कोशी प्रदेश
मलको अभावः सरकार भन्छ, मल आउँछ, वितरक भन्छन्, धानको सिजनमा पर्याप्त मल आउँदैन
विराटचोकः कृषिप्रधान देशमा अहिले मलको हाहाकार छ । यो समस्याबाट मोरङको सुन्दरहरैंचा नगरपालिका पनि अछुतो छैन ।
किसानले असारमा लगाएको धानबालीमा मल हाल्ने बेला बित्नै लाग्दा पनि अझै मल पाउने अवस्था छैन । समयमा मल नआउँदा उत्पादनमा कमी आउने चिन्ता किसानमा थपिँदै गएको छ ।
सुन्दरहरैंचा नगरपालिकामा अहिले करिब २ हजार १ सय हेक्टर खेतीयोग्य जमिनमा धान खेती गरिएको छ । सो धान बालीका लागि लगभग २ हजार ४ सय ६० बोर युरिया मलको आवश्यकता पर्दछ । सुन्दरहरैंचामा अघिल्लो सातासम्म ४ सय बोरा मल मात्र उपलब्ध भएको पाइएको छ । धानबालीको १ हजार बोरा युरिया मल ल्याउन सकिने नगरपालिकाले अनुमान गरेको छ । मल आपूर्तिको लागि पहल गरे पनि कृषि सामग्री कम्पनीसँग मल नभएको र साल्ट ट्रेडिङसँग भएको मल पर्याप्त नभएका कारण समस्या उत्पन्न भएको हो ।
सुन्दरहरैंचामा रासायनिक मल बिक्रीका लागि जिम्मा पाएका साल्ट ट्रेडिङका ५ वटा र कृषि सामग्रीका १२ वटा गरी १७ डिलर रहे पनि साल्ट ट्रेडिङका ३ वटा डिलर मात्र सक्रिय रहेका छन् । मलको आपूर्ति नहुने हो भने सुन्दरहरैंचामा लगाइएको धान उत्पादनमा गिरावट आउने देखिन्छ ।
नेपाल सरकारले कृषि सामग्री कम्पनीलाई ७० प्रतिशत र साल्ट ट्रेडिङलाई ३० प्रतिशत मल वितरणको जिम्मा दिएको छ । सबैभन्दा बढी मल बिक्रीको स्वामित्व पाएको कृषि सामग्री कम्पनीसँग यस बारेमा जिज्ञासा राख्दा कृषि सामग्रीको मल धान खेतीको लागि नआउने बताएको छ । ३० प्रतिशत मल बिक्रीको जिम्मा पाएको साल्ट ट्रेडिङले अहिलेको मागलाई धान्नै नसक्ने अवस्था रहेको बताएको छ ।
साल्ट ट्रेडिङका प्रमुख राधेश्याम चौधरीका अनुसार वर्षभरको माग ७ लाख मेट्रिक टन हो । जसमध्ये सरकारले साढे ३ देखि ४ लाख मेट्रिक टन मात्र मल ल्याउने गरेको छ । त्यसको ३० प्रतिशत साल्ट ट्रेडिङलाई दिएकाले सबै किसानले भने जति मल नपाउने तर आएको मल तुरुन्तै बिक्रीको लागि पठाइहाल्ने गरेको उनको भनाइ छ ।
भूमि व्यवस्था, कृषि तथा सहकारी मन्त्रालयसँग जिज्ञासा राख्दा साल्ट ट्रेडिङ मार्फत् सुन्दरहरैचामा १ हजार ८ सय बोरा मल १५÷२० दिनभित्रमा आउने बताएको छ । कलकत्ताको २ वटा रुटबाट आएको मल सिधै विराटनगर आउने गरेको छ । प्रदेश १ का १४ जिल्ला लागि ७ हजार २ सय टन जति मल आउने र केही दिनमा मलको आपूर्ति भइसक्नुका साथै डीएपी र पोटास भने पर्याप्त रहेको वितरकको भनाइ छ ।
पहिले युरिया मलको अभाव हुँदा भारतीय बजारबाट भए पनि किसानहरुले मलको आपूर्ति गर्दै आएका थिए । तर यस वर्ष कोरोना भाइरसका कारण लकडाउन भई नाका सिल भएकाले किसानसँग सो विकल्प पनि बाँकी नरहेको हो ।
लकडाउनका कारण सहज रुपमा किसानले कृषि कर्म गर्न पाएका छैनन् भने अर्कातिर मल र बीउको अभावका कारण झन् समस्या उत्पन्न भएको छ ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login