कोशी प्रदेश
सामाजिक विकास मन्त्री बुद्धिकुमार राजभण्डारीसँग ६ दिन घुम्दा
विराटचोकः प्रदेश १ का सामाजिक विकास मन्त्री बुद्धिकुमार राजभण्डारीले मन्त्रालयको जिम्मेवारी सम्हालेपछि उनी गृह जिल्लाका औपचारिक तथा अनौपचारिक कार्यक्रममा सहभागी भएका छन् । त्यस क्रममा उनी गृह जिल्ला सोलुखुम्बुका साथै उदयपुर र ओखलढुङ्गाका विभिन्न कार्यक्रममा सहभागी भएका हुन् ।
माघ १० गते मङ्गलबार
गृह जिल्ला जाने क्रममा मन्त्री राजभण्डारीले उदयपुरको चौदण्डीगढी र घुर्मी तथा ओखलढुङ्गाको हर्कपुर र जिल्ला सदरमुकाम ओखलढुङ्गामा भएका कार्यक्रममा उनी सहभागी भए ।
चौदण्डीगढी, घुर्मी र हर्कपुरमा एकएक वटा कार्यक्रममा सहभागी भए पनि ओखलढुङ्गाको सदरमुकाममा उनले ४ वटा कार्यक्रममा सहभागिता जनाए ।
नेकपा एमाले ओखलढुङ्गा र निजामती कर्मचारी सङ्गठन ओखलढुङ्गाले गरेका फरकफरक कार्यक्रममा सहभागी भएर उनले सुझाव लिनुका साथै आवश्यक निर्देशन दिएका थिए । स्रष्टा पार्कमा राजभण्डारी समाजद्वारा आयोजित कार्यक्रममा उनलाई सम्मान पनि गरिएको थियो ।
स्रष्टा पार्कको आडैमा रहेको पुरानो छात्रावासको लागि आवश्यक पूर्वाधार निर्माण गर्न विभागीय मन्त्रीसँग माग गरिएको थियो ।
माघ ११ गते बुधबार
बिहान ८ बजे नेकपा एमाले सोलुखुम्बुले आयोजना गरेको कार्यक्रममा राजभण्डारी सहभागी भए । गृह जिल्लाको पार्टी कमिटीले आयोजना गरेको सो कार्यक्रममा उनलाई बधाई दिन सयौँको सङ्ख्यामा कार्यकर्ता उपस्थित भएका थिए ।
कार्यक्रममा उनले म होइन हामी भन्ने भावनाका साथ अघि बढेमा पार्टीको सुदृढीकरण हुने उनले बताए । आफूलाई सोलुखुम्बुका मतदाताले जिताएका भए पनि पार्टीले प्रदेशको मन्त्री बनाएकाले सोलुखुम्बुको मात्रै नभएर प्रदेशभर आफू व्यस्त रहनुपर्ने बाध्यता बुझिदिन उनले अनुरोध गरे ।
दिउँसो आफ्नो निवास रहेको सोलु दूधकुण्ड नगरपालिकाको वडा नम्बर ६ को कार्यालय भवन उनले उद्घाटन गरे । गृह जिल्लामा सरकारी निकायले गरेको पहिलो औपचारिक कार्यक्रमको समापनपछि उनी छलफल र भेटघाटमै व्यस्त रहे ।
माघ १२ गते बुधबार
जिल्लाको पूर्वी क्षेत्रमा पर्ने र विकट गाउँ भनिर चिनिने महाकुलुङको वडा नम्बर ४ मा रहेको गुदेल माविको हीरक महोत्सवको उद्घाटन गर्ने कार्यका लागि बिहान ५ बजे नै उनी तयार भए । सदरमुकामबाट पहिले २ दिनको पैदलयात्रापछि पुगिने सो स्थान अहिले कच्ची सडकले जोडिएको रहेछ ।
यात्राको क्रममा बाटोमा पर्ने सोताङ गाउँपालिकाको वडा नम्बर १ मा रहेको हुलु माध्यमिक विद्यालयको सरस्वती पूजामा सहभागी भएका मन्त्री राजभण्डारीलाई प्रधानाध्यापक टेकबहादुर राईले विद्यालयको लागि भवन बनाउन बजेट विनियोजन गर्न माग गरे । तर, मन्त्री राजभण्डारीले बजेट दिन नसकिने बताए ।
पहिले बनाएको भवन नै विद्यालयले प्रयोगमा नल्याएको हुनाले तत्काल बजेट दिन नसकिने उनको भनाइ थियो ।
बाटोमा पर्ने सोताङ गाउँपालिकाको वडा नम्बर ४ को कार्यालयमा आयोजित भेटघाट कार्यक्रममा सरिक भएपछि राजभण्डारी महाकुलुङ गाउँपालिकाको वडा नम्बर ५ मा रहेको गुँदेल मावि पुगे ।
विकटताको हिसाबले सोलुको कर्णाली भनेर चिनिने महाकुलुङको गुँदेलमा रहेको सो माविद्वारा आयोजित हीरक महोत्सवलाई उनले सम्बोधन गरे ।
आफूले पहल गरेर सो विद्यालयमा २०५४ सालमा माविको दरबन्दी ल्याउन सफल भएको उनले बताए । सामाजिक विकासमन्त्री भएपछि जनचाहनाअनुसार काम गर्नुपर्ने र प्रदेशमा प्रतिपक्षमा रहेको कांग्रेसलगायतका दलसँग सहकार्य गरेर विकास गर्नुपर्ने आवश्यकता रहेको उनले बताए । कर्मचारीतन्त्रले गाँजेको मुलुक भएको हुनाले सरकारका निर्णय कार्यान्वयन गराउन गाह्रो हुने गरेको उनले बताए ।
महाकुलुङबाट भोजपुर जोड्ने सडक भोजपुर र सोलुखुम्बु दुवैतिरबाट ट्रयाक खोल्न शुरु गर्नुपर्ने आफ्नो राय रहेको उनले बताए । सल्लेरी– महाकुलुङ, सल्लेरी–नेचा सल्यान, सल्लेरी–लिखु पिके लगायतका सडकलाई पहिलो प्राथमिकता दिनुपर्ने र सोलुखुम्बुमा कालोपत्रेभन्दा पहिले ट्रयाक खोल्ने र ट्रयाक खोलिएका सडकको स्तरोन्नतिमा ध्यान दिनुपर्नेमा उनले जोड दिए ।
महाकुलुङ र गुँदेललाई जोड्न हुङ्गा खोलमा मोटरेबल पुल र टेलिकमको टावर निर्माणलाई आफूले प्राथमिकतामा राखेको उनले जानकारी दिए । स्थानीयका समस्या नसुन्ने हाइड्रोपावरको विरुद्धमा लाग्नुपर्ने बताउँदै विगतमा भन्दा आगामी वर्षमा सोलुखुम्बुको शिक्षा क्षेत्रमा धेरै बजेट विनियोजन गर्ने उनले प्रतिबद्धता व्यक्त गरे ।
माघ १३ गते
सदरमुकाम फर्कने क्रममा अघिल्लो दिनको बाटो नफर्किई छेस्कामतर्फको बाटो फर्कने सल्लाहअनुसार बिहान ६ बजे गुँदेलबाट भ्रमण टोली छेस्कामतर्फ लाग्यो । छेस्काममा पार्टी कार्यकर्तासँगको भेटको क्रममा उनले भुवा खोलामा मोटरेबल पुल बनाउन पहल गर्ने आश्वासन दिए ।
त्यसपछि मध्य होङ्गु खोला हाइड्रोपावरका व्यवस्थापक गोपाल आचार्य र प्रकाशकुमार अधिकारीले मन्त्री र स्थानीयवासीसँग भेट गरे । बाटोमा मन्त्रीको गाडी देखेपछि उनीहरुले मन्त्रीलाई भेट्न चाहेका रहेछन् ।
बुङमा पार्टीले आयोजना गरेको छोटो भेटघाट कार्यक्रममा मन्त्री राजभण्डारीले वडाको पर्यटकीय क्षेत्रसम्म पुग्ने बाटोको ट्रयाक खोल्ने र आवश्यकताअनुसार झोलुङ्गे पुल निर्माणमा आफूले ध्यान दिने आश्वासन दिए । भल र ढलको व्यवस्थापन, शनिबार हटियाको व्यवस्थापन, शिशु स्याहार केन्द्रको व्यवस्थापनमा लाग्ने उनको भनाइ थियो ।
त्यसपछि महाकुलुङ गाउँपालिकाको कार्यालय बुङमा गाउँपालिकाका कर्मचारीद्वारा आयोजित कार्यक्रममा मन्त्री राजभण्डारीले ऊर्जावान कर्मचारी भएमा देश विकासमा सहयोग पुग्ने बताए । अधिकांश कर्मचारी ३० वर्षभन्दा कम उमेरका देखेपछि उनले कर्मचारीको मनोबल बढाउन ऊर्जावान्को संज्ञा दिएका थिए ।
त्यसपछि सोताङ गाउँपालिकाको कार्यालयमा आयोजित कार्यक्रममा गाउँपालिका अध्यक्ष खिलराज बस्नेतले गाउँपालिकामा संघीय र प्रदेश सरकारका योजना पार्न मन्त्री राजभण्डारीको ध्यानाकर्षण गराएका थिए ।
त्यसपछि नेकपा एमाले सोताङ गाउँ कमिटीले आयोजना गरेको भेटघाट तथा बधाई कार्यक्रममा सरिक भएका राजभण्डारीले अहम्ताका कारण पार्टीलाई घाटा पुग्ने बताए । गत स्थानीय तहको निर्वाचनमा देखिएको अहमताकै कारण सोताङ गाउँपालिकाको अध्यक्ष पदमा एमालेले हार बेहोर्नुपरेको उनले बताए । पार्टी सुदृढीकरणमा लाग्न उनले उपस्थित नेता, कार्यकर्तालाई निर्देशन दिएका थिए ।
साँझमा सोलु दूधकुण्डमा आयोजित कार्यक्रममा विभिन्न मितिमा जिल्लामा भएका आगलागीपीडितलाई प्रदेश सरकारले उपलब्ध गराएको राहत वितरणमा उनी सहभागी भए । राहत लिन सदरमुकाम आउन तयार भएका आगलागीपीडित महाकुलुङ ३ छेस्कामका आगलागीपीडित कृपा बिकलाई उनले आफ्नै सवारी साधनमा लिएर आएका थिए ।
माघ १४ गते
बिहान पैदलै सल्लेरी बजारको भ्रमण गर्नुपूर्व मन्त्री राजभण्डारीले योङ स्टार क्लबको बारेमा सञ्चारकर्मीलाई जानकारी दिए । त्यसपछि पैदलै उनी अध्यक्ष रहेको एभरेष्ट कलेजको बैठकमा सहभागी भए । बैठकपछि पैदलै शनिबारे हटियाका साथै बजारको निरीक्षणमा निस्किएका उनी दिउँसो पनि भेटघाट र छलफलमै व्यस्त रहे ।
उनी संस्थापक सदस्य रहेको योङ स्टार क्लबले आयोजना गरेको कार्यक्रममा दिउँसो सहभागी भएका उनलाई क्लबले सम्मान गरेको थियो । सो क्लबले विभिन्न सामाजिक क्षेत्रमा काम गरेकाले जिल्लाको मात्रै नभएर प्रदेशकै प्रख्यात क्लबका रुपमा परिचित छ ।
बेलुका ४ बजे जिल्ला समन्वय समितिमा आयोजित कार्यक्रममा उनले जिल्लाका विभिन्न सरकारी कार्यालयका प्रमुखसँग अन्तरक्रिया गरे । सरकारी कार्यालयका गुनासा र सुझावलाई सुन्ने र आवश्यक सल्लाह दिने काम उनले गरे ।
सवारी साधन टाटा सुमोमा रहेका छत हटाउनुपर्ने भनी ट्राफिक प्रहरीले व्यवसायीलाई जानकारी गराएपछि सुमो व्यवसायीले माघ १५ गते सवारी साधन बन्दको घोषणा गरेका थिए । सो बन्द खुलाउन १४ गते सम्बन्धित निकायसँग मन्त्री राजभण्डारीले फोनवार्ता गरेका थिए । चाँडो समस्याको समाधान निकाल्न उनले आग्रह गरेका थिए ।
माघ १५ गते
५ दिनसम्मका औपचारिक अनौपचारिक कार्यक्रम सकेर १५ गते बिहान ६ बजे मन्त्री राजभण्डारी विराटनगरतर्फ प्रस्थान गरे । सुमो व्यवसायीले आह्वान गरेको यातायात बन्दका कारण सोलुखुम्बु सदरमुकाम सल्लेरीबाट लामो दूरीका यातायातका साधन चलेका थिएनन् । बाटामा अलपत्र परेका अत्यावश्यक काम परेका यात्रुहरुलाई विराटनगर जाने सरकारी कार्यालयका सवारी साधनमा जाने वातावरण मिलाउन आग्रह गर्नुका साथै चाँडो वार्ता गरी समस्याको समाधान गर्न उनले फोनमा जानकारी गराइरहेका थिए । मन्त्रीको बारम्बारको ताकेतापछि तत्कालका लागि छत हटाउने निर्णयबाट ट्राफिक प्रहरी पछि हटेपछि दिउँसोदेखि यातायातका साधन सुचारु भएका थिए ।
फर्कने क्रममा पनि मन्त्री राजभण्डारी ओखलढुङ्गा र उदयपुरका केही कार्यक्रममा सहभागी भएका थिए ।
Facebook Comment
Banner
नोबेलको स्वास्थ्य शिविरमा भोजपुर र धनकुटाका तीन हजार ५२८ जनाको निःशुल्क स्वास्थ्य परीक्षण
विराटनगरस्थित नोवेल मेडिकल कलेज टिचिङ्ग हस्पिटलले भोजपुर जिल्लाको षडानन्द नगरपालिकाको दिङ्ला बजार, धनकुटा जिल्लाको पाख्रीबास नगरपालिकाको उत्तरपानी र धनकुटाकै चौविसे गाउँपालिकाको बुधबारेमा निःशुल्क स्वास्थ्य शिविर संचालन गरको छ । उक्त शिविरमा ३ हजार ५२८ जना विरामीको निःशुल्क स्वास्थ्य परीक्षण तथा उपचार भएको हो ।
संघीय सांसद एवं अस्पतालका सञ्चालक डा. सुनिल कुमार शर्माको विशेष सहयोगमा तथा भोजपुर जिल्लाको प्रदेश सभा सांसद विनोद वान्तावाको समन्वयमा ष शिविर आयोजना गरिएको थियो । यसैगरी शिविर षडानन्द नगरपालिकाको आयोजना र अरुण गाउँपालिका, सल्पासिलिछो गाउँपालिकाको सहयोगमा दिङ्ला बजारथित गान्धी अस्पतालमा नोवेल मेडिकल कलेज टिचिङ्ग हस्पिटलको आयोजना गरिएको थियो ।
विशेषज्ञ चिकित्सक सहितको चिकित्सा टोलीले मिति २०८१ बैशाख १३ गते बृहत निःशुल्क स्वास्थ्य शिविर संचालन भएको थियो । उक्त शिविरमा १ हजार ७८३ जना विरामीको निःशुल्क स्वास्थ्य परीक्षण र उपचार भएको छ । उक्त शिविरमा जाँच गराएका मध्ये १३४ जना विपन्न विरामीहरुको थप उपचारको लागि नोवेल मेडिकल कलेज टिचिङ्ग हस्पिटल र काठमाडौं मेडिकल कलेजमा निःशुल्क उपचार हुनेछ । उनीहरुले प्राप्त गर्ने निःशुल्क स्वास्थ्य उपचारमा शल्यक्रिया समेत निःशुल्क हुने जनसम्पर्क अधिकृत नविन दाहालले बताए ।
त्यस्तै मिति २०८१ बैशाख १४ र १५ गते धनकुटा जिल्ला पाख्रीबास नगरपालिका स्थीत उत्तरपानीमा पाख्रीबास नगरपालिकाको आयोजनामा सम्पन्न निःशुल्क स्वास्थ्य शिविरमा ८७५ जना विरामी लाभान्वित भएका छन् ।
मिति २०८१ बैशाख १६ गते धनकुटा कै चौबिसे गाउँपालिका बुधबारेमा चौबिसे गाउँपालिकाको आयोजनामा एक दिवसीय बृहत निःशुल्क स्वास्थ्य शिविर सम्पन्न भएको छ । उक्त अवसरमा ८७० जना विरामीको स्वास्थ्य परीक्षण तथा उपचार भएको थियो । जनसम्पर्क अधिकृत नविन दाहालका अनुसार निःशुल्क स्वास्थ्य शिविरमा जाँच गराएर थप उपचारका लागि रिफर भएका विरामीहरुको नोवेल मेडिकल कलेज टिचिङ्ग हस्पिटलमा सहुलियतमा उपचार हुने छ ।
डा.सुनिल शर्माको नेतृत्वमा पूर्वी नेपाल साथै सुदुरपश्चिम र कर्णाली प्रदेशका विभिन्न स्थानहरुमा बृहत निःशुल्क स्वास्थ्य शिविरहरुको आयोजना हुँदै आएको छ । उक्त शिविरहरुबाट हजारौं विरामीहरु लाभान्वित भई सकेका छन् भने शिविरबाट थप उपचारका लागि रिफर भएका असक्त असाहय विरामीहरुको नोवेल मेडिकल कलेज टिचिङ्ग हस्पिटल र काठमाडौं मेडिकल कलेजमा निःशुल्क उपचार समेत हुँदै आएको छ ।
Banner
बाबुराम भट्टराई भन्छन् : ‘प्रचण्ड पानीमा भिजेको बिरालो जस्तो हुनुहुन्थ्यो, चुनाव जितेपछि शेर बनेर गर्जिन थाल्नुभयो ।’
बाबुराम भट्टराई भन्छन् : ‘प्रचण्ड पानीमा भिजेको बिरालो जस्तो हुनुहुन्थ्यो, चुनाव जितेपछि शेर बनेर गर्जिन थाल्नुभयो ।’
Banner
च्याम्पियन्स लिगको दोस्रो सेमिफाइनलमा डर्टमन्डको अग्रता
यूईएफए च्याम्पियन्स लिग फुटबलको दोस्रो सेमिफाइनलको पहिलो लेगमा बोरुसिया डर्टमन्डले पेरिस सेन्ट जर्मेइन (पीएसजी) लाई हराएको छ । घरेलु मैदान सिग्नल इदुना पार्कमा गएराति भएको खेलमा डर्टमन्डले पीएसजीलाई १–० ले हराएको हो । डर्टमन्डका निकलास फुलक्रुगले खेलको ३६ औँ मिनेटमा गोल गरे । दोस्रो लेग अर्को हप्ता पिएसजीको घरेलु मैदानमा हुनेछ ।
यस लेगको विजेताले उपाधिका लागि रियल म्याड्रिड र बायर्न म्युनिख बीचको सेमीफाइनल विजेतासँग खेल्नेछ । यी दुई टोली बीचको पहिलो लेग २–२ को बराबरीमा सकिएको थियो । च्याम्पियन्स लिगको फाइनल खेल आउँदो जुन २ तारिखमा बेलायतको वेम्ब्ले स्टेडियममा हुनेछ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login