स्थानीय तह
दलहरूको सक्रियता, चुनावी सरगर्मी बढ्याे, यी हुन् सुन्दरहरैंचामा मेयर पदका आकांक्षी
विराटचोकः सरकारले वैशाख ३० गते स्थानीय तहको निर्वाचन गर्नेगरी सक्रियता बढाएसँगै दलहरूको चुनावी सरगर्मी पनि ह्वात्तै बढेको छ ।
मोरङको सुन्दरहरैंचा नगरपालिकामा विशेषगरी प्रमुख राजनीतिक दल नेकपा एमाले, नेपाली कांग्रेस, नेकपा माओवादी केन्द्र र नेकपा एकीकृत समाजवादी लगायतका दलहरुले चुनावकेन्द्रित गतिविधि बढाउन थालेका छन् ।
गत स्थानीय तहको निर्वाचनमा मेयर पदमा नेपाली कांग्रेसबाट शिवप्रसाद ढकालले १६ हजार ८ सय २२ मत ल्याई प्रतिद्वन्द्वी नेकपा एमालेका उम्मेद्वार केदारप्रसाद गुरागाईलाई ९ सय ६८ मतान्तरले हराएका थिए । यो हारलाई मलमपट्टी लगाउन पनि यस पटक नेकपा एमालेले मेयर पदमा जित्ने रणनीतिका साथ विभिन्न विभाग निर्माण तथा टोल कमिटी विस्तारलाई तीव्रता दिएको छ ।
नेपाली कांग्रेसले पनि निर्वाचन लक्षित पार्टी प्रवेश कार्यक्रम सक्रियताका साथ गर्दै आएको छ । नेकपा माओवादी केन्द्र र नेकपा एकीकृत समाजवादी पनि कमिटी बिस्तारमा सक्रिय रुपमा लागेका छन् ।
एमालेबाट मेयर पदका लागि सम्भावित उम्मेद्वारमा प्रदेश सभा सदस्य पूर्व राज्यमन्त्री राजकुमार ओझा, प्रदेश कमिटी सदस्य अजम्बर राई, केदार गुरागाई, सुरेन्द्रबहादुर थापा, १२ नम्बर वडाका अध्यक्ष रोशनप्रसाद ढकालको नाम चर्चामा छ । ओझा भने आफैँ उम्मेद्वारी घोषणा नगर्ने तर पार्टीले जिम्मेवारी दिए पहिलेको हारलाई जीतमा बदल्ने तयारीमा रहेको बताउने गरेको उनी निकटस्थले बताउने गरेका छन् ।
नेपाली कांग्रेसबाट अहिलेका मेयर शिवप्रसाद ढकालका साथै नगर सभापति भक्तिप्रसाद सिटौला, क्षेत्रीय सभापति देवराज तामाङ आकांक्षी रहेको बुझिएको छ । क्षेत्रीय सभापति तामाङले शनिबार प्रजातन्त्र दिवसको अवसरमा आयोजित कार्यक्रममा मेयर पदको लागि आफ्नो उम्मेद्वारी घोषणा गरिसकेका छन् ।
यसैगरी, नेकपा माओवादी केन्द्रबाट प्रदेश कमिटी सदस्य नवराज चापागाई, लता न्यौपाने, रचना राई, नगर कमिटी अध्यक्ष दुष्यन्त भट्टराईको नाम चर्चामा रहेको छ ।
एकीकृत समाजवादीबाट पनि मेयरमा संविधानसभा सदस्य चन्द्रवहादुर गुरूङ तथा नगर कमिटी अध्यक्ष तथा जिल्ला कमिटी सचिवालय सदस्य महेश आचार्य आकांक्षी रहेको बुझिएको छ ।
मोरङको दोस्रो धेरै जनसंख्या भएको यस पालिकामा २०७७ साल पुस सम्मको तथ्याङ्क अनुसार ६६ हजार १ सय जना मतदाता रहेका छन् । यस पालिकाको २०७८ सालको जनगणना अनुसार प्रारम्भीक जनसंख्या १ लाख २१ हजार ३ यस ५ रहेको छ ।
१२ वटा वडामा विभाजीत यस पालिकाको वडा नम्बर १ मा ५ हजार ४ सय ३२, वडा नम्बर २ मा ४ हजार ९ सय ९८, वडा नम्बर ३ मा ५ हजार ४१, वडा नम्बर ४ मा ५ हजार २ सय १०, वडा नम्बर ५ मा ५ हजार १ सय १८, वडा नम्बर ६ मा ६ हजार १ सय १५, वडा नम्बर ७ मा ५ हजार ८ सय ८०, वडा नम्बर ८ मा ४ हजार ५ सय ६५, वडा नम्बर ९ मा ६ हजार १ सय ३०, वडा नम्बर १० मा ६ हजार ८ सय २४, वडा नम्बर ११ मा ६ हजार ७५ र वडा नम्बर १२ मा ४ हजार ७ सय १२ जना मतदाता रहेका छन् ।
साबिक कोशीहरैचा र सुन्दरदुलारी नगरपालिका समायोजन भएर बनेको यस नगरपालिकामा संघीय निर्वाचन क्षेत्र नम्बर ३ र ६ पर्दछ ।
Facebook Comment
ज्ञानज्योती इङ्लिश स्कुलको २८औँ वार्षिक उत्सव तथा अभिभावक दिवस भव्य रूपमा सम्पन्न भएको छ।
कार्यक्रमका अवसरमा शिक्षा क्षेत्रमा योगदान पुर्याएका दुई जना शिक्षा सेवि तथा पाँच जना सञ्चारकर्मीलाई सम्मान गरिएको थियो। शिक्षा सेवितर्फ पञ्चायत माध्यमिक विद्यालयका पूर्व प्रधानाध्यापक टोम बहादुर श्रेष्ठ र पूर्व शिक्षक लक्ष्मी खरेल सम्मानित हुनुभयो। त्यसैगरी सञ्चारकर्मीतर्फ शिव भट्टराई, भोजपुरे, खेमचन्द्र अधिकारी, ग्याननाथ ढकाल, मनिराम दाहाल र लीलानाथ गच्छेदारलाई सम्मान गरिएको थियो।
उत्सवमा विद्यालयका विद्यार्थीहरूले एजुकेशनल एक्जिबिशन, विभिन्न प्रदर्शनी, नाटक, नृत्य तथा गायन प्रस्तुत गर्दै आफ्नो प्रतिभा प्रदर्शन गरेका थिए। विद्यार्थीहरूको सक्रिय सहभागिताले कार्यक्रमलाई थप आकर्षक बनाएको थियो।
विद्यालयकी प्रधानाध्यापिका देवी सिटौलाको अध्यक्षतामा सम्पन्न कार्यक्रममा नगर उपप्रमुख अकली देवी चौधरी प्रमुख अतिथिका रूपमा उपस्थित हुनुहुन्थ्यो। कार्यक्रममा जनप्रतिनिधि, समाजसेवी, विद्यालय व्यवस्थापन समिति, अभिभावक तथा स्थानीयवासीहरूको उल्लेखनीय उपस्थिति रहेको थियो।
कार्यक्रमले विद्यार्थीहरूको क्षमता अभिवृद्धि गर्नुका साथै शिक्षा र सहकार्यको महत्व उजागर गरेको विद्यालयले जनाएको छ।
प्रतिनिधि सभा निर्वाचनबाट समानुपातिकतर्फ सांसद बनेकाहरुले भोलि बिहीबार निर्वाचन आयोगमामार्फत प्रमाणपत्र पाउने भएका छन् । आयोगले बिहीबार समानुपातिकतर्फका कुल ११० सांसदलाई प्रमाणपत्र दिने भएको हो ।निर्वाचन आयोगका अनुसार, निर्वाचित सांसदहरुले प्रमाणपत्र पाएपछि आगामी चैत्र १२ गते सपथको तयारी गरिएको हो । त्यसपछि मात्र सरकार गठन हुनेछ ।
अमेरिका र इजरायलले २८ फेब्रुअरीमा इरानमाथि आक्रमण सुरु गरेयता करिब २०० अमेरिकी सैनिक घाइते भएका छन् । अमेरिकी सेनाको मध्य कमान्डका प्रवक्ता टिम हकिंसले सोमबार यसबारे जानकारी दिएका हुन् ।
हकिंसका अनुसार घाइते सैनिकहरू बहराइन, इराक, इजरायल, जोर्डन, कुवेत, साउदी अरेबिया र संयुक्त अरब इमिरेट्समा घटनामा परेका हुन् । तीमध्ये १० जना सैनिक गम्भीर घाइते भएका छन् भने बाँकी १८० भन्दा बढी उपचारपछि फिर्ता जिम्मेवारीमा फर्किएका छन् ।
साथै, पश्चिमी इराकमा अमेरिकी के–सी– १३५ इन्धन आपूर्ति विमान दुर्घटना भएको थियो । यस दुर्घटनापछि अमेरिकी सेनामा मृत्यु हुने संख्या १३ पुगेको छ ।
यो घटनाले अमेरिकी–इजरायली आक्रमणका कारण क्षेत्रीय तनाव र मानवीय चुनौतीहरू अझ बढेको देखाएको छ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login