कला / साहित्य
सुन्दरहरैंचामा देशकै पहिलो मुक्त रङ्गमञ्च बन्दै, बुधबार महानायक राजेश हमालले शिलान्यास गर्ने
विराटचोकः ग्रामीण भेगका मानिसले निःशुल्क नाटक हेर्न सकून् भन्ने उद्देश्यले मोरङको सुन्दरहरैंचामा मुक्त रङ्गमञ्च बन्ने भएको छ । शिल्पी थिएटरका निर्देशक घिमिरे युवराजको परिकल्पनामा हुने रङ्गमञ्च ३ महिनाभित्र तयार हुने भएको छ । रङ्गमञ्चको शिलान्यास बुधबार महानायक राजेश हमालले गर्ने भएका छन् ।
घिमिरेका अनुसार देशकै पहिलो सो मुक्त रङ्गमञ्च ५ कठ्ठा जमिनमा बन्नेछ । सो रङ्गमञ्चमा मञ्चन हुने नाटक दर्शकले निःशुल्क हेर्न पाउनेछन् । ३ महिनाभित्रमा मुक्त रङ्गमञ्च बनिसक्ने र साँझ पर्नुभन्दा अघिको समयमा मुक्त रङ्गमञ्चमा नाटक मञ्चन गरिने उनले जानकारी दिए ।
‘खुला रङ्गमञ्चको अभ्यास संसारभर छ । यसमा टिकट काटिँदैन,’ फोन सम्पर्कमा घिमिरेले भने, ‘ग्रामीण समाजका दर्शकसँग टिकट काट्ने पैसा हुँदैन । टिकट नकाटेपछि नाटक हेर्न पर्खालले छेकिदिन्छ अर्थात् चौघेराभित्र नाटक मञ्चन हुन्छ तर मुक्त रङ्गमञ्चमा निःशुल्क नाटक हेर्न पाइन्छ ।’
निर्देशक घिमिरेका अनुसार मुक्त रङ्गमञ्चमा अर्धवृत्ताकारमा सिँढी निर्माण हुन्छ । तिनै सिँढीमा बसेर दर्शकले नाटक हेर्छन् । ग्रीकबाट शुरु भएको मुक्त रङ्गमञ्चको अभ्यास भारतका हरेक शहरमा रहेको घिमिरेले जनाए । थकित नगरवासीको थकान मेटाउन भारतका हरेक शहरमा साँझमा मुक्त रङ्गमञ्चमा नाटक देखाइने गरेको उनले बताए । सिर्जनात्मक गतिविधि हेरौँ भन्ने उद्देश्यले पनि भारतीय दर्शकहरु मुक्त रङ्गमञ्चमा जाने गरेको पाएको घिमिरेको अनुभव छ ।
सुन्दरहरैंचा–८ सलकपुरमा रहेको फुटबल चौरको उत्तरतर्फ बुधबार दिउँसो ३ बजे हुने शिलान्यास कार्यक्रमको उद्घाटन राजेश हमालले गर्ने भएका छन् । गायक सुगम पोखरेलको साङ्गीतिक प्रस्तुति पनि कार्यक्रममा रहने सुन्दरहरैंचा नाट्य केन्द्रका निरज न्यौपानेले जानकारी दिए ।
Facebook Comment
Banner
बालबालिकालाई आज र भोलि भिटामिन ‘ए’ र जुकाको औषधी खुवाइँदै
सरकारले ६ महिनादेखि ५ वर्ष मुनिका बालबालिकालाई आज र भोलि देशैभर भिटामिन ‘ए’ क्याप्सुल खुवाउँदै छ ।
स्वास्थ्य तथा जनसंख्या मन्त्रालयले सो उमेर समूहका बालबालिकालाई रोगहरूबाट जोगाउन भिटामिन ‘ए’ क्याप्सुल खुवाउनुका साथै नियमित खोप लगाउन छुटेकाहरूलाई नजिकैको स्वास्थ्य केन्द्रमा गएर खोप लगाउन आग्रह गरेको छ । मन्त्रालयका अनुसार भिटामिन ‘ए’ क्याप्सुल ६ महिनादेखि ५९ महिनासम्मका बालबालिका तथा जुकाको औषधि एक देखि पाँच वर्षसम्मका बालबालिकालाई खुवाइने छ ।
भिटामिन ‘ए’ करिब ३२ लाख बालबालिका र जुकाको औषधि करिब २९ लाख बालबालिकालाई खुवाइने मन्त्रालयले जनाएको छ । सरकारले बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरणका लागि २०५० सालदेखि भिटामिन ‘ए’ क्याप्सुल र २०५६ सालदेखि जुकाको औषधि नियमित रुपमा खुवाउन थालेको हो ।
राष्ट्रिय भिटामिन ‘ए’ कार्यक्रमका लागि ५२ हजार महिला स्वास्थ्य स्वयंसेविका र १० हजार स्वास्थ्यकर्मी खटिने मन्त्रालयले जनाएको छ । सरकारले प्रत्येक वर्ष बालबालिकालाई वैशाख र कात्तिक महिनामा भिटामिन ‘ए’ र जुकाको औषधि निःशुल्क रुपमा खुवाउँदै आएको छ ।
Banner
आज विदेशी मुद्राको विनिमय दर कति ?
नेपाल राष्ट्र बैंकले बिहीबारका लागि विदेशी मुद्राको विनिमय दर निर्धारण गरेको छ ।
Banner
साविक विजेता सिटीलाई हराउँदै रियल पुग्यो सेमिफाइनलमा
साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login