अर्थ
उम्मेद्वारी दर्तासँगै सुन्दरहरैंचा उद्योग वाणिज्य संघको नयाँ नेतृत्वको चयनका लागि आतुर व्यवसायी
विराटचोकः २ वर्षे कार्यकालका लागि निर्वाचन भए पनि ४ वर्षभन्दा बढी एउटै नेतृत्वले सुन्दरहरैंचा उद्योग वाणिज्य संघ चलाउन पुग्यो । कहिले सुन्दरदुलारी उद्योग वाणिज्य संघलाई आफूमा समाहित बनाउने त कहिले कोभिड तथा कहिले अन्य बहानामा वर्तमान नेतृत्वले काम गर्ने अवसर पायो ।
गत असोज (दशै अगाडि) र गत मंसिर (छठ पछाडि) गरी २ पटक अधिवेशनको तयारी भए पनि अधिवेशन हुन सकेन । असोजको तयारी रामै्र भइसके पनि अधिवेशनमा भीडभाड हुने र कोरोना संक्रमणको जोखिम बढ्ने भन्दै अन्तिम समयमा आएर अधिवेशन स्थगित भयो ।
त्यसपछि छठलगत्तै अधिवेशन हुने भनी हल्ला चल्यो । सामाजिक सञ्जालमा नयाँ नेतृत्वका लागि भोट माग्ने क्रम शुरु भयो । सार्वजनिक रुपमा अधिवेशनको मिति बाहिर नआए पनि सामाजिक सञ्जालमा भोट मागिएको दृश्य हेर्दा लाग्थ्यो अधिवेशनको तयारी भइसकेको छ, घोषणा हुन बाँकी छ र विभिन्न पदका लागि मत माग्न शुरु भएको हो । सामाजिक सञ्जालमा व्यापकता पाएको त्यसबेलाको रौनक त्यत्तिकै सेलायो ।
त्यसपछि गत माघको दोस्रो साता आसपास चिठ्ठा प्रक्रियाबाट नेतृत्व चयन गर्ने भनी सहमति भएअनुसार चिठ्ठा तान्दा टीकाप्रसाद कट्टेल अध्यक्ष चयन भएको भनी गाइँगुइँ चल्यो । औपचारिक रुपमा त्यसको घोषणा नभए पनि रिजाल पक्ष र कट्टेल पक्षका समर्थकहरु चिठ्ठा प्रक्रियाबाट नेतृत्व चयन गर्न खोजिएको बताउँछन् । रिजालले आफ्नो सहमतिविपरीत सीमित व्यक्तिबीच गोला तानिएको र त्यसमा आफ्नो मञ्जुरी नरहेको टिप्पणी गरेपछि चिठ्ठाबाट नेतृत्व चयनको विषय सेलायो । धेरै व्यवसायीले चिठ्ठा प्रक्रियाको बारेमा थाहा नै पाएनन् ।
यसपटक सहमतिको आधारमा नेतृत्व चयन गर्नुपर्छ भनी पूर्व अध्यक्षहरुको समूहले बारम्बार छलफल पनि गरेको थियो । संघका ४ जना पूर्व अध्यक्षहरु सम्मिलित सो टोलीले पनि सहमतिको आधारमा नेतृत्व चयन गराउन सकेन । यसरी धेरै प्रयास असफल भएपछि यसै साता निर्वाचन हुने गरी अधिवेशनको मिति तोकियो ।
अब आउने नेतृत्वले राम्रो काम गर्ला भन्ने आशमा अहिले सुन्दरहरैंचाका व्यवसायी खुशी देखिएका छन् । सोमबार उम्मेद्वारी दर्ताअघि भएको र्यालीमा सहभागी व्यवसायीले खुशी साटिरहेका देखिन्थे ।
‘पहिले उम्मेद्वार नै खुलेर नआउँदा र चिठ्ठाको भरमा नेतृत्व छान्ने भन्दा नमज्जा लागेको थियो,’ रिजाल समर्थित व्यवसायीले निकालेको र्यालीमा सहभागी भएका व्यक्ति भन्दै थिए, ‘अब खुलेर निर्वाचनमा आएका छन् । लोकतान्त्रिक विधिबाट चयन हुने नेतृत्वले व्यवसायीको हितमा काम गर्छ भन्ने आशा पलाएको छ ।’
Facebook Comment
नेपाली कांग्रेको दोस्रो विशेष महाधिवेशनबाट सभापति बनेका गगन थापाले फागुन २१ को निर्वाचनका लागि धमाधम टिकट बाँड्न थालेका छन् ।
निर्वाचन आयोगबाट सभापतिको मान्यता पाएसँगै थापाले मंगलबार मनोनयन हुने भएपछि सोमबारदेखि धमाधम उम्मेदवार छानिरहेका छन् ।पहिलो चरणमा हिमाली र उच्च पहाडी जिल्लाका १७ निर्वाचन क्षेत्रका उम्मेदवारहरूलाई टिकट बाँडिसकेका छन् ।
यसअघि समानुपातिक र राष्ट्रियसभाको टिकटमा तत्कालीन सभापति शेरबहादुर देउवाले हस्ताक्षर गरेका थिए । प्रतिनिधिसभाको प्रत्यक्षतर्फ भने गगन आफैंले हस्ताक्षर गरे टिकट दिइरहेका छन् ।कांग्रेसका उम्मेदवार मिलाउन सोमबार राति देउवा र शेखर कोइराला समूहका नेतासँग उनले छलफल गरेका थिए । त्रिपक्षीय छलफलपछि गगनले टिकट बाँड्न थालेका हुन् । थापाले सोमबार नै राति धेरै स्थानको टिकट दिइसक्ने तयारी गरेका छन् ।
पार्टीको आधिकारिकता गुमाएको समूहलाई पनि गगनले समेटेर टिकट दिने तयारी गरेका छन् ।
१. कालिकोट – हर्ष बम
२. डोल्पा – कर्ण बहादुर बुढा
३. ताप्लेजुङ – गजेन्द्र तुम्येहाङ
४. तेह्रथुम – सन्तोष सुब्बा
५. दैलेख–१ – दिक्पाल शाही
६. दैलेख–२ – बासना थापा
७. धनकुटा – दिनेश राई
८. रूकुमपूर्व – कुसुम थापा मगर
९. पाँचथर – नरेन्द्र केरूङ
१०. प्युठान – डा. गोविन्दराज पोखरेल
११. बाजुरा – जनक गिरी
१२. बैतडी – चतुरबहादुर चन्द
१३. मुगु – खड्ग बहादुर बुढा
१४. रोल्पा – डा. सुधन कुमार ओली
१५. सल्यान – केशब बहादुर विष्ट
१६. जुम्ला – दीप बहादुर शाही
१७. हुम्ला – जयपति रोकाया
१८. भोजपुर- बालकृष्ण थापा
१९. अछाम-१, भरतबहादुर स्वाँर
२०. अछाम-२- पुष्पबहादुर शाह
सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।
खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।
उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login