शिक्षा / स्वास्थ्य
कोभिड विशेष अस्पताल सञ्चालनको तयारीमा सुन्दरहरैंचा, भौतिक संरचना निर्माणलाई तीव्रता
विराटचोकः कोभिड विशेष अस्पताल सञ्चालनका लागि मोरङको सुन्दरहरैंचा नगरपालिका भौतिक संरचनाको तयारीमा जुटेको छ । विश्वव्यापी फैलिएको कोरोना भाइरस कोभिड १९ नियन्त्रणमा सक्रिय रहेको नगरपालिकाले कोभिडका बिरामीलाई उपचार गर्ने कोभिड विशेष अस्पताल निर्माण गर्न लागेको हो ।
वडा नम्बर १ मा रहेको प्राथामिक स्वास्थ्य केन्द्र हरंैचालाई कोभिड विशेष अस्पताल बनाउन रंगरोगन भइरहेको छ । आवश्यक संरचना निर्माणको पनि अन्तिम चरणमा पुगेको बताइएको छ । त्यहाँ रहेका ५ वटा भवनमा २५ बेडको आइसीयुसहितको सेवा सञ्चालनको तयारी रहेको नगरपालिकाका प्रमुख प्रशासकीय अधिकृत डा. कृष्णबहादुर घिमिरेले बताए ।
जेठ ३ गतेको कार्यपालिकाको बैठकले कोभिड विशेष अस्पताल निर्माण गर्ने निर्णय गरेको थियो । सोही अनुसार ५ जना मेडिकल अफिसर, १ जना रेडियोग्राफार १ जना विज्ञ डाक्टरसहित २६ जना कर्मचारीको व्यवस्था नगरपालिकाले गरिसकेको छ ।
कोभिडका नयाँनयाँ भेरियन्ट आइरहेकाले नगरवासी बिरामी पर्दा उपचार गर्ने भरपर्दो ठाउँको रुपमा यो अस्पताललाई बनाइने नगरपालिकाकी उपप्रमुख धनमाया तामाङले बताइन् ।
९ कठ्ठा जग्गामा निर्माण भएका संरचनाको अहिले मुहार फेरिएको छ । केही दिन पहिले झाडीले छोपेर जीर्ण देखिने भवन अहिले झकिझकाउ बनाइएको छ । नगरपालिकाले १ जना इन्जिनियर र १ जना कर्मचारीलाई काम भइरहेको स्थलमै खटाएर गुणस्तरीय र पारदर्शी काम गराउनुको साथै चाँडै काम सक्न निर्देशन दिइएको प्रमुख प्रशासकीय अधिकृत डा. घिमिरेले बताए ।
यसअघि प्राथमिक स्वास्थ्य केन्द्रको रुपमा रहेर दिँदै आएका सेवाहरुलाई यथावत राखी थप कोभिड अस्पतालको रुपमा विकास गर्न लागिएको नगरपालिकाले जनाएको छ ।
फार्मेसी सेवा, सुरक्षा गार्ड, बिरामीका कुरुवा बस्ने प्रतीक्षालय, पार्किङ, अपाङ्गता भएका व्यक्तिका लागि सहज रुपमा सेवा दिइने व्यवस्था, स्टाफ र बिरामीका लागि छुट्टाछुट्टै शौचालय, एक्स रे का लागि विशेष कोठा बनाइएको छ ।
यसका साथै डाक्टर र नर्सलाई कोभिड भएमा उनीहरुका लागि छुट्टै आइसोलेसन सेन्टर समेत बनाइने भएको छ । खास गरी कोभिडका बिरामी आउने भएकाले स्वास्थ्य सुरक्षामा ध्यान दिएर एक बिरामीबाट अर्कोमा सर्न नदिने गरी विश्व स्वास्थ्य संगठनको मापदण्डअनुसार नै अस्पताल निर्माण हुने बताइएको छ । यसका लागि विज्ञको टिम गठन गरिएको नगरपालिकाले जनाएको छ । निर्माणाधिन अस्पतालकाे मङ्गलबार उपप्रमुख धनमाया तामाङ, प्रमुख प्रशासकीय अधिकृत डा. घिमिरे पत्रकार, कर्मचारी सहित निरिक्षण गरिएकाे थियाे ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login