कला / साहित्य
दोषी को
गाउँदेखि निकै माथि एउटा निमावि स्कुल थियो । २\३ वटा गाउँका विद्यार्थी सो स्कुलमा पढ्न आउँथे । गाउँगाउँबाट विद्यार्थी भेला भएर स्कुल जाने र आउने क्रम चलिरहन्थ्यो ।
चिनीमाया सानैदेखि पढ्नमा धेरै मिहिनेती थिइन । यसपटक पनि कक्षामा पहिलो भएर उनी ८ कक्षामा पुगेकी थिइन् । उनको घरमा आमा, बुबा र सानो भाइ मात्रै छन् । घरको जेठो छोरो भने पनि जेठी छोरी भने पनि उनी नै हुन् ।
गाउँका एकदम सिधा मान्छेमा गनिन्थे चिनीमायाका आमाबाबु । आफ्ना आमाबाबु सोझो भएकोमा निकै गर्व गर्थिन् उनी ।
भर्खर १३ वर्ष मात्रै पुगेकी चिनीमाया सानै उमेरदेखि नै पढ्न धेरै मिहिनेती थिइन् । आमाबाबुले कुनै अक्षर नचिन्दा अवसर गुमाउनुपरेको अनि कठिन जीवनयापन गरिरहनुभएको कुरा नजिकबाट उनले बुझेकी थिइन् ।
दिनचर्या निकै रमाइलोको साथ बितिरहेको थियो । तर एकदिन यस्तो समय आयो कि जुन दिन चिनीमायाको लागि निकै कहालीलाग्दो दिन बन्यो । उनले सोच्दै नसोचेको घटना हुन पुग्यो ।
असारको महिना थियो । पानी परि नै रहेको थियो । त्यो दिन पनि सधैँ झैँ चिनीमाया बिहानै उठेर आफ्नो सबै काम सकेर स्कुल जान हतार गर्दै थिइन् । बिहानदेखि नै परेको झरीले गर्दा अरु दिनभन्दा त्यो दिन अलि ढिलो नै भइरहेको थियो उनलाई स्कुल जान । उनका अरु साथीहरुले छोडेर स्कुल गइसकेका थिए । उनी पनि सबै काम सकेर ढिलै भए पनि स्कुल जाने नै भइन् । पानी निकै मजाले नै परिरहेको थियो । घरमा छाता थिएन । तैपनि प्लास्टिकले बनाइएको घुम ओढेर एक्लै भए पनि स्कुलतिर लागिन् ।
पहाडको बाटो । कतै उकालो अनि कतै ओरालो, कतै थुम्का त कतै भिरालो । अनि कतै खोल्साखोल्सी त कतै सानाठूला झाडी हरुले गर्दा त्यही बाटो भएर हिँड्ने अलिक परको मान्छे पनि प्रष्ट देखिँदैन थियो । केही न केही ले छेकेको नै हुन्थ्यो ।
समय निकै बिते पनि उनी स्कुल पुगिनन् । कुनै दिन पनि ढिलो नगर्ने अनि गयल नहुने उनी आज किन स्कुल आइनन् भनेर विद्यालयमा चासो हुन थाल्यो । उनको घरै नजिकैबाट आउने साथीहरुलाई सोध्दा ‘ऊ त आउनै लागेकी थिई । तर ढिलो हुने भयो भएर हामी चँै हिँड्यौ तेस्पछि उसले के गरी थाहा भएन’ भन्ने जवाफ साथीहरुले दिए ।
केही समयपछि त्यही गाउँको मान्छे हस्याङफस्याङ गर्दै स्कुल आइपुग्छ ।
‘खोलाको छेउमा चिनीमाया त अचेत अवस्थामा छिन् । अनि उनको शरीरभरी रगतैरगत नि छ ।’ उसको यस्तो कुरा सुन्नासाथ हेडसरसहित अरु २\३ जना शिक्षकशिक्षिका पनि उतै जान्छन् ।
कसैले पानी छ्याप्ने अनि कसैले बोलाउने गरेपछि केही बेरमा उनी होशमा आउँछिन् । उनी बलात्कृत भइछिन् । खैलाबैला धेरै भएपछि गाउँका अरु मन्छे र उनका आमाबाबु पनि घटनास्थलमा आइपुग्छन् । उनलाई नजिकको स्वास्थ्य चौकी लगिन्छ । प्रहरी पनि बोलाइन्छ । पत्रकार पनि आइपुग्छन् ।
चारैतिरबाट उनको फोटो खिचिन्छ । उनलाई कति पीडा भएको छ त्यो भने कसैले सोचेको हुँदैन । उनलाई हेर्नेको भीड मात्रै लागिरहेको हुन्छ । तमासा बन्छ त्यहाँ । क्सले बलात्कार गर्यो ? त्यो व्यक्ति को हो ? यस्तो जघन्य अपराध गर्ने व्यक्तिलाई तत्काल पक्राउ गर्ने कुरा कसैले गर्दैनन् । सबै जना १३ वर्षीया किशोरीको रगतले लतपतिएको शरीर हेरेर बसिरहेका हुन्छन् । कुनामा रहेका उनका आमाबाबु केही बोल्न सक्दैनन् ।
धेरै बेरपछि प्रहरीले ‘हामी चाँडै नै अपराधीलाई समाउँछौ । तपाईंहरु केही पीर नमानी घर जानुहोस्’ भन्दै सबैलाई चित्त बुझाएर आफ्नो घर पठाइदिन्छ ।
तत्काल न्याय नपाएपछि उनी आफ्ना आमाबाबुको साथमा घरतिर लाग्छिन् । आफ्नो परिव ारलाई स्वर्गीय बाटोमा हिँडाउन जिम्मेवारी लिने अठोट गरेकी उनलाई यो घटनाले ठूलो चोट पुग्यो ?
उनले बताएको हुलियाअनुसार १ महिनापछि अपराधीलाई प्रहरीले समाएर फेरि चिनीमायालाई बोलाइन्छ । जुन दिन उनी बलात्कृत भएकी थिइन् त्यो दिन बलात्कार गर्ने मान्छेको अनुहार उनले चिन्न सकेकी थिइनन । तर हुलिया सबै थाहा थियो । त्यसै अनुसार प्रहरीले समाएको थियो । अपराधीले आफ्नो अपराध स्वीकार गर्छ ।
फेरि त्यहाँ धेरै मान्छे जम्मा भएका छन् । चिनीमायाको मुहार सबैले देख्ने गरी हरेक पत्रकारले फोटो खिचिरहेका हुन्छन् । जो अपराधी छ उसको मुहार भने कुनै कपडाले ढाकिएको छ । त्यहाँको माहोल हेर्दा यस्तो लाग्छ कि चिनीमाया चाहिँ अपराधी अनि अपराधी चाहिँ निर्दाेष छ ।
‘अपराधीलाई कार्वाही हुन्छ तपाईंहरु ढुक्क भएर घर जानुहोस्’ भनेर प्रहरीले भन्छ । अनि बलात्कार गर्ने व्यक्तिलाई भित्र कोठामा लिएर जान्छन् । अनायासै भोग्नुपरेको सबै पीडा सहँदै चिनीमाया अनि उनका आमाबाबु निन्याउरो अनुहारको साथमा आफ्नो घरतिर लाग्छन् ।
अपराधीले अपराध कबुल गर्छ भने किन यो समाजमा उसको अनुहारलाई लुकाइन्छ ? अनि जो निर्दोष र पीडित छ उसलाइ चाहिँ किन सबै सामु देखाइन्छ ? आखिर दोषी को हो ?
Facebook Comment
प्रतिनिधिसभा चुनावको प्रत्यक्षतर्फ १६५ मध्ये १६१ क्षेत्रमा मतगणना भइरहेको छ । यसमध्ये ३४ वटा निर्वाचन क्षेत्रको अन्तिम नतिजा सार्वजनिक भएको छ । निर्वाचन आयोगको पछिल्लो विवरण अनुसार राष्ट्रिय स्वतन्त्र पार्टी (रास्वपा) २५ क्षेत्रमा विजयी भएको छ । नेपाली कांग्रेसले ५, नेपाली कम्युनिष्ट पार्टी (नेकपा)ले २ र एमालेले १ तथा स्वतन्त्र उम्मेदवारले १ क्षेत्रमा जित हासिल गरेका छन् । मतगणना भैरहेका ठाउँमा रास्वपाकै उम्मेदवाहरु अगाडि छन् । रास्वपा ९३, कांग्रेस १०, एमाले १०, नेकपा ११, श्रम संस्कृति पार्टी ५ र राप्रपा १ क्षेत्रमा अगाडि छन् ।
रास्वपा
१. बुद्धिप्रसाद पन्त – पर्सा १ बाट २७ हजार २७४ मत ल्याएर विजयी हुँदा एमालेका प्रदिप यादवले १३ हजार ३० मत ल्याउनुभयो ।
२. सागर भुसाल – पर्वतबाट २६ हजार ५६१ मत ल्याएर विजयी हुनुभएको छ । कांग्रेसका अर्जुनप्रसाद जोशीको १५ हजार ९५४ र एमालेका पदम गिरीको १५ हजार ७५ मत आएको छ ।
३. अरबिन्द साह – बारा ३ बाट ४० हजार ६९७ मत ल्याएर विजयी हुँदा कांग्रेसका फरमुल्लाह मंसुरले १० हजार ५२ मत ल्याउनुभयो र
४. रवि लामिछाने – चितवन क्षेत्र नम्बर २ बाट तेस्रोपटक विजयी हुनुभएको छ । लामिछानेले ५४ हजार ४०२ मत ल्याएर विजयी हुनुभएको हो । उहाँका निकटतम् प्रतिष्पर्धी नेपाली कांग्रेसकी मिना खरेलले १४ हजार ५६४ र एमालेका अस्मिन घिमिरेले ६ हजार ९९२ मत ल्याउनुभयो ।
५. रुकेश रन्जित – भक्तपुर १ बाट ३३ हजार ४३६ मत ल्याएर विजयी हुँदा नेपाल मजदुर किसान पार्टीका प्रेम सुवालले २८ हजार १४७ मत ल्याउनुभयो ।
६. सुनिल केसी – काठमाण्डौ २ बाट ३४ हजार २३८ मत ल्याएर विजयी हुनुभएको छ । उहाँका प्रतिष्पर्धी कांग्रेसका कविर शर्माले ८ हजार ८७४ मत ल्याउनुभयो ।
७. प्रमोद कुमार महतो – महोत्तरी १ बाट ३४ हजार ६३६ मत ल्याएर विजयी हुनुभएको छ । उहाँका निकटतम प्रतिष्पर्धी नेकपाका गिरिराजमणि पोखरेलले १२ हजार ६२४ मत ल्याउनुभयो ।
८. धनञ्जय रेग्मी – स्याङ्जा १ बाट २९ हजार ७१ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका भरतराज ढकालले १८ हजार ८५७ मत ल्याउनुभयो ।
९. सुरेशकुमार चौधरी – बाँके १ बाट ५२ हजार ७९२ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका नारायणप्रसाद गौडेलले १५ हजार ३०१ मत ल्याउनुभयो ।
१०. खगेन्द्र सुनार – बाँके ३ बाट २९ हजार ५५१ मत ल्याएर विजयी हुनुभएको छ । उहाँका निकटमत प्रतिष्पर्धी एमालेका सुमन मल्लले १९ हजार ६१५ मत ल्याउनुभयो ।
११. कन्हैया बनिया– रुपन्देही ४ बाट २८ हजार ६६ मत ल्याएर विजयी हुनुभएको छ । प्रतिष्पर्धी एमालेका प्रमोदकुमार यादवको २० हजार २६२ मत आएको छ ।
१२. रुविना आचार्य– मोरङ ६ मा विजयी हुँदा कांग्रेसका डा. शेखर कोइराला पराजित हुनुभएको छ । आचार्यले ५५ हजार ५१३ मत ल्याउँदा कोइरालाले १२ हजार ८५० मतमात्रै ल्याउनुभएको छ ।
१३. डीपी अर्याल– काठमाण्डौ ९ मा ३५ हजार ९३ मत ल्याएर विजयी हुनुभएको छ । कांग्रेसकी नानुमाया बास्तोलाले ५ हजार ४६० मत ल्याउनुभयो ।
१४. मनिष झा– धनुषा ३ मा विजयी हुँदा कांग्रेसका विमलेन्द्र निधि पराजित हुनुभएको छ । झाले ४३ हजार १४२ र निधिले १५ हजार ९९२ मत ल्याउनुभयो ।
१५. सन्तोष राजवंशी– मोरङ ४ मा विजयी हुँदा कांग्रेसका गुरुराज घिमिरे पराजित हुनुभयो । राजवंशीले ४० हजार ८३३ मत ल्याउँदा घिमिरेले १२ हजार ८१८ मत ल्याउनुभयो ।
१६. बिना गुरुङ – कास्की ३ मा विजयी हुँदा कांग्रेसका मनोज गुरुङ पराजित हुनभयो । बिनाले ३७ हजार ७५० मत ल्याउँदा मनोजले १२ हजार ७८० मत ल्याउनुभयो ।
१७. प्रदीप बिष्ट – काठमाण्डौ १०मा विजयी हुँदा कांग्रेसका हिमाल कार्की पराजित हुनुभएको छ । बिष्टले ३७ हजार ४६९ र कार्कीले ८ हजार १०० मत ल्याउनुभयो ।
१८. उत्तम प्रसाद पौडेल – कास्की २ मा विजयी हुँदा एमालेका रश्मि आचार्य पराजित हुनुभयो । पौडेलले ३१ हजार ९११ र आचार्यले ७ हजार ४९३ मत ल्याउनुभयो ।
१९. सस्मित पोखरेल – काठमाण्डौ ५ मा विजयी हुँदा कांग्रेसका प्रदीप पौडेल र एमालेका ईश्वर पोखरेल पराजित हुनुभयो । पोखरेलले ३० हजार ७३७ मत ल्याउँदा पौडेलले ९ हजार १५९ र पोखरेलले ४ हजार ७०१ मतल्याउनुभयो ।
२०. पुकार बम – काठमाण्डौ ४ मा विजयी हुँदा कांग्रेसका सचिन तिमल्सिेना र एमालेका राजन भट्टराई पराजित हुनुभयो । पुकारले २९ हजार २४२, सचिनले ८ हजार ८२४ र भट्टराईले ५ हजार ७३३ मत ल्याउनुभयो ।
२१. गणेश पराजुली – काठमाण्डौ ७ मा २७ हजार ८०५ मत ल्याएर विजयी हुनुभएको छ ।
२२. राजुनाथ पाण्डे– काठमाडौ ३ मा विजयी हुँदा उज्यालो नेपाल पार्टीका अध्यक्ष कुलमान घिसिङ पराजित हुनुभयो । रास्वपाका पाण्डेले १८ हजार ७५७ मत र घिसिङले ११ हजार १७१ मत ल्याउनुभयो ।
२३. विराजभक्त श्रेष्ठ– काठमाण्डौ ८ बाट विजयी हुनुभएको छ । उहाँले २४ हजार ५९२ र उहाँका निकटतम प्रतिस्पर्धी नेपाली कम्युनिष्ट पार्टी (नेकपा) का सुमन सायमीले ३ हजार २१७ मत ल्याउनुभयो ।
२४. शिशिर खनाल– काठमाण्डौ ६ बाट विजयी हुनुभएको छ । खनालले २७ हजार ७१९ र उहाँका निकटतम प्रतिस्पर्धी नेपाली कांग्रेसका कृष्ण बानियाँ क्षेत्रीले ६ हजार ६४७ मत पाउनुभयो ।
२५. रञ्जु न्यौपाने (दर्शना)– काठमाण्डौ १ बाट १५ हजार ४ सय ५५ मतसहित विजयी हुनुभयो । उहाँका प्रतिस्पर्धी नेपाली कांग्रेसका प्रबल थापाले ६ हजार ३६४ मत प्राप्त गर्नुभयो ।
कांग्रेस
१. तेह्रथुमबाट कांग्रेसका सन्तोष सुब्बा ११ हजार ५६१ मत ल्याएर विजयी हुनुभएको छ । उहाँका निकटतम प्रतिष्पर्धी एमालेका भानुभक्त ढकालले १० हजार ६८२ मत ल्याउनुभयो ।
२. दैलेख १ मा बासना थापा १२ हजार ३७२ मत ल्याएर विजयी हुनुभएको छ । निकटम प्रतिष्पर्धी एमालेका रविन्द्रराज शर्माले ११ हजार ७९६ मत ल्याउनुभयो ।
३. रसुवा १ मा मोहन आचार्य १० हजार ६५६ मत ल्याएर विजयी हुनुभएको छ । निकटम प्रतिष्पर्धी रास्वपाका बसन्त भट्टले ५ हजार ५७१ मतल्याउनुभयो ।
४. मुस्ताङबाट योगेश गौचन थकाली ३ हजार ३०७ मत ल्याएर विजयी हुनुभएको छ । प्रतिस्पर्धी एमालेका ईन्द्रधार विष्टले एक हजार ८०३ मत प्राप्त गर्नुभयो ।
५. मनाङबाट टेकबहादुर गुरुङ २ हजार ४१५ मतसहित विजयी हुँदा उहाँका प्रतिस्पर्धी नेकपाकी यशोदा गुरुङ (सुवेदी)ले ४५४ मत ल्याउनुभयो ।
नेकपा
१. कालिकोटबाट महेन्द्रबहादुर शाहीले ११ हजार ३३८ मत ल्याएर विजयी हुनुभएको छ । प्रतिष्पर्धी एमालेका नगीन्द्र शाहीले १० हजार ३५२ मत ल्याउनुभयो ।
२. रुकुमपूर्वबाट नेपाली कम्युनिष्ट पार्टी (नेकपा)का संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ विजयी हुनुभएको छ । उहाँले १० हजार २४० र एमालेका लीलामणि गौतमले ३ हजार ४६२ मत प्राप्त गर्नुभयो ।
एमाले
१. बाँके २ बाट मोहम्मद इस्तियाक राईले २४ हजार ६४७ मत ल्याएर विजयी हुनुभएको छ । प्रतिष्पर्धी रास्वपाका विवेककुमार श्रेष्ठले १८ हजार ६७९ मत ल्याउनुभयो ।
स्वतन्त्र
१. म्याग्दीबाट स्वतन्त्र उम्मेदवार महावीर पुन निर्वाचित हुनुभएको छ । उहाँले २२ हजार ८५० मत ल्याएर विजयी हुँदा एमालेका हरिकृष्ण श्रेष्ठले ७ हजार ९१९ मत ल्याउनुभयो ।
मोरङ क्षेत्र नम्बर ६ मा राष्ट्रिय स्वतन्त्र पार्टी (रास्वपा) की उम्मेदवार रुबिना आचार्य विजयी भएकी छिन् ।
उनी ५५ हजार ५१३ मतसहित विजयी भएकी हुन् । उनका निकटतम प्रतिस्पर्धी डा. शेखर कोइरालाले १२ हजार ८५० मत प्राप्त गरेका छन् ।
काठमाडौं क्षेत्र नम्बर ८ मा राष्ट्रिय स्वतन्त्र पार्टीका उम्मेदवार विराजभक्त श्रेष्ठले भारी मतान्तरसहित सुरुवाती अग्रता लिएका छन् ।
बिहीबार भएको मतदानपछि जारी मतगणनामा उनले १७२४ मत प्राप्त गरेका छन् ।
त्यस्तै, कांग्रेस उम्मेदवार सपनाराज भण्डारीले २०७, नेपाली कम्युनिस्ट पार्टीका सुमन सायमीले १५४ र नेकपा एमालेका राजेश शाक्यले ११५ मत प्राप्त गरेका छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login