विचार
विदेश यात्रा गर्नेहरुको अवस्था विमानस्थलमा एक घण्टा नियाल्दा
हालै त्रिभुवन विमानस्थलमा १ घण्टा बिताउँदा विदेश जाने नेपाली र उनीहरुका आफन्तको अवस्था र प्रतिक्रिया अवलोकन गर्ने निर्णय गरेँ । सोही क्रममा विमानस्थलबाट विदेश यात्रा गर्ने नेपालीहरुका सम्बन्धमा एकघण्टा अवलोकन गर्दा लगभग तीन प्रकारको समूह देखेँ ।
१. उच्च शिक्षा अध्ययनका लागि जाने (लगभग १८ –२४ वर्ष उमेर समूह)
२. वैदेशिक रोजगारीका लागि जाने (लगभग १८ –४० वर्ष उमेर समूह)
३. विदेशमा रहेका आफ्ना छोराछोरी ÷ नातिनातिनालाई भेट्न र घुम्न जाने (लगभग ५० वर्ष माथिको उमेर समूह)
पहिलो नम्बर समूहका युवाहरू स्मार्ट देखिन्छन् । जोश छ, अलिकति कौतुहल छ, भविष्यप्रतिको आशा छ । कतिबेला उडौँ र गन्तव्यमा पुगौँ भन्ने छ । अलि अस्थिर र हतार देखिन्छ्न् । उनीहरुलाई बिदाइ गर्न आएका अभिभावक खासै भावुक देखिएनन् ।
तेस्रो नम्बर समूहका पनि खुशी देखिन्छन् । यात्राका ट्रान्जिट र गन्तव्यमा पुग्न भाषागत कठिनाइ बाहेक अन्य समस्या देखिँदैन । कतिबेला पुग्ने र आफन्तसँग भे्घाट गर्ने भन्ने उत्सुकतामा देखिए ।
दोस्रो समूहका व्यक्तिहरुको पीडा हेर्न र व्यक्त गर्नै कठिनाइ देखियो । गर्भवती श्रीमती, काखको सानो बच्चाका साथमा रहेकी श्रीमती, स्कुल पढ्दै गरेका स–साना छोराछोरी र पाका उमेरका बा÷ आमाको रुवाईको दृश्य निकै नै कारुणिक र भावुक थियो ।
आफू रुन पनि नसक्ने, रोइरहेकालाई फकाउन पनि नसक्ने, जिम्मेवारीको बोझले थिचिएका, परिवारलाई रोएको नदेखाउन आँशु भित्रभित्रै पचाइरहेका देखिए । उनीहरु ओठ टोक्दै सबै पीडा सहेर निन्याउरो अनुहार पारी परिवार भएतिर नफर्कीकन सुट्केस गुट्काउँदै भित्र पस्थे । यस्ता युवाहरुको ताँतीको दृश्यले आफूलाई पनि रुवायो र आँशु पुछ्न बाध्य बनायो ।
देशका नीति निर्माताहरुले यस्ता दृश्य देखेका छन् कि छैनन् होला ?
Facebook Comment
मोरङ क्षेत्र नम्बर ६ मा राष्ट्रिय स्वतन्त्र पार्टी (रास्वपा) की उम्मेदवार रुबिना आचार्य विजयी भएकी छिन् ।
उनी ५५ हजार ५१३ मतसहित विजयी भएकी हुन् । उनका निकटतम प्रतिस्पर्धी डा. शेखर कोइरालाले १२ हजार ८५० मत प्राप्त गरेका छन् ।
काठमाडौं क्षेत्र नम्बर ८ मा राष्ट्रिय स्वतन्त्र पार्टीका उम्मेदवार विराजभक्त श्रेष्ठले भारी मतान्तरसहित सुरुवाती अग्रता लिएका छन् ।
बिहीबार भएको मतदानपछि जारी मतगणनामा उनले १७२४ मत प्राप्त गरेका छन् ।
त्यस्तै, कांग्रेस उम्मेदवार सपनाराज भण्डारीले २०७, नेपाली कम्युनिस्ट पार्टीका सुमन सायमीले १५४ र नेकपा एमालेका राजेश शाक्यले ११५ मत प्राप्त गरेका छन् ।
नवयुवाको आन्दोलनपछिको विशेष परिस्थितिमा हुन लागेको प्रतिनिधिसभा सदस्य चुनाव अन्तर्गत आज मतदान हुँदैछ । देशभरका मतदान केन्द्रमा बिहान ७ बजेदेखि बेलुकी ५ बजेसम्म एकै चरणमा मतदान हुनेछ ।
मतदानको लागि मतदाता उत्साहित भएका छन् । मतदान गर्नकै लागि धेरैजना गाउँघर पुगेका छन् । कतिपय विदेशबाटसमेत फर्किएका छन् । देश सङ्घीय लोकतान्त्रिक गणतन्त्रमा प्रवेश गरेपछि भएको प्रतिनिधिसभाको यो तेस्रो चुनाव हो ।
यसअघि २०७४ र २०७९ सालमा चुनाव भएको थियो । ‘पहिलो हुने निर्वाचित हुने निर्वाचन प्रणाली’को हो । प्रत्यक्षतर्फ ६१ वटा चुनाव चिह्नमा ६५ वटा राजनीतिक दलले प्रतिस्पर्धा गर्दैछन् । प्रत्यक्षतर्फ तीन हजार १७ पुरुष, ३ सय ८८ महिला र एक अन्य गरी तीन हजार ४ सय ६ उम्मेदवार चुनावी प्रतिस्पर्धामा छन् ।
यस्तै, समानुपातिक निर्वाचन प्रणालीतर्फ १ हजार ३ सय ६३ पुरुष र १ हजार ७ सय ७२ महिला गरी ३ हजार १ सय ३५ उम्मेदवार प्रतिस्पर्धामा छन् । यस पटकको चुनावमा ९६ लाख ६३ हजार ३ सय ५८ पुरुष, ९२ लाख ४० हजार १ सय ३१ महिला र २ सय अन्य गरी १ करोड ८९ लाख ३ हजार ६ सय ८९ जना मतदाता छन् ।
यस्तै, १ लाख ८६ हजार १ सय ४२ अस्थायी मतदाता कायम भएको निर्वाचन आयोगले जनाएको छ । देशभर १० हजार ९ सय ६७ मतदानस्थलमा २३ हजार १ सय १२ मतदान केन्द्र निर्धारण गरिएका छन् । यस्तै, १ सय ४३ अस्थायी मतदानस्थल तय गरिएका छन् ।
ज्येष्ठ नागरिक, अपाङ्गता भएका व्यक्ति तथा अशक्त र गर्भवतीलगायतलाई सहज मतदानका लागि प्राथमिकता दिने व्यवस्था गरिएको निर्वाचन आयोगले जनाएको छ ।
चुनावी सुरक्षाका लागि ७९ हजार ७ सय २७ नेपाली सेना, ७५ हजार ७ सय ९७ नेपाल प्रहरी, ३४ हजार ५ सय ६७ सशस्त्र प्रहरी बल, १ हजार ९ सय २१ राष्ट्रिय अनुसन्धान र १ लाख ४९ हजार ९० निर्वाचन प्रहरी खटिएका छन् ।
यस्तै चुनाव गराउन २ लाख १५ हजार कर्मचारी खटिँदैछन् । यसपटकको चुनावमा चार अन्तरराष्ट्रिय र ३९ राष्ट्रिय संस्था पर्यवेक्षणमा खटिएका छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login