समाचार
सुन्दरहरैंचाका करदाताले अनलाइनबाटै भुक्तानी गर्न मिल्ने, सोमबारदेखि सेवा शुरु
विराटचोकः मोरङको सुन्दरहरैंचा नगरपालिकाले अनलाइनबाटै कर तिर्न मिल्ने गरी सेवा सञ्चालनमा ल्याएको छ । सेवाग्राहीहरुले घरमै बसेर डिजिटल प्रविधिबाट भुक्तानी सेवा प्रदायक कम्पनी इ–सेवाबाट कर तिर्न मिल्ने सेवा नगरले सञ्चालनमा ल्याएको हो । ।
सोमबार सुन्दरहरैंचा नगरपालिकामा एक कार्यक्रम आयोजना गरी इ सेवाबाट नगरप्रमुख शिवप्रसाद ढकालले आफ्नो सम्पत्ति कर तिरेर सेवाको उद्घाटन गरेका छन् ।
कार्यक्रममा बोल्दै नगरपालिकालाई तिर्नुुपर्ने कर, शुल्क वा दस्तुर बापतको रुकम अनलाइन माध्यमबाट सहज तरिकाले तिर्न मिल्ने भएकाले यो सेवा सञ्चालनमा ल्याएको उनले बताए । अनलाइन माध्यमबाट सेवा शुल्क तिर्ने व्यवस्था मिलाउने मोरङमा सुन्दरहरैंचा नै पहिलो पालिका भएको नगरपालिकाले जनाएको छ ।
यो प्राविधिबाट सम्पत्ति कर, व्यवसाय कर, घरबहाल कर, सिफारिश दस्तुरलगायत स्थानीय सरकार सञ्चालन ऐन २०७४ ले स्थानीय तहलाई तोकिएका सबै प्रकारका कर शीर्षक अन्तर्गत रहेका करहरु तिर्न मिल्ने बताइएको छ ।
यसलाई https://eservice.sundarharaichamun.gov.np/ मा गएर करदाता पोर्टल लगइन गरेर नयाँ प्रयोगकर्ताले आफैँ आइडी बनाउनुु पर्ने हुन्छ । त्यपछि आफ्नो विवरण अध्यावधिक गरेपछि कर मूल्याङ्कन भएको रकम प्राप्त हुने छ र सो रकम इसेवाबाट भुुक्तानी गर्न सकिने नगरपालिकाले जनाएको छ ।
कार्यक्रममा नगरप्रमुख शिवप्रसाद ढकाल, उपप्रमुख धनमाया तामाङ, प्रमुुख प्रशासकीय अधिकृत विनोद भट्टराई वडा अध्यक्ष रोशनप्रसाद ढकाल, शैलेन्द्र श्रेष्ठलगायतको उपस्थिति रहेको थियो ।
Facebook Comment
Banner
इजरायल र हमासबीच गाजामा युद्ध शुरु भएको दुईसय दिन नाघ्यो, पछिल्लो समय आक्रमण तीव्र
गाजामा इजरायल र प्यालेस्टाइनबीच युद्ध शुरु भएको दुई सय दिनभन्दा बढी भइसकेको छ । पछिल्लो हप्ताहरूमा, इजरायलले यस युद्धको अवधिमा गाजामा सबैभन्दा ठूलो आक्रमण गरेको बीबीसीले जनाएको छ । गाजाको उत्तरी क्षेत्रमा धेरैजसो बम विष्फोट भएको छ । इजरायली सेनाका प्रवक्ताका अनुसार दक्षिणी गाजामा सैन्य पर्यवेक्षण चौकी र मिसाइल प्रक्षेपण पोष्टहरू सहित २५ वटा क्षेत्रलाई निशाना बनाइएको छ ।
यसैबीच पछिल्लो समय इजरायलमा आक्रमण तीव्र पारेको लेबनानी सङ्गठन हिजबुल्लाहले आफ्ना दुई सदस्यको मृत्यु भएको जानकारी दिएको छ । कतारले हमास र इजरायलबीच युद्धविरामका लागि प्रयास गरिरहेको छ । कतारमा हमासको राजनीतिक कार्यालय पनि छ ।
Banner
७२ सालको भूकम्पको स्मृतिमा बारपाकमा आज सार्वजनिक बिदा
गोरखाको बारपाक केन्द्रबिन्दु भएर गएको ‘गोरखा भूकम्प’ स्मृति दिवसका अवसरमा आज बारपाक सुलिकोट गाउँपालिकामा सार्वजनिक बिदा दिइएको छ ।
२०७२ वैशाख १२ गते गएको ७.८ रेक्टरस्केलको विनाशकारी भूकम्पमा परी ज्यान गुमाएकाहरूको स्मृतिमा सार्वजनिक बिदा दिइएको गाउँपालिकाका अध्यक्ष विष्णुप्रसाद भट्टले जानकारी दिए । मंगलबार बसेको गाउँकार्यपालिको बैठकको निर्णयअनुसार पालिकाभित्र सार्वजनिक बिदा दिइएको उनले बताए ।
त्यसमध्ये बारपाकमा मात्रै ७२ जनाले ज्यान गुमाएका थिए । भूकम्पमा २२ हजार ३०९ जना घाइते भएका थिए । भूकम्पले गोरखासहित १४ जिल्ला अतिप्रभावित र ३१ जिल्लामा क्षति पुर्याएको थियो ।
Banner
कतारका राजाले गरे नेपाली श्रमिकको प्रशंसा
नेपाल भ्रमणमा रहेका कतारका राजा शेख तमिम बिन हमाद अल थानीले कतारको विकासमा नेपाली श्रमिकको भूमिका उच्च रहेको भन्दै प्रशंसा गरेका छन् ।
प्रधानमन्त्री पुष्पकमल दाहाल प्रचण्डसँग बुधबार भएको द्विपक्षीय भेटवार्तामा कतारका अमिर थानीले नेपालको प्रशंसा गर्दै आगामी दिनमा थप रोजगारी उपलब्ध गराउने प्रतिबद्धता समेत जनाएका थिए । साथै उनले नेपालका श्रमिकको सिप अभिवृद्धि गर्न पनि सहयोग गर्ने प्रतिवद्धता जनाएको प्रधानमन्त्री प्रचण्डको सचिवालयले जनाएको छ ।
‘नेपालको तर्फबाट नेपालमा लगानीका लागि अनुकुल परिस्थिति बन्दै गएको छ र त्यो सामर्थ्य कतारसँग भएकाले आमन्त्रण गर्न चाहन्छौं,’ उनले भने ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login