलाई पनि संक्रमण पुष्टि भएको छ । उपमहानगरपालिकाका एक अधिकृतलाई पनि संक्रमण देखिएको छ ।

बीपी कोइराला स्वास्थ्य विज्ञान प्रतिष्ठानमा गरिएको पीसीआर परीक्षणमा धरान–१५ का एक सामुदायिक विद्यालयका प्रध्यानाध्यापकलाई पनि संक्रमण पुष्टि भएको छ । प्रतिष्ठानका अनुसार संक्रमितमध्ये एक जना नर्स र एक डाक्टर पनि छन् ।

Continue Reading

Banner

विश्वमा कोरोनाका कारण मृत्यु हुनेको संख्या १० लाख

Published

on

विराटचोकः कोरोना भाइरसको संक्रमणका कारण विश्वमा मृत्यु हुनेको संख्या १० लाख नाघेको छ । विगत २४ घण्टामा ३ हजार ८ सय ७३ जना संक्रमितको मृत्यु भएसँगै विश्वमा कोरोनाका कारण मृत्यु हुनेको संख्या १० लाख २ हजार १ सय ५८ जना पुगेको हो ।

वर्ल्ड ओ मिटर्स डट इन्फोका अनुसार सबैभन्दा धेरै अमेरिकामा २ लाख ९ हजार ४ सय ५३ जनाको कोरोना संक्रमणका कारण मृत्यु भएको छ । ब्राजिलमा १ लख ४१ हजार ७ सय ७६ जनाको मृत्यु भएको छ भने भारतमा ९५ हजार ५ सय ७४ जनाको संक्रमणका कारण मृत्यु भएको छ ।

मेक्सिकोमा ७६ हजार २ सय ४३, बेलायतमा ४१ हजार ९ सय ८८, इटलीमा ३५ हजार ८ सय ३५, पेरुमा ३२ हजार २ सय ६२, फ्रान्समा ३१ हजार ७ सय २७ र स्पेनमा ३१ हजार २ सय ३२ जनाको संक्रमणका कारण मृत्यु भएको छ । अन्य देशमा ३० हजारभन्दा कम संक्रमितको मृत्यु भएको छ ।

सम्बन्धित समाचारहरुः

कोरोना संक्रमणका कारण विश्वमा ९ लाखको मृत्यु

विश्वमा कोरोना संक्रमणका कारण मृत्यु हुनेको संख्या ८ लाख २ हजार

विश्वमा ६ लाख ४ हजार कोरोना संक्रमितको मृत्यु, ५९ हजार ९ सयको अवस्था गम्भीर

विश्वमा कोरोना संक्रमितको संख्या १ करोड, मृतकको संख्या ५ लाख

 

Continue Reading

Banner

वराहक्षेत्रमा मृत अवस्थामा फेला परेकी बालिकाको हत्या भएको पुष्टि,घटनामा संलग्न १ जना पक्राउ

Published

on

धरानः सुनसरीको वराहक्षेत्र–१ कटहरे स्थित आफ्नै घरमा मृत अवस्थामा फेला परेकी १२ वर्षीया बालिकाको हत्या भएको पुष्टि भएको छ ।

असोज १० गते २ बजे राती १२ वर्षीया मीना राई आफ्नै घरमा मृत अवस्थामा फेला परेकी थिइन । छिमेकीको घरमा धामी बसेको हेरेर बिहान २ बजे घर फर्केका अभिभावक घरभित्र पस्दा छोरी मीना राईलाई मृत अवस्थामा देखी प्रहरीलाई खबर गरेका थिए ।

घटनाको जानकारी पाउनासाथ घटनास्थलमा खटिएको प्रहरी टोलीले मृतक बालिकाको शवको अवस्था हेर्दा शंकास्पद देखिएपछि गहन अनुसन्धान शुरु गरेको थियो । घटनाको अनुसन्धान गर्न संघीय प्रहरी इकाइ कार्यालय धरानबाट तालीमप्राप्त कुकुरसहितको टोली तथा जिल्ला प्रहरी कार्यालय सुनसरीबाट प्रहरी टोली खटिएको थियो । अनुसन्धानमा खटिएको प्रहरी टोलीले मीनाको हत्या भएको पुष्टि गरेसँगै उनको हत्यामा संलग्न सोही स्थानका १५ वर्षीय किशोरलाई पक्राउ गरेको छ ।

घरमा बालिका मात्र एक्लै रहेको समयमा राती १० बजेतिर १५ वर्षीय बालक चटपटे खान भनी गएका थिए । उनीहरुबीच विवाद हुँदा ती किशोरले मीनालाई सिसाको बोतलले टाउकोमा प्रहार गरी भेष्ट र रुमालले घाँटीमा कसेर उनको हत्या गरेका थिए । घटनाका सम्बन्धमा थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक