अर्थ
सुन्दरहरैंचामा उद्योग वाणिज्य संघको चुनावी सरगर्मी बढ्दै
विराटचोकः कोरोना संकटकै अवस्थामा सुन्दरहरैंचा उद्योग वाणिज्य संघको अधिवेशनको सरगर्मी बढ्न थालेको छ । महामारीको समयमा अधिवेशन कसरी सम्पन्न हुने हो भन्ने चिन्तासँगै व्यवसायीहरुले वर्तमान चुनौतीसँग कत्तिको जुध्न सक्ने नेतृत्व पाउने हो भन्ने चासो बढेको छ ।
असोज २३ गते हुने वाणिज्य संघको अधिवेशनको लागि माहोल तात्ने क्रम शुरु भएको छ । कोरोनाका संक्रमित बढ्ने क्रम जारी रहेकाले भीडभाड गर्ने तथा पक्ष र विपक्षमा भोट माग्ने क्रम खुम्चिएको छ । राजनीतिक आधारमा हुने यो निर्वाचन निजी क्षेत्रको सबैभन्दा ठूलो प्रतिष्पर्धा पनि हो ।
यस क्षेत्रलाई नेकपाको किल्ला मानिँदै आएको भए तापनि स्थानीय तहको निर्वाचनमा काङ्ग्रेसको पोल्टामा मुख्य पद गएपछि नेकपाका लागि उद्योग वाणिज्य संघको नेतृत्व पाउन सहज भने देखिँदैन । राजनीतिक अंक गणितलाई मात्र हेर्ने अवस्था पनि छैन । व्यवसायीको हक, हित तथा अधिकारका बारेमा बोल्ने र समस्यासँग जुध्न सक्ने नेतृत्व र व्यक्तिले पनि विशेष महत्व राख्दछ । त्यसैले कस्तो व्यक्तिको उम्मेद्वारी आउला भन्ने पर्खाइमा व्यवसायीहरु रहेका छन् ।
२०५४ सालमा इन्द्रपुर व्यापार प्रबन्ध समिति स्थापना भएदेखि कोशीहरैंचा उद्योग वाणिज्य संघ हुँदै सुुन्दरहरैंचा उद्योग वाणिज्य संघ भनी नाम परिवर्तन हुँदै आएको यो संस्थामा युवा, दूरदर्शी सोच भएको र कुशल नेतृत्वको खाँचो रहेको व्यवसायी बताउँछन् । प्रमुख बजारका रुपमा विराटचोक, हरैंचा, सलकपुर, खोर्साने, शुक्रबारे, मृगौलिया, गोठगाउँसहति बलिया चोकसम्मका ३ हजार २५ जना व्यवसायी संघमा आबद्ध रहेको संघका सचिव नारायण कार्कीले बताए ।
पान नम्बर लिएका करीब १ हजार सदस्यले मात्र निर्वाचन प्रक्रियामा भाग लिन पाउने सचिव कार्कीले बताए । सर्वसम्मत नेतृत्व चयनका लागि संघका पूर्व अध्यक्ष भोलेश्वर दुलालले पहल गरिरहेको पनि बताइएको छ । हालको विधान संशोधन गरेर नेपाल उद्योग वाणिज्य संघको विधानलाई अनुशरण गर्र्दै जाने तयारी भएको पनि बताइएको छ ।
निर्वाचन सम्पन्न गर्नका लागि निर्वाचन समिति गठन गरिएको छ । केशव अधिकारीको संयोजकत्वमा गठित निर्वाचन समितिको सदस्यमा रामप्रसाद गजुरेल र अर्जुन बस्नेत रहेका छन् ।
संघको अध्यक्ष पदका लागि कृष्णप्रसाद रिजाल र टीका कट्टेलको नाम अग्रस्थानमा रहेको छ । यस्तै, सन्तोष वान्तवाको पनि नाम चर्चामा रहेको छ । वाणिज्य संघले अधिवेशनलाई लक्षित गरी नगरका सबै वडामा राहत वितरण गरेको छ । नगरका अति विपन्न परिवारलाई राहत वितरण गरेको संघले जनाएको छ ।
विश्व प्रेस स्वतन्त्रता दिवसको अवसरमा इन्द्रपुर जेसीजले सुन्दरहरैंचामा सक्रिय सञ्चारकर्मीहरूलाई सम्मान गर्दै कार्यक्रम आयोजना गरेको छ।
जेसीज सचिवालयमा सम्पन्न कार्यक्रममा वर्ष २०२६ का अध्यक्ष समीर बस्नेत तथा प्रमुख अतिथि, संस्थाका पूर्व अध्यक्ष एवं रेडियो सुसेलीका अध्यक्ष रमेश खड्काले ९ जना सञ्चारकर्मीलाई दोसल्ला ओढाएर सम्मानपत्र प्रदान गर्नुभयो।
सम्मानित हुनेहरूमा कृष्णचन्द्र सुवेदी (पूर्वी अनलाइन), खेमचन्द्र अधिकारी (शिखरबास खबर), गणेश मिश्र (रेडियो सुसेली), निरज खवास (फटाफट न्यूज), मणिराम दाहाल (नेपाल गौरव), राज पोख्रेल (इष्ट खबर), लीलानाथ गच्छदार (जनचर्चा टाइम्स), शिव भट्टराई (भोजपुरे सुन्दरहरैँचा अपडेट) र ज्ञाननाथ ढकाल (निष्पक्ष खबर) रहेका छन्।
पत्रकारितामार्फत सूचना प्रवाह, जनचेतना विस्तार तथा लोकतान्त्रिक मूल्य स्थापनामा योगदान पुर्याएको कदर गर्दै संस्थाले आफ्नो २५औँ वर्षगाँठको सन्दर्भमा सञ्चारकर्मीलाई सम्मान गरेको अध्यक्ष बस्नेतले जानकारी दिनुभयो।
प्रमुख अतिथि खड्काले सत्य, निष्पक्ष र विश्वसनीय समाचार प्रवाहमा सञ्चारकर्मीको भूमिका महत्वपूर्ण रहेको उल्लेख गर्दै यस्तो पहलको प्रशंसा गर्नुभयो।
कार्यक्रममा सम्मानित सञ्चारकर्मीका तर्फबाट मन्तव्य राख्दै शिखरबास खबरका सम्पादक खेमचन्द्र अधिकारीले वर्तमान सरकार प्रेसमैत्री नभएको आरोप लगाउनुभयो। निजी सञ्चार माध्यमप्रति सरकारी विज्ञापन वितरणमा गरिएको कटौतीले सरकार निरङ्कुशतातर्फ उन्मुख भएको संकेत मिलेको उहाँको भनाइ थियो।
उक्त कार्यक्रममा इन्द्रपुर जेसीज र इन्द्रपुर जुनियर जेसीजका पदाधिकारी तथा सदस्यहरूको उल्लेख्य उपस्थिति रहेको थियो।
सरकारले सम्पत्ति शुद्धीकरणसम्बन्धी ऐन संशोधन गर्नका लागि अध्यादेश जारी गर्न राष्ट्रपति कार्यालय पठाएको छ ।
राष्ट्रपति कार्यालयका प्रवक्ता रितेशकुमार शाक्यले सम्पत्ति शुद्धीकरणसम्बन्धी अध्यादेश राष्ट्रपति कार्यालयमा दर्ता भएको अनलाइनखबरलाई जानकारी दिए ।
सरकारले विभिन्न ८ वटा अध्यादेश राष्ट्रपति कार्यालय पठाएको हो ।
अन्य ६ वटा अध्यादेश भने अध्ययनकै क्रममा रहेको शाक्यले बताए ।
संवैधानिक परिषद् लगायतका केही अध्यादेशमा राष्ट्रपति पौडेलले बिहीबार कानुनविद्हरूसँग पनि छलफल गरेका थिए ।
प्रत्येक वर्ष वैशाख शुक्ल पूर्णिमाका दिन किरात राई समुदायले मनाउने उभौली पर्व आज देशभरका भूमेस्थानमा पूजा आराधना गरी मनाइँदैछ ।
बाली लगाउनुअघि गाउँगाउँमा रहेका भूमेस्थानमा राम्रोसँग काम होस् भनी प्रकृतिको पूजा आराधना गरिने परम्परा रहेको छ । गर्मी बढ्ने भएकाले यो समुदायका मानिस बेँसीबाट लेकतिर उँभो लाग्ने भएकाले पनि यसको नाम उभौली रहेको हो ।
वैशाख शुक्ल पूर्णिमादेखि चराचुरुङ्गीलगायत जङ्गली जनावर पनि उँभो लाग्ने किरात समुदायको विश्वास छ । नदीमा माछा पनि गर्मीबाट बच्न बेँसीको नदीबाट लेकतिर लाग्छन् भन्ने भनाइ छ ।
मार्गशीर्ष शुक्ल पूर्णिमाका दिन बाली भित्र्याएर जाडो छल्न बेँसी झरेका मानिस आजदेखि उँभो लाग्छन् । उँभोको अर्थ खेतीपाती राम्रो होस्, धेरै होस्, उन्नति होस् भन्ने भनाइ पनि रहेको छ । यस पर्वका अवसरमा चण्डी नाचसमेत नाचिन्छ । यसैकारण वैशाख शुक्ल पूर्णिमाको दिनलाई चण्डी पूर्णिमा पनि भनिन्छ ।
किरात समुदायका विभिन्न सम्प्रदायका बीच साकेला नाच पनि नाचिन्छ । राजधानीमा ललितपुरको हात्तीवनमा रहेको साकेलास्थानमा केही मानिस जम्मा भएर पूजा आराधनाको विधि पूरा गर्ने तयारी किरात राई यायोक्खाले गरेको छ । खोटाङको ऐँसेलुखर्क गाउँपालिकाका मानिसले भने यो पर्व जेठ २२ गतेपछि मनाउने तयारी गरेका छन् । ऐँसेलुखर्कका मानिसले प्रत्येक वर्ष जेठ २२ पछि यो पर्व मनाउने परम्परा छ ।
किरात समुदायमा पनि एकथरिले उभौली पर्व उत्तरायण सुरु हुने दिन माघ १ गते नै मनाउने गर्छन् । उधौली भने दक्षिणायन सुरु हुने दिन पारेर साउन १ गते मनाउँछन् । यस समुदायका धेरै मानिसले उभौली वैशाख शुक्ल पूर्णिमा र उधौली पर्व मार्गशीर्ष शुक्ल पूर्णिमाका दिन मनाउँछन् । यो पर्व किरात राई समुदायको महत्त्वपूर्ण पर्वका रूपमा रहेको छ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: सुन्दरहरैंचा उद्योग वाणिज्य सङ्घको चुनावी कार्यतालिका सार्वजनिक - निष्पक्षखबर