कोशी प्रदेश
सुन्दरहरैंचाको झोडाका किसान सयपत्री फूल खेतीबाट आम्दानी गर्दै
विराटचोकः आजदेखि तिहार शुरु भएको छ । असार साउनमा लगातार परेको वर्षाका कारण यस पटक सयपत्री फूलको उत्पादन कम भएको छ । तर, सुन्दरहरैंचा– १० त्रिवेणीचाेक उत्तर झोडाका किसानहरुले भने सयपत्री फूल उत्पादन गरेर मनग्य आम्दानी गरेका छन् ।
स्थानीय किसान फूलमाया राई, कृष्णमाया राई र सुम्निमा राईले लगाएको सयपत्री बारीभरि ढकमक्क भएर फुलेको छ । बजारमा लगेर बेच्न सके धेरै आम्दानी हुने भए पनि बजारसम्म पुर्याएर बेच्न नसक्ने भएकाले बारीबाटै व्यापारीलाई दिँदा कम पैसा आउने गरेको फूलमाया बताउँछिन् । बँदेल र बाँदरजस्ता जनवारले दुःख नदिने हो भने फूल खेतीबाट मनग्य आम्दानी हुने उनी बताउँछिन् ।
सोही ठाउँका जीतबहादुर राईले २ कठ्ठामा सयपत्री फूल उत्पादन गरेका छन् । धान, मकै वा कोदो खेती गर्दा बँदेलले नष्ट गरिदिने भएकाले बाध्य भएर सयपत्री फूलको उत्पादन गरी तिहार खर्च जोहो गर्ने सोचमा खेती गरेको उनी बताउँछन् ।
यस्तै, अनिस मगरले २ कठ्ठामा लगाएको फूल फक्रिसकेको छ । मंगलबार बिहान उनको फूल खेतीमा पुग्दा आफूले सोचे अनुसारको भाउ नपाएको र बोटमै सुक्न थालेकाले सस्तो दाममा बेच्नुपर्ने बाध्यता भएको उनले सुनाए ।
सुख्खा ठाउँ तथा जंगलको नजिक भएकाले फूल खेती बाहेक अन्य खेती नहुने भएकाले फूल खेती लगाएको उनीहरु बताउँछन् । केही वर्ष यता तिहारलाई लक्षित गरी सयपत्री फूलको खेती गर्दै आएको उनले बताए ।
दुई साता पहिलेको बेमौसमी वर्षा र जनावरले केही नोक्सानी भए पनि बचेका फूलबाट किसानले सोचेअनुसारको आम्दानी हात पार्ने उनी बताउँछन् । ९ कठ्ठामा लगाएको फूलबाट करीब १ लाख ५० हजार सम्म कमाई हुने गरे पनि यस पटक भने सोचे अनुसार नहुने फूलमाया बताउँछिन् ।
नर्सरीबाट १ रुपैयाँ गोटा फूलका बिरुवा किनेर ल्याएर रोपेको बताउँदै पुष्प व्यवसायीलाई सरकारले सहुलियतका कार्यक्रम ल्याउनुपर्ने उनीहरुले बताए ।
Facebook Comment
Banner
७२ सालको भूकम्पको स्मृतिमा बारपाकमा आज सार्वजनिक बिदा
गोरखाको बारपाक केन्द्रबिन्दु भएर गएको ‘गोरखा भूकम्प’ स्मृति दिवसका अवसरमा आज बारपाक सुलिकोट गाउँपालिकामा सार्वजनिक बिदा दिइएको छ ।
२०७२ वैशाख १२ गते गएको ७.८ रेक्टरस्केलको विनाशकारी भूकम्पमा परी ज्यान गुमाएकाहरूको स्मृतिमा सार्वजनिक बिदा दिइएको गाउँपालिकाका अध्यक्ष विष्णुप्रसाद भट्टले जानकारी दिए । मंगलबार बसेको गाउँकार्यपालिको बैठकको निर्णयअनुसार पालिकाभित्र सार्वजनिक बिदा दिइएको उनले बताए ।
त्यसमध्ये बारपाकमा मात्रै ७२ जनाले ज्यान गुमाएका थिए । भूकम्पमा २२ हजार ३०९ जना घाइते भएका थिए । भूकम्पले गोरखासहित १४ जिल्ला अतिप्रभावित र ३१ जिल्लामा क्षति पुर्याएको थियो ।
Banner
कतारका राजाले गरे नेपाली श्रमिकको प्रशंसा
नेपाल भ्रमणमा रहेका कतारका राजा शेख तमिम बिन हमाद अल थानीले कतारको विकासमा नेपाली श्रमिकको भूमिका उच्च रहेको भन्दै प्रशंसा गरेका छन् ।
प्रधानमन्त्री पुष्पकमल दाहाल प्रचण्डसँग बुधबार भएको द्विपक्षीय भेटवार्तामा कतारका अमिर थानीले नेपालको प्रशंसा गर्दै आगामी दिनमा थप रोजगारी उपलब्ध गराउने प्रतिबद्धता समेत जनाएका थिए । साथै उनले नेपालका श्रमिकको सिप अभिवृद्धि गर्न पनि सहयोग गर्ने प्रतिवद्धता जनाएको प्रधानमन्त्री प्रचण्डको सचिवालयले जनाएको छ ।
‘नेपालको तर्फबाट नेपालमा लगानीका लागि अनुकुल परिस्थिति बन्दै गएको छ र त्यो सामर्थ्य कतारसँग भएकाले आमन्त्रण गर्न चाहन्छौं,’ उनले भने ।
Banner
नोवेल मेडिकल कलेज टिचिङ्ग हस्पिटलको निःशुल्क मुटु परीक्षण अभियान
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login