Connect with us
Advertisement

पूर्वाञ्चल लिटिल स्टारको चौथो संस्करणअन्तर्गत मंसिर १० देखि पहिलो अडिसन

Published

on

इटहरीः बालबालिकाको सौन्दर्य र क्षमता प्रष्फुटनमा आधारित सौन्दर्य प्रतियोगिता ‘पूर्वाञ्चल लिटिल स्टार’ को चौथो संस्करण हुने भएको छ । साईमन फिल्म्स एन्ड इन्टरटेन्मेन्ट मुम्बईको प्रस्तुति तथा ओजस फिल्म्स प्रालिको आयोजनामा हुने यो प्रतियोगितालाई राठी केवलले मुख्य प्रायोजन गर्ने भएको छ ।

प्रतियोगिताको पहिलो अडिसन मंसिर १० गते शनिबार बिर्तामोडको शनिश्चरे रोडमा अवस्थित सरगम संगीतालयमा दिउँसो १ बजेदेखि ५ बजेसम्म हुने भएको छ । बालबालिकाहरुको सौन्दर्यसँगै क्षमता अभिवृद्धि तथा भित्री कलालाई बाहिर ल्याउने र सबैमाझ प्रस्फुटन गर्ने मुख्य उद्देश्यले प्रतियोगिता हुन लागेको हो । अयोजक संस्थाका प्रतिनिधि साईमन राजवंशीका अनुसार प्रतियोगितामा ७ देखि १५ वर्ष उमेर समूहका बालबालिका सहभागी हुनेछन् ।

बालबालिकाहरुको ब्युटी प्याजेन्ट आयोजना गर्ने कम्पनीको रुपमा परिचित ‘साइमन फिल्म्स एण्ड इन्टरटेन्मेन्ट मुम्बई’ले यसअघि ‘पूर्वाञ्चल लिटिल स्टार’ को ३ ओटा संस्करण सम्पन्न गरिसकेको छ । यही कम्पनीबाट ‘फ्लायर्स फिल्म अवार्ड’ आयोजनाको पनि घोषणा गरिएको छ । हाल गर्न लागिएको ‘पूर्वाञ्चल लिटिल स्टार’ को चौथो संस्करणमा आवेदन फारम ५०० तथा तालिम शुल्क १५ हजार तोकिएको छ । सहभागी हुन इच्छुकका लागि आवेदन खुल्ला भएको आयोजकले जनाएको छ ।

विजेता तथा उप–विजेताहरुले ३ लाख रुपैयाँको लागतमा बन्ने हिन्दी गीतको म्युजिक भिडियोमा फिचर्ड हुने मौका समेत पाउने भएका छन् । विजयीलाई अन्य आकर्षक पुरस्कार तथा अवार्ड र क्राउन प्रदान गरिने आयोजकले जनाएको छ । यसमा तेस्रो संस्करणका सहभागीहरुलाई पनि फिचर्ड गराइने साइमनको भनाइ छ ।

सो गीत भारतको सारेगमप लिटिल च्याम्प्समा पुगेर तहल्का पिटेका बालगायक प्रीतम आचार्यले गाएका छन् । भिडियोको केही प्रतिशत छायाङ्कन पनि भइसकेको छ । ‘पूर्वाञ्चल लिटिल स्टार’को कोरियोग्राफरको रुपमा अशिमा दूतराज रहने भएकी छिन् । उनी फेसन मोडल हुन् भने पूर्वाञ्चल लिटिल स्टारको यसअघिका सम्पूर्ण संस्करणको कोरियोग्राफी गरेकी व्यक्ति हुन् । यो कार्यक्रमको निर्देशक साईमन नेपाली तथा भोजपुरी म्युजिक भिडियो उद्योगमा चिनिएका कोरियोग्राफर हुन् । थुप्रै नेपाली फिल्मका गीतहरुमा समेत कोरियोग्राफी गरेका उनले हिन्दी गीतहरुमा पनि कोरियोग्राफी गरेका छन् । उनको बलिउडमा जि टिभीको कोरियोग्राफर भएर काम गरेको अनुभव छ भने अभिजित शावन्त, प्रशान्त तामाङलगायतका सेलेब्रेटीसँग पनि काम गरेका छन् ।

‘पूर्वाञ्चल लिटिल स्टार’को अफिसियल भिडियोग्राफी पार्टनर ‘परिकला फोटोग्राफी’, फोटोग्राफी पार्टनर क प्रोडक्सन रहेको छ भने मिडिया कोअर्डिनेटर तथा अफिसियल भिडियोग्राफर सुवास श्रेष्ठ संकल्प रहेका छन् । डि थ्री अनलाइन, विशेष अनलाइन, सूर्योदय टेलिभिजन अफिसियल मिडिया पार्टनरको रुपमा रहेको छ । कार्यक्रम अवधिभरमा सहभागीहरुले कोरियोग्राफी तथा सौन्दर्यसम्बन्धी तालिम प्राप्त गर्नेछन् ।

त्यसैगरी फिनालेको समयमा आयोजकका तर्फबाट सम्पूर्ण सहभागीलाई ड्रेसको तयारी, ट्रेनिङ टि–सर्ट, प्रोफेसनल फोटोसुट, नृत्य तथा सङ्गीतको कक्षा, सेलेब्रेटीहरुसँग भेट, मोटिभेसनल, पर्सनालिटी डेभलपमेन्ट, मास–कम्युनिकेसन लगायतको अवसर प्रदान गरिने भएको छ । सहभागी सम्पूर्णलाई प्रमाणपत्र प्रदान गरिनुका साथै बन्न लागेको चलचित्र ‘प्रधान द लिडर’ खेल्ने मौका समेत दिइने भएको छ । आयोजकका अनुसार सो चलचित्र हिन्दी, नेपाली, भोजपुरी र राजवंशी भाषामा बन्ने भएको छ ।

 

Continue Reading

Facebook Comment

Click to comment

You must be logged in to post a comment Login

Leave a Reply

Banner

मदनकृष्ण श्रेष्ठ आफू विवादमा आएको बोलीप्रति भन्नुहुन्छ—

Published

on

मदनकृष्ण श्रेष्ठ आफू विवादमा आएको बोलीप्रति भन्नुहुन्छ— ” म भावुक मान्छे हु । आमा नभएको मान्छे भएर होला, श्रीमती गुमाएको देखि झनै भावुक छु । म सबै तीन करोड नेपालीलाई आफ्नो ठान्छु । म सबैको हित चाहने, कसैलाई नराम्रो नहोस् भने सोच्छौं । तर पनि सधैँ राम्रो नहुन सक्छ, हुँदैन पनि । मैले बोल्दा पूरा बोलिन, पछि पत्रकार भाई गएपछि पूरा गर्न पनि पाइन् । यसैले मैले जति बोले त्यो प्रति पश्चताप छ

Continue Reading

Banner

कोलकाताले चुम्यो तेस्रो पटक आइपिएलको उपाधि

Published

on

सनराइजर्स हैदरावादलाई पराजित गर्दै कोलकाता नाइट राइडर्सले १७औँ संस्करणको इन्डियन प्रिमियर लिग आइपिएलको उपाधि जितेको छ । आइतबार राति भएको फाइनलमा सनराइजर्स हैदरावादलाई ८ विकेटले पराजित गर्दै कोलकाताले उपाधि जितेको हो । कोलकाताको यो तेस्रो उपाधि हो ।

पछिल्लो पटक कोलकाताले सन् २०१४ को फाइनलमा किंग्स ११ पञ्जाबलाई ३ विकेटले पराजित गर्दै दोस्रो उपाधि जितेको थियो । त्यसभन्दा अगाडि सन् २०१२ मा चेन्नई सुपर किंग्सलाई ५ विकेटले पराजित गर्दै कोलकाताले पहिलो पटक आईपीएल उपाधि जितेको थियो ।
तेस्रो उपाधि जित्नेक्रममा हैदरावादले दिएको ११४ रनको लक्ष्य कोलकाताले १०.३ ओभरमा २ विकेट गुमाएर सहजै पूरा ग¥यो।
कोलकाता वेंकटेश अय्यरले अविजित रहँदै सर्वाधिक ५२ रन बनाए। २६ बल खेलेका उनले ४ चौका र ३ छक्का प्रहार गरे ।
रहमानउल्लाह गुरबाज ३९ र सुनील नारायण ६ रनमा आउट हुँदा कप्तान श्रेयस अय्यर ६ रनमा अविजित रहे। हैदरावादका प्याट कमिन्स र शाहबाज अहमदले १÷१ विकेट लिए ।
त्यसअघि चेन्नईमा टस जितेर पहिला ब्याटिङ थालेको हैदरावादले १८.३ ओभरमा सबै विकेट गुमाउँदै ११३ रन बनाएको थियो ।
हैदरावादका कप्तान प्याट कमिन्सले सर्वाधिक २४ रन बनाए । १९ बल खेलेका उनले २ चौका र १ छक्का प्रहार गरे ।
एडन मारक्रम २०, हाइनरिक क्लासन १६ र नितीशकुमार रेड्डी १३ रनमा आउट भए। आन्द्रे रसेलले सर्वाधिक ३ विकेट लिए । २.३ ओभर बलिङ गरेका उनले १९ रन खर्चिए ।

मिचल स्टार्क र हर्षित राणाले २÷२ विकेट लिए । यस्तै, वैभव अरोडा, सुनील नारायण र वरुण चक्रवर्तीको नाममा १÷१ विकेट लिए ।

Continue Reading

Banner

कोशी प्रदेश प्रहरी कार्यालय बिराटनगरलाई ४ थान बिधुतिय टेम्पो हस्तान्तरण

Published

on

प्रहरीलाई ४ थान बिद्युतिय टेम्पो हस्तान्तरण

 

कोशी प्रदेश प्रहरी कार्यालय बिराटनगरलाई शान्ति सुरक्षाको निम्ति परिचालन गर्न अटो सिटि बजाज सोरुम इटहरी सुनसरीका संचालक प्रदिप कुमार सन्थालियाले ४ थान बिद्युतिय टेम्पो प्रदान गर्नु भएको छ । १३ गते दिउँसो नेपाल प्रहरी राजमार्ग सुरक्षा तथा ट्राफिक ब्यबस्थापन कार्यालय ईटहरी सुनसरीमा आयोजित एक कार्यक्रमका बिच कार्यक्रमका प्रमुख अतिथि कोशी प्रदेश प्रहरी प्रमुख प्रहरी नायव महानिरीक्षक चन्द्र कुबेर खापुङलाई सन्थालियाले ४ थान बिद्युतिय टेम्पो हस्तान्तरण गर्नु भएको हो ।

कार्यक्रममा प्रदेश प्रहरी प्रमुख खापुङले कोशी प्रदेश प्रहरी कार्यालयलाई प्राप्त भएको उक्त बिद्युतिय टेम्पो ट्राफिक व्यवस्थापनका लागि नेपाल प्रहरी राजमार्ग सुरक्षा तथा ट्राफिक ब्यबस्थापन कार्यालय ईटहरीका प्रमुख प्रहरी उपरीक्षक सरोज पौडेललाई १ थान, समाजमा शान्ति सुरक्षा तथा अपराध नियन्त्रणका लागि परिचालन गर्न जिल्ला प्रहरी कार्यालय मोरङका प्रमुख प्रहरी उपरीक्षक नवराज कार्की, जिल्ला प्रहरी कार्यालय सुनसरीका प्रमुख प्रहरी उपरीक्षक बिपिन रेग्मी र नेपाल प्रहरी बिशेष सुरक्षा गण दुहवीका प्रमुख प्रहरी उपरीक्षक नारायण प्रसाद चिमरियालाई १/१ थान हस्तान्तरण गर्नु भएको हो ।

कार्यक्रममा प्रमुख अतिथि खापुङले प्रहरीलाई बिद्युतिय टेम्पो प्रदान गरी सहयोग गर्नु हुने सन्थालियालाई हार्दिक धन्यवाद दिनु हुँदै उक्त बिद्युतिय टेम्पो प्रहरीले शान्ति सुरक्षा तथा अपराध नियन्त्रण र ट्राफिक व्यवस्थापनका साथै समाजमा सचेतनामुलक कार्यक्रम संचालन गर्न नियमितरुपमा प्रयोग गरीने बताउनु भयो ।

कार्यक्रममा समाजसेवी सन्थालियाले समाजमा शान्ति सुरक्षा प्रदान गर्न अहोरात्र खटिदा सुरक्षाकर्मीलाई सहजता मिलोस भनेर उक्त बिद्युतिय टेम्पो आफुले प्रदान गरेको बताउनु भयो ।

उक्त कार्यक्रममा सुनसरी जिल्लाका प्रमुख जिल्ला अधिकारी जय नारायण आचार्य, कोशी प्रदेश प्रहरी कार्यालय बिराटनगरका प्रहरी बरिष्ठ उपरीक्षक जयराज सापकोटा, प्रहरी अधिकृत लगायत ट्राफिक प्रहरी कर्मचारीहरुको साथै संचारकर्मीहरुको समेतको उपस्थिति रहेको थियो ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक