अर्थ
सुन्दरहरैंचा उद्योग वाणिज्य संघका उम्मेद्वारका चुनावी प्रतिबद्धताः व्यवसायीको सामुहिक बीमादेखि शेयर ब्रोकर शाखा स्थापनाको पहलसम्म
विराटचोकः सुन्दरहरैंचा उद्योग वाणिज्य संघको नेतृत्वको लागि उम्मेद्वारी दर्तासँगै चुनावी सरगर्मी बढेको छ । यसै क्रममा उम्मेद्वारी दर्ता गरेको भोलिपल्ट मंगलबार दुवै समूहले आआफ्नो समूहको लागि प्रतिबद्धता पत्र सार्वजनिक गरेका छन् । ती प्रतिबद्धतामा अधिकांश साझा विषय भए पनि केही विषय भने दुवै पक्षका मौलिक छन् । जुन अर्काे पक्षको प्रतिबद्धताभन्दा फरक छन् ।
साना व्यवसायीको सामुहिक बीमाः रिजाल समूह

नेपाली कांग्रेसको समर्थन रहेको कृष्णप्रसाद रिजाल नेतृत्वको समूहले २२ वटा चुनावी प्रतिबद्धता सार्वजनिक गरेको छ । जसमा साना व्यवसायीको सामुहिक बीमा गराउने कार्यक्रम ल्याइने उल्लेख छ । त्यस्तै महासंघ तथा स्थानीय सरकारसँगको समन्वयमा ‘एक वडा एक उत्पादन’ लाई प्रोत्साहन गरिने उल्लेख छ । संघमा दर्ता रहेको फर्म बन्द गर्दा कुनै शुल्क नलिइने प्रतिबद्धता पनि जनाइएको छ ।
प्रत्येक व्यवसायीले संघको सदस्यता तथा परिचयपत्र प्राप्त गर्ने व्यवस्था मिलाइने र संस्थाको गतिविधिबाट प्रभावित भई व्यवसायी आफैँ व्यवसाय दर्ता गर्न आउने किसिमको वातावरण बनाइने विषय प्रतिबद्धतापत्रमा समेटिएको छ । व्यवस्थित कृषि बजारका लागि आवश्यक कदम चालिने प्रतिबद्धतापत्रमा उल्लेख छ ।
विराटचोकमा शेयर ब्रोकर कार्यालय स्थापनाः कट्टेल समूह

नेकपाको समर्थन रहेको टीकाप्रसाद कट्टेल नेतृत्वको समूहले २७ वटा प्रतिबद्धता सार्वजनिक गरेको छ । महिला व्यवसायीको फर्म दर्ता गर्दा ५० प्रतिशत छुट दिने, मोबाइल एप्स तयार पारी उद्योगी व्यवसायीबीच सूचना प्रवाह गर्ने, सफ्टवेयरमार्फत् लेखा प्रणाली व्यवस्थित गर्ने तथा विराटचोकमा शेयर ब्रोकरको शाखा ल्याउन पहल गर्ने प्रतिबद्धता उल्लेख गरेको छ ।
सन्ध्याकालीन बजारलाई व्यवस्थित गर्ने, बजार क्षेत्रमा सीसी क्यामेरा तथा सडक बत्ती जडानका लागि पहल गर्ने, सुन्दरदुलारी उद्योग वाणिज्य संघसँग संस्था एकीकरणका लागि पहल गर्ने, नयाँ व्यवसाय दर्ता गर्ने प्रक्रिया सरल बनाउने पनि सो समूहले आफ्नो प्रतिबद्धता पत्रमा उल्लेख गरेको छ ।
Banner
एमालेमा उम्मेदवारी शुल्क : अध्यक्षलाई १५ हजार, केन्द्रीय सदस्यलाई ५ हजार
नेकपा एमालेमा उम्मेदवारी दर्ताका लागि शुल्क निर्धारण गरिएको छ, जसमा अध्यक्षका लागि १५ हजार, अरु पदाधिकारीका लागि १० हजार र केन्द्रीय सदस्यका लागि ५ हजार रुपैयाँ उम्मेदवारी दर्ता शुल्क तोकिएको छ ।
सबै पदको फारमका लागि १ सय रुपैयाँ तोकिएको छ । आजै उम्मेदवारी दर्ताको समय तोकिएको छ । भोलि बिहान ११ बजेबाट नेतृत्व चयनका लागि मतदान हुँदै छ ।
Banner
साफ महिला क्लब च्याम्पियनशिपको उपाधिका लागि एपीएफ र इस्ट बङ्गाल खेल्ने
साफ महिला क्लब च्याम्पियनशिपको उपाधिका लागि नेपालको लिग विजेता एपीएफ क्लब र भारतको लिग विजेता इस्ट बङ्गाल एफसी खेल्ने भएका छन् । लिग चरणका दुई खेल बाँकी छँदै एपीएफ र इस्ट बङ्गाल उपाधिका लागि खेल्ने भएका हुन् ।
काठमाण्डौको त्रिपुरेश्वरमा रहेको दशरथ रङ्गशालामा हिजो भएको पहिलो खेलमा एपीएफले पाकिस्तानको कराँची सिटी एफसीलाई १–० गोलले हरायो । यस्तै हिजै बेलुका भएको दोश्रो खेलमा इस्ट बङ्गालले बङ्गलादेशको नसरिन स्पोर्टस एकेडेमीलाई ७–० गोलले हरायो ।
लगातार ३ खेलमा अपराजित इस्ट बङ्गाल ९ अङ्कसहित तालिकाको शीर्ष स्थानमा छ । समान खेलमा २ जीत र १ बराबरीसहित एपीएफ ७ अङ्क जोड्दै दोश्रो स्थानमा छ । एपीएफले पहिलो खेलमा बङ्गलादेशको नसरिन स्पोट्र्स एकेडेमीलाई ४–० गोलले हराएको थियो भने दोस्रो खेलमा भूटानको ट्रान्सपोर्ट युनाइटेडसँग गोलरहित बराबरीमा रोकिएको थियो ।
एपीएफले लिग चरणको अन्तिम खेलमा इस्ट बङ्गाल एफसीसँग पर्सि बुधवार खेल्नेछ । दक्षिण एशियाली फुटबल महासङ्घ (साफ) ले पहिलो पटक आयोजना गरेको च्याम्पियनशिपमा ५ सदस्य राष्ट्रको लिग विजेता सहभागी छन् । सिङ्गल राउन्ड रोबिनपछि शीर्ष २ टोलीेले फाइनल खेल्नेछन् ।
Banner
सहयोगी मनद्वारा गछिया आधारभूत विद्यालयका ९८ विद्यार्थीलाई न्यानो स्विटर वितरण
जाडोको चिसो बढ्दै गएका बेला मोरङको गछिया आधारभूत विद्यालयमा अध्ययनरत ९८ जना विद्यार्थीलाई ‘सहयोगी मनहरु सामाजिक संस्थाले न्यानो स्विटर वितरण गरेको छ।
आइतबार आयोजित कार्यक्रममा संस्थाका अध्यक्ष भीम अधिकारीले विद्यार्थीहरूलाई स्विटर हस्तान्तरण गर्दै शिक्षासँगै बालबालिकाको स्वास्थ्य र सुरक्षामा पनि ध्यान दिनुपर्ने आवश्यकता औंल्याउनुभयो। उहाँले यस्ता सामाजिक अभियानले समुदायमा सकारात्मक सन्देश प्रवाह गर्ने विश्वास व्यक्त गर्नुभयो।
विद्यालय प्रशासनले संस्थाको सहयोगप्रति आभार व्यक्त गर्दै यस्ता कार्यक्रमले विद्यार्थीहरूको नियमित उपस्थिती र मनोबल बढ्ने जनाएको छ। स्थानीय अभिभावकहरू पनि संस्थाको पहलप्रति खुशी देखिएका छन्।
सहयोगी मनहरु’ संस्थाले आगामी दिनमा पनि शिक्षा, स्वास्थ्य र सामाजिक सेवाका क्षेत्रमा सहयोग निरन्तर गर्ने जनाएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने













Pingback: यी हुन् सुन्दरहरैंचा उद्योग वाणिज्य संघको निर्वाचनका लागि दुवै समूहले उठाएका साझा प्रतिबद्धता