समाचार
नेपालको पासपोर्ट शक्तिशाली पासपोर्टको सूचीमा १०१ औँ स्थानमा
विराटचोकः हेन्ली एण्ड पार्टनरले ‘अन अराइभल भिसा’ का आधारमा हालै सार्वजनिक गरेको विश्वका पासपोर्टको स्थान (र्याङकङि) मा नेपालको पासपोर्ट १०१ औं स्थानमा परेको छ ।
हेन्ली एण्ड पार्टनरले हरेक वर्ष विश्वका पासपोर्टको र्याङकङि गर्ने गर्छ । सन् २०१९ मा नेपाल अघिल्लो वर्ष झैँ १०१ औँ स्थानमा यथावत् रहेको हो । तर, नेपालको र्याङकङि यथावत् रहे पनि शक्ति भने घटेको छ । सन् २०१८ मा १०१ औँ स्थानमा नै रहे पनि ४० ओटा देशले नेपालको पासपोर्टलाई अन अराइभल भिसा दिने गर्थे । सन् २०१९ मा भने ३८ देशले मात्रै नेपालको पासपोर्टलाई मान्यता दिएका हुन् । अर्थात् नेपालको पासपोर्ट बोकेर संसारका ३८ ओटा देशमा मात्रै जान पाइन्छ ।
संसारका १९९ देशका पासपोर्टलाई समेटेर सो इन्डेक्स तयार पारिएको हो । सो इन्डेक्सका अनुसार सबैभन्दा शक्तिशाली पासपोर्ट भने जापान र सिंगापुरको रहेको छ । ती दुई देशका पासपोर्ट बोकेर संसारका १९० देशमा जान सकिन्छ । त्यस्तै, दोस्रो स्थानमा रहेका दक्षिण कोरिया, जर्मनी र फिनल्याण्डको पासपोर्टलाई १८८ देशले मान्यता दिएका छन् ।
तेस्रो स्थानमा रहेका डेनमार्क, लक्जम्वर्ग र इटलीलाई १८७ देशले मान्यता दिएका छन् । चौथो स्थानमा फ्रान्स, स्वीडेन र स्पेन, पाँचौँ स्थानमा अस्ट्रिया, नेदरल्याण्ड र पोर्चुगलका पासपोर्ट परेका छन् ।
छैटौं स्थानमा ८ ओटा देशका पासपोर्ट परेका छन् । नर्वे, स्वीटजरल्याण्ड, बेलायत, अमेरिका, बेल्जियम, क्यानडा, ग्रीस र आयरल्याण्ड परेका छन् । सातौँ स्थानमा चेक रिपब्लिक र माल्टा, आठौं स्थानमा न्युजिल्याण्ड, नवौँ स्थानमा अस्ट्रेलिया, लिथुनिया र स्लोभाकिया तथा दशौँ स्थानमा आइसल्याण्ड, हंगेरी, लाटभिया र स्लोभानियाका पासपोर्ट परेका छन् ।
यी हुन् नेपालको भन्दा कमजोर पासपोर्ट भएका देश
नेपालको भन्दा कमजोर पासपोर्ट भएका देश जम्मा ९ ओटा मात्रै छन् । सबैभन्दा कमजोर पासपोर्ट भने अफगानिस्तानको रहेको छ । अफगानिस्तानको पासपोर्ट नेपालको भन्दा ६ स्थान तल १०७ औं स्थानमा रहेको छ। अफगानिस्तानको पासपोर्ट बोकेर विश्वका २५ देशमात्र जान सकिन्छ । सबैभन्दा कमजोर पासपोर्टको सूची हेर्दा अफगानिस्तानपछि इराक देखिन्छ । इराकको पासपोर्टलाई २७ देशले मान्यता दिएका छन् । सिरियाको पासपोर्टलाई २९, सोमालिया र पाकिस्तानको पासपोर्टलाई ३१ तथा यमनको पासपोर्टलाई ३३ देशले मान्यता दिएका छन् । सुडान, लिबिया र प्यालेस्टाइनको पासपोर्टलाई ३७ देशले मान्यता दिएका छन् । यी पासपोर्ट नेपालको भन्दा कमजोर देखिएका छन् । छिमेकी राष्ट्र चीन ७२ औँ स्थानमा रहेको छ । ७१ देशमा चीनको पासपोर्टको पहुँच छ । ८२ औँ स्थानमा रहेको भारतलाई भने ५९ देशले अन अराइभल भिसा दिँदै आएका छन् ।
Facebook Comment
चन्द्रमामा सोचेभन्दा धेरै पानी रहेको पाइएकाे छ । भारतीय अन्तरिक्ष अनुसन्धान संस्था (इसरो) ले गरेको अध्ययनअनुसार चन्द्रमामा पाँचदेखि आठ गुणा बढी पानी रहेको पाइएको हो । अध्ययनले चन्द्रमाको सतहमुनि धेरै बरफ रहेको र यसलाई आवश्यकताअनुसार निकाल्न सकिने देखाएको भारतीय सञ्चारमाध्यम टाइम्स अफ इन्डियाले जनाएको छ ।
अनुसन्धान संस्था इसरोको स्पेस एप्लिकेशन सेन्टर, आईआईटी कानपुर, युनिभर्सिटी अफ सदर्न क्यालिफोर्निया, जेट प्रोपल्सन ल्याबोरेटरी र आईआईटी–आईएसएम धनबादका वैज्ञानिकहरूले संयुक्त रूपमा यो अध्ययन गरेका खबरमा उल्लेख छ ।
अध्ययनले चन्द्रमाको दुवै ध्रुवमा हिउँको मात्रा पहिलेको अनुमानभन्दा बढी रहेको पत्ता लगाएको छ । इसरोका अनुसार चन्द्रमाको उत्तरी ध्रुवमा दक्षिण ध्रुवको तुलनामा दोब्बर बरफ छ । सतहबाट बरफ बाहिर निकाल्न सकेमा चन्द्रमामा पुग्ने मानिसहरू लामो समयसम्म त्यहाँ रहन सक्ने भन्दै इसरोले यसबाट विश्वका धेरै अन्तरिक्ष एजेन्सीहरू लाभान्वित हुने बताएको छ ।
Banner
नेपाल आयल निगमले डिजेल र मट्टितेलको मूल्य घटाएको छ । डिजेल र मट्टितेलको मूल्य प्रतिलिटर दुई रुपैयाँले घटाएको हो ।
-
अर्थ4 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years agoसाउनदेखि कुन तहका कर्मचारीको कति तलब ?
-
खेलकुद4 years agoरंगशालाको अवलोकन
-
मुख्य4 years agoशेयर बजारमा झिनो अंकको गिरावट
-
अर्थ4 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login